თვე: აპრილი 2023

თბილისში, პირველი რესპუბლიკის მოედანზე აქცია სახელწოდებით – „მოვდივარ!“ მიმდინარეობს. შეკრების მთავარი სლოგანი ასეთია – „არა ომს!“. ,,ჩვენი ხალხი, საზოგადოება ითხოვს მშვიდობას, არა ომს. მოვდივართ იმიტომ, რომ ვუთხრათ არა ყველანაირ ფაშისტურ, ბოლშევიკურ, სადისტურ მისწრაფებებს და გამოვლინებებს, ქვეყნის არევას, ჩვენი ქვეყნის საქმეებში ჩარევას, დაუსაბუთებელ რეზოლუციებს და სანქციებს, დამცირებას და შეურაცხყოფას, მუდმივ რყევას და დასამარებას. მოვდივართ იმიტომ, რომ შევიგრძნოთ ერთსულოვნების სურნელი და გავიხაროთ ერთმანეთთან შეხვედრით. ამიტომ ვამბობდით მოვდივართ და ამიტომაც მოვედით“, – განაცხადა აქციის ერთ-ერთმა ორგანიზატორმა ზაზა პაპუაშვილმა.  

 ქართული ჯარი იმსახურებს ყველაფერს საუკეთესოს, ჩვენი ვალია მაქსიმალურად დავაფასოთ თქვენი ღვაწლი და თქვენი ღირსეული სამსახური, – ამის შესახებ საქართველოს პრემიერ-მინისტრმა ირაკლი ღარიბაშვილმა, საქართველოს თავდაცვის ძალების დღესთან დაკავშირებით გამართულ საზემო ღონისძიებაზე განაცხადა.  მისი თქმით, რთულად პროგნოზირებად, ტურბულენტურ გეოპოლიტიკურ გარემოში მთავრობას,  ხელისუფლებას განსაკუთრებული გონიერება მართებს. „ჩვენი ვალია მაქსიმალურად დავაფასოთ თქვენი ღვაწლი და თქვენი ღირსეული სამსახური. საქართველოს მთავრობა აკეთებს ყველაფერს იმისთვის, რომ კიდევ უფრო მეტად გავაძლიეროთ ქართული ჯარი, იმისთვის, რომ კიდევ უფრო მეტად იყოს დაფასებული თითოეული თქვენგანის სამსახური. მე ასევე მინდა აღვნიშნო, რომ დღეს ძალიან რთული დროა მთელს მსოფლიოში, რუსეთის აგრესიაა უკრაინაში, ომი,…

,,რუსეთი უნდა დარწმუნდეს, რომ აგრესიული ქმედებები და მუქარის ტონი ჩვენს მუდმივ ორიენტაციაზე გავლენას არ ახდენს”- ამის შესახებ საქართველოს პრეზიდენტმა სალომე ზურაბიშვილმა საქართველოს თავდაცვის ძალების დღესთან დაკავშირებით გამართულ ღონისძიებაზე განაცხადა. მისი თქმით, რუსეთის მიმართ გზავნილი უნდა იყოს მკაფიო და ერთგვაროვანი. ,,რუსეთი უნდა დარწმუნდეს, რომ მისი აგრესიული ქმედებები და მუქარით აღსავსე ტონი არანაირ გავლენას არ ახდენს ჩვენს მუდმივ და კონსტიტუციაში ასახულ გადაწყვეტილებასა და ორიენტაციაზე. ჩვენმა პარტნიორებმა უნდა გაიგონ, რომ დღეს სწორედ მტკიცე გადაწყვეტილებების დროა და არა ყოყმანის. რუსეთის მიმართ გზავნილი უნდა იყოს მკაფიო და ერთგვაროვანი”,- განაცხადა სალომე ზურაბიშვილმა.

,,სისასტიკის და ძალთა შეფარდების მიუხედავად ვხედავთ, რომ უცხო შემოჭრილი ძალა ქვეყნის დაცვისთვის და გადარჩენისთვის თავდადებულ ძალას ვერ ჯობნის და ვერ ამარცხებს,”- ამის შესახებ საქართველოს პრეზიდენტმა სალომე ზურაბიშვილმა საქართველოს თავდაცვის ძალების დღესთან დაკავშირებით გამართულ ღონისძიებაზე განაცხადა. მისი თქმით, ჩვენ ვცხოვრობთ ეპოქაში, სადაც საფრთხეები ძალიან გახშირდა და ძველ ფორმებთან ერთად გაჩნდა მთელი რიგი ახალი საფრთხეებისა. ,,დღესაც, 21-ე საუკუნეში, აგრესიული იმპერიალიზმი, რაც არ უნდა ანაქრონულად ჟღერდეს, ახალი სისასტიკით და დაუნდობლობით იჩენს თავს. უკრაინის მიმართ რუსეთის მიერ 14 თვის წინ გაჩაღებულმა ომმა მსოფლიო შეძრა, რამეთუ აბუჩად იქნა აგდებული ყველა საერთაშორისო სამართლის და ჰუმანიტარული პრინციპი.…

„ქართული ოცნების“ თავმჯდომარის, ირაკლი კობახიძის განცხადებით სამწუხაროა, რომ პრეზიდენტი ჩაერთო კანდიდატის სტატუსის იმ საწინააღმდეგო კამპანიაში, რომელსაც რადიკალური ოპოზიცია წარმართავს. ,,სამწუხარო ის არის, რომ პრეზიდენტი ჩაერთო კანდიდატის სტატუსის საწინააღმდეგო კამპანიაში, რომელსაც წარმართავს რადიკალური ოპოზიცია. თქვენ გახსოვთ იგივე პარლამენტის კედლებში მის მიერ გაკეთებული განცხადებები. ეს ძალიან სამწუხაროა. იმედი დავიტოვოთ, რომ მომდევნო შემთხვევაში ის სხვანაირ განცხადებების გააკეთებს. თუმცა არ ვიცი, რამდენად შეიძლება გვქონდეს ამ კუთხით ოპტიმიზმის საფუძველი. დაველოდოთ, ვნახოთ როგორი იქნება მისი პოზიცია. იმედია ის არ გააგრძელებს იმ ხაზს, რომელიც ემთხვევა რადიკალური ოპოზიციის იმ ხაზს, რომელიც ეხება კანდიდატის სტატუსის მინიჭებას,”- განაცხადა ირაკლი კობახიძემ.

,,ბატონო პრემიერო, გთხოვთ მიიღოთ გადაწყვეტილება და მოაწეროთ ხელი განკარგულების აქტს, რომელიც ჩვენ გაგვაჩერებს და ვირწმუნებთ თქვენსას“,- ამის შესახებ  მთავრობის ადმინისტრაციასთან მიმდინარე აქციაზე, აქონდროპლაზიის დიაგნოზის მქონე ბავშვის დედამ განაცხადა. მისივე თქმით, ჯანდაცვის მინისტრის მოადგილის, თამარ გაბუნიას განცხადების არ სჯერათ. ,,ერთადერთ შემთხვევაში შევწყვეტთ საპროტესტო აქციას, როდესაც პრემიერ-მინისტრი ირაკლი ღარიბაშვილი, ხელს მოაწერს სამართლებრივ აქტს, სადაც ნათქვამი იქნება, რომ წამალი „ვოზორიდიტი“ საქართველოში არაუგვიანეს სექტემბერში შემოვა, – განაცხადა მშობელმა. სამინისტრო მზად არის, დაჩქარებულ ვადებში, უზრუნველყოს აქონდროპლაზიის მართვისთვის აუცილებელი პროტოკოლისა და გაიდლაინების შექმნა – თამარ გაბუნია

„სამწუხაროა, რომ საქართველოს შიგნით, ქვეყნის შიდა მტრები და ქვეყნის გარეთაც მიდის სერიოზული მუშაობა იმაზე, რომ საქართველომ კანდიდატის სტატუსი არ მიიღოს, რადგან ამაზეა აწყობილი მათი მთელი გეგმები“, – ამის შესახებ „ქართული ოცნების“ აღმასრულებელმა მდივანმა, მამუკა მდინარაძემ განაცხადა. მისი თქმით, ყველა რეკომენდაცია, რომელიც დამოკიდებული იყო „ქართულ ოცნებაზე“, ზედმიწევნით სრულდება. „პრაქტიკულად ყველა პუნქტი, რომელიც აქამდე თეორიულადაც კი შესაძლებელი იყო შესრულებულიყო, შესრულებულია, ვენეციის კომისიის დასკვნას ველოდებოდით და იქ არ ვაპირებთ ვინმეს საბაბი მივცეთ საიმისოდ, რომ არშესრულებაზე ვალაპარაკოთ, ან სპეკულაციისთვის სივრცე დავტოვოთ. დეპოლარიზაციაზე თუ არის ლაპარაკი, ეს სამწუხაროდ, მხოლოდ ხელისუფლებაზე არ არის დამოკიდებული. შეიძლება, ეს…

“ვივამედის” კლინიკური დირექტორის,ზურაბ ჩხაიძის განცხადებით, მიხეილ სააკაშვილმა უკვე მესამე მკურნალ ექიმზე თქვა უარი. მისივე თქმით, ექიმებს წარმოუდგენელი ფსიქოლოგიური წნეხის და სტრესის ქვეშ უწევთ მუშაობა. ,,ექიმებს წარმოუდგენელი ფსიქოლოგიური წნეხის და სტრესის ქვეშ უწევთ მუშაობა, იმიტომ, რომ თუ გაკეთდა ობიექტური განხადება მკურნალი ექიმის მხრიდან, ეს მაშინვე იწვევს აგრესიას და უარს მკურნალობის გაგრძელებაზე იმ ექიმთან. უკვე მესამე ექიმია, რომელზეც პაციენტმა უარი განაცხადა. ეს წარმოუდგენელი რამაა. თუ ამბობთ, რომ პაციენტის მდგომარეობა კრიტიკულია, კრიტიკული პაციენტები ექიმს არ ირჩევენ. კი ბატონო, ჰქონდა პირღებინება, მაგრამ ამასაც თავისი ახსნა და მიზეზი აქვს. ეს იყო კვების რაციონის უხეში დარღვევით.…