კატეგორია: მსოფლიო

ვიქტორ ორბანი წინააღმდეგია, ევროკავშირის მშვიდობის ფონდიდან სომხეთს თანამედროვე სამხედრო დახმარება გაუწიონ. უნგრეთის პოზიციაა, რომ  ანალოგიური დახმარება აზერბაიჯანმაც მიიღოს. არადა, ალიანსმა წინასწარ შეთანხმებას უკვე მიაღწია, თუმცა, უნგრეთის მხარდაჭერის გარეშე მისი განხორციელება ვერ მოხდება. პროექტის მიხედვით, საუბარია 10 მილიონი ევროს ოდენობით დახმარებაზე, რომელიც სომხეთმა დაახლოებით  2 წლისა და 6 თვის განმავლობაში უნდა მიიღოს. თანხა გულისხმობს  საველე ჰოსპიტლების მოწყობასა  და სხვა სმხედრო დახმარებას, რომელზეც ევროკავშირის ლიდერები შეთანხმებულები იყვნენ. შეგახსენებთ, რომ ყარაბაღის კონფლიქტში ვიქტორ ორბანი აზერბაიჯანის მხარდამჭერი იყო.  

მეტი...

,,მათ მიიღეს კანონი, რომელიც ინტეგრაციის გზაზე გარკვეული უკუსვლაა. ვწუხვართ ამის გამო”, – განაცხადა ბელგიის საგარეო საქმეთა, ევროპის საქმეთა და საგარეო ვაჭრობის მინისტრმა, ჰაჯა ლაბიბმა ბრიუსელში, სადაც ევროკავშირის ზოგად საქმეთა საბჭოს არაფორმალური სხდომა ტარდება. ლაბიბი “ქართული ოცნების” მიერ პირველი მოსმენით მიღებულ რუსულ კანონს ეხმაურება: ,,ორმხრივი შეხვედრა მექნება. მათ მიიღეს კანონი, რომელიც ინტეგრაციის გზაზე გარკვეული უკუსვლაა. ვწუხვართ ამის გამო და გვექნება ძალიან ღია დისკუსია ნებისმიერი ტაბუს გარეშე. ვნახავთ, როგორ შეგვიძლია, მხარი დავუჭიროთ მათ და როგორ შევცვალოთ ეს სიტუაცია. წინააღმდეგ შემთხვევაში, ვშიშობ, წინსვლა არ ექნებათ”, – ამბობს ლაბიბი.

მეტი...

,,კრემლის მიერ დასმულმა ოლიგარქმა ყველა კარტი მაგიდაზე დაალაგა”, – ასე ეხმაურება ევროპარლამენტარი ანნა ფოტიგა “ქართული ოცნების” მიერ გუშინ გამართულ რუსულ მარშს და ოლიგარქის გზავნილებს. ,,გუშინდელ გამოსვლაში კრემლის მიერ დასმულმა ოლიგარქმა ყველა კარტი მაგიდაზე დაალაგა. 12-წლიანი ტყუილის შემდეგ ბიძინა ივანიშვილი მკაფიო სიგნალს აგზავნის მისი მმართველობის ქვეშ ქვეყნის გეოპოლიტიკური მარშრუტის შესახებ. საბედნიეროდ, ადამიანებმა საუკუნეების წინ გააკეთეს თავიანთი ცივილიზაციური არჩევანი. საქართველოს ადგილი ევროპაშია”, – წერს ფოტიგა.

მეტი...

ევროკომისიის გენერალური დირექტორი სამეზობლოს და გაფართოების შესახებ მოლაპარაკების საკითხებში თბილისში ჩამოდის. ინფორმაციას ევროკავშირის წარმომადგენლობა ავრცელებს. ,,1-2 მაისს, ევროკომისიის გენერალური დირექტორი სამეზობლოს და გაფართოების შესახებ მოლაპარაკების საკითხებში, ხერტ იან კოოპმანი, საქართველოს ეწვევა და მთავრობის წარმომადგენლებთან, სამოქალაქო საზოგადოებასთან და სხვა პარტნიორებთან ერთად ისაუბრებს ევროკავშირსა და საქართველოს შორის თანამშრომლობაზე, მათ შორის, კანდიდატის სტატუსთან დაკავშირებული 9 ნაბიჯის შესარულებისთვის საჭირო სამუშაოზე. ის ასევე ევროკავშირის მიერ დაფინანსებულ რამდენიმე პროექტს გახსნის”, – ნათქვამია განცხადებაში.

მეტი...

,,ივანიშვილი მართავს რეჟიმს, რომელიც უცხოა ევროკავშირის ღირებულებისთვის”, – ამის შესახებ წერს შვედეთის ყოფილი პრემიერმინისტრი კარლ ბილდტი X-ზე. ,,ივანიშვილის ეს გამოსვლა აჩვენებს, რომ ის მართავს რეჟიმს, რომელიც უცხოა ევროკავშირის ღირებულებებისა და ინტერესებისთვის. ყველამ, ვისაც ეჭვი ეპარება, მისი სიტყვა უნდა წაიკითხოს”.

მეტი...

უკრაინის რადას დეპუტატი, ოლექსი გონჩარენკო რუსული კანონის მხარდასაჭერად “ქართული ოცნების” მიერ გუშინ გამართულ აქციას ეხმაურება. მისი თქმით, ევროკავშირმა და ამერიკამ სანქციები უნდა დააწესოს ბიძინა ივანიშვილისა და მისი გარემოცვის წინააღმდეგ. ,,დღეს ივანიშვილმა ნიღაბი ჩამოიხსნა. ის აღარ მოაჩვენებს თავს ქართულ ოცნებად, ის კრემლის ოცნებაა, რომ საქართველო გახდეს ბელარუსი. და მხოლოდ ქართულ საზოგადოებას შეუძლია ამის შეჩერება. ევროკავშირმა და შეერთებულმა შტატებმა დაუყოვნებლივ უნდა დაუწესონ სანქციები მას და მის გარემოცვას. გვიანია მაგრამ მაინც”, – წერს გონჩარენკო.

მეტი...

ნატოს გენერალური მდივანი, იენს სტოლტენბერგი კიევშია. ის უკრაინის პრეზიდენტს, ვოლოდიმირ ზელენსკის შეხვდა. ვიზიტის შესახებ ინფორმაცია წინასწარ არ იყო გავრცელებული. ,,დღეს განვიხილეთ იენსის ინიციატივა შექმნას სპეციალური ფონდი უკრაინის თავდაცვის ფინანსური მხარდაჭერისთვის 100 მილიარდი ევროს ოდენობით ხუთი წლის ვადით”, – თქვა ზელენსკიმ ერთობლივ ბრიფინგზე. ზელენსკიმ აღნიშნა, რომ უკრაინა იქნება ნატოში, ,,რადგან უკვე შეუძლებელია ევროპისა და ევროატლანტიკური საზოგადოების უსაფრთხოების წარმოდგენა უკრაინის ეფექტური მონაწილეობის გარეშე”.

მეტი...

საქართველოს მოქალაქეებისთვის ჩინეთში უვიზო მიმოსვლა მიმდინარე წლის 28 მაისიდან ამოქმედდება. საქართველოს საგარეო საქმეთა მინისტრის მოადგილე ალექსანდრე ხვთისიაშვილი საქართველოში ჩინეთის სახალხო რესპუბლიკის ელჩს, ჭოუ ციენს შეხვდა, რომელმაც ქართულ მხარეს ოფიციალურად გადასცა ნოტა, რომლის თანახმადაც, ჩინეთის მხრიდან დასრულებულია 2024 წლის 10 აპრილს გაფორმებული „საქართველოს მთავრობასა და ჩინეთის სახალხო რესპუბლიკის მთავრობას შორის ორდინალური პასპორტების მფლობელთა სავიზო მოთხოვნებისგან ორმხრივად გათავისუფლების შესახებ შეთანხმების“ ძალაში შესვლის პროცედურები. აღნიშნულის შედეგად, საქართველოს მოქალაქეებს უკვე 2024 წლის 28 მაისიდან საშუალება ეძლევათ, უვიზოდ იმოგზაურონ ჩინეთის სახალხო რესპუბლიკაში და დაჰყონ ქვეყანაში ზედიზედ 30 დღე. ჩინეთის მოქალაქეებისთვის უვიზო რეჟიმი საქართველოს მხრიდან 2023…

მეტი...

კანონი, რომელიც ერაყის საკანონმდებლო ორგანომ მიიღო, ერთსქესიანთა ქორწინებას ჯრძალავს. კერძოდ, მსგავსი ფაქტი 15 წლამდე პატიმრობას ითვალისწინებს. როგორც კანონმდებლები განმარტავენ, კანონი მიზნად ისახავს ერაყის მოსახლეობის დაცვას მორალური გარყვნილებისგან და ჰომოსექსუალიზმისკენ მოწოდებებისგან, რაც მთელი მსოფლიოს სენია. კანონის იხედვით, ერთი და იმავე სქესის ადამიანებს შორის ურთიერთობა 10-დან 15 წლამდე პატიმრობით დაისჯება, ჰომოსექსუალობისა ან პროსტიტუციის ხელშეწყობა კი – 7 წლით თავისუფლების აღკვეთით.

მეტი...

„ჰამასი“ მძევლების მორიგ ვიდეოს ასაჯაროებს. ვიდეოში 7 ოქტომბერს ისრაელიდან გატაცებული  მძევლები ჩანს. ერთი 64 წლის კიტ სიგელია, მეორე კი 47 წლის ომრი მირანი. ისისნი  ოჯახებს მოკითხვას უგზავნიან და გათავისუფლებას ითხოვენ. სიგელი ისრაელისა და აშშ-ის მოქალაქეა.  

მეტი...

„ძალიან იმედგაცრუებული დავრჩებით, თუ საქართველოს პარლამენტი მიიღებს კანონს უცხოეთის აგენტების შესახებ“ – აცხადებს 14 სენატორი, რომელიც საქართველოს პრემიერ-მინისტრს წერილს უგზავნის. „ჩვენ, როგორც კონგრესის წევრები, რომელთაც ღრმა პატივისცემა გვაქვს ქართველი ხალხის მიმართ და ყოველთვის ვიყავით მძლავრი ორპარტიული და თქვენს ქვეყანასთან ორმხრივი კავშირების უპირველესი მხარდამჭერები, ძალიან იმედგაცრუებული დავრჩებით, თუ საქართველოს პარლამენტი მიიღებს კანონს უცხოეთის აგენტების შესახებ, რომელიც ძირს გამოუთხრის საქართველოს ურთიერთობას შეერთებულ შტატებთან. თუ ეს კანონპროექტი მიღებული იქნება, ჩვენ იძულებული გავხდებით, წავახალისოთ შეერთებული შტატების პოლიტიკის შეცვლა საქართველოს მიმართ, რაშიც შეიძლება შედიოდეს სანქციები მათ მიმართ, ვინც პასუხისმგებელია საქართველოს დემოკრატიული განვითარების შეფერხებაზე ან მისი ევროატლანტიკური…

მეტი...

14 სენატორი საქართველოს პრემიერ მინისტრს წერილს უგზავნის. ამერიკის ხმის ინფორმაციით, თუ „უცხოეთის გავლენის გამჭვირვალობის კანონის“ პარლამენტიდან გაწვევა არ მოხდება, ისინი იძულებულნი გახდებიან, წაახალისონ აშშ-ის პოლიტიკის შეცვლა საქართველოს მიმართ. წერილზე ხელის მომწერი სენატორები არიან: ჯინ შაჰინი, ჯეიმს რიში, ი ბენ კარდინი,  ლინდსი გრემი, კრის კუნსი, პიტ რიკეტსი, რიჩარდ დურბინი, როჯერ უიკერი, რიჩარდ ბლუმენთალი, ტომ ტილისი, ტიმ კეინი, დენ სალივანი, შელდონ უაითჰაუსი და მარტინ ჰაინრიხი. „კანონმდებლობის ამოქმედებას შეუძლია მძლავრი მესიჯი გაუგზავნოს ქართველ ხალხს, რომ მისი მთავრობა აღარ ასახავს მათ სურვილებს, აქტიურად ძირს უთხრის ევროკავშირში გაწევრიანების დღის წესრიგს და უარს ამბობს კონსტიტუციის დაცვაზე.…

მეტი...

6 მილიარდი დოლარის ოდენობის სამხედრო დახმარება –  ეს ის პაკეტია, რომელისაც ამერიკის შეერთებული შტატები უკრაინისთვის ამზადებს. აშშ-ის თავდაცვის მდივანი –  ლოიდ ოსტინის განცხადებით, ეს იქნება უკრაინისთვის დამატებითი დახმარების აღმოჩენა. „მოხარული ვარ, უკრაინის უსაფრთხოების დახმარების ინიციატივის (USAI) ფარგლებში  6 მილიარდი დოლარის ოდენობის დამატებითი ვალდებულების შესახებ გამოვაცხადო. ეს საშუალებას მოგვცემს უკრაინისთვის დამატებითი დახმარება ამერიკული თავდაცვითი მრეწველობისგან შევიძინოთ. ეს კიდევ ერთხელ ადასტურებს  უკრაინის მიმართ აშშ-ის ურყევ ერთგულებას,” –  აღნიშნა ლოიდ ოსტინმა.  

მეტი...

“ჩინეთი ამერიკის შეერთებულ შტატებს აფრთხილებს, წითელი ხაზები არ გადაკვეთოს”, – განცხადება ჩინეთის საგარეო საქმეთა მინისტრმა ამერიკელ კოლეგასთან შეხვედრის დროს. ვან ი და ენტონი ბლინკენი ერთმანეთს პეკინში, ამერიკის შეერთებული შტატების სახელმწიფო მდივნის ჩინეთში ოფიციალური ვიზიტის დროს შეხვდნენ და ორ ქვეყანას შორის არსებული ურთიერთობები განიხილეს. ჩინელმა დიპლომატმა აღნიშნა, რომ ორ ქვეყანას შორის ურთიერთობა სტაბილურდება, თუმცა ნეგატიური ფაქტორები კვლავ არსებობს. ენტონი ბლინკენმა კი განაცხადა, რომ ვაშინგტონსა და პეკინს კავშირების გაგრძელების საერთო პასუხისმგებლობა აკისრიათ.

მეტი...

კობახიძეს მცდარი წარმოდგენა აქვს, რომ გზა ევროკავშირისკენ ბუდაპეშტზე გადის, – წერს საქართველოში აშშ-ს ყოფილი ელჩი, იან კელი X-ზე ორ სხვადასხვა პოსტში. ,,ქართველი ხალხის ნების აშკარა ღალატი. ეჭვი არაა, რომ საკუთარი დაპირების დარღვევისა და რუსული კანონის კვლავ შემოტანით, მთავრობა გადის კონსტიტუციის ჩარჩოდან და ქვეყნის საგარეო კურსს ცვლის. ბუდაპეშტში CPAC-ზე პრემიერმინისტრმა კობახიძემ განაცხადა, რომ ევროკავშირში გაწევრიანება მთავარი პრიორიტეტია, თუმცა, როგორც ჩანს, მას მცდარი წარმოდგენა აქვს, რომ გზა ევროკავშირისკენ ბუდაპეშტზე გადის. თქვენ და თქვენმა ხელისუფლებამ სხვაგან შეუხვია, ბატონო პრემიერმინისტრო”, – წერს იან კელი.

მეტი...