დღე: მაისი 27, 2023

საქართველოს პრეზიდენტის რეზიდენციასთან საპროტესტო აქცია იმართება. აქციის მონაწილეები სალომე ზურაბიშვილისგან „მთავარი არხის“ დამფუძნებლის, ნიკა გვარამიას შეწყალებას ითხოვენ. აქციაზე ოპოზიციური პოლიტიკური პარტიების ნაწილიც მივიდა. მათი თქმით, პრეზიდენტმა გადაწყვეტილება დაუყოვნებლივ უნდა მიიღოს და ხელი მოაწეროს შეწყალების აქტს.  

ახალქალაქის, კუმურდოსა და კარის მიტროპოლიტის – მეუფე ნიკოლოზის მოსკოვში ჩასვლასა და ღვთისმსახურებაში მონაწილეობასთან დაკავშირებით მედიასთან კომენტარი ბოდბელმა მთავარეპისკოპოსმა – მეუფე იაკობმა გააკეთა და აღნიშა, უცნაური არაფერია, მეუფე მოსკოვში ყოველ წელს ჩადის. „ეგ ხშირად დადის ხოლმე. ადამიანია,  ოჯახი ჰყავს იქ, შვილი ჰყავს გათხოვილი როგორც მე ვიცი და ყოველ წელს დადის. არ გამიკვირდება რომ წავიდეს. ოფიციალურ [შეხვედრას] ვერ გამართავს. საპატრიარქო არ მართავს ოფიციალურ შეხვედრებს რუსეთში“,- განაცხადა მეუფე იაკობმა მედიასთან. მეუფეს თქმით, თავად მხოლოდ ორჯერ არის რუსეთში ნამყოფი და სსრკ რაც დაიშალა მას მერე საერთოდ არ ჩასულა.  

„პრეზიდენტმა გუშინდელი გამოსვლით, 26 მაისს საზეიმო ღონისძიებაზე სიტყვით გამოსვლისას ისეთი განცხადებები გააკეთა, რომ მარტო კომპანიიდან კი არა, ქვეყანაშიც პერსონა ნონ გრატად არ გამოაცხადონ, მაგის მეშინია“, –  ამის შესახებ „ჯორჯიან ეარვეისის“ დირექტორმა, თამაზ გაიაშვილმა განაცხადა. მისი თქმით, პრეზიდენტს არაფერი გაუკეთებია, რათა საქართველოს მიხმარებოდა თავისი ქმედებებით. „საერთოდ, ქალბატონ სალომეზე ადრე უფრო დადებითად ვფიქრობდი და მისი არჩევნების დროსაც ძალიან ბევრი რამ გავაკეთეთ, რომ არჩეულიყო პრეზიდენტად. მეგონა, ქალბატონია და მშვიდობის ერთ-ერთი სიმბოლოა, თავის თეთრ მანდილს გამოიყენებდა, მაგრამ ჩვენ ვხედავთ, რომ მითითება უფრო ომის რიტორიკაზე მიდის. ამავე დროს, მე მეგონა, რომ მეზობელ ქვეყნებში მოლაპარაკების გზით…

თუ ვინმე ითხოვდა რუსეთთან ფრენების და ვაჭრობის აღდგენას, ეს იყო მიხეილ სააკაშვილი და მისი მთავრობა, ჩემი განცდა ასეთია, რომ ალბათ რუსეთის პრეზიდენტი სააკაშვილის მთავრობას გულისხმობდა- ამის შესახებ საქართველოს პრემიერ-მინისტრმა ირაკლი ღარიბაშვილმა ჟურნალისტებთან საუბრისას განაცხადა. მთავრობის მეთაურმა აღნიშნა, რომ მოქმედ ხელისუფლებას რუსეთის მთავრობასთან პოლიტიკური დიალოგი არ აქვს. „მე მინდა შემდეგი გითხრათ მარტივად და ძალიან მოკლედ, რომ არ დაიწყოს სპეკულაციები და ათასი ინფორმაციის და სიყალბის გავრცელება.  ჩვენ ოფიციალურ ხელისუფლებას გვაქვს გაცხადებული არაერთხელ, რომ რუსეთის ხელისუფლებასთან არ გვაქვს პოლიტიკური დიალოგი. ერთადერთი, ჩვენ გვაქვს ურთიერთობა ეკონომიკურ, სავაჭრო საკითხებზე, ეს არის გაცხადებული, ღია, ამის თაობაზე…

საქართველოს პრეზიდენტის, სალომე ზურაბიშვილის განცხადებით, რუსეთში ერთი მილიონი ქართველი აღარ ცხოვრობს. ამის შესახებ პრეზიდენტმა  ქართული დიასპორის დღისადმი მიძღვნილ ფორუმზე  სიტყვით გამოსვლისას განაცხადა და აღნიშნა, რომ ძნელი დასათვლელია რიცხობრივად, რამდენს წარმოადგენს ჩვენი დიასპორა. „მინდა, მოგილოცოთ დიასპორის დღე, კიდევ ერთხელ მოგილოცოთ გუშინდელი დღე და გავიმეორო, რამდენად მნიშვნელოვანია ჩვენი ქვეყნისთვის დიასპორა. რა უნდა გავაკეთოთ იმისთვის, რომ გავაძლიეროთ ეს დიასპორა და რას ვაკეთებთ, რას არ ვაკეთებთ. დღევანდელ დღეს ძნელი დასათვლელია რიცხობრივად, რამდენს წარმოადგენს ჩვენი დიასპორა. იყო ნათქვამი, რომ ერთი მილიონი არის რუსეთში. აღარ არის ერთი მილიონი რუსეთში, ეს კარგად ვიცით. დაახლოებით ნახევარი მილიონი თუ…

კიდევ ერთხელ უნდა აღვნიშნო, რომ არ ყოფილიყო ჩვენი დამფუძნებელი ბიძინა ივანიშვილი, “ქართული ოცნება”, დღეს ქვეყანა უბრალოდ აღარ გვექნებოდა, – ამის შესახებ საქართველოს პრემიერ-მინისტრმა ირაკლი ღარიბაშვილმა, ქართული დიასპორის დღისადმი მიძღვნილ ფორუმზე სიტყვით გამოსვლისას განაცხადა. მისი თქმით, მიუხედავად შიდა თუ გარე მტრებისა, დღეს ხელისუფლება არის ძლიერი და ამ მშვიდობას შეინარჩუნებს. „ეს ადამიანები ხელისუფლებაში არ არიან და ყოველ დღე ამბობენ, რომ უნდა გავაგზავნოთ ჯარი თუ რავიცი რას ამბობენ, სამხედრო დახმარება, სანქციები დავაწესოთ. პირდაპირ პროვოცირებენ, ომში ჩართვა უნდათ ამ ადამიანებს. ეს არის ომის პარტია, ამათ შემთხვევით არ დავარქვით ომის პარტია და ეს წარმოიდგინეთ ოპოზიციაში…

საქართველოს პრეზიდენტის, სალომე ზურაბიშვილის განცხადებით, არ შეიძლება, რომ 26 მაისს თავდაცვის მინისტრი ჯერ პრემიერს მიესალმოს და შემდეგ – პრეზიდენტს და უმაღლეს მთავარსარდალს. მისივე თქმით, დიასპორის ფორუმზე, დარბაზში პროტოკოლის მიერ მისი ადგილი არასწორად იყო შერჩეული. „არ შეიძლება, არ ვთქვა, რა მნიშვნელობა აქვს პროტოკოლს. ეს არ არის, რომ მე ასე მინდა, სკამი იქ დამიდე, ჩაიჩოჩე, ჩამოიჩოჩე, ეს არ არის პრეზიდენტის შეურაცხყოფა, ეს არის პროტოკოლის დარღვევა. პროტოკოლი არის სახელმწიფოს საყრდენი. თუ არადა იწყება გაუთავებელი – მე პირველი ვარ, შენ მეორე და ეს არის პირველი უაზრო დაპირისპირების საგანი. მე დიდი ხანია, არაფერი მწყის ამ…

ქართული დიასპორის წარმომადგენლებმა ქვეყნის პროცესებში ჩართულობა რომ იგრძნონ, საჭიროა ორი რამ, მათთვის პარლამენტში წარმომადგენლის გამოყოფა და არჩევნებში მათი მონაწილეობა, – ამის შესახებ საქართველოს პრეზიდენტმა, სალომე ზურაბიშვილმა ქართული დიასპორის დღისადმი მიძღვნილ ფორუმზე განაცხადა. პრეზიდენტის თქმით,  დიასპორის წარმომადგენლებს ძალიან დიდი წვლილი აქვთ ჩვენს განვითარებაში. ,,ყველა ქართველი, რომელსაც აქვს სურვილი, რომ მოქალაქეობა დაიბრუნოს, აღიდგინოს ან მივანიჭოთ იმიტომ, რომ არ ჰქონია, ჩვენ უნდა ვფიქრობდეთ, რომ მას აქვს უფლება, დაიბრუნოს. არ აქვს მნიშვნელობა, ის ჩამოვიდა ქვეყანაში, რამდენჯერ ჩამოვიდა, აქ ფლობს ქონებას, თუ არ ფლობს. ეს ხომ არ წერია კანონმდებლობაში, რომ ეს კრიტერიუმები უნდა იყო გამოყენებული.…

ჩვენი ქვეყნის გაერთიანების გარეშე ჩვენი ქვეყანა ვერ იქნება ისეთი, როგორიც გვინდა რომ იყოს, როგორიც წარმოგვიდგენია, ერთიანი, ძლიერი, განვითარებული, ევროპული ტიპის სახელმწიფო, – ამის შესახებ საქართველოს პრემიერ-მინისტრმა ირაკლი ღარიბაშვილმა, ქართული დიასპორის დღისადმი მიძღვნილ ფორუმზე სიტყვით გამოსვლისას განაცხადა. მისი თქმით, რაც ხელისუფლებაში „ქართული ოცნება“ მოვიდა, საქართველოს  არ ჰქონია არც ომი და არც კონფლიქტი. „ჩვენმა ხელისუფლებამ, ჩვენო ძვირფასო თანამოქალაქენო, გააკეთა მაქსიმუმი იმისთვის, რომ ქვეყანაში დღეს გვაქვს მშვიდობიანი პერიოდი. ეს არის უწყვეტი მშვიდობიანი პერიოდი, უწყვეტი სტაბილური პერიოდი, რომელიც სამწუხაროდ, საუბედუროდ, ჩვენ არ გვქონია მას შემდეგ, რაც აღვადგინეთ დამოუკიდებლობა. გვქონდა სამოქალაქო ომები, გვქონდა ომი აფხაზეთში,…

ქვეყანა მდიდრდება, ძლიერდება. კიდევ ერთხელ მინდა აღვნიშნო, რომ ჩვენ ამით სტაბილურობას ვუწყობთ ხელს. ვაძლიერებთ ჩვენს სახელმწიფოს, – ამის შესახებ საქართველოს პრემიერ-მინისტრმა ირაკლი ღარიბაშვილმა, ქართული დიასპორის დღისადმი მიძღვნილ ფორუმზე სიტყვით გამოსვლისას განაცხადა. მთავრობის მეთაურმა ეკონომიკურ მაჩვენებლებზე ისაუბრა და აღნიშნა, რომ ქვეყანას ბოლო ორი წელია, აქვს ორნიშნა ეკონომიკური ზრდა და უმუშევრობა და სიღარიბე არის ისტორიულ მინიმუმზე. „ახლა რაც შეეხება ჩვენი ქვეყნის განვითარებას. მე ამაზე ვისაუბრებ მხოლოდ ციფრებით და ფაქტებით. ჩვენი ქვეყნის ეკონომიკა ბოლო ორი წელია იზრდება და ორნიშნა ეკონომიკური ზრდა გვაქვს. შედეგად, წლის ბოლოს უკვე 80 მილიარდი ლარი იქნება ჩვენი ეკონომიკა. რაც არის დაახლოებით 25 მილიარდი დოლარი. პერ კაპიტა ერთ სულ მოსახლეზე რომ გადავიანგარიშოთ, ეს არის 8 000 დოლარი. სულ რაღაც 2 წლის…