დღე: მაისი 17, 2023

პატიმრობაში მყოფი მესამე პრეზიდენტი მიხეილ სააკაშვილი პარლამენტში დღეს მომხდარ ფაქტთან დაკავშირებით სოციალურ ქსელში წერს. „ნებისმიერი თანამშრომლობა პარლამენტში თუ მის გარეთ უკვე ღიად პროოკუპაციურ რეჟიმთან არის ანტიეროვნული აქტი”, – წერს სააკაშვილი. საუბარია  პლენარულ სხდომაზე კენჭისყრაზე, როცა იუსტიციის უმაღლეს საბჭოში არსებული 5 არამოსამართლე წევრის ვაკანსიიდან სამი ვაკანსია შეივსო. ოპოზიციამ მათ მხარი არ დაუჭირა, თუმცა, ოპოზიციის სამმა წევრმა თით მწვანე ღილაკზე დააჭირა. მმართველი გუნდის მხარდაჭერის გამო, სამმა დეპუტატმა „ფრაქცია ნაციონალური მოძრაობა“ დატოვა

ნიკა მაჭუტაძე, ნატო ჩხეიძე და  როსტომ ჩხეიძე ფრაქცია „ნაციონალური მოძრაობაში“ არ ირიცხება. დეპუტატებმა ფრაქცია დღეს მომხდარი ფაქტის გამო დატოვეს. როგორც მაჭუტაძემ განმარტა, აღნიშნული გადაწყვეტილების მიზეზი არის ის „გაუგებრობა“, რომელიც იუსტიციის უმაღლესი საბჭოს წევრებისთვის ხმის მიცემას უკავშირდება, კერძოდ, აღნიშნულმა სამმა დეპუტატმა მათ მხარი დაუჭირეს. როგორც მაჭუტაძემ განმარტა,  არ იყვნენ ინფორმირებული ოპოზიციაში არსებული გადაწყვეტილების შესახებ, რომ წარმოდგენილი კანდიდატურებისთვის მხარი არ უნდა დაეჭირათ. „საუბრები, რომ ლაპარაკია გარიგებაზე, ეს არის უსინდისო ტყუილი. როსტომ და ნატო ჩხეიძეები, ნიკა მაჭუტაძე არავის არ გარიგებიან. ჩვენ არ გვქონია კომუნიკაცია „ქართულ ოცნებასთან“, არ გვქონია არცერთი შეხვედრა და სატელეფონო ზარი…

საქართველოს პროკურატურამ უცხო ქვეყნის ტერორისტულ ორგანიზაციაში გაერთიანებისა და ტერორისტულ საქმიანობაში დახმარების, ცეცხლსასროლი იარაღის, საბრძოლო მასალის და ასაფეთქებელი მოწყობილობების მართლსაწინააღმდეგო შეძენა-შენახვის ფაქტებზე შვიდ პირს ბრალდება წარუდგინა. სახელმწიფო უსაფრთხოების სამსახურის მიერ ჩატარებული გამოძიების შედეგად დადგინდა, რომ უცხო ქვეყნის და საქართველოს მოქალაქეები ტერორისტულ ორგანიზაცია „ისლამურ სახელმწიფოში“ გაერთიანდნენ და მისი ერთ-ერთი ლიდერის მეთაურობით სხვადასხვა ქვეყნებში ტერორისტულ აქტივობებს გეგმავდნენ, ასევე, ბრალდებულები ტერორისტულ საქმიანობაში სხვა პირების ჩართვას აქტიურად ცდილობდნენ. ჩატარებული საგამოძიებო მოქმედებების შედეგად, სხვადასხვა მტკიცებულებებთან ერთად, მოპოვებული და ამოღებულია ტერორისტული ორგანიზაციის სიმბოლიკა, ელექტრონული ინფორმაცია, ცეცხლსასროლი იარაღები, საბრძოლო მასალა და ასაფეთქებელი მოწყობილობები. აღნიშნულ პირებს ბრალდება წარედგინათ საქართველოს სსკ-ის…

პარლამენტის თავმჯდომარის განცხადებით, საქართველო არ აპირებს სანქციებს გვერდი აუაროს. როგორც შალვა პაპუაშვილი განმარტავს, საქართველოს ტერიტორიაზე სანქცირებული ფრენები ვერ შესრულდება. „ხელისუფლება სრულად იცავს საერთაშორისო სანქციებს, რომლებიც დაწესებულია რუსეთის წინააღმდეგ, უზრუნველვყოფთ, არ მოხდეს სანქციებისთვის გვერდის ავლა საქართველოს ტერიტორიების გამოყენებით. ფრენები რომ არ ყოფილიყო შეწყვეტილი, როგორც სახმელეთო მიმოსვლა არ შეწყდა, ვიზა არ დაწესდა, ასევე თავის დროზე არ შეწყდებოდა საქართველოს მხრიდან ფრენები. ეს საკითხი დაბლოკილი იყო რუსეთის მხრიდან. ახლა მან მოხსნა სანქცია და საქართველოს ხელისუფლება არ აპირებს, დაბლოკოს საკუთარი მოქალაქეები“, – განაცხადა პარლამენტის თავმჯდომარემ.    

„სახეზეა ინსტიტუტების ჩამოშლის მცდელობა“ – აცხადებს ნაციონალური მოძრაობის წევრი, დეპუტატი თინა ბოკუჩავა პრეზიდენტის ადმინისტრაციის განცხადების შემდეგ. როგორც ადმინისტრაციაში აცხადებენ, საქართველომ რუსეთთან პირდაპირ ფრენაზე თანხმობა ერთ დღეში გასცა მაშინ, როცა პრეზიდენტის ბრიუსელში ვიზიტზე თანხმობა ამ დრომდე არ არსებობს. „წარსულშიც ჰქონდა ადგილი პრეზიდენტის საერთაშორისო ვიზიტების შეფერხებას. ეს არის მიზანმიმართული მცდელობა, რომ არ მისცენ პრეზიდენტს შესაძლებლობა განახორციელოს უფლებამოსილება საგარეო პოლიტიკის მიმართულებით, რაც მისი მნიშვნელოვანი კონსტიტუციური ფუნქციაა. ეს ბუნებრივია, ემსახურება ინსტიტუციების ჩამოშლას და ხელის შეშლას, რომ აქტორებმა, რომლებიც ცდილობენ ქვეყანა მიიყვანონ სტატუსამდე და შემდეგ ევროკავშირის წევრობამდე, ვერ განახორციელონ საკუთარი უფლებამოსილება“ – აცხადებს ბოკუჩავა. მისი თქმით,…

საქართველოს მთავრობას პრეზიდენტისთვის, ბრიუსელში ვიზიტთან დაკავშირებით თანხმობა ამ დრომდე არ მიუცია. ამის შესახებ ინფორმაციას პრეზიდენტის ადმინისტრაცია ავრცელებს. ,,15 მაისს ძალში შევიდა პუტინის განკარგულება პირდაპირი ფრენების აღდგენის შესახებ. 15 მაისსვე საქართველოს მთავრობამ დაუყოვნებლივ გასცა თანხმობა.  27 აპრილს მთავრობამ მიიღო მიმართვა 31 მაისს პრეზიდენტის ბრიუსელში ვიზიტთან დაკავშირებით. საქართველოს მთავრობას ამ დრომდე თანხმობა არ გაუცია,” – ნათქვამია  პრეზიდენტის ადმინისტრაციის განცხადებაში.

,,ერთად ყოფნით შეგვიძლია მშვიდობისა და სტაბილურობის მიზნის მიღწევა ევროპის  კონტინენტზე,” – ამის შესახებ საქართველოს პრემიერ-მინისტრი ირაკლი ღარიბაშვილი „ტვიტერზე“ წერს. მისი თქმით, ევროსაბჭოს სამიტის ფარგლებში ორგანიზებულ გენერალურ დებატებზე  დაადასტურა საქართველოს ერთგულება დემოკრატიის ფუნდამენტური პრინციპების დაცვისა და საქართველოს ევროპული მისწრაფებებისადმი. ,,ევროპელ ლიდერებთან ერთად მივიღე მონაწილეობა ევროსაბჭოს სამიტის ფარგლებში ორგანიზებულ გენერალურ დებატებში თემაზე: “ვერთიანდებით ევროპისთვის”. კვლავ დავადასტურე საქართველოს ერთგულება დემოკრატიის ფუნდამენტური პრინციპების დაცვისა და საქართველოს ევროპული მისწრაფებებისადმი. ერთად ყოფნით შეგვიძლია მშვიდობისა და სტაბილურობის მიზნის მიღწევა ევროპის  კონტინენტზე“, – აღნიშნავს პრემიერ-მინისტრი.

ოპოზიციონერი დეპუტატი, ბაჩუკი ქარდავა ადასტურებს, რომ იუსტიციის საბჭოს წევრობის რამდენიმე კანდიდატს ხმა მისცა. მისივე თქმით, ვისაც ხმა მისცა, არ არიან „ქართული ოცნების“ კანდიდატები. „ევრორეკომენდაციებიდან გამომდინარე, აქტიურად მქონდა სურვილი, რომ ოპოზიცია ზოგადად ჩართული ყოფილიყო ამ პროცესში, მაგრამ ისევ და ისევ „ქართული ოცნების“ არასწორმა პოლიტიკამ და მოლაპარაკების არასწორმა წარმოებამ განაპირობა ის, რომ დღეს ასეთ სიტუაციაში აღმოჩნდა ოპოზიცია, ზოგადად ქვეყანა. ვიღაცას შეიძლება, მივეცი ხმა, ვიღაცას – არა. იდეაში ვფიქრობდი, მიმეცა საერთოდ ყველასთვის, მაგრამ მას შემდეგ, რაც დარბაზში გაირკვა, რომ ცოტა გაუგებრობა იყო, შევწყვიტე ხმის მიცემა. მას შემდეგ, რაც დატოვეს დარბაზი, მეც დავტოვე დარბაზი.…

ოპოზიციონერი დეპუტატი, ხატია დეკანოიძე საქართველოს ყოფილი პრემიერ-მინისტრის, გიორგი გახარიას განცხადებას ეხმიანება. მისი თქმით, გახარიას ეთანხმება, რომ კომპრომისი არის დემოკრატია. ,,არ ვიცი მე გიორგი რას გულისხმობდა, მაგრამ მე შემიძლია მას დავეთანხმო იმაში, რომ რა თქმა უნდა, კომპრომისი არის დემოკრატია და პოლიტიკაც და დემოკრატიაც არის კომპრომისი და მე მინდა ისეთ ქვეყანაში ცხოვრება, სადაც მიუხედავად განსხვავებული აზრისა, ჩვენ გვექნება საშუალება, რომ ერთმანეთში ვისაუბროთ. მე მინდა ისეთ ქვეყანაში ცხოვრება, სადაც “ნაცი” და “ქოცი”, ბოდიში ამ სიტყვებისთვის მე არ მახასიათებს ასეთი სიტყვები, მაგრამ არ არსებობენ და ყველა ჩვენი მოსაზრებით, ვართ დემოკრატიულ პროცესებში ჩართული” – განუცხადა…

„ქართული ოცნების“ თავმჯდომარე, ირაკლი კობახიძე აცხადებს, რომ ოპოზიციიდან იმ დეპუტატებმა, რომლებმაც მხარი დაუჭირეს იუსტიციის საბჭოს წევრების არჩევას, გარიგებული არიან არა ვინმესთან, არამედ კანდიდატის სტატუსთან. მისივე თქმით, აღნიშნულმა დეპუტატებმა ძალიან პრინციპული პოზიცია დააფიქსირეს იმასთან დაკავშირებით, რომ ქვეყნისთვის კანდიდატის სტატუსის მიღება სურთ. ,,დღეს კიდევ ერთხელ გამოჩნდა ვის სურს კანდიდატის სტატუსის მიღება ჩვენი ქვეყნისთვის და ვინ მუშაობს ამის წინააღმდეგ, დღევანდელი კენჭისყრაც იყო, რა თქმა უნდა, ამის ტესტი. ჩვენ მოხარული ვართ, რომ უკვე აირჩა 3 წევრი იუსტიციის უმაღლეს საბჭოში, მათ დააგროვეს 90-ზე მეტი ხმა. ჩვენ გვქონდა მსგავსი ტიპის მოცემულობა სახალხო დამცველის არჩევის დროს და…

„მოქალაქეების“ ლიდერი ალეკო ელისაშვილი აცხადებს, რომ იუსტიციის უმაღლესი საბჭოს წევრობის კანდიდატებისთვის მხარი არ დაუჭერია. მისი თქმით, პარლამენტში ”დიდი ბასტიბუბუ ხდება”. ,,დიდი ბასტიბუბუ ხდება პარლამენტში. რამდენიმე ოპოზიციონერმა ჩუმად დააჭირა ხელი ოცნების სასარგებლო რამდენიმე კანდიდატს, იუსტიციის უმაღლესი საბჭოს წევრობის და მერე დარბაზიდან გავიდა. მე და ქეთი თურაზაშვილს არც არავისთვის დაგვიჭერია მხარი და არც დარბაზიდან გავსულვართ. მიდის ეხლა გარკვევა ვინ დააჭირა და ვინ არა. ან დაჭერა რა იყო, ან დარბაზიდან გავარდნა. ბასტიბუბუა მართლა,”- განაცხადა ელისაშვილმა. პარლამენტმა იუსტიციის საბჭოს სამი არამოსამართლე წევრი აირჩია – ოპოზიციის ნაწილმა დარბაზი დატოვა

,,ჩვენი მთავრობა, რაც ხელისუფლებაში იმყოფება, ყველაფერს აკეთებს იმისათვის, რომ უწყვეტი მშვიდობა არსებობდეს ქვეყანაში,”-  ამის შესახებ საქართველოს პრემიერ-მინისტრმა ირაკლი ღარიბაშვილმა ევროპის საბჭოს სახელმწიფოებისა და მთავრობების მეთაურების სამიტის ფარგლებში გამართულ გენერალურ დებატებზე სიტყვით გამოსვლისას განაცხადა. მისი  თქმით, ხელისუფლება ყველაფერს აკეთებს იმისათვის, რომ უწყვეტი მშვიდობა არსებობდეს ქვეყანაში. ,,ჩვენ კარგად ვიცით ქართველებმა, რა ფასი აქვს ომს და რა ფასი აქვს მშვიდობას. მას შემდეგ, რაც დავიბრუნეთ დამოუკიდებლობა და რამდენიმე ომი გავიარეთ, ჩვენ ვაცნობიერებთ რა შედეგი მოაქვს ომს და ამიტომ, მეტად ვაფასებთ მშვიდობას. ჩვენი მთავრობა, რაც ხელისუფლებაში იმყოფება, ყველაფერს აკეთებს იმისათვის, რომ უწყვეტი მშვიდობა არსებობდეს ქვეყანაში. დღევანდელი სამყარო იცვლება, წესრიგი იცვლება, და ამ სირთულეებიდან გამოსავალს მარტო ვერცერთი ქვეყანა…

,,ჩვენ კარგად ვიცით ქართველებმა, რა ფასი აქვს ომს და რა ფასი აქვს მშვიდობას, – ამის შესახებ საქართველოს პრემიერ-მინისტრმა ირაკლი ღარიბაშვილმა ევროპის საბჭოს სახელმწიფოებისა და მთავრობების მეთაურების სამიტის ფარგლებში გამართულ გენერალურ დებატებზე სიტყვით გამოსვლისას განაცხადა. როგორც პრემიერმა აღნიშნა, ხელისუფლება ყველაფერს აკეთებს იმისათვის, რომ უწყვეტი მშვიდობა არსებობდეს ქვეყანაში. „ჩვენ ერთგულნი ვართ ადამიანის უფლებების, დემოკრატიის ფუძემდებლური უფლებების. დღეს ჩვენ ევროპაში ერთ-ერთი ყველაზე მნიშვნელოვანი გამოწვევის წინაშე ვიმყოფებით, რომელიც გულისხმობს უკრაინაში რუსეთის აგრესიას, რომელიც არღვევს გაეროს, ჰელსინკის და სხვა დეკლარაციებს. საქართველო მტკიცედ უჭერს მხარს უკრაინის ტერიტორიულ მთლიანობას და სუვერენიტეტს და ჩვენ კარგად გვახსოვს, ის სრულმასშტაბიანი…

,,ოპოზიციის რამდენიმე წარმომადგენელი გაიყიდა და დახურულ კარს მიღმა ფარულად გაურიგდა “ქართულ ოცნებას”, რომ იუსტიციის უმაღლეს საბჭოში შეეყვანათ ადამიანები “კლანის” მფარველობისთვის,”- ამის შესახებ “ლელოს” წევრმა  ანა ნაცვლიშვილმა, იუსტიციის უმაღლესი საბჭოს 3 არამოსამართლე წევრის არჩევის შემდეგ განაცხადა. მისი თქმით, “ქართულმა ოცნებამ” არ მოისურვა პოლიტიკური კონსენსუსი, მათ მოისურვეს დახურულ კარს მიღმა გარიგება რამდენიმე ოპოზიციონერთან”. ,,იუსტიციის უმაღლესი საბჭოს წევრების არჩევის საკითხი არის ერთ – ერთი ყველაზე მთავარი რეკომენდაციების შესრულების ნაწილში და ის მოითხოვს კონსენსუსს, სხვა შემთხვევაში, ის შესრულებულად არ ჩაითვლება. ჩვენ ვთავაზობდით ღია მოლაპარაკებებს და პოლიტიკურ კონსენსუსს, “ქართულმა ოცნებამ” არ მოისურვა პოლიტიკური კონსენსუსი, მათ…

პარლამენტმა იუსტიციის უმაღლესი საბჭოს სამი არამოსამართლე წევრი აირჩია. პლენარულ სხდომაზე კენჭისყრის შედეგად, აირჩიეს – ტრისტან ბენაშვილი, გიორგი გზობავა და ზურაბ გურასპაშვილი. კენჭისყრა ფარული იყო და ხმები ასე გადანაწილდა – ტრისტან ბენაშვილმა 93 მომხრე – არცერთი წინააღმდეგი, გიორგი გზობავამ 91 მომხრე, არცერთი წინააღმდეგი და ზურაბ გურასპაშვილმა 93 მომხრე არცერთი წინააღმდეგი. კანდიდატებს ოპოზიციონერი დეპუტატების მხარდაჭერაც ჰქონდათ., რასაც  ოპოზიციის დიდი ნაწილის პროტესტი მოჰყვა. ოპოზიციის ნაწილმა კენჭისყრის დროს დარბაზი დატოვა, რის გამოც კენჭისყრები შეწყდა. საერთო ჯამში კენჭი უნდა ეყაროს 29 კანდიდატურას. იუსტიციის უმაღლეს საბჭოში ხუთი წევრის ადგილია ვაკანტური.