დღე: მაისი 26, 2023

თბილისის მერის, კახა კალაძის განცხადებით, არ აპირებს პრეზიდენტ სალომე ზურაბიშვილის ”აბსურდულ” განცხადებაზე კომენატარი გააკეთოს. მისი თქმით, პრეზიდენტის ინსტიტუტს პატივს სცემს, ამიტომ თავს შეიკავებს განცხადებისგან. ,,რაც შეეხება სალომე ზურაბიშვილის განცხადებებს, მე არ ვაპირებ პოლემიკაში შესვლას, არ ვაპირებ რაიმე კომენტარი გავაკეთო მის აბსურდულ განცხადებაზე, პირველ რიგში ქვეყნის ინტერესებიდან გამომდინარე და ზოგადად, პრეზიდენტის ინსტიტუტს პატივს ვცემ, ამიტომ თავს შევიკავებ განცხადებისგან,”- განაცხადა კახა კალაძემ   კომენტარს ”ფორმულა” ავრცელებს

ვლადიმერ პუტინმა განაცხადა, რომ უარყოფითი რეაქცია მის გადაწყვეტილებაზე, საქართველოსთან ვიზების გაუქმებისა და საჰაერო მიმოსვლის აღდგენის შესახებ მისთვის “სრული სიურპრიზი” იყო. „მეგონა, ყველა მადლობას იტყოდა. გარედან ვუყურებ და ვფიქრობ: ისინი სრულებით გიჟები არიან თუ რა? რა ხდება იქ?“ – განაცხადა პუტინმა. პუტინის მტკიცებით,  საქართველოს ხელისუფლებამ „არაერთხელ დააყენა საკითხი ვიზების გაუქმებისა და საჰაერო მიმოსვლის აღდგენის შესახებ“. ,,ჩვენ გადავდგით ნაბიჯი წინ”- განაცხადა პუტინმა.

გავრცელებული ინფორმაციით, პრეზიდენტ სალომე ზურაბიშვილის საქართველოს დამოუკიდებლობის დღისადმი მიძღვნილ საზეიმო ღონისძიებაზე სიტყვით გამოსვლისას, უმრავლესობის წევრმა, ირაკლი ქადაგიშვილმა მოღალატე უწოდა. პრეზიდენტის თქმით, მისთვის არ აქვს მნიშვნელობა ვინ დაუძახა მოღალატე. ,,არ აქვს არანაირი მნიშვნელობა…რატომ უნდა დავინტერესდე?”- განუცხადა პრეზიდენტმა ტვ პირველს.   „სიტყვა მოღალატე არ თქმულა – მე გავაპროტესტე”- ირაკლი ქადაგიშვილი პრეზიდენტის გამოსვლაზე

საქართველოში აშშ-ის  ელჩი კელი დეგნანი  ქართველ ხალხს დამოუკიდებლობის დღეს ულოცავს. მისი თქმით, აშშ ამაყობს, რომ საქართველოს გვერდით დგას და ეხმარება ნამდვილი, თავისუფალი, ევროპული დემოკრატიის აშენებაში. ,,ქართველ მეგობრებს გილოცავთ ამ უმნიშვნელოვანეს დღეს და დამოუკიდებლობის აღდგენის 105 წლის თავს, რომელიც ასე ლამაზად აღნიშნა დღეს თავდაცვის ძალების მონაწილეობით. ისინი ძალიან შთამბეჭდავები არიან და ნამდვილად თავგანწირვით იბრძვიან, რომ საქართველომ დაიცვას თავისი საზღვრები, ამ საშინელი აგრესიის ფონზე რომელიც რეგიონში ხდება. ეს ყველაფერი კიდევ ერთი დადასტურებაა იმისა, რომ ქართველი ხალხი ერთგულია იმ მიზნის რომელიც დაისახა იმ თავისუფლებისა და დამოუკიდებლობისთვის, რომელიც არა წლებს, არამედ საუკუნეებს ითვლის. ამერიკის…

უმრავლესობის წევრი, დიმიტრი სამხარაძე  პრეზიდენტ სალომე ზურაბიშვილის საქართველოს დამოუკიდებლობის დღისადმი მიძღვნილ საზეიმო ღონისძიებაზე სიტყვით გამოსვლისას აფასებს. სამხარაძე პრეზიდენტს 20 დოლარიან ნაცების საროსკიპო ტელევიზიების ექსპერტს უწოდებს. ,,მთავარსარდალი? ჩვეულებრივი 20 დოლარიანი ნაცების საროსკიპო ტელევიზიების ექსპერტია! შემარცხვენელი ჩვენი ერის! მტერია ჩვენი სახელმწიფოსი, დამოუკიდებლობის, სუვერენიტეტის! გახაზული აგენტი, რომელსაც არცერთი სიტყვა არ უთქვამს, რომ საქართველო დამოუკიდებელი იყოს, ძლიერი სახელმწიფო! პარტნიორების თანაბარუფლებიანი პარტნიორი კი არა, შნირები, ცალ ფეხზე მდგომი მონები უნდა ვიყოთო! მართლა ამის სულ ყველაფრის “ტყება”,- წერს სამხარაძე.

თავისუფლების იდეალი ისტორიის ყველა ეტაპზე  იყო ჩვენი მრავალათასწლოვანი კულტურის, საზოგადოებრივი ცხოვრების, ქართველთა ყოველდღიურობის უმთავრესი განმსაზღვრელი.  ჩვენ უძველესი ქრისტიანული ქვეყანა ვართ, სადაც ღვთის სიტყვას თვით იესო ქრისტეს მოციქულები ქადაგებდნენ; საუკუნეებია ჩვენს განვითარებას სწორედ  სახარებისეული ფასეულობები განაპირობებს, რომელთა შორის თავისუფლება უზენაესია,- ამის შესახებ საქართველოს პრემიერ-მინისტრმა ირაკლი ღარიბაშვილმა საქართველოს დამოუკიდებლობის დღისადმი მიძღვნილ საზეიმო ღონისძიებაზე სიტყვით გამოსვლისას განაცხადა. როგორც მთავრობის მეთაურმა აღნიშნა, საქართველო არის ვახტანგ გორგასლის, დავით აღმაშენებლის, თამარ მეფის, მეფე ერეკლეს ქვეყანა  და სწორედ ამიტომ განსაკუთრებული ფასი აქვს თავისუფლებას. „საქართველო გმირების ქვეყანაა. ჩვენ ვახტანგ გორგასლის ქვეყანა ვართ, ჩვენ დავით აღმაშენებლის ქვეყანა ვართ, ჩვენ თამარ მეფის ქვეყანა ვართ,…

საქართველოს პრეზიდენტი,  სალომე ზურაბიშვილი საქართველოს დამოუკიდებლობის დღისადმი მიძღვნილ საზეიმო ღონისძიებაზე სიტყვით გამოსვლისას რუსეთ-საქართველოს შორის პირდაპირი ფრენების აღდგენასაც გამოეხმაურა. პრეზიდენტის თქმით, გაუგებარი და შეურაცხმყოფელია, როცა დღეს ვითვლით თუ რამდენ მილიონს მოგვიტანს “ფრენების საჩუქარი”. ,,გაუგებარი და შეურაცხმყოფელია, როცა დღეს ვითვლით, თუ რამდენ მილიონს მოგვიტანს “ფრენების საჩუქარი”. ნუთუ ჩვენი ღირსება 200 თუ 300 მილიონად იყიდება?! და ახლა ამ ტრიბუნიდან მინდა მივმართო გიორგი ანწუხელიძის და გიგა ოთხოზორიასოჯახებს. მე, როგორც ამ ქვეყნის უმაღლესი მთავარსარდალი ბოდიშს გიხდით იმშეურაცხყოფისთვის, რომელიც არა მხოლოდ თქვენი, არამედ მთელი ქვეყნის შეურაცხყოფაა!,- განაცხადა პრეზიდენტმა.

,,ვექიშპებით და ვლანძღავთ ჩვენს მეგობარ და პარტნიორ ქვეყნებს, სამაგიეროდ მათ, ვინც ჩვენი ტერიტორიის ოკუპაციას ახდენს დღემდე, ვეგებებით და ხელს ვუწვდით და ვუფრთხილდებით,”-  ამის შესახებ საქართველოს პრეზიდენტმა,  სალომე ზურაბიშვილმა საქართველოს დამოუკიდებლობის დღისადმი მიძღვნილ საზეიმო ღონისძიებაზე სიტყვით გამოსვლისას განაცხადა. მისი თქმით,  საკუთარ საზოგადოებაში შიშის გაღვივება, ვერ გახდება წარმატებული მმართველობის ფორმულა. ,,ისმის კითხვა, სად გაქრა სიტყვები, ევროპა ჩვენი ცივილიზაციური არჩევანი. ჩვენ ვექიშპებით და ვლანძღავთ ჩვენს მეგობარ და პარტნიორ ქვეყნებს, ქვეყნებს რომლებმაც 30 წლის მანძილზე დახმარების ხელი გამოგვიწოდეს, დაგვეხმარნენ სახელმწიფოს მშენებლობაში და ჩამოყალიბებაში. სამაგიეროდ კი მათ, ვინც ჩვენი ტერიტორიის ოკუპაციას ახდენს დღემდე, ვეგებებით და…

,,დამოუკიდებლობის მოპოვებით, ძვირფასო მეგობრებო, ჩვენ თავისუფალი ქვეყნის შენება დავიწყეთ.  თუმცა, გზა დამოუკიდებლობიდან – თავისუფლებამდე ჯერ კიდევ გასავლელია,” – ამის შესახებ აქართველოს პრემიერ-მინისტრმა ირაკლი ღარიბაშვილმა საქართველოს დამოუკიდებლობის დღისადმი მიძღვნილ საზეიმო ღონისძიებაზე სიტყვით გამოსვლისას განაცხადა. პრემიერ- მინისტრმა აღნიშნა,  რომ 1918 წლის 26 მაისს ქართველებმა მტკიცედ და ხმამაღლა, მთელი მსოფლიოს გასაგონად ვთქვით, რომ გვსურს კვლავ “დავდგეთ ერად  სხვა ერთა შორის. ,,1991 წელს საბოლოოდ აღდგენილი ეროვნული დამოუკიდებლობა და სახელმწიფოებრიობაც ამავე კონსტიტუციას, მის ღირებულებებს დაეფუძნა; ჩვენი ქვეყნის მთავარ გეზად ევროპული სახელმწიფოს შენება განისაზღვრა. ამით ჩვენს დროში განვაახლეთ სვლა ყველა თაობის უზენაესი მიზნისკენ – თითოეული მოქალაქის, მთლიანად ქართველი ხალხის,…

გიორგი ანწუხელიძისა და გიგა ოთხოზორიას ოჯახებს, ბოდიშს ვუხდი იმ შეურაცხყოფისთვის, რომელიც მთელი ქვეყნის შეურაცხყოფაა – ამის შესახებ საქართველოს პრეზიდენტმა,  სალომე ზურაბიშვილმა საქართველოს დამოუკიდებლობის დღისადმი მიძღვნილ საზეიმო ღონისძიებაზე სიტყვით გამოსვლისას განაცხადა. მისი თქმით, გაუგებარია, როცა ევროპას და ამერიკას აბრალებ მეორე ფრონტის გახსნის  მცდელობას და მაინც, საკუთარ შვილებს, ევროპასა და აშშ-სა და ევროპაში უშვებ. ,,ახლა, ამ ტრიბუნიდან მინდა მივმართო, გიორგი ანწუხელიძისა და გიგა ოთხოზორიას ოჯახებს, მე როგორ ამ ქვეყნის უმაღლესი მთავარსარდალი, ბოდიშს ვიხდი იმ შეურაცხყოფისთვის, რომელიც არამხოლოდ თქვენ, არამედ მთელი ქვეყნის შეურაცხყოფაა. გაუგებარია, როცა ევროპას და ამერიკას აბრალებ მეორე ფრონტის გახსნის  მცდელობას…

ძნელი დასაჯერებელია, რომ ოკუპანტი ქვეყნის უმაღლესი პოლიტიკური წრის წევრები ქვეყანაში წინასწარი გაფრთხილებისა და უსაფრთხოების გარანტირების მიღების გარეშე შემოსულიყვნენ – ამის შესახებ საქართველოს პრეზიდენტმა,  სალომე ზურაბიშვილმა საქართველოს დამოუკიდებლობის დღისადმი მიძღვნილ საზეიმო ღონისძიებაზე სიტყვით გამოსვლისას განაცხადა. მისი თქმით, ხელისუფლებას ევალება პრევენცია და არა საკუთარი ხალხის მოთმინების გამოცდა. „დღეს, ამ საზოგადოებას გაუგებრობის და შეურაცხყოფის შერეული განცდაც დაეუფლა. ჩვენი ხალხისთვის გაუგებარი და შეურაცხმყოფელია, როცა ხელისუფლება საკუთარი მოქალაქეების პატივზე და ღირსებაზე არ ფიქრობს. გაუგებარი და შეურაცხმყოფელია, როცა ჩვენ პოლიციას შეუძლებელ ამოცანას ვუსახავთ და გამოწვევის წინაშე ვაყენებთ. ყველას კარგად გვესმის, რომ ქვეყანა რომელსაც ოკუპირებული ტერიტორიები გააჩნია…