დღე: მაისი 15, 2023

“სამალიოტი აფრინდა – სანქციები დაფრინდა” – სამოქალაქო საზოგადოების წარმომადგენლები საქართველო-რუსეთს შორის პირდაპირი ფრენების აღდგენის გასაპროტესტებლად საქართველოს პარლამენტის შენობასთან შეიკრიბნენ. აქციის მონაწილეებმა დააანონსეს, რომ აქციები პერმანენტული იქნება და სხვადასხვა ლოკაციაზე გაიმართება. აქციის მონაწილეებმა  “მაისის მოძრაობის” შექმნა დააანონსეს, რომელიც რუსეთთან თბილ ურთიერთობებს და პრორუსულ კამპანიას გააპროტესტებს. „გადავწყვიტეთ, რომ  ჩამოვაყალიბოთ მოძრაობა, რომელსაც “მაისის მოძრაობა” ერქმევა.  მოძრაობა აპოლიტიკურ ხასიათს შეინარჩუნებს. ეს იქნება მოქალაქეების გაერთიანება, რომელიც ამ მიზნებისთვის ყველაფერს გააკეთებს. ჩვენი მიზანია, რუსეთთან დაახლოებას და ევროკავშირთან დაშორებას ხელი შევუშალოთ”,- განაცხადა აქციის ერთ-ერთმა ორგანიზატორმა კახა წიქარიშვილმა.

ფრაქცია „ქართული ოცნების“ თავმჯდომარემ, მამუკა მდინარაძე საქართველოს მეგობარ ქვეყნებს აკრიტიკებს და ეკითხება 2008 წლამდე რუსეთი არ იყო ოკუპანტი? მისი თქმით, უკრაინის ომის გამო ეს ყველაფერი უნდა გადავშალოთ? „ყველას ავიწყდება, რომ მათმა ბელადმა და ლიდერმა (სააკაშვილი) ცალმხრივად მოუხსნა სავიზო შეზღუდვები რუსებს. ამ შემთხვევაში საუბარია, რომ თურმე ჩვენ უნდა დავუწესოთ სანქციები ჩვენს მოქალაქეებს. თუ სააკაშვილი უხსნიდა სანქციებს რუსებს, ეს თურმე პროევროპული ყოფილა და ჩვენ თუ საკუთარ მოქალაქეებს არ ვუწესებთ, ეს ყოფილა პრორუსული. ასეთი ლოგიკა აქვთ  ჩვენს ოპონენტებს. სამწუხაროა, რომ, მათ შორის, ჩვენი სტრატეგიული პარტნიორისა და მეგობარი ქვეყნის წარმომადგენელსაც არ ახსენდება 2008 წლის…

რუსეთის საოკუპაციო ძალების მიერ 14 მაისს გორის მუნიციპალიტეტის სოფელ ნიქოზის მიმდებარედ ოკუპირებულ ტერიტორიაზე უკანონოდ დაკავებული გიორგი მეგრელიშვილი გაათავისუფლეს. მეგრელიშვილი საქართველოს ხელისუფლების მიერ კონტროლირებად ტერიტორიაზე იმყოფება. სახელმწიფო უსაფრთხოების სამსახურის ინფორმაციით, საქართველოს ოკუპირებულ რეგიონებსა და საოკუპაციო ხაზის გასწვრივ განხორციელებულ ყველა დესტრუქციულ ქმედებაზე პასუხისმგებლობა ეკისრება საოკუპაციო ძალას. „ცენტრალური ხელისუფლება, საერთაშორისო პარტნიორებთან ერთად, განაგრძობს აქტიურ მუშაობას ოკუპირებულ ტერიტორიებზე უკანონო პატიმრობაში მყოფი საქართველოს ყველა მოქალაქის გასათავისუფლებლად”- აღნიშნულია სუს-ის განცხადებაში.

საპარლამენტო ოპოზიციის წარმომადგენელი, „გირჩის“ წევრი იაგო ხვიჩია აცხადებს, რომ რუსეთთან პირდაპირი ფრენის აღდგენით მმართველი გუნდი საქართველოს პოლიტიკურ სამარეს უთხრის. „საქართველოს ვგულშემატკივრობ, რომ ქვეყანა არ დასანქცირდეს და ამ თემაზე ნიშნის მოგებით საუბარი არ მჩვევია, მაგრამ ხელისუფლების წარმოდგენა ზედმეტად ოპტიმისტურია. მგონია, რომ საკუთარ თავს პოლიტიკურ სამარეს თავად უთხრიან“, – აცხადებს ხვიჩია. საქართველო-რუსეთს შორის პირდაპირ ფრენას „აზიმუტი“ განახორციელებს

საქართველოს-რუსეთს  შორის პირდაპირ ავიამიმოსვლას  ავიაკომპანია Azimuth Airlines-ი განახორციელებს,  ინფორმაციას სამოქალაქო ავიაციის სააგენტო ავრცელებს. სააგენტოს ინფორმაციით, Azimuth Airlines-ი არ იმყოფება ევროკავშირის შავ სიაში. „საქართველოს სამოქალაქო ავიაციის სააგენტოს მიერ ფრენების განხორციელებისათვის აუცილებელი ნებართვა ავიაკომპანიაზე დღეს, მიმდინარე წლის 15 მაისს გაიცა. ავიაკომპანიის მიერ სამოქალაქო ავიაციის სააგენტოში წარმოდგენილი ფრენის განაცხადის შესაბამისად, ფრენები მოსკოვი – თბილისი – მოსკოვის საჰაერო ხაზზე, შესრულდება მიმდინარე წლის 17 მაისიდან, კვირაში შვიდი სიხშირით“, – ნათქვამია ინფორმაციაში.  

რუსული მხარე საქართველოსთან სავიზო რეჟიმის მოხსნისა და პირდაპირი ფრენების აღდგენის შემდეგ, იმ მოქალაქეებზე „ზრუნვასაც“ იწყებს, რომლებიც 2006 წელს სატვირთო თვითმფრინავებში შეყარა და როგორც ბარგი ქვეყნიდან გამოაძევა. როგორც  „ქართულ-რუსული საზოგადოებრივი ცენტრის დირექტორი“ დიმიტრი ლორთქიფანიძე „მედიაცენტრ მთავართან“ აცხადებს, მიმდინარეობს რუსეთთან მუშაობა ამ „ინცინდენტის“ გამოსწორებაზე. „2006-2007 წლს ინციდენტი, როდესაც რუსეთის ფედერაციაში არალეგალურად მცხოვრები ქართველების დეპორტაცია მოხდა მასობრივად და მათ შორის სატვირთო თვითმფრინავებით, ეს იყო შეურაცხმყოფელი და რჩება ჩვენს მეხსიერებაში როგორც შეურაცხმყოფელი აქტი. ჩვენ ეს უნდა გამოვასწოროთ და უნდა გამოვასწოროთ იმ  კუთხით, რომ ვიწყებთ მუშაობას, რომ ყველა ის დეპორტირებული ადამიანი, რომელთაც ნათესავი, ოჯახის წევრი…

„ჩვენ ჩვენი ინტერესებიდან გამომდინარე უნდა ვიმოქმედოთ, როგორც მოქმედებს უკრაინა, როცა რუსული გაზის უშველებელ რაოდენობას ატარებს თავის ტერიტორიაზე,” – ამის შესახებ პარლამენტის პირველმა ვიცე-სპიკერმა, გია ვოლსკიმ განაცხადა. მისი თქმით, რუსეთი თუ გარკვეული გადაწყვეტილებით შემოდის, ეს მის ინტერესებშიც არის. „ჩვენ ჩვენი ინტერესებიდან გამომდინარე უნდა ვიმოქმედოთ, როგორც მოქმედებს უკრაინა, როცა რუსული გაზის უშველებელ რაოდენობას ატარებს თავის ტერიტორიაზე. ისევე, როგორც თავისი ინტერესებით მოქმედებს მოლდოვა. ასევე ისრაელი გაცილებით მეტ რეისს იღებს რუსეთიდან, ვიდრე მანამდე სხვა ქვეყნები. ჯერ სპეკულაციების გარდა არაფერი გამიგია. რაც შეეხება ვაშაძის განცხადებას, სამოქალაქო დაპირისპირების თემა გიორგი ვაშაძესა და მის მოკავშირეებს აქვთ. ვაშაძე…

საქართველოს სტატისტიკის ეროვნული სამსახურის ინფორმაციით, 2023 წლის I კვარტალში საერთაშორისო ვიზიტორების რაოდენობამ 873.3 ათასს მიაღწია, რაც 2.0-ჯერ აღემატება წინა წლის ანალოგიური პერიოდის მაჩვენებელს. საანგარიშო პერიოდში, საერთაშორისო ვიზიტორების მიერ განხორციელდა 845.3 ათასი ტურისტული ტიპის ვიზიტი, რაც 83.8 პროცენტით მეტია წინა წლის ანალოგიური პერიოდის მაჩვენებელზე. საქსტატის ცნობით, 2023 წლის I კვარტალში ვიზიტორების ყველაზე დიდი რაოდენობა, 220.7 ათასი, დაფიქსირდა რუსეთის ფედერაციიდან, რაც ვიზიტორების ჯამური რაოდენობის 25.3 პროცენტს შეადგენს. მეორე ადგილზეა თურქეთი 17.6%-იანი წილით, ხოლო მესამეზე – სომხეთი 15.0%-იანი წილით. შესაბამისად, ვიზიტების ყველაზე დიდი რაოდენობა განხორციელდა რუსეთის ფედერაციის (256.8 ათასი), თურქეთის (216.4 ათასი) და სომხეთის…

ეკონომიკის მინისტრი, ლევან დავითაშვილი აცხადებს, რომ სანქცირებული ბორტები და  კომპანიები საქართველოს ბაზარზე არ დაიშვებიან. მისი თქმით, საქართველო ეფუძნება ყველაზე მკაცრ მიდგომას, რომელსაც იყენებენ ქვეყნები, რომლებსაც პირდაპირი ფრენები აქვთ რუსეთთან. ,,ჩვენ მივიღეთ მომართვები გასული კვირის ბოლოს, გადაწყვეტილების მიღებისთანავე რამდენიმე ავიაკომპანიისგან, მათ შორის ქართული ავიაკომპანიისგან. ჩვენ საკმაოდ ინტენსიური მუშაობა გვქონდა შიგნით, სამინისტროს და სამოქალაქო ავიაციის სააგენტოს ექსპერტებთან ერთად იმისთვის, რომ შეგვესწავლა, როგორი პრაქტიკა არსებობს რუსეთთან ფრენების კუთხით. ჩვენ ვეფუძნებით მსოფლიოში ყველაზე უფრო მკაცრ მიდგომას, რომელსაც ქვეყნები იყენებენ, ვისაც რუსეთთან ფრენები გააჩნია. ეს არის რამდენიმე კრიტერიუმის მიხედვით გადაწყვეტილება, რაც ითვალისწინებს, რომ არც სანქცირებული…

,,ყველას კარგად უნდა გვესმოდეს, რომ მხოლოდ და მხოლოდ ევროპაში არის შესაძლებელი რომ საქართველომ თავისი იდენტობა შეინარჩუნოს და ეს ტყუილები, რასაც ახლა გვიყვებიან, უბრალოდ ღიმილისმომგვრელია,”- ამის შესახებ პარტია „საქართველოსთვის“ ლიდერმა, გიორგი გახარიამ განაცხადა. მისი თქმით, საქართველოს დღევანდელ მთავრობას უნდა, რომ 2024 წელს რუსული არჩევნები ჩაატაროს. ,,ჩვენი ისტორია ყოველთვის გვაჩვენებდა იმას, სად, როდის და ვისთან ერთად იყო ყველაზე უფრო დაჩაგრული ქართული ენა, ქართული ეკლესია, ქართული კულტურა, ქართული იდენტობა და სად მუშაობს კულტურული მრავალფეროვნება. ეს ჩვენ თუ არ დავინახეთ და არ გავითვალისწინეთ, მთელი ეს ეპოქა, საქართველოს დამოუკიდებლობის შემდგომ, ფუჭად დახარჯული დრო იქნება. ეს…

პარტია „საქართველოსთვის“ ლიდერის, გიორგი გახარიას განცხადებით, საქართველოს ხელისუფლება უბრალოდ რომ გაჩერებულიყო და არაფერი გაეკეთებინა, საქართველოს დღეს, უკრაინასთან და მოლდოვასთან ერთად, გარანტირებული ევროპული მომავალი ექნებოდა. მისი თქმით,  ჩვენი ქვეყნის მეგობრები ვერ ხვდებიან, როგორ შეიძლება საქართველოში ქვეყნის საგარეო ორიენტაციასთან დაკავშირებით კითხვის ნიშნები არსებობდეს. ,,რაშიც დავრწმუნდი დღეს აქ, და ბოლო პერიოდში ევროპაში შეხვედრების შედეგად, გახლასვთ ის, რომ საქართველოს მთავრობას ჰქონდა ერთადერთი მიზანი, საერთოდ არაფერი გაეკეთებინა იმისთვის, რომ საქართველოს მიეღო კანდიდატის სტატუსი. უბრალოდ რომ გაჩერებულიყვნენ, არაფერი რომ არ ექნათ, საქართველოს დღეს ექნებოდა გარანტირებული ევროპული მომავალი უკრაინასთან და მოლდოვასთან ერთად. დღეს მას შემდეგ, რაც საქართველოს მთავრობამ…

უმრავლესობის წევრის, ალუდა ღუდუშაურის განცხდებით, პრეზიდენტი სალომე ზურაბიშვილი ტელეკამერების წინ, ვეტოს ხმალივით იქნევს. “ისე იქნევს ამ ვეტოს ქალბატონი პრეზიდენტი ტელეკამერების წინ, როგორც ხმალს, ამიტომ მე მას განვუმარტავდი, რომ იქნებ თავის აპარატს უთხრას,რომ ვეტო რა შემთხვევაში შეიძლება იყოს გამოყენებული. არარსებულ კანონზე, როდესაც ასეთ განცხადებას აკეთებს ქალბატონი პრეზიდენტი, მე ვფიქრობ, რომ მან აუცილებლად უნდა, როგორც მინიმუმ დატუქსოს თავისი აპარატის წარმომადგენლები” – განაცხადა ალუდა ღუდუშაურმა. ცესკოს ფორმირების წესში ცვლილებების შესახებ კანონპროექტებს საპროცედურო საკითხთა და წესების კომიტეტმა მხარი დაუჭირა