დღე: მაისი 16, 2023

რუსთაველის გამზირზე, „საქართველოს ავიახაზების“ სათაო ოფისთან საპატრულო პოლიციაა მობილიზებული. აღნიშნულის მიზეზი პროტესტია, რაც „საქართველო-რუსეთს შორის პირდაპირ ფრენებს უკავშირდება. აქციის მონაწილეები სამოქალაქო საზოგადოების წარმომადგენლები და რიგითი მოქალაქეები არიან. როგორც „პროტესტანტები“ აცხადებენ, არ დაუშვებენ საქართველოს გარუსებას. „არა რუსულ ფრენებს“ – ერთხმად იძახიან აქციის მონაწილეები, რომლებიც პროტესტს უცხადებენ „საქართველოს ავიახაზების“ გადაწყვეტილებას, შეასრულოს პირდაპირი ფრენა საქართველო-რუსეთს შორის.   „მოღალატეები ისინი არიან, დღეში ერთი რეისი შესრულდება“ – თამაზ გაიაშვილი რუსეთთან პირდაპირ ფრენაზე

„საქართველოს ავიახაზების” დამფუძნებელი თამაზ გაიაშვილი ადასტურებს, რომ რუსეთთან პირდაპირ ფრენებს შეასრულებს და დღეში მხოლოდ ერთი რეისი შესრულდება. მისი თქმით, მოღალატეები სწორედ ისინი არიან, ვინც რუსეთში მცხოვრებ საქართველოს მოქალაქეებს აწამებს. „20-ის შემდეგ დავიწყებთ ფრენებს. ყოველდღიურად თითო სიხშირეს განვიხილავთ თბილისი-მოსკოვის რეისზე. ამბობენ, რომ ჩვენ მოღალატეები ვართ, რადგან ფრენას ვიწყებთ. მოღალატეები არიან ის ადამიანები, ვისაც ქართველი ხალხის წვალება უნდათ. დღემდე არ დაფრინავდა მოსკოვში თვითმფრინავები? დღემდე საზღვარი არ იყო გახსნილი?! წლების განმავლობაში დავფრინავდით მოსკოვში და ჩვენთვის ახალი არაფერი არ არის“ – აცხადებს გაიაშვილი. შეგახსენებთ, რომ „აზიმუტთან“ ერთად, საქართველო-რუსეთს შორის პირდაპირ ფრენას „საქართველოს ავიახაზებიც“ განახორციელებს.

მიხეილ სააკაშვილის განცხადებით,  წინა კვირას, სისხლის ყველაზე ცუდი ანალიზები ჰქონდა. მისივე თქმით,  “ვივამედმა” სტრასბურგში გააგზავნა ცნობა, რომ ყველა სასიცოცხლო მაჩვენებელი ნორმაშია. ,,წინა კვირას, სისხლის ყველაზე ცუდი ანალიზები მქონდა, მას შემდეგ, რაც “ვივამედში” გადმოვედი. დღეს, მკურნალი ექიმები ერთხმად, ძალიან შეშფოთებული მიყვებოდნენ ამას.  წინა კვირასვე, კლინიკის ხელმძღვანელობამ სტრასბურგში გააგზავნა ცნობა, რომ ყველა სასიცოცხლო მაჩვენებელი ნორმაშია. ჩვენ ალტერნატიული ანალიზების გაკეთების შესაძლებლობა, რა თქმა უნდა, არ გვქონია. არაუშავს, რუსეთის ჩამოშლასთან ერთად, ეს სიცრუის მანქანაც, რომლის მსხვერპლიც მე ვარ, აუცილებლად, ბოლომდე ჩამოიშლება. შევეცდები, იმ დღემდე როგორმე ვიცოცხლო,” – ნათქვამია მიხეილ სააკაშვილის განცხადებაში.  

დღეს, 16 მაისს ერთი წელი გავიდა, რაც “მთავარი არხის” გენერალური დირექტორი, ნიკა გვარამია პატიმრობაშია. აღნიშნულ ფაქტს თავად ნიკა გვარამია ეხმიანება და სოციალურ ქსელში პოსტს აქვეყნებს. გვარამია აცხადებს, რომ მისი მოტივაცია კიდევ უფრო ძლიერდება. ,,დღეს ერთი წელი შესრულდა, რაც რუსთავში ვცხოვრობ. რა თქმა უნდა, ეს “სიმყუდროვე” ზედმეტად ჰერმეტულია და მოსაწყენი. რა თქმა უნდა, რთულია იმასთან შეგუება, რომ ქექე და სანდრო გარდატეხის ასაკს ისე გადიან, ისე ეცვლებათ გარეგნობაც, სიმაღლეც, სამყაროს აღქმაც და პრიორიტეტებიც, რომ მათ გვერდით არ ვარ. რა თქმა უნდა, სოფო ძალიან მენატრება და ვდარდობ, რომ ასეთი დიდი ტვირთი დააწვა, თან…

„საქართველოში ფრენას იწყებს ერთ-ერთი რუსული ავიაკომპანია, რაც პირდაპირ საფრთხეს უქმნის ჩვენს ქვეყნას იზოლაციისკენ, იმიტომ, რომ შეიძლება დასანქცირდეს ჩვენი აეროპორტები. როგორც რუსული კანონის გაწვევა მოგიწიათ თქვენი ხელით პარლამენტიდან, ასე მოგიწევთ აუცილებლად ამ ფრენების შეჩერება“, – განაცხადა პარლამენტის პლენარულ სხდომაზე „რეფორმების ჯგუფის“  წევრმა გიორგი ვაშაძემ. გიორგი ვაშაძე ასევე გამოეხმაურა 6 მაისს, აღმაშენებლის 75-ში სამართალდამცავი ორგანოების მიერ ჩატარებულ სპეცოპერაციას. „ქართული ოცნების“ პროპაგანდისტულმა მედიამ სცადა ჩემი და უკრაინელი პოლიტიკოსის, დავით არახამიას „გაშავება“ და  „ქოლცენტრებთან“ დაკავშირება. ეს იყო პირდაპირ სუს-ის მიერ დაგეგმილი  ოპერატიული ლეგენდა, რომელსაც ყოველგვარი მტკიცებულებების გარეშე პროპაგანდისტული მედიები აწარმოებდნენ. მე ახლა ხელთ მაქვს მტკიცებულებები, თუ როგორ…

“ქართული ოცნების” თავმჯდომარე მამუკა მდინარაძე რუსული ავიაკომპანია “აზიმუტის” მიერ,  ოკუპირებული საქართველოს რეგიონების, აფხაზეთისა და ”სამხრეთ ოსეთის”, დამოუკიდებელი ქვეყნების სიიდან ამოიღებას გამოეხმაურა. მისი თქმით, მარტო იმისთვის ღირდა ამ ფრენების აღდგენა, რომ ”რუსულ კომპანიებს ჩაეედითებინათ”. ,,მარტო იმისთვის ღირდა ამ ფრენების აღდგენა და დათანხმება, დავარქვათ თუნდაც დათანხმება, სპეციალურად ვუტრირებ, რომ რუსულ კომპანიებს ჩაეედითებინათ, ანუ ჩაესწორებინათ და აფხაზეთი და ცხინვალის რეგიონი სამხრეთ ოსეთად და ცალკე რეგიონად აღარ მოეხსენიებინათ, მარტო ამისთვის ღირდა. და როცა ჩვენ ვამბობთ, რომ პრაგმატული პოლიტიკა არის ამ ქვეყნის და მისი გაერთიანების მომავალი, სწორედ ასეთ რაღაცებსაც ვგულისხმობთ.”- განაცხადა მდინარაძემ. ცნობისთვის,  სოციალურ ქსელებში…

დედაქალაქის მერი კახა კალაძე რუსეთსა და საქართველოს შორის პირდაპირი ფრენების განახლების შესახებ რუსეთის მიერ მიღებულ გადაწყვეტილებას გამოეხმაურა და განაცხადა, რომ ქვეყანაში ვერცერთი სანქცირებული კომპანია ვერ შეძლებს ფრენებს. „თქვენ იცით, როგორც ფრენები, ასევე უვიზო მიმოსვლა ცალმხრივად იყო სანქცირებული, რაც ძალიან ცუდი იყო. გადაწყვეტილება ფრენების აღდგენასთან და ასევე უვიზო მიმოსვლასთან დაკავშირებით, რამდენიმე დღის წინ გახდა ცნობილი. ხვალ დაიწყება პირდაპირი ფრენები, რაც მისცემს ადამიანებს იმის შესაძლებლობას, რომ სხვა ქვეყნის გავლით კი არა, პირდაპირ შეძლონ რუსეთის სხვადასხვა ქალაქში გამგზავრება“, – განაცხადა დედაქალაქის მერმა. კახა კალაძე რუსულ ავიაკომპანია „აზიმუტზე“ გავრცელებულ ინფორმაციასაც  გამოეხმაურა და განაცხადა, რომ…

 „დიახ, ჩვენ გვირჩევნია დასანქცირდეს ივანიშვილი, დასანქცირდეს ის ხალხი, ვინც დღეს ხელს უშლის ამ ქვეყნის ევროპულ მომავალს და რათა ჩვენი ქვეყნის ევროპული მომავალი გადავარჩინოთ“, – ამის შესახებ ”ლელოს” წევრმა, სალომე სამადაშვილმა განაცხადა.  „ის რაც დღეს და გუშინ ხდებოდა საქართველოს პარლამენტში არის ცალსახად ამ ქვეყნის ევროპული მომავლის საბოტაჟი. ეს ქვეყანა ევროკავშირთან ურთიერთობების ისტორიის მანძილზე, პირველად დასანქცირდა თქვენი ხელისუფლების დამსახურებით, როდესაც შეგვიწყვიტეს დახმარება. დიახ, ჩვენ ვამბობთ რომ დროულად უნდა დასანქცირდეს ბიძინა ივანიშვილი, რათა არ დასანქცირდეს ჩვენი ქვეყანა. ის რასაც თქვენ აკეთებთ თუნდაც, რუსეთთან პირდაპირი ავიამიმოსვლის აღდგენით – ეს არის საფრთხე იმისა, რომ საქართველო…

თბილისი-მოსკოვი-თბილისის მიმართულებით რეგულარული ოპერირების განხორციელებას ავიაკომპანია „ჯორჯიან ეარვეისი“ იწყებს.  ამის შესახებ ინფორმაციას სამოქალაქო ავიაციის სააგანტო ავრცელებს. ,,თბილისი – მოსკოვი – თბილისის მიმართულებით რეგულარული ოპერირების განხორციელებას ავიაკომპანია Georgian Airways-ი იწყებს. ავიაკომპანიის მიერ, სამოქალაქო ავიაციის სააგენტოში წარმოდგენილი ფრენის განაცხადის შესაბამისად, ფრენები 20 მაისიდან, კვირაში 7 სიხშირით განხორციელდება. საქართველოს სამოქალაქო ავიაციის სააგენტოს მიერ, ფრენების განხორციელებისათვის აუცილებელი ნებართვა ავიაკომპანიაზე დღეს, მიმდინარე წლის 16 მაისს გაიცა,”- ნათქვამია განცხადებაში.  

„ფეხებზე მკიდია რუსულიც და ისეთი ევროპულიც, რაც ჩემს ქვეყანას ვნებს. მე ვარ ქართველი და მაშასადამე – ქართველი “, – ამის შესახებ პარლამენტის წევრმა დიმიტრი ხუნდაძემ პარლამენტის პლენარულ სხდომაზე განაცხადა. მისივე თქმით, ”რუსეთი იყო და  ჯერ კიდევ არის ის პოლიტიკური მოთამაშე, რომლის თითქოსდა უძლეველი იმიჯის შექმნაში თავად დასავლეთმა შეიტანა უდიდესი წვლილი”. ,,რამდენი ტყუილი და უსამართლო ბრალდება უნდა მოვისმინოთ ქართული ოპოზიციისგან და მათი პარტნიორი უცხოელი პოლიტიკოსებისგან? რამდენ უსამართლო ზეწოლას უნდა გაუძლოს ქვეყანამ? ჩვენ არ ვაპირებთ დათმობას! ყველა ტყუილზე, ქართული იქნება ეს თუ უცხოური, აუცილებლად გვექნება რეაგირება. ვიმოქმედებთ იმ დიპლომატიური ჩარჩოს გათვალისწინებით, რასაც…

,,სააკაშვილმა სტრასბურგის გადაწყვეტილების შემდეგ თუ რაიმე უნდა გააკეთოს, ეს გადაწყვეტილება უნდა აიღოს და იმ ადამიანებს, ვინც ის წააქეზა, ვინც ის ასეთ დღეში ჩააგდეთ, სულ თავში უნდა გირტყათ“,- ამის შესახებ საპარლამენტო უმრავლესობის წევრმა, ალუდა ღუდუშაურმა  პარლამენტის პლენარულ სხდომაზე, განაცხადა. ღუდუშაურმა  ოპოზიციის წარმომადგენლებს მოუწოდა, სტრასბურგის გადაწყვეტილებით ბოდიში მოუხადონ საკუთარ ქვეყანას და ხალხს. „იმ ადამიანების გასაგონად, რომლებიც პარაზიტირებდით სააკაშვილის თემით და სხვათა შორის, ეს ბატონი სააკაშვილის დედამაც თქვა, რომ მისი შვილის ხარჯზე პარაზიტირებენ სხვადასხვა პოლიტიკური სუბიექტებიო, სტრასბურგის სასამართლომ თქვა, რომ თავი დაანებოთ ამ ყველაფერს. ხარება და გოგია გამახსენდა ამასთან დაკავშირებით, ოღონდ შებრუნებით, იქ რომ არის…

,,ქართული ოცნების” თავმჯდომარის, ირაკლი კობახიძის განცხადებით, მნიშვნელოვანი ჟესტია, რომ  რუსულმა ავიაკომპანია “აზიმუტმა” ოკუპირებული საქართველოს რეგიონები, აფხაზეთი და ”სამხრეთ ოსეთის”, დამოუკიდებელი ქვეყნების სიიდან ამოიღო. მისი თქმით, ვინც ცდილობს, რომ აჟიოტაჟი შექმნას ამ საქმის გარშემო, ისინი ცდილობენ სპეკულირებას იქ, სადაც ამის საფუძველი არ არსებობს. ,,თავისთავად მნიშვნელოვანი ჟესტია, რომ ეს ჩანაწერები ამოღებულია ვებგვერდიდან, ეს ერთი, სპეკულაციისთვის არავითარი საფუძველი არ არსებობს, თუმცა ვინც ცდილობს, რომ რაღაცნაირად აჟიოტაჟი შექმნას ამ საკითხის გარშემო, ისინი არიან ნამდვილი სპეკულანტები. 2008 წლის რუსეთ-საქართველოს ომის შემდეგ, ამ პოლიტიკური ძალის წარმომადგენლებმა შემოიღეს უვიზო რეჟიმი რუსეთის მოქალაქეებისთვის და თავს იწონებდნენ. მაშინდელი პრეზიდენტი,…