რუსეთის თავდაცვის სამინისტროში აცხადებენ, რომ 46 უკრაინული დრონი ჩამოაგდეს. გარდა ამისა, ტულისა და კალუგის ოლქების გუბერნატორებმა მანამდე განაცხადეს, რომ მათ რეგიონებში დრონებმა საწვავის ობიექტებს შეუტიეს. ტულის ოლქში დრონებმა დაარტყეს ნავთობბაზას ქალაქ უზლოვაიას მახლობლად, ხოლო კალუგის ოლქში იწვის ნავთობსაცავი ქალაქ ლუდინოვოში.
მეტი...
დრონებით თავდასხმის შედეგად რუსეთის ტულისა და კალუგის ოლქებში მდებარე ნავთობსაცავებს ხანძარი გაუჩნდა. ინფორმაციას რუსეთის ოლქების გუბერნატორები ავრცელებენ. „დღეს ღამით ტულის ოლქს კიევის რეჟიმი თავს დაესხა. საჰაერო თავდაცვის სისტემებმა 5 დრონი ჩამოაგდო“ – წერს გუბერნატორი „ტელეგრამის“ არხზე.
მეტი...
„მანჩესტერ იუნაიტედის“ ლეგენდარული ფორვარდი დენის ლოუ გარდაიცვალა. შოტლანდიის ნაკრების ყოფილი მოთამაშე 84 წლის იყო. ლოუს მესამე ადგილი უკავია „მანჩესტერ იუნაიტედის“ ყველა დროის ბომბარდირთა სიაში ბობი ჩარლტონისა და უეინ რუნის შემდეგ – 237 გოლი 404 ოფიციალურ მატჩში. გარდა ამისა, ლოუს ეკუთვნის „იუნაიტედის“ რეკორდი ერთ სეზონში გატანილი გოლების რაოდენობით (46 გოლი 1963-64 წლების სეზონში). საკლუბო კარიერაში შოტლანდიელმა 14 ჰეთთრიკი და ოთხი პოკერი შეასრულა. 1964 წელს დენის ლოუმ „ფრანს ფუტბოლის“ „ოქროს ბურთი“ მოიპოვა და დღემდე ერთადერთ შოტლანდიელად რჩება, ვინც ეს მოახერხა.
მეტი...
ბრიტანეთის პრემიერ-მინისტრი კირ სტარმერი მსოფლიო ლიდერებს უკრაინის მხარდაჭერის გაორმაგებისკენ მოუწოდებს. ეს განცხადება დიდი ბრიტანეთის მთავრობის მეთაურმა ვარშავაში ვიზიტისას გააკეთა. „როგორც ევროპის ორი უდიდესი სამხედრო ძალა, რომელთა ჯარები ერთად მსახურობენ აღმოსავლეთ ფლანგის დაცვისას, ჩვენ გვაქვს ურღვევი ერთობა ნატო-სთან და უკრაინასთან მიმართებაში. ჩვენ ერთად ნათლად ვხედავთ, რომ სამართლიან და გრძელვადიან მშვიდობამდე მისასვლელი გზა ძალაზე გადის, ძალაზე, რომელიც უზრუნველყოფს მშვიდობას უკრაინის პირობებით. ჩვენ ვიმუშავებთ მოკავშირეებთან ამ მიზნით, გავზარდოთ ჩვენი ძალისხმევა, რათა უკრაინა ახლა ყველაზე ძლიერ პოზიციაში ჩავაყენოთ და გარანტირებული იყოს, რომ უკრაინას შეეძლება საკუთარი თავის დაცვა და რუსეთის შეკავება მომავალში“, – განაცხადა დიდი…
მეტი...
სერბეთში პრეზიდენტის წინააღმდეგ საპროტესტო აქცია გაიმართა. ინფორმაციას Associated Press-ი ავრცელებს. ქვეყნის პრეზიდენტის, ალექსანდარ ვუჩიჩისა და სერბეთის სახელმწიფო ტელევიზიის წინააღმდეგ გამართულ საპროტესტო აქციაზე ათიათასობით დემონსტრანტი გამოვიდა. მომიტინგეები მათ კორუფციასა და ნეპოტიზმში ადანაშაულებენ. სერბეთში მთავრობის წინააღმდეგ მასშტაბური საპროტესტო აქციები მას შემდეგ დაიწყო, რაც ნოემბერში ქალაქ ნოვი სადის რკინიგზის სადგურის ჭერის ნაწილი ჩამოინგრა, რასაც 15 ადამიანი ემსხვერპლა. საპროტესტო აქციის მონაწილეებმა დაღუპულთა ხსოვნას პატივი 15 წუთიანი დუმილით მიაგეს და ქვეყნის მასშტაბით საყოველთაო გაფიცვა მოითხოვეს.
მეტი...
„ბიბისის“ ინფორმაციით, ისრაელის მთავრობამ დაამტკიცა ღაზის სექტორში ცეცხლის შეწყვეტისა და მძევლების გათავისუფლების შესახებ შეთანხმება. გადაწყვეტილება რამდენიმესაათიანი განხილვის შემდეგ მიიღეს, რომელიც გვიან ღამემდე გაგრძელდა. ორმა ულტრამემარჯვენე მინისტრმა შეთანხმებას წინააღმდეგობა გაუწია. შეთანხმების თანახმად, პირველ ეტაპზე „ჰამასის“ მიერ ღაზაში დაკავებულ 33 ისრაელელ მძევალს გაცვლიან ასობით პალესტინელ პატიმარზე. ეს ფაზა ექვს კვირას გაგრძელდება. ისრაელის ძალები ასევე დატოვებენ ღაზის მჭიდროდ დასახლებული ტერიტორიებს, იძულებით გადაადგილებულ პალესტინელებს მიეცემათ საშუალება, დაიწყონ სახლებში დაბრუნება და ყოველდღიურად ღაზაში ასობით სატვირთო მანქანა შევა ჰუმანიტარული ტვირთის ჩასატანად; მეორე ფაზის ფარგლებში გაიმართება მოლაპარაკებები, რაც უნდა მოიცავდეს დარჩენილი მძევლების გათავისუფლებას, ისრაელის ჯარების ღაზიდან სრულ…
მეტი...
რუსეთმა კიევს ბალისტიკური რაკეტებით დაარტყა, არის მსხვერპლი. ინფორმაციას, უკრაინული მედია ავრცელებს. „სამწუხაროდ, 4 ადამიანი დაიღუპა და 3 დაშავდა“, – აცხადებს კიევის საქალაქო-სამხედრო ადმინისტრაციის ხელმძღვანელი. კიევის მერის, ვიტალი კლიჩკოს ცნობით, რუსეთის იერიშის შედეგად, საცხოვრებელი სახლები და სხვადასხვა ინფრასტრუქტურული ობიექტები, მათ შორის მეტროსადგურ „ლუკიანოვსკაიას“ შესასვლელი დაზიანდა. უკრაინის დედაქალაქში საჰაერო განგაში ადგილობრივი დროით 05:50 საათზე გამოცხადდა.
მეტი...
ჯანდაცვის მსოფლიო ორგანიზაციამ საქართველო ოფიციალურად დაამტკიცა, როგორც მალარიისგან თავისუფალი ქვეყანა. „გილოცავ, საქართველო!“ – ასე ულოცავს ჯანდაცვის მსოფლიოს ორგანიზაციის რეგიონალური დირექტორი ჰანს კლუდე საქართველოს ამ მიღწევას. „ეს მიღწევა შესაძლებელი გახდა მდგრადი ინვესტიციების, ჯანდაცვის მუშაკთა თავდადებისა და მიზნობრივი ძალისხმევის წყალობით მალარიის ყველა შემთხვევის პრევენციაში, ადრეულ გამოვლენასა და ეფექტურ მკურნალობაში. საქართველოს სერთიფიკაციით, ჯანდაცვის მსოფლიო ორგანიზაციის ევროპის რეგიონული ოფისი კიდევ ერთი ნაბიჯით უახლოვდება, რომ გახდეს პირველი მალარიისგან თავისუფალი რეგიონი მსოფლიოში. მათთვის, ვინც არ იცნობს, მალარიის ელიმინაციის სერტიფიკაცია არის WHO-ს მიერ ქვეყნის მალარიისგან თავისუფალი სტატუსის ოფიციალური აღიარება. იგი მიიღება მაშინ, როდესაც ქვეყანა იძლევა მკაცრ და…
მეტი...
„ბიბისის“ ინფორმაციით, აშშ-ის არჩეული პრეზიდენტის, დონალდ ტრამპის ინაუგურაცია უამინდობის გამო კონგრესის შენობაში გაიმართება. როგორც მედია წერს, 20 იანვარს ვაშინგტონში ძლიერი ყინვაა მოსალოდნელი. ტრამპის მიმართვას ინაუგურაციის ცერემონიაზე მისული სტუმრები კონგრესის შენობაში მოისმენენ. საინაუგურაციო აღლუმი და საზეიმო მიღებაც ასევე კაპიტოლიუმის დახურულ სივრცეში გაიმართება.
მეტი...
დღეს, ჩინეთის პრეზიდენტ სი ძინპინსა და აშშ-ის პრეზიდენტს დონალდ ტრამპს შორის სატელეფონო საუბარი გაიმართა. ჩინეთის პრეზიდენტმა სი ძინპინმა დონალდ ტრამპს, პრეზიდენტად არჩევა კიდევ ერთხელ მიულოცა. „ჩვენ ორივე დაინტერესებული ვართ კონტაქტებით, ჩვენ ვხედავთ ახალი პრეზიდენტის ვადაში ორ ქვეყნას შორის ურთიერთობების ახალ ეტაპს. მზად ვართ, ჩინეთ-ამერიკული ურთიერთობები განვითარების ახალ ტრაექტორიაზე ავიყვანოთ ახალ საწყის წერტილში“ – აღნიშნა სი ძინპინმა ტრამპთან საუბრისას. სი ძინპინის თქმით, ჩინეთისა და შეერთებული შტატების ორი დიდი სახელმწიფო ცდილობს განახორციელოს საკუთარი ოცნებები, რათა ხალხს უკეთესი ცხოვრების შესაძლებლობა მისცეს. „საერთო ინტერესების და თანამშრომლობის ფართო სპექტრის მქონე ჩინეთსა და შეერთებულ შტატებს შესაძლებლობა ექნებათ,…
მეტი...
გერმანიაში ბუნდესტაგის ყოფილ დეპუტატებს აზერბაიჯანიდან ქრთამის მიღების გამო ასამართლებენ. მათ აზერბაიჯანის ინტერესების ლობირების სანაცვლოდ სოლიდური თანხების მიღებაში ადანაშაულებენ. საუბარია „ქრისტიან დემოკრატიული კავშირის“ წევრებზე – ედუარდ ლინტნერზე და აკსელ ფიშერზე. ბრალდება ეხება იმ პერიოდს, როდესაც ლინტნერი და ფიშერი ევროსაბჭოს საპარლამენტო ასამბლეის წევრები იყვნენ. ყოფილი დეპუტატები ბრალს არ აღიარებენ.
მეტი...
საქართველოს მესამე პრეზიდენტის და სდსს-ს ყოფილი უფროსის, საქმის პროკურორმა გიორგი მუჯირმა დასკვნით სიტყვაში განაცხადა, რომ მიხეილ სააკაშვილსა და თეიმურაზ ჯანაშიას კორუფციული სქემა ჰქონდათ შემუშავებული და სახელმწიფო ბიუჯეტის სახსრებს პირადი მიზნებისთვის ხარჯავდნენ. „თეიმურაზ ჯანაშიას და მიხეილ სააკაშვილს საქმის მრავალწლიანი განხილვა დასრულდა. ბრალდების მხარემ შეაჯერა და ანალიზი გაუკეთა ურთიერთშეთანხმებულ მტკიცებულებებს, რაც ამ სასამართლოში იყო წარმოდგენილი. ამ მტკიცებულებების განხილვამ ჩვენ ერთადერთ დასკვნამდე მიგვიყვანა, რომ მიხეილ სააკაშვილს და თეიმურაზ ჯანაშიას მიერ შექმნილი იყო კორუფციული სქემა, ისინი მხილებული არიან კორუფციულ დანაშაულში, მიხეილ სააკაშვილსა და თეიმურაზ ჯანაშიას მიერ შექმნილი იყო კორუფციული სქემა, სახელმწიფოს ბიუჯეტის სახსრები მათი ფუფუნებისთვის, მათი გარემოცვისთვის კომფორტის…
მეტი...
აშშ-ის პრეზიდენტი, ინაუგურაციიდან რამდენიმე დღეში, დავოსში გამართულ მსოფლიო ეკონომიკური ფორუმის ყოველწლიურ შეხვედრაში ვირტუალურად ჩაერთვება. ,,ხუთშაბათს, ნაშუადღევს, ის ციფრული ფორმატით, ონლაინ რეჟიმში, შემოუერთდება ჩვენს მონაწილეებთან დიალოგს. ვფიქრობთ, რომ ეს ძალიან განსაკუთრებული მომენტი იქნება”, – ამბობს ეკონომიკური ფორუმის პრეზიდენტი, ნორვეგიის საგარეო საქმეთა ყოფილი მინისტრი ბორგე ბრენდე. მსოფლიო ეკონომიკურ ფორუმს შვეიცარიის ქალაქი დავოსი 20-24 იანვარს უმასპინძლებს. პირველი ვადით პრეზიდენტობის განმავლობაში, ტრამპი ბიზნესის, მთავრობებისა და სხვა ლიდერების ელიტარულ შეკრებას სულ ორჯერ დაესწრო პირადად.
მეტი...
თურქეთში სტამბოლის ცენტრალური რაიონის, ბეშიქთაშის მუნიციპალიტეტის მერი დააკავეს, რომელიც ოპოზიციურ „სახალხო-რესპუბლიკურ პარტიას“ წარმოადგენს. პროკურატურა რიზა აქპოლატს სახელმწიფო ტენდერების გაყალბებაში ადანაშაულებს, თუმცა „სახალხო-რესპუბლიკური პარტია“ ბრალდებას პოლიტიკურად მოტივირებულს უწოდებს. გამოძიება სავარაუდო კრიმინალური ორგანიზაციის საქმიანობაზე მიმდინარეობს, რომელიც სახელმწიფო მოხელეების მოსყიდვით, სატენდერო გარიგებების მანიპულირებაში არის ეჭვმიტანილი. რიზა აქპოლატი ბრალდებას უარყოფს. „სახალხო-რესპუბლიკური პარტიის“ განცხადებით, დაკავებისთვის არ არსებობს კონკრეტული მტკიცებულებები და ეს პოლიტიკურად მოტივირებული ქმედებაა. სტამბოლის მერი ეკრემ იმამოღლუი, რომელიც ასევე „სახალხო-რესპუბლიკური პარტიის” წევრია, არ გამორიცხავს, რომ თავადაც გახდეს გამოძიების სამიზნე.
მეტი...
„თქვენს დღევანდელ ვიზიტს აქვს განსაკუთრებული მნიშვნელობა, რადგან ჩვენ არა მხოლოდ გვექნება შესაძლებლობა, განვიხილოთ ჩვენი თანამშრომლობის ყველა მიმართულება, არამედ ასევე ხელს მოვაწერთ რუსეთსა და ირანს შორის ყოვლისმომცველი სტრატეგიული პარტნიორობის დიდ საბაზისო შეთანხმებას“, – ამის შესახებ რუსეთის პრეზიდენტმა, ვლადიმერ პუტინმა კრემლში ირანის პრეზიდენტთან, მასუდ ფეზეშქიანთან შეხვედრისას განაცხადა. ირანის ლიდერმა აღნიშნა, რომ ხელშეკრულების გაფორმება ორმხრივი ურთიერთობების განვითარებას შეუწყობს ხელს. მისივე თქმით, მოსკოვისა და თეირანის ურთიერთობებს სტრატეგიულად მნიშვნელოვანი და ყოვლისმომცველი ხასიათი აქვს. ირანისა და რუსეთის პრეზიდენტებმა ასევე ერთობლივი პროექტების განხორციელებაზე ისაუბრეს, მათ შორის ბირთვულ ენერგეტიკაში. ამასთან დაკავშირებით ფეზეშქიანმა განაცხადა, რომ მოსკოვსა და თეირანს ატომური ელექტროსადგურის…
მეტი...
,,შვედეთ-საქართველოს საპარლამენტო მეგობრობის ჯგუფმა მიიღო გადაწყვეტილება, დაუყოვნებლივ შეწყვიტოს ყველა კონტაქტი საქართველოს პარლამენტთან”, – წერს სოციალურ ქსელში შვედეთის პარლამენტის წევრი გუსტავ გეტბერგი. ,,შვედეთ-საქართველოს საპარლამენტო მეგობრობის ჯგუფმა მიიღო გადაწყვეტილება, დაუყოვნებლივ შეწყვიტოს ყველა კონტაქტი საქართველოს პარლამენტთან. ჯგუფი ეწინააღმდეგება ახალი პრეზიდენტის არაკონსტიტუციურ დანიშვნას და მოუწოდებს საქართველოში ახალი არჩევნების ჩატარებისკენ. ჩვენ ქართველი ხალხის გვერდით ვდგავართ”, – წერს პარლამენტარი.
მეტი...
კალიფორნიაში მსოფლიოს უდიდესი ლითიუმის საცავი იწვის. ცეცხლი მონტერეის რაიონში მდებარე ქარხანაში გაჩნდა, რომელიც ლითიუმისგან ბატარეებსა და აკუმულატორებს აწარმოებს. გავრცელებული ინფორმაციით, მიმდებარე რაიონებიდან მოსახლეობის ევაკუაცია განხორციელდა. ადგილზე სახანძრო სამაშველო ოპერაცია მიმდინარეობს. ცეცხლის გაჩენის მიზეზი, ჯერჯერობით, უცნობია.
მეტი...
,,ადამიანების მიზანში ამოღება ძირს უთხრის საქართველოში სამართალს, დემოკრატიას და კანონის უზენაესობას”, – ამის შესახებ საქართველოში ამერიკის შეერთებული შტატების საელჩო წერს. ,,აშშ-ის საელჩოსა და სხვა დიპლომატიური კორპუსის წარმომადგენლები დაესწრნენ საქართველოს იმ მოქალაქეების სასამართლო პროცესებს, რომლებიც დაკავების ან პატიმრობის დროს სავარაუდოდ პოლიციამ სცემა ან მათზე იძალადა. ადამიანების მიზანში ამოღება გამოხატვის თავისუფლებისა და ფუნდამენტური უფლებებით სარგებლობის გამო, ძირს უთხრის საქართველოში სამართალს, დემოკრატიასა და კანონის უზენაესობას”, – წერს აშშ-ს საელჩო.
მეტი...
თურქეთის მედიის ცნობით, თურქეთის პრეზიდენტმა, რეჯეფ თაიფ ერდოღანმა შეშფოთება გამოთქვა ისრაელის მხრიდან, ცეცხლის შეწყვეტის შეთანხმების მიუხედავად, ღაზაზე თავდასხმების გამო და ხაზგასმით აღნიშნა, რომ საერთაშორისო თანამეგობრობამ ხელი უნდა შეუშალოს ისრაელს ცეცხლის შეწყვეტის პირობების დარღვევაში. „შეთანხმების მიუხედავად, ისრაელის მიერ შეტევებისა და ხოცვა-ჟლეტვის გაგრძელება დღეს სამართლიანად ზრდის ჩვენს შეშფოთებას. ისრაელის მთავრობას არ უნდა მიეცეს ცეცხლის შეწყვეტის დარღვევისა და ბოროტად გამოყენების უფლება“, – აღნიშნა ერდოღანმა. ერდოღანმა მოუწოდა საერთაშორისო საზოგადოებას, შეასრულოს ვალდებულებები ღაზის მოსახლეობის მიმართ. „მსოფლიომ უნდა შეასრულოს თავისი სამართლებრივი და მორალური პასუხისმგებლობა ღაზის მოსახლეობის მიმართ. მიუხედავად იმისა, რომ 50 000-ზე მეტი ადამიანი დაკარგეს, უმეტესად…
მეტი...
,,აზერბაიჯანსა და საქართველოს შორის ურთიერთობები წარმატებულად ვითარდება ყველა სფეროში. პოლიტიკური კავშირები შეიძლება იყოს იმის მაგალითი, თუ როგორ უნდა ცხოვრობდეს ორი მეზობელი”, – ამის შესახებ აზერბაიჯანის პრეზიდენტმა ილჰამ ალიევმა საქართველოს პრემიერ-მინისტრ ირაკლი კობახიძესთან შეხვედრის შემდეგ განაცხადა. მისი თქმით ორ ქვეყანას შესანიშნავი შედეგები აქვს ასევე ეკონომიკურ ურთიერთობებში „ჩვენი ერები მეგობრულად, კეთილმეზობლურად და ძმურად ცხოვრობენ საუკუნეებია და ეს განსაკუთრებული ურთიერთობები გრძელდება დღესაც. აზერბაიჯანსა და საქართველოს შორის ურთიერთობები წარმატებულად ვითარდება ყველა სფეროში. პოლიტიკური კავშირები შეიძლება იყოს იმის მაგალითი, თუ როგორ უნდა ცხოვრობდეს ორი მეზობელი. ეკონომიკურ ურთიერთობებში შესანიშნავი შედეგები გვაქვს, აზერბაიჯანმა 3,6 მილიარდი დოლარის კაპიტალდაბანდება…
მეტი...
,,ორ ქვეყანას შორის წარმატებული თანამშრომლობა არსებობს ენერგეტიკის სფეროში”, – ამის შესახებ აზერბაიჯანის პრეზიდენტმა ილჰამ ალიევმა ირაკლი კობახიძესთან პირისპირ შეხვედრის შემდეგ, ერთობლივი განცხადებების დროს აღნიშნა. ილჰამ ალიევის თქმით, ეს ორივე ქვეყნის ინტერესებსა და მთელს რეგიონს ემსახურება. „განსაკუთრებული მნიშვნელობის არის ის პროექტები, რომლებსაც ერთობლივად ვახორციელებთ ნავთობის და ბუნებრივი აირის მიმართულებით. ეს ყველაფერი უზრუნველყოფს ენერგოუსაფრთხოებას ბევრი ქვეყნისთვის. მინდა ასევე აღვნიშნო, რომ საქართველოში ტრანზიტის წყალობით აზერბაიჯანული ბუნებრივი აირი 11 ქვეყანას მიეწოდება, ექსპორტი მზარდია, 25 მლრდ კუბური მეტრი იყო გასულ წელს მისი მოცულობა და 10% ექსპორტიდან საქართველოს წილია. იმ ინფორმაციის საფუძველზე, რომელიც მივიღე საქართველოში ბუნებრივი…
მეტი...
,,ძალიან მნიშვნელოვანია ჩვენი პარტნიორობა იმისათვის, რომ უზრუნველყოფილი იყოს უსაფრთხოება, სტაბილურობა ჩვენს რეგიონში და ამ თვალსაზრისით, ჩვენი ორი სახელმწიფოს ურთიერთთანამშრომლობას განსაკუთრებული მნიშვნელობა ენიჭება”, – ამის შესახებ საქართველოს პრემიერ-მინისტრმა ირაკლი კობახიძემ აზერბაიჯანის რესპუბლიკის პრეზიდენტთან ილჰამ ალიევთან პირისპირ შეხვედრის შემდეგ, ერთობლივი განცხადებების დროს აღნიშნა. საქართველოს მთავრობის მეთაურმა აზერბაიჯანის პრეზიდენტს მადლობა გადაუხადა გულთბილი მასპინძლობისთვის და არჩევნებში გამარჯვების მილოცვისთვის. „უღრმესი მადლობა ბატონო პრეზიდენტო, უღრმესი მადლობა მადლობა გულთბილი მასპინძლობისთვის. ძალიან დიდი მადლობა მინდა, გადაგიხადოთ არჩევნებში გამარჯვების მოლოცვისთვის. ნამდვილად ასეა, ძალიან მნიშვნელოვანია ჩვენი პარტნიორობა იმისათვის, რომ უზრუნველყოფილი იყოს უსაფრთხოება, სტაბილურობა ჩვენს რეგიონში და ამ თვალსაზრისით ჩვენი ორი…
მეტი...
დიდ ბრიტანეთში, სამგზავრო ავტობუსში, 14 წლის მოზარდის მკვლელობის საქმეზე 3 ადამიანი დააკავეს. BBC-ის ცნობით, მკვლელობის ბრალდებით დაკავებულები არიან 15 და 16 წლის მოზარდები, ხოლო 44 წლის ქალი მათთვის დახმარების გაწევის ბრალდებით დააკავეს. ლონდონის პოლიციის ინფორმაციით, სამივე მათგანი წინასწარ პატიმრობაშია. საქმის მთავარი გამომძიებლის განცხადებით, დაკავებები გამოძიებისთვის წინ გადადგმულია ნაბიჯია. ცნობისთვის, 14 წლის მოზარდი ლონდონში, 7 იანვარს, სამგზავრო ავტობუსში, ცივი იარაღის გამოყენებით მოკლეს.
მეტი...
რუსი ოპოზიციონერის, ალექსეი ნავალნის სამ ადვოკატს რუსეთის სასამართლომ 3,5 წლიდან – 5,5 წლამდე თავისუფლების აღკვეთა მიუსაჯა. ვადიმ კობზევს, იგორ სერგუნინს და ალექსეი ლიპცერს ბრალად ედებათ ექსტრემისტულ ჯგუფში წევრობა. ვადიმ კობზევს 5,5 წლით თავისუფლების აღკვეთა მიესაჯა, ალექსეი ლიპცერს 5 წლით, ხოლო იგორ სერგუნინს 3,5 წლით. ალექსეი ნავალნის ადვოკატები 2023 წლის ოქტომბერში დააკავეს, ერთი თვის შემდეგ ისინი „ტერორისტებისა და ექსტრემისტების“ სიაში შეიყვანეს. ალექსეი ნავალნი რუსეთის სასჯელაღსრულების დაწესებულებაში 2024 წლის 16 თებერვალს გარდაიცვალა. მას 19 წლით თავისუფლების აღკვეთა ჰქონდა მისჯილი.
მეტი...
ნიდერლანდების საგარეო საქმეთა მინისტრმა, კასპარ ველდკამპმა კიევში სამუშაო ვიზიტით ყოფნისას უკრაინისთვის 27 მილიონი ევროს დახმარება გამოაცხადა. უკრაინული მედიის ცნობით, დახმარების ახალი პაკეტიდან 20 მილიონი მიმართული იქნება უკრაინის ენერგეტიკული ქსელის გაძლიერებაზე, რომელიც რუსეთის თავდასხმების შედეგად სერიოზულად დაზიანდა. ნიდერლანდების საგარეო უწყებაში განმარტავენ, რომ თანხა განკუთვნილია როგორც ენერგეტიკული ობიექტების შეკეთებასა და დაცვაზე, ასევე ელექტროენერგიის დეცენტრალიზებულ წარმოებაზე. გარდა ამისა, კასპარ ველდკამპმა გამოაცხადა 7 მილიონი ევროს კონტრიბუცია ნატო-ს უკრაინის ყოვლისმომცველი დახმარების პაკეტში, რომლის ფარგლებში ალიანსი უკრაინას არალეტალურ მხარდაჭერას უწევს. საგარეო მინისტრის მტკიცებით, ნიდერლანდები რუსეთის წინააღმდეგ ევროკავშირის ახალი სანქციების ერთგული რჩება და გააგრძელებს ძალისხმევას უკრაინის მოქალაქეებისთვის…
მეტი...
გაერთიანებული სამეფოს პრემიერ-მინისტრმა, კირ სტარმერმა Sky News-თან ინტერვიუში განაცხადა, რომ გაერთიანებული სამეფო თავის სრულ როლს შეასრულებს უკრაინაში სამშვიდობო ძალისხმევაში. „არ მინდა მოვლენებს წინ გავუსწრო, მაგრამ სრულად შევასრულებთ ჩვენს როლს, რადგან ეს არ ეხება მხოლოდ უკრაინის სუვერენიტეტს. ეს ეხება იმას, თუ რა გავლენა აქვს გაერთიანებულ სამეფოზე და ჩვენს ღირებულებებზე, ჩვენს თავისუფლებაზე, დემოკრატიაზე. რადგან თუ რუსეთი წარმატებას მიაღწევს ამ აგრესიაში, ის გავლენას მოახდენს ყველა ჩვენგანზე ძალიან, ძალიან დიდი ხნის განმავლობაში“, – აღნიშნა კირ სტარმერმა. შეგახსენებთ, რომ გაერთიანებული სამეფოს პრემიერ-მინისტრი გუშინ კიევში იმყოფებოდა.
მეტი...
,,დასავლური სამყაროს თავზე სამშაბათს დილიდან ახალი მზე ამოვა”, – განაცხადა უნგრეთის პრემიერ-მინისტრმა, ვიქტორ ორბანმა აშშ-ის არჩეული პრეზიდენტის, დონალდ ტრამპის ინაუგურაციაზე საუბრისას. მისი თქმით, აშშ-ის „დემოკრატიული პარტიის“ „მწარე, რთული და მტკივნეული“ ადმინისტრაციის დასასრული გარდამტეხი მომენტია. ორბანის მტკიცებით, 2020 წლის არჩევნები ტრამპს გაყალბების გზით მოიპარეს და ის რომ ყოფილიყო პრეზიდენტი, უკრაინა-რუსეთის ომი არ მოხდებოდა. უნგრეთის პრემიერ-მინისტრმა “დემოკრატები“ ეკონომიკური ინტერესებისთვის პრიორიტეტის მინიჭებისთვის, მასობრივი მიგრაციისა და „გენდერული სიგიჟის“ ხელშეწყობისთვის გააკრიტიკა. ორბანის მტკიცებით, „დემოკრატები“ თავიანთ მიზნებს კონფლიქტის გზით ახორციელებენ, როგორც ეს უკრაინის ომში ჩანს.
მეტი...
,,ინვესტიციების სფეროში თანამშრომლობას ძალიან კარგი დინამიკა გააჩნია”, – ამის შესახებ აზერბაიჯანის პრემიერ-მინისტრმა ალი ასადოვმა საქართველო-აზერბაიჯანის ეკონომიკური თანამშრომლობის მთავრობათაშორისი კომისიის მე-10 სხდომის გახსნისას განაცხადა. ალი ასადოვის თქმით, აზერბაიჯანი საქართველოში უდიდეს ინვესტიციას ახორციელებს. „SOCAR-ი საქართველოში თავის საქმიანობას წარმატებით ახორციელებს. კომპანია ყოველთვის საქართველოს ეკონომიკაში უდიდეს ინვესტიციას დებს და ქვეყნის ერთ-ერთი უდიდესი გადამხდელია. ასევე, SOCAR-ი საქართველოში პერიოდულად სოციალურ პროექტებსაც ახორციელებს და ამ მიმართულებითაც გააგრძელებს თავის საქმიანობას. ამავდროულად, აზერბაიჯანის ინვესტორების საქართველოში საქმიანობასთან დაკავშირებით ზოგიერთი საკითხების მოგვარებაზე საქართველოს მთავრობის იმედი გვაქვს. აღნიშნული საკითხების დადებითად მოგვარება ინვესტიციების სფეროში თანამშრომლობას უფრო გააძლიერებს და გააფართოებს, რადგან აზერბაიჯანელი ინვესტორები დაინტერესებულნი…
მეტი...
,,საქართველოსთან ურთიერთობების განვითარება აზერბაიჯანის საგარეო პოლიტიკის ერთ-ერთი პრიორიტეტია”, – ამის შესახებ აზერბაიჯანის პრემიერ-მინისტრმა ალი ასადოვმა საქართველო-აზერბაიჯანის ეკონომიკური თანამშრომლობის მთავრობათაშორისი კომისიის მე-10 სხდომის გახსნისას განაცხადა. აზერბაიჯანის პრემიერის თქმით, გასული დროის განმავლობაში ორ ქვეყანას შორის სტრატეგიული პარტნიორობა ხარისხობრივად ახალ საფეხურზე გადავიდა. „პატივცემულო პრემიერ-მინისტრო, საქართველოსთან ურთიერთობების განვითარება აზერბაიჯანის საგარეო პოლიტიკის ერთ-ერთი პრიორიტეტია. გასული დროის განმავლობაში ჩვენი სტრატეგიული პარტნიორობა ხარისხობრივად ახალ საფეხურზე გადავიდა. ეს თანამშრომლობა ყველა მნიშვნელოვან სფეროს მოიცავს და გააჩნია ფართო იურიდიული ბაზა, აქ შედის 140-მდე დოკუმენტი. ჩვენს ქვეყნებს შორის აქტიური პოლიტიკური დიალოგი არსებობს. საერთაშორისო ორგანიზაციების ფარგლებში ერთმანეთს ყოველთვის მხარს ვუჭერთ. ჩვენ რთულ…
მეტი...
,,ჩვენ გულწრფელად ვართ დაინტერესებული, განვახორციელოთ კონკრეტული პრაქტიკული ნაბიჯები და ხელი შევუწყოთ თანამშრომლობას რეგიონში, საქართველო მხარეებს სთავაზობს სამმხრივი თანამშრომლობის ინიციატივას, რომელიც ითვალისწინებს სამხრეთ კავკასიის სამივე ქვეყნის ჩართულობას სხვადასხვა სფეროების მიმართულებით”, – ამის შესახებ საქართველოს პრემიერ-მინისტრმა ირაკლი კობახიძემ საქართველო-აზერბაიჯანის ეკონომიკური თანამშრომლობის მთავრობათაშორისი კომისიის მე-10 სხდომის გახსნისას განაცხადა. მთავრობის მეთაურმა აღნიშნა, რომ კომისიის სხდომა ხელს შეუწყობს ორ ქვეყანას შორის დინამიურ თანამშრომლობას. „ჩემთვის დიდი პატივია, რომ დღეს ვიმყოფები ბაქოში, ქალაქში, რომელიც ყოველ ვიზიტზე გვაოცებს თავისი სილამაზით და განვითარების ტემპით. მოხარული ვარ, რომ მაქვს შესაძლებლობა, პირველად გავუწიო თანათავმჯდომარეობა საქართველო-აზერბაიჯანის რიგით მე-10 მთავრობათაშორისი ეკონომიკური თანამშრომლობის კომისიას.…
მეტი...
,,ჩვენ საქართველოთი ბოლო დროს იმედგაცრუებულნი ვართ”, – ამის შესახებ სენატის საგარეო ურთიერთობათა კომიტეტის რესპუბლიკელმა თავმჯდომარემ, ჯეიმს რიშმა „ამერიკის ხმასთან“ განაცხადა. „ჩვენ საქართველოთი ბოლო დროს იმედგაცრუებულნი ვართ და იმედი გვაქვს, რომ საქართველოში მცხოვრები ხალხი აიღებს კონტროლს და გააკეთებს იმას, რისი გაკეთებაც ჩვენ გვგონია, რომ მათ სურთ და რომ ის გახდება უკეთესი დემოკრატია, დასავლეთისკენ მიმართული დემოკრატია,“ – განაცხადა რიშმა.
მეტი...
„ვფიქრობ, ჩვენ ახალ ადმინისტრაციას ძალიან მტკიცე პოლიტიკას ვუტოვებთ. ჩვენ გავყინეთ 95 მილიარდ დოლარზე მეტი მხარდაჭერა საქართველოსთვის”, – ამის შესახებ ამერიკის შეერთებული შტატების ეროვნული უშიშროების საბჭოს ევროპის მიმართულების უფროსმა დირექტორმა, მაიკლ კარპენტერმა ,,ამერიკის ხმასთან” განაცხადა. ,,დავასანქცირეთ საქართველოს მთავრობის ბევრი ოფიციალური პირი ანტიდემოკრატიულ ქმედებებში მონაწილეობისთვის, რაც პროტესტის და სამოქალაქო საზოგადოების შევიწროებას ეხებოდა. ჩვენ დავასანქცირეთ ამ რეპრესიების წამყვანი არქიტექტორები, მათ შორის, ბიძინა ივანიშვილი, რომელიც ერთ-ერთი მთავარი გადაწყვეტილების მიმღებია საქართველოს, არა მხოლოდ შიდა ორიენტაციის, არამედ მისი საგარეო პოლიტიკის შესახებაც, რომელიც სულ უფრო ემსგავსება რუსეთისა და ჩინეთის საგარეო პოლიტიკას. ასე რომ, ჩვენ ახალ გუნდს, ეს…
მეტი...
55 წლის ბრიტანელმა, ენდი ემოტმა 22 წლის გოგონას, სახელად ამბერს თირკმელი გადაუნერგა. უცხოური მედიის ცნობით, წლების წინ ენდის ქალიშვილიც ფილტვის დაავადებამ იმსხვერპლა. სარა ორგანოს გადანერგვიდან 364 დღეში გარდაიცვალა. „როდესაც ემბერის შესახებ გავიგე, ის ჩემს გარდაცვლილ შვილს, სარას მივამსგავსე და მაშინვე მივხვდი, რომ მისთვის რაღაც უნდა გამეკეთებინა. მე მას თირკმელი გადავუნერგე, ისევე როგორც ერთ დროს უცხო ადამიანმა ჩემს შვილს”, – თქვა ენდიმ.
მეტი...
სლოვაკეთში, სპისკა სტარა ვესის დასახლებაში სკოლის მოსწავლე ორ თანაკლასელსა და მასწავლებელს ცივი იარაღით თავს დაესხა. „როიტერის” ცნობით, შემთხვევის შედეგად დაღუპულია ორი ადამიანი. თავდამსხმელი პოლიციამ მალევე დააკავა. ამ დროისთვის უცნობია, არიან თუ არა სხვა დაშავებულებიც. ასევე, უცნობია თავდასხმის მოტივიც. შემთხვევის ადგილზე გაემგზავრნენ ქვეყნის შინაგან საქმეთა და განათლების მინისტრები.
მეტი...
78 წლის ასაკში, ამერიკელი რეჟისორი დევიდ ლინჩი გარდაიცვალა. 2024 წელს, ლინჩმა თავად თქვა, რომ ექიმებმა ფილტვის ემფიზემის დიაგნოზი დაუსვეს. ლინჩი ცნობილი იყო სხვადასხვა ფილმებით, როგორიცაა Blue Velvet, Twin Peaks, Mulholland Drive. დევიდ ლინჩი არის კანის კინოფესტივალის „ოქროს პალმისა“ (2001) და ვენეციის კინოფესტივალის საპატიო „ოქროს ლომის“ (2006) გამარჯვებული. ის სამჯერ იყო ნომინირებული „ოსკარზე“. 2019 წელს დევიდ ლინჩს მიენიჭა „ოსკარი“ კინემატოგრაფიაში გამორჩეული მიღწევებისთვის. დევიდ ლინჩი 2017 წელს საქართველოშიც იმყოფებოდა. ვიზიტი დაკავშირებული იყო დევიდ ლინჩის ფონდის კავკასიის განყოფილების საქმიანობასთან, რომელიც 2017 წლის 25 ივლისს თბილისში ჩამოყალიბდა.
მეტი...
,,საქართველოს თავისუფლებას საფრთხე ემუქრება, რადგან დიქტატორობის მსურველმა ივანიშვილმა არჩევნები გააყალბა,” – წერს აშშ-ის ჰელსინკის კომისიის თავმჯდომარე, კონგრესმენი ჯო უილსონი. ,,საქართველო და აშშ ღირებული პარტნიორები არიან. საქართველოს თავისუფლებას საფრთხე ემუქრება, რადგან დიქტატორობის მსურველმა ივანიშვილმა, რომელსაც მხარს უჭერს CCP (ჩინეთის კომუნისტური პარტია), ომის დამნაშავე პუტინი და ირანის რეჟიმი არჩევნები გააყალბა. ლეგიტიმური პრეზიდენტი სალომე ზურაბიშვილი და ქართველი ხალხი ითხოვს თავისუფალ და სამართლიან არჩევნებს”, – წერს უილსონი სოციალურ ქსელში.
მეტი...