კატეგორია: ჩემი მუნიციპალიტეტი

საავტომობილო გზების დეპარტამენტის ცნობით, სოფელ ბაბილთან ავტოტრანსპორტის მოძრაობა აღდგა. დეპარტამენტის ინფორმაციით, გზის გაფართოების მიზნით, გაწმენდითი სამუშაოები გრძელდება. „შიდასახელმწიფოებრივი მნიშვნელობის ქუთაისი (წყალტუბოს გადასახვევი)-წყალტუბო-ცაგერი-ლენტეხი-ლასდილის საავტომობილო გზის 91-ე კმ-ზე (სოფ. ბაბილი) ავტოტრანსპორტის მოძრაობა აღდგენილია. პარალელურად, გრძელდება გაწმენდითი სამუშაოები გზის გაფართოების მიზნით“, – ნათქვამია დეპარტამენტის ინფორმაციაში.

ლენტეხი-ლასდილის გზის 91-ე კილომეტრზე, სოფელ ბაბილთან, დილის საათებში მეწყერი ჩამოწვა, რის გამოც, ყველა სახის სატრანსპორტო მოძრაობა დროებით აკრძალულია. ამის შესახებ ინფორმაციას ლენტეხის მუნიციპალიტეტის მერია ავრცელებს. მერიის ცნობით, შემთხვევის შედეგად არავინ დაშავებულა. „ადგილზე მობილიზებულია მძიმე ტექნიკა, მიმდინარეობს გზის გაწმენდის სამუშაოები. სტიქის ზონაში იმყოფება ლენტეხის მუნიციპალიტეტის მერი გია ონიანი, ცენტრალური საავტომობილო დეპარტამენტისა და ადგილობრივი თვითმმართველობის წარმომადგენლებთან ერთად. გზის გახსნა სატრანსპორტო მოძრაობისთვის უმოკლეს ვადაში მოხდება“, – აღნიშნულია სოციალურ ქსელში გავრცელებულ ინფორმაციაში.

გარემოს ეროვნული სააგენტო ხვალ, 25 აპრილს საქართველოში მოსალოდნელი ამინდის შესახებ მოსახლეობას აფრთხილებს. როგორც სააგენტოს მიერ გავრცელებულ ინფორმაციაშია აღნიშნული, 25 აპრილს ქვეყნის მასშტაბით დროგამოშვებით წვიმა, ელჭექი, ნისლი, სეტყვა და ქარის ხანმოკლე გაძლიერებაა მოსალოდნელი. “25 აპრილს,საქართველოში მოსალოდნელია დროგამოშვებით წვიმა, ზოგან ძლიერი, შესაძლებელია ელჭექი, ნისლი, სეტყვა და ქარის ხანმოკლე გაძლიერება. მოსალოდნელმა ნალექებმა საქართველოს მდინარეებზე შესაძლებელია წყლის დონეების მნიშვნელოვანი მატება, ხოლო ქვეყნის გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს (საფრთხის დონე საშუალო)“,- ნათქვამია გარემოს ეროვნული სააგენტოს ინფორმაციაში.

სვეტიცხოვლის საკათედრო ტაძრის დაზიანებული სახურავის რეაბილიტაციის პროცესი დაიწყო, თუმცა, ძლიერი ნალექის შედეგად, ტაძარში წვიმის წყალი ჩადის.   მას შემდეგ, რაც გავრცელდა ინფორმაცია, რომ ტაძარში წყალმა გაჟონა, სამუშაოები ოპერატულად დაიწყო. ძლიერი წვიმის შედეგად კი სამუშაო პროცესი ვერ დასრულდა.

დიდი თოვლისა და უხვი ნალექის გამო ზვავი ჩამოწვა რიკოთის 141-ე მონაკვეთზე. დაზიანდა 4 ავტომანქანა. საბედნიეროდ, მსხვერპლი არ არის.  შემთხვევის შედეგად არავინ დაშავებულა. “ჩამოწოლილი ზვავის გამო, აღნიშნულ მონაკვეთზე ავტოტრანსპორტის მოძრაობა მიმდინარეობს შეფერხებით. ადგილზე მობილიზებულია სპეციალური ტექნიკა და მიმდინარეობს გზის წმენდის სამუშაოები. გაწმენდითი სამუშაოების დასრულებისთანავე, ავტოტრანსპორტის მოძრაობა სრულად აღდგება”- აცხადებენ გზების დეპარტამენტში.  

ჩოხატაურში, ქალს, რომელიც მაშველებმა თოვლიდან გამოიყვნეს და კლინიკაში გადაიყვანეს,  ვაჟი შეეძინა. ქალი საკუთარ სახლში იყო ჩარჩენილი და დიდი თოვლის გამო, გამოსვლას ვერ ახერხებდა. მისი დახმარება მაშველებმა დროულად შეძლეს. ბავშვს დემეტრე დაარქვეს.

უამინდობის და დიდთოვლობის გამო, მატარებლების კიდევ რამდენიმე რეისი გაუქმდა. გაუქმებული რეისებია: 26 თებერვალი – № 802 თბილისი – ბათუმი; 26 თებერვალი – №803 ბათუმი – თბილისი; 26 თებერვალი – №870 თბილისი-ზუგდიდი; 26 თებერვალი – №873 ფოთი-თბილისი;  

„სრულად იქნება კოორდინირებული, მობილიზებული ყველა უწყება იმისათვის, რომ ვებრძოლოთ სტიქიას“ –  ამის შესახებ საქართველოს პრემიერ-მინისტრმა ირაკლი კობახიძემ ჟურნალისტებს ოზურგეთში,  საკოორდინაციო შტაბის სხდომის დასრულების შემდეგ განუცხადა. პრემიერის თქმით, გუშინდელმა თოვამ კიდევ უფრო მეტად გაართულა მდგომარეობა და სწორედ ამიტომ, მთავრობამ მიიღო გადაწყვეტილება მოსახლეობის დახმარების პროცესში თავდაცვის ძალების ჩართვის თაობაზე. „განვიხილეთ რეგიონში არსებული მდგომარეობა, რომელიც არის საკმაოდ რთული. გუშინდელმა თოვამ გაართულა კიდევ უფრო მეტად ვითარება, შესაბამისად, დღეს უკვე აუცილებელი გახდა საქმეში ჯარის, თავდაცვის ძალების ჩართვა, რასთან დაკავშირებითაც გადაწყვეტილება იქნა მიღებული. სრულად იქნება კოორდინირებული, მობილიზებული ყველა უწყება იმისათვის, რომ ვებრძოლოთ სტიქიას. მდგომარეობა არის რთული,…

საქართველოს პრემიერ-მინისტრი ირაკლი კობახიძე, მინისტრთა კაბინეტის წევრებთან ერთად, გურიის რეგიონში ჩავიდა. ამ წუთებში საქართველოს მთავრობის მეთაური ოზურგეთში, გურიის მხარეში სახელმწიფო რწმუნებულის ადმინისტრაციაში საკოორდინაციო შტაბთან შეხვედრას მართავს. მთავრობის მეთაური დიდთოვლობის შედეგად გამოწვეულ პრობლემებსა და იმ ღონისძიებებს ეცნობა, რომელსაც სხვადასხვა უწყების წარმომადგენლები მოსახლეობის დახმარების მიზნით ახორციელებენ. მოსახლეობის დასახმარებლად მობილიზებულია მაქსიმალური ადამიანური რესურსი, ასევე მძიმე ტექნიკა. ინტენსიურად იწმინდება გზები. პრემიერ-მინისტრის ბრძანებით, დიდთოვლობით გამოწვეული პრობლემების მაქსიმალურად მოკლე ვადებში აღმოსაფხვრელად, პროცესში ჩაერთო თავდაცვის ძალები.  

ქვეყანაში მოსულ უხვ ნალექსა და შესაბამისად გამოწვეულ პრობლემებზე, რაც მოსახლეობას შეექმნა, საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარე  დავით ნარმანიამ „მედიაცენტრ მთავარში“ ისაუბრა, როგორც მან აღნიშნა, უხვმა ნალექმა მაღალმთიან რეგიონებში ელექტროენერგიის და ბუნებრივი აირის ინფრასტრუქტურის დაზიანება გამოიწვია და სამუშაოები ინტენსიურად გრძელდება. „ზამთრის სეზონზე და განსაკუთრებით, ბოლო დღეებში უხვმა ნალექებმა მაღალმთიან რეგიონებში გამოიწვია ელექტროენერგიის და ბუნებრივი აირის ინფრასტრუქტურის დაზიანება. ინტენსიურ რეჟიმში მუშაობენ „ენერგო პრო ჯორჯიას“ ისევე, როგორც „სოკარ ჯორჯია გაზის“ შესაბამისი თანამშრომლები იმისთვის, რომ დაზიანებული ინფრასტრუქტურის აღდგენა მოხდეს. როგორც კი იწმინდება გზები შესაბამისი ტექნიკით, მერე ამას მიჰყვებიან კომუნალური კომპანიები…

ახალი წლის დადგომამდე ბაზრებსა თუ ქუჩის სავაჭრო სივრცეებში მყიდველებისა და გამყიდველების სიმრავლეა. გოჭი, ქათამი, ინდაური, იხვი – ყველანაირ მდგომარეობაში იყიდება, ცოცხალიც და ნედლიც. სუპერმარკეტებისგან განსხვავებით, ბაზარში ფასი ოდნავ დაბალია, თუმცა, ვნახოთ რა როგორია საახალწლო ფასები ზუგდიდის ბაზარში და რა დაგიჯდებათ საახალწლო სუფრა. ცოცხალი ინდაური – 80-დან 150 ლარამდე; ცოცხალი გოჭი – 100-დან იწყება და 250-ლარამდე; ცოცხალი ქათამი – 18-დან 35 ლარი; საქონლის ხორცი 20-25 ლარი; ჭყინტი ყველი 19-20 ლარი; სულგუნი 25-26 ლარი; ჩირი და ტყლაპი  5-დან 30-მდე; ჩურჩხელა 1.5 – 3 ლარი; ყურძენი – 6 ლარი, ბანანი – 5 ლარი,…

რამდენიმე წუთის უკან, თბილისიდან 50 კილომეტრში მიწისძვრა დაფიქსირდა მიწისძვრის სიმძლავრემ 4.1 მაგნიტუდა შეადგინა. ეპიცენტრი – ქალაქი დმანისი,  სოფელი სოღუთლო . ბიძგები თბლისში საკმაოდ ძლიერად იგრძნობოდა.

რუსთაველის გამზირზე მთავარი ნაძვის ხე აინთო და დედაქალაქის მასშტაბით, საახალწლო ილუმინაციებიც ჩაირთო. როგორც დღეს გამართულ ბრიფინგზე თბილისის მერმა კახა კალაძემ განაცხადა, ტრადიციულად დეკემბერის პირველ ნახევარში თბილისში ირთვება საახალწლო განათებები, მთავარი ნაძვის ხე და ეს ტრადიცია წელსაც გაგრძელდება. „ამჯერადაც, დღეს საღამოს ჩაირთვება ილუმინაციები და ღონისძიების გარეშე აინთება დედაქალაქის მთავარი ნაძვის ხე.  ახალი წელი არის ყველასთვის საყვარელი სახალხო დღესასწაული და არავის მივცემთ უფლებას, ჩვენს პატარებს და თანაქალაქელებს სიხარულის და ბედნიერების განცდა წაართვას.  თბილისი იქნება ყველაზე ლამაზი საახალწლო ქალაქი, გვექნება ბევრი საზეიმო ღონისძიება ამ დღეების განმავლობაში და ახალ 2025 წელს შევხვდებით ისე, როგორც…

მოძველებული ინფრასტრუქტურა, გადახრილი ბოძები, ჩამოყრილი ელექტროენერგიის ხაზები, ძაბვის ცვალებადობა და ხშირი წყვეტა, დაზიანებული ტექნიკა – ეს იმ პრბლემების მცირე ჩამონათვალია, რასაც მოსახლეობა ელექტროენერგიის ქაელების მოუწესრიგებლობის გამო აწყდება. სემეკმა ქსელების ტექნიკური ინსპექტირება დაიწყო. რა უნდა გააკეთოს მოსახლეობამ და რა არის პრობლემა – ნინო გულეიშვილი „მედიაცენტრ მთავარში“ საუბროს. ელექტროენერგიის ქსელების ტექნკური ინსპექტირება და პრობლემები – როგორ მოიქცეს დაზარალებული მოსახლეობა

თბილისის მერის ინფორმაციით, ქალაქში 687 000 ავტომანქანა ფიქსირდება და ეს რიცხვი ყოველწლიურად მზარდია და ევროპულ ქალაქებთან შედარებით, საკმაოდ მაღალი მაჩვენებელია. „2017 წელს ქალაქში 250-280 ათასი ავტომობილი გადაადგილდებოდა, ხოლო მიმდინარე წლის 3 სექტემბერს, ქალაქში უკვე დაფიქსირდა 687 ათას ავტომობილზე მეტი. ეს რიცხვი, სამწუხაროდ, ყოველწლიურად მზარდია, რაც ერთი მხრივ, ლოგიკურია -ეკონომიკური ზრდის ფონზე, იზრდება კერძო ავტომობილების რაოდენობა და მასზე დამოკიდებულების მაჩვენებელი. ბევრჯერ გვითქვამს, რომ ეს მაჩვენებელი ევროპულ ქალაქებთან შედარებით, ჩვენთან სამი-ოთხჯერ მაღალია“ – აღნიშნა კახა კალაძემ. მისივე ინფომაციით, თბილისის შინამეურნეობების სატრანსპორტო კვლევის თანახმად, ყოველი მე-5 კერძო საავტომობილო მგზავრობა ხორციელდება კილომეტრნახევარზე ნაკლებ მანძილზე.…

თბილისის მერიის შპს „თბილსერვის ჯგუფს“  სხვადასხვა მიმართულებით 398  ვაკანსია აქვს, – ამის შესახებ დედაქალაქის მერმა კახა კალაძემ მუნიციპალიტეტის მთავრობის სხდომაზე  განაცხადა. კახა კალაძის თქმით, მსურველებს შესაძლებლობა აქვთ, დასაქმდნენ, როგორც დასუფთავების სამსახურში, ისე სანიაღვრე ქსელებისა და გარე განათების მიმართულებით. „მინდა, მოგაწოდოთ ინფორმაცია ვაკანსიების შესახებ, რომელიც  თბილისის მერიის შპს „თბილსერვის ჯგუფს“ აქვს. საერთო ჯამში, სხვადასხვა პოზიციაზე 398 ადამიანის დასაქმებაა შესაძლებელი. 90% დასუფთავების დეპარტამენტზე მოდის. მათ შორის არის სპეცტექნიკის 60-მდე მძღოლის პოზიცია. ხელფასების ოდენობა 1 000-დან 2 000-ლარამდე მერყეობს. „თბილსერვის ჯგუფში“ დასაქმების მსურველებს შეუძლიათ, მიმართონ აღნიშნული კომპანიის ოფისებს კახეთის გზატკეცილი N67-ში და ბელიაშვილის…

აჭარაში სტიქიაა. ძლიერი წვიმის შედეგად დატბორილია ქუჩები, სახლები, მანქანები. სოციალური ქსელებში ვრცელდება ვიდეოები რა მძიმე ვითარებაა რეგიონში.  ვიდეოში ჩანს, როგორ მიაქვს მანქანები წყალს.  

დასავლეთ საქართველოში მიწისძვრა მოხდა. როგორც სეისმოლოგები აცხადებენ, ეპიცენტრი ჩხოროწყუ-წალენჯიხას შორის იყო და სიმძლავრე 4.3 მაგნიტუდას შეადგენდა.  

გუდამაყარი საქართველოს ერთ-ერთი გამორჩეული, მთიანი, უნიკალური და განსაკუთრებული მხარეა. გუდამაყარი და გუდამაყრელები განსაკუთრებით გამოირჩევიან თავიანთი ცხოვრების წესით. აქ ძირითადად მესაქონლეობით არიან დაკავებულები. სწორედ გუდამაყარში მდებარეობს სოფელი ჩოხი – გოდერძი ჩოხელის სოფელი. ამ სოფელში დაიბადა და გაიზარდა ქართველი მწერალი, სცენარისტი და კინორეჟისორი გოდერძი ჩოხელი, რომლის შემოქმედებაც ცნობილია არა მხოლოდ საქართველოში, არამედ საზღვრებს გარეთ. ამავე სოფელში გაიხსნა გოდერძი ჩოხელის სახლ მუზეუმიც. ეს არის სოფელი გუდამაყრის (შავი) არაგვის ულამაზეს ხეობაში, რომელიც გაზაფხულზე განსაკუთრებულად ლამაზია.  აქვე მდებარეობს  ხეობის კულტურული მემკვიდრეობის გამორჩეული ძეგლი – ქვითკირის სალოცავი. აქ მხოლოდ ძველი ნასოფლარებია შემორჩენილი. ჩოხიდან, ძველი ნასოფლარისკენ მთის…

კახეთში, კერძოდ კი  საგარეჯოს მუნიციპალიტეტში  სეტყვა მოვიდა.  დასეტყვილია საგარეჯოს მუნიციპალიტეტის რამდენიმე სოფელი. როგორც ადგილობრივები აბობენ, სეტყვა საკმაოდ დიდი მოცულობის იყო. მათივე ინფორმაციით, დასეტყვილია მანავი, კაკაბეთი, დიდი ჩაილური და პატარძეული.