კატეგორია: პოლიტიკა

პანამაში, დარიენის ყურის გადაკვეთისას, წყალდიდობის გამო, 10 მიგრანტი დაიღუპა. მიგრანტები სოფელ კარეტოს მახლობლად, ადიდებულ მდინარე პანამაში დაიხრჩვნენ. ინფორმაციას CNN-ი ავრცელებს. ეროვნულ სასაზღვრო სამსახურს შემთხვევის შედეგად დაღუპული მიგრანტების ეროვნება არ დაუკონკრეტებია, სამსახური არც მათი დაღუპვის დროს აკონკრეტებს. CNN-ის ინფორმაციით, საქმეზე გამოძიება ამ დრომდე მიმდინარეობს, თუმცა ვარაუდობენ, რომ მიგრანტები ორგანიზებულ დანაშაულებრივ ჯგუფს საზღვარზე არასანქცირებული გზებით გადაჰყავდა, რა დროსაც ისინი დაიღუპნენ. დარიენის დერეფანი ტროპიკული ტყეების მთიანი რეგიონია, რომელიც კოლუმბიას პანამასთან აკავშირებს და მიგრანტებისთვის კრიტიკულად მნიშვნელოვან გზას წარმოადგენს აშშ-ისა და კანადაში მოსახვედრად.

მეტი...

საგარეო და უსაფრთხოების საკითხებში ევროკავშირის უმაღლესი კომისარი ჯოზეფ ბორელი ჩინეთის საგარეო საქმეთა მინისტრ ვანგ ის სამხრეთ-აღმოსავლეთ აზიის ქვეყნების ასოციაციის რეგიონულ ფორუმზე შეხვდა. ევროკავშირის ინფორმაციით, მათ ევროკავშირ-ჩინეთის ურთიერთობებზე ისაუბრეს და აღნიშნეს, რომ ევროკავშირმა და ჩინეთმა უნდა გააცნობიერონ ორივე მხარის წუხილი რიგ საკითხებთან დაკავშირებით. ევროკავშირის მიერ გავრცელებულ ინფორმაციაში ასევე აღნიშნულია, რომ ერთ-ერთი ასეთი საკითხი არის რუსეთ-უკრაინის ომში ჩინეთის რუსეთისადმი მხარდაჭერა, რაც გავლენას ახდენს ევროკავშირ-ჩინეთის ურთიერთობაზე. ბორელმა განმარტა, რომ უკრაინაში რუსეთის ომს ევროკავშირი ევროპისთვის საფრთხედაც აღიქვამს. ბორელმა სთხოვა ჩინეთს, გამოიყენოს გავლენა რუსეთზე და წვლილი შეიტანოს ომის დასრულებაში. მან ჩინეთს უკრაინის სამშვიდობო პროცესის მხარდაჭერა სთხოვა.…

მეტი...

უკრაინის პრეზიდენტის ოფისის მრჩევლის, მიხაილ პოდოლიაკის განცხადებით, უკრაინაში ომის დასასრულებლად რუსეთთან შეთანხმების ხელმოწერა ეშმაკთან გარიგების ტოლფასი იქნება. აღნიშნულთან დაკავშირებით, „ასოშიეთიდ პრესი“ წერს. პოდოლიაკის განცხადებით, შეთანხმება რუსეთის პრეზიდენტს, ვლადიმირ პუტინს მხოლოდ დროს მისცემს, გააძლიეროს არმია და დაიწყოს ახალი, ამ ომში პოტენციურად უფრო ძალადობრივი თავი. „თუ გსურთ, ეშმაკთან გარიგების დადება, რომელიც შემდეგ ჯოჯოხეთში ჩაგითრევთ, მაშინ გააკეთეთ ეს. ასეთია რუსეთი“, – განაცხადა პოდოლიაკმა რუსეთთან სამშვიდობო შეთანხმების პერსპექტივაზე კითხვის საპასუხოდ. მისი შეფასებით, რუსეთთან რამე შეთანხმებაზე ხელის მოწერა ნიშნავს ბილეთის გამოწერას ომის გაგრძელებაზე. „თუ დღეს რუსეთთან, რომელიც არ დამარცხდება ომში და არ იქნება სამართლებრივად პასუხისმგებელი მასობრივ დანაშაულებზე, რამეზე მოაწერთ ხელს, ეს ნიშნავს, რომ თქვენ…

მეტი...

რუმინეთში რუსული დრონის ფრაგმენტების აღმოჩენასთან დაკავშირებით ნატო აცხადებს, რომ ალიანსის ტერიტორიაზე რუსეთის მხრიდან მიზანმიმართული დარტყმის ნიშნებს ვერ ხედავს. ინფორმაციას სააგენტო „როიტერი“ ავრცელებს. „მიუხედავად იმისა, რომ ნატო-ს არ აქვს რამე ინფორმაცია, რომელიც მიანიშნებდა ალიანსის ტერიტორიის წინააღმდეგ რუსეთის მიზანმიმართულ დარტყმაზე, ეს ქმედებები არის უპასუხისმგებლო და პოტენციურად საშიში“, – ნათქვამია ნატო-ს პრესსპიკერის განცხადებაში. რუმინეთის თავდაცვის სამინისტროში განაცხადეს, რომ უკრაინის საზღვართან, დუნაის სანაპიროსთან მდებარე სოფელ პლაურუსთან რუსული დრონის ფრაგმენტები აღმოაჩინეს. რუმინული დასახლება პლაურუ უკრაინულ პორტ იზმაილთან მდებარეობს, რომელზეც რუსეთი დარტყმებს ზედიზედ ორი ღამის განმავლობაში ახორციელებდა. უკრაინის საჰაერო ძალების განცხადებით, 25 ივლისის ღამით უკრაინის ინფრასტრუქტურაზე დარტყმებისთვის…

მეტი...

კანადაში, ძლიერმა ხანძარმა ისტორიული ქალაქის, ჯასპერის დიდი ნაწილი სრულად გაანადგურა. ინფორმაციას BBC ავრცელებს. ქალაქის ოფიციალური პირების განცხადებით, ცეცხლი კვლავ უკონტროლოა და მეხანძრე-მაშველები რაც შეიძლება მეტი შენობის გადარჩენას ცდილობენ. მედიის ინფორმაციით, დასავლეთ კანადაში, ჯასპერის ნაციონალური პარკის მთავარი ქალაქის ცენტრალური ქუჩები სრულიად გადამწვარია. სახლებისგან და ქუჩაში გაჩერებული მანქანებისგან მხოლოდ ფერფლი დარჩა. ხანძრის შედეგად გარდაცვალების ფაქტი არ დაფიქსირებულა. ადგილობრივმა ხელისუფლებამ, რეგიონიდან 20 000 ტურისტის და 5 000 ადგილობრივის ევაკუაცია მოახდინა. ჯასპერის ნაციონალური პარკი, ზაფხულის პერიოდში ერთ-ერთი ყველაზე პოპულარული ადგილია ტურისტებისთვის. ადგილობრივი ხელისუფლების განცხადებით, წინასწარი ინფორმაციით, ქალაქის შენობების 30-50 პროცენტი სრულად განადგურებულია. ზარალის მაჩვენებელი შესაძლოა გაიზარდოს.

მეტი...

“ირანელები პრეზიდენტ ტრამპს თუ მოკლავენ, რაც ყოველთვის შესაძლებელია, იმედი მაქვს, რომ ამერიკა გაანადგურებს ირანს, წაშლის მას დედამიწის პირიდან”, – აღნიშნულთან დაკავშირებით,  აშშ-ის პრეზიდენტობის კანდიდატმა, დონალდ ტრამპმა განაცხადა. „თუ ეს არ მოხდება, ამერიკელი ლიდერები ჩაითვლებიან „უგუნურ“ მშიშრებად!” – წერს დონალდ ტრამპი სოციალურ ქსელში. აშშ-ის პრეზიდენტობის კანდიდატმა სოციალურ ქსელში გააზიარა ისრაელის პრემიერ-მინისტრის, ბენიამინ ნეთანიაჰუს აშშ-ის კონგრესში გაკეთებული განცხადება, სადაც ის ამბობს, რომ ირანელები პრეზიდენტ ტრამპის მოკვლით დაემუქრნენ.

მეტი...

„ამჟამინდელი გლობალური სისტემა, რომელიც შეიქმნა მეორე მსოფლიო ომში გამარჯვებულთა ეკონომიკური, პოლიტიკური, სამხედრო და დიპლომატიური ინტერესების დასაცავად, ახლა უკვე თავის კურსს იცვლის”, – აღნიშნულთან დაკავშირებით,  თურქეთის პრეზიდენტმა, რეჯეფ თაიფ ერდოღანმა  განაცხადა. თურქეთის პრეზიდენტის განცხადებით, ვინც დახოცა დაახლოებით 40 000 ბავშვი, ქალი და მოხუცი, წარმომადგენელთა პალატა ტაშით შეხვდა. „ამჟამინდელი გლობალური სისტემა, რომელიც შეიქმნა მეორე მსოფლიო ომში გამარჯვებულთა ეკონომიკური, პოლიტიკური, სამხედრო და დიპლომატიური ინტერესების დასაცავად, ახლა უკვე თავის კურსს იცვლის”-განაცხადა  რეჯეფ თაიფ ერდოღანმა. მისი შეფასებით, სისტემამ დაკარგა პრობლემების გადაჭრის უნარი. “მხოლოდ ახლო წარსულში განვითარებული კრიზისების გადახედვა საკმარისია იმის საჩვენებლად, რომ სისტემა დიდი ხანია,…

მეტი...

აშშ-ის ყოფილმა სახელმწიფო მდივანმა, მაიკ პომპეომ განმარტა, თუ როგორი შეიძლება უკრაინასთან დაკავშირებული დონალდ ტრამპის „სამშვიდობო გეგმა“ იმ შემთხვევაში  თუ რესპუბლიკელი საპრეზიდენტო კანდიდატი არჩევნებში გაიმარჯვებს. აღნიშნულთან დაკავშირებით, The Wall Street Journal-ი წერს. აშშ-ის ყოფილი სახელმწიფო მდივნის განცხადებით, არ არსებობს „არავითარი მტკიცებულება“, რომ რესპუბლიკელი, პრეზიდენტად არჩევის შემთხვევაში, უკრაინას კაპიტულაციისკენ უბიძგებს. „ბაიდენის ადმინისტრაციის სისუსტის გამო, უკრაინას დანგრეული ქალაქები, ასობით ათასი მოკლული, მილიონობით ლტოლვილი ჰყავს, ის გამარჯვებისთვის აუცილებელი საშუალებების გარეშეა დარჩენილი“, – განაცხადა პომპეომ. მისივე განცხადებით, უკრაინის „წარმატების გეგმა“ ტრამპის მომავალი ადმინისტრაციისგან შეიძლება შეიცავდეს შემდეგ პუნქტებს: აშშ-ის ენერგეტიკული პოტენციალის გახსნა, კავშირების აღდგენა და საუდის არაბეთთან,…

მეტი...

“ბიბისის“ ინფორმაციით, აშშ-ის 44-ე პრეზიდენტმა, ბარაკ ობამამ დემოკრატიული პარტიის საპრეზიდენტო კანდიდატად ვიცე-პრეზიდენტ კამალა ჰარისს დაუჭირა მხარი. ბარაკ და მიშელ ობამებმა ერთობლივ განცხადებაში აღნიშნეს, რომ ჰარისს აქვს „ხედვა, ხასიათი და ძალა, რასაც ამჟამინდელი კრიტიკული მომენტი მოითხოვს“. „კვირის დასაწყისში მე და მიშელმა დავურეკეთ ჩვენს მეგობარს, კამალა ჰარისს. ვუთხარით, რომ ვფიქრობთ, ის გახდება შეერთებული შტატების ფანტასტიკური პრეზიდენტი, რომ აქვს ჩვენი სრული მხარდაჭერა. ჩვენი ქვეყნისთვის კრიტიკულ მომენტში ყველაფერს გავაკეთებთ, რათა ნოემბერში მან გაიმარჯვოს. ვიმედოვნებთ, რომ შემოგვიერთდებით“- დაწერა ბარაკ ობამა სოციალურ ქსელში.​

მეტი...

რუსეთის თავდაცვის ყოფილი მინისტრის, სერგეი შოიგუს ყოფილი მოადგილე დიმიტრი ბულგაკოვი კორუფციის ბრალდებით დააკავეს. საგამოძიებო კომიტეტის ოფიციალურმა წარმომადგენელმა, სვეტლანა პეტრენკომ განაცხადა, რომ ბრალდებული წინასწარი დაკავების იზოლატორშია გადაყვანილი. მისი თქმით, მიმდინარეობს საგამოძიებო სამუშაოები, რომ დადგინდეს მიზეზები და პირობები, რომლებმაც „ხელი შეუწყო ბულგაკოვის უკანონო საქმიანობას“. შოიგუს მოადგილედ ბულგაკოვი 2010 წელს დაინიშნა.  

მეტი...

ესპანეთის პოლიციაში აცხადებენ, რომ ბრინჯის ტომრებში დამალული ოთხი ტონა კოკაინი აღმოაჩინეს. ნარკოტიკი ევროპაში პარაგვაიდან იგზავნებოდა. სამართალდამცველების ინფორმაციით, კონტრაბანდით დატვირთული კონტეინერები ბარსელონის პორტში მიმდინარე წლის დასაწყისში ჩავიდა, თუმცა კოკაინის პარტია ივლისში, კონტეინერების ტრანსპორტირების დროს ტოლედოში აღმოაჩინეს. ესპანეთის პოლიციის პრესსამსახურის განცხადებით, გამოძიების ფარგლებში ესპანეთში რვა პირია დაკავებულია, ორი კი – პარაგვაიში.  

მეტი...

ვროკავშირმა უკრაინას გაყინული რუსული აქტივებიდან მიღებული შემოსავლის პირველი ტრანში 1.5 მილიარდი ევრო გადასცა. ინფორმაციას ევროკომისიის პრეზიდენტი, ურსულა ფონ დერ ლაიენი ავრცელებს. „კრემლის ფულისთვის უკეთესი სიმბოლო და უკეთესი გამოყენება არ არსებობს, ვიდრე უკრაინა და მთელი ევროპა საცხოვრებლად უფრო უსაფრთხო ადგილად აქციოს“ – განაცხადა ურსულა ფონ დერ ლაიენმა. ევროკომისიის პრეზიდენტის განცხადებით, ევროკავშირი უკრაინის გვერდით დგას და თანხა უკრაინის თავდაცვისთვის და აღდგენისთვის არის განკუთვნილი.    

მეტი...

„პრეზიდენტ ზელენსკის ვუთხარი, რომ ჩვენ ეს ომი უნდა დავასრულოთ” – ამის შესახებ აშშ-ის ყოფილმა პრეზიდენტმა და „რესპუბლიკური პარტიის“ საპრეზიდენტო კანდიდატმა, დონალდ ტრამპმა Fox News-თან ინტერვიუში განაცხადა. ტრამპი ამბობს, რომ გაზაფხულის კონტრშეტევა არ მოხდება. „პრეზიდენტმა ზელენსკიმ დამირეკა და ჩვენ კარგი საუბარი გვქონდა. მე მას ვუთხარი, რომ ჩვენ ეს ომი უნდა დავასრულოთ, ეს ომის მანქანაა, თქვენ ომის მანქანას უპირისპირდებით. ეს არის ის, რასაც ისინი აკეთებენ. მათ დაამარცხეს ჰიტლერი, დაამარცხეს ნაპოლეონი, ისინი ომს აწარმოებენ. გაზაფხულის კონტრშეტევა არ მოხდა და მე მას ვუთხარი, რომ ეს ომი უნდა დავასრულოთ. ბევრი რუსი იღუპება, მაგრამ ბევრი უკრაინელიც…

მეტი...

უკრაინის საგარეო საქმეთა მინისტრის, დმიტრო კულებას განცხადებით, ჩინელ კოლეგასთან მოლაპარაკების დროს მიიღო მკაფიო სიგნალი, რომ ჩინეთი მუშაობს ომის პრობლემის მდგრადი და სტრატეგიული გადაწყვეტისთვის. ამის შესახებ კულებამ მედიას განუცხადა. უკრაინის საგარეო საქმეთა მინისტრის ინფორმაციით, ჩინეთი მხარს უჭერს უკრაინის ტერიტორიულ მთლიანობას. „ჩვენ მივიღეთ მკაფიო სიგნალი, რომ ჩინეთი არ ეძებს დროებით გადაწყვეტილებებს, ცეცხლის დროებით შეწყვეტას, არამედ მუშაობს რუსეთის მიერ უკრაინის წინააღმდეგ წარმოებული ომის პრობლემის მდგრადი, სტრატეგიული გადაწყვეტისთვის“- განაცხადა კულებამ.

მეტი...

თეთრ სახლში აშშ-ის პრეზიდენტის, ჯო ბაიდენისა და ისრაელის პრემიერ-მინისტრის, ბენიამინ ნეთანიაჰუს შეხვედრა მიმდინარეობს. შეხვედრის დაწყებამდე ბენიამინ ნეთანიაჰუმ მადლობა გადაუხადა ჯო ბაიდენს ისრაელის მხარდაჭერისთვის. „ბატონო პრეზიდენტო, ერთმანეთს 40 წელია, ვიცნობთ და თქვენ იცნობთ ყველა პრემიერ-მინისტრს, ვინც 50 წლის განმავლობაში ყოფილა. მინდა, მადლობა გადაგიხადოთ 50-წლიანი საჯარო სამსახურისთვის და ისრაელის სახელმწიფოს 50-წლიანი მხარდაჭერისთვის“, – მიმართა ბენიამინ ნეთანიაჰუმ ჯო ბაიდენს. ნეთანიაჰუმ აღნიშნა, რომ მოუთმენლად ელოდება ჯო ბაიდენთან მუშობის გაგრძელებას მომდევნო რამდენიმე თვის განმავლობაში. თავის მხრივ, ჯო ბაიდენმა განაცხადა, რომ ლიდერებს სასაუბრო ბევრი აქვთ. მოგვიანებით, ისრაელის პრემიერ-მინისტრი ვიცე-პრეზიდენტ კამალა ჰარისს შეხვდება, ხოლო 26 ივლისს ნეთანიაჰუ მოლაპარაკებებს…

მეტი...

ისრაელის თავდაცვის ძალებმა ღაზის სექტორში ხუთი ისრაელელი მძევლის ცხედარი აღმოაჩინეს.  აღნიშნულთან დაკავშირებით, „როიტერი“ წერს. ისრაელის თავდაცვის ძალებში აცხადებენ, რომ ხუთივე მძევალი 7 ოქტომბერს, „ჰამასის“ მიერ განხორციელებული თავდასხმის შედეგად დაიღუპა. ერთ-ერთი 56 წლის მაია გორენია, რომელიც საბავშვო ბაღში აღმზრდელად მუშაობდა. ის კიბუც ნირ ოზზე თავდასხმის დროს მოკლეს. დანარჩენი ოთხი კი ჯარისკაცი იყო. ისრაელის პრეზიდენტმა, ისააკ ჰერცოგმა გაავრცელა განცხადება, სადაც მადლობას უხდის ისრაელის ჯარისკაცებს, რომლებმაც გუშინ ღაზაში ხუთი ისრაელელი მძევლის ცხედარი აღმოაჩინეს და სოლიდარობას უცხადებს მათ ოჯახებს. „ჩვენი მოვალეობაა, სახლში მივიყვანოთ ყველა,  ისინი, ვინც ცოცხლები არიან და ისინიც, ვინც ისრაელში დასაკრძალად უნდა დავაბრუნოთ“, –…

მეტი...

“კამალა ჰარისი თეთრ სახლში თუ შევა, იქნება ყველაზე რადიკალი, უკიდურესად მემარცხენე ექსტრემისტი, ვინც ოდესმე დაიკავებს თეთრ სახლს, არასოდეს ყოფილა ასეთი გიჟი თეთრ სახლში”, – განაცხადა  აშშ-ის პრეზიდენტობის კანდიდატმა, დონალდ ტამპმა ჩრდილოეთ კაროლინაში მხარდამჭერებთან შეხვედრის დროს. დონალდ ტრამპის განცხადებით, დემოკრატების დამარცხება აუცილებელია, რადგან სხვა შემთხვევაში ქვეყანა განადგურდება. „ახლა ჩვენ გვყავს დასამარცხებელი ახალი მსხვერპლი, მატყუარა კამალა. ყველაზე არაკომპეტენტური და მემარცხენე ვიცე-პრეზიდენტი ამერიკის ისტორიაში. ახლა მოიყვანეს ის, ვინც ბაიდენზე უარესია, რადგან ბაიდენი ყალბი ლიბერალია. ბაიდენი არც ისე ლიბერალი იყო. ის ყალბი იყო. კამალა ჰარისი ნამდვილი ლიბერალია. და მას აქვს ახალი ხაზი, თქვენ იცით,…

მეტი...

“რუსეთი მოლაპარაკებების პროცესისთვის ღიაა, მაგრამ ჯერ უნდა გავიგოთ, რამდენად არის მზად ამისთვის უკრაინული მხარე”, –    განაცხადა რუსეთის პრეზიდენტის პრესმდივანმა, დიმიტრი პესკოვმა. „რუსეთი მოლაპარაკებების პროცესისთვის ღიაა, მაგრამ ჯერ უნდა გავიგოთ, რამდენად არის მზად ამისთვის უკრაინული მხარე და რამდენად აქვს მას ამის ნებართვა მისი ზედამხედველებისგან. ხედავთ, რომ ძალიან განსხვავებული განცხადებები კეთდება, რომლებიც ჯერ ბოლომდე გასაგები არ არის“, – განაცხადა დიმიტრი პესკოვმა. პესკოვმა აღნიშნა, რომ მოლაპარაკებების შესახებ ჯერ ბევრი საკითხია გასარკვევი. „ზელენსკის ლეგიტიმურობის ზოგადი პრობლემის გარდა, არსებობს პრობლემა რუსულ მხარესთან ნებისმიერი კონტაქტისა და მოლაპარაკებების შესახებ საკანონმდებლო აკრძალვასთან დაკავშირებით. აქედან გამომდინარე, ჯერ კიდევ…

მეტი...