დღე: აპრილი 14, 2024

CNN-ს ცნობით, გაერო-ს გენერალურმა მდივანმა, ანტონიო გუტერეშმა მკაცრად დაგმო ირანის ფართომასშტაბიანი თავდასხმა ისრაელზე. “მკაცრად ვგმობ სერიოზულ ესკალაციას, რომელსაც ირანის ისლამური რესპუბლიკის მიერ ისრაელზე ამ საღამოს განხორციელებული ფართომასშტაბიანი თავდასხმა წარმოადგენს. მოვუწოდებ ცეცხლის დაუყოვნებლივ შეწყვეტისკენ. ღრმად შეშფოთებული ვარ რეგიონის მასშტაბით გამანადგურებელი ესკალაციის ძალიან რეალური საფრთხით. მოვუწოდებ ყველა მხარეს, მიმართონ მაქსიმალურ თავშეკავებას, რათა თავიდან აიცილონ ნებისმიერი ქმედება, რომელსაც ახლო აღმოსავლეთში რამდენიმე ფრონტზე დიდ სამხედრო კონფრონტაციებამდე მიყვანა შეუძლია. არაერთხელ მითქვამს, რომ არც რეგიონს და არც მსოფლიოს არ შეუძლია კიდევ ერთი ომი დაუშვას,” – ამბობს გუტერეში. The Times of Israel-ის ცნობით კი, ისრაელის მოთხოვნით, გაერო-ს უშიშროების საბჭო…

ისრაელში განვითარებულ მოვლენებთან დაკავშირებით, ისრაელში საქართველოს საელჩო მოქალაქეებისთვის ინფორმაციას ავრცელებს. „შეგახსენებთ, რომ ისრაელში განვითარებულ მოვლენებთან დაკავშირებით საელჩოში მოქმედებს ცხელი ხაზის ნომრები: +972 52-6919092; +972 52-7583344; +972 54-7386813; მშვიდობას ვუსურვებთ ისრაელს და ისრაელის მოსახლეობას“,- აღნიშნულია საელჩოს ინფორმაციაში. ცნობისთვის, ისრაელის მედიამ გაავრცელა ინფორმაცია, რომ ირანმა ისრაელის მიმართულებით ათეულობით უპილოტო საფრენი აპარატი გაუშვა. მოგვიანებით გავრცელდა ცნობა ირანის მიერ ისრაელის მიმართულებით ბალისტიკური რაკეტების პირველი ტალღის გაშვების შესახებ. ამასთან, გაერო-ში ირანის მისიამ განცხადება გამოაქვეყნა, სადაც ნათქვამია, რომ ლეგიტიმური თავდაცვის შესახებ გაერო-ს წესდების 51-ე მუხლის საფუძველზე, ირანის სამხედრო ქმედება იყო პასუხი სიონისტური რეჟიმის აგრესიაზე დამასკოში, დიპლომატიურ…

თურქეთის საკურორტო ქალაქ ანტალიაში საბაგიროს სალონი ჩამოვარდა. დაიღუპა 1 ადამიანი.  ინციდენტი ანტალიასთან ახლოს ტუნეკტეპეს საბაგიროზე მოხდა. ადგილობრივი გაზეთი Hurriyet იტყობინება, რომ ერთ-ერთი სალონი, რომელშიც მგზავრები იმყოფებოდნენ, ბოძს შეეჯახა, რის შემდეგაც სალონის იატაკი ჩავარდა და ხალხი ჩამოვარდა. ამ დროისთვის ცნობილია, რომ ერთი ადამიანი დაიღუპა და 10 ადამიანი, მათ შორის ორი ბავშვი მძიმედ დაშავდა. ადგილობრივი მედიის ცნობით, დაღუპული თურქეთის 54 წლის მოქალაქეა. ინციდენტის შემდეგ კიდევ 184 მგზავრი რამდენიმე ათეული მეტრის სიმაღლეზე 29 სალონში იყო ჩარჩენილი. ექსპერტებმა რამდენიმე საათი  საბაგირო გზის გადატვირთვას მოანდომეს. სამაშველო ოპერაციაში 160-ზე მეტი თურქი მაშველი მონაწილეობდა. ავარიის მიზეზების დასადგენად პროკურატურამ გამოძიება…

ვულოცავთ ჩვენს ქართველ მეგობრებს დედაენის დღეს, – ამის შესახებ საქართველოში აშშ-ის საელჩოს მიერ გავრცელებულ განცხადებაშია ნათქვამი. „ჩვენ აღფრთოვანებული ვართ ქართული ენის უნიკალურობითა და სილამაზით. თქვენთან ერთად აღვნიშნავთ მსოფლიოს ამ ერთ-ერთი უძველესი ენის დღეს, რომელიც ქართველებმა წინა და მომავალ თაობებს შემოუნახეთ“, – ნათქვამია აშშ-ის საელჩოს განცხადებაში.

ამერიკის შეერთებული შტატების პრეზიდენტი ისრაელზე ირანის მიერ განხორციელებულ თავდასხმის შესახებ განცხადებას ავრცელებს და ამბობს, რომ მკაცრად გმობს ამ იერიშებს. ბაიდენმა თქვა, რომ გასული კვირის განმავლობაში აშშ-ის სამხედროებმა რეგიონში საჰაერო ხომალდები და ბალისტიკური რაკეტსაწინააღმდეგო თავდაცვის გამანადგურებლები განალაგეს, რომლის დახმარებითაც დაეხმარნენ ისრაელს “ჩამოეგდო თითქმის ყველა შემომავალი დრონი და რაკეტა.” “მე ახლახან ველაპარაკე პრემიერ-მინისტრ ნეთანიაჰუს, რათა კიდევ ერთხელ დავადასტურო ამერიკის მტკიცე მხარდაჭერა ისრაელის უსაფრთხოების მიმართ. მე ვუთხარი მას, რომ ისრაელმა გამოავლინა შესანიშნავი უნარი, თავი დაეცვა და მოეგერიებინა თუნდაც უპრეცედენტო თავდასხმები – მკაფიო მესიჯი გაუგზავნა თავის მტრებს, რომ მათ არ შეუძლიათ მკვეთრი საფრთხე შეუქმნან ისრაელის უსაფრთხოებას”, – განაცხადა ბაიდენმა.

რუსეთი შესაძლოა გაზაფხულის ბოლოს ან ზაფხულში ფართომასშტაბიანი შეტევისთვის ემზადებოდეს დონეცკის, ხერსონის, ლუგანსკისა და ზაპორიჟიის რეგიონების უმეტესობის ხელში ჩასაგდებად, – ამის შესახებ Financial Times-ი უკრაინელ და დასავლელ ჩინოვნიკებზე დაყრდნობით იუწყება. გაზეთის თანახმად, კიევის ოფიციალური პირები ასევე შეშფოთებულნი არიან, რომ მოსკოვი უნდა გეგმავდეს უკრაინის სიდიდით მეორე ქალაქ ხარკოვზე თავდასხმას. ამ მიზნით ის უკრაინის ჩრდილო-აღმოსავლეთში ასობით ათასი ჯარისკაცის მობილიზებას ახდენს და განაგრძობს ქალაქისკენ რაკეტების სროლას. ამ კვირაში პრეზიდენტმა ვოლოდიმირ ზელენსკიმ გააფრთხილა უკრაინის საჰაერო თავდაცვის შესაძლებლობების შემცირების შესახებ მას შემდეგ, რაც მასიური რუსული სარაკეტო და თვითმფრინავების დარტყმებმა მწყობრიდან გამოიყვანა უკრაინის ენერგეტიკულ ინფრასტრუქტურა მათ შორის…

აღმოსავლეთ უკრაინაში ფრონტზე ვითარება ბოლო დღეებში მნიშვნელოვნად გაუარესდა. ამის შესახებ შაბათს თავის ტელეგრამის არხით განაცხადა უკრაინის შეიარაღებული ძალების მთავარსარდალმა ალექსანდრე სირსკიმ. სირსკის თქმით, რუსული ჯარები საშტურმო ჯგუფებითა და ჯავშანტექნიკის მხარდაჭერით შეტევას აწარმოებენ ლიმანსკისა და ბახმუტის მიმართულებით, ხოლო პოკროვსკში ისინი ათობით ტანკისა და ქვეითი საბრძოლო მანქანის გამოყენებით ცდილობენ გაარღვიონ უკრაინის თავდაცვა. შეტევებში მტერს ხელს უწყობს მშრალი და თბილი ამინდი. “მნიშვნელოვანი დანაკარგების მიუხედავად, რუსეთის ჯარები ზოგჯერ ახერხებენ ტაქტიკური წარმატებების მიღწევას“, – წერს გენერალი სირსკი. შეიარაღებული ძალების მთავარსარდალმა სახმელეთო ჯარების სარდლობასთან ერთად განიხილა თავდაცვის გაძლიერებისა და სტრატეგიული ინიციატივის ჩაჭრის ღონისძიებები. ბოლო დღეებში, რუსული და უკრაინული…

ისრაელის აეროპორტების ადმინისტრაციის ინფორმაციით, ქვეყანამ საჰაერო სივრცე გახსნა. ის ადგილობრივი დროით 7:30 საათზე გაიხსნა. მანამდე ისრაელის საჰაერო სივრცე 7 საათის განმავლობაში იყო დახურული, რის გამოც ყველა ფრენა შეჩერებული იყო. მიზეზი ირანის მიერ ისრაელის მიმართულებით გაშვებული დრონები და რაკეტები იყო. თავდაცვის ძალების ინფორმაციით, ისრაელმა, მოკავშირეებთან ერთად დრონებისა და რაკეტების აბსოლუტური უმრავლესობა ჩამოაგდო. გუშინ, ცნობილი გახდა, რომ ირანმა ისრაელის მიმართულებით ათობით დრონი გაუშვა. მოგვიანებით ინფორმაცია ბალისტიკური რაკეტების შესახებაც გავრცელდა.  

“პრესკონფერენციის ოფიციალური ჩანაწერი. ჩემი ძირითადი ნაწილების თარგმანი: კანცლერი შოლცი: „…კიდევ ერთხელ მინდა ვთქვა: ჩვენ, ისევე როგორც მთელი ევროკავშირი, კრიტიკულად განვიხილავდით კანონს უცხოური გავლენის მქონე ორგანიზაციების შესახებ…”  წერს ფიშერი სოციალურ ქსელში. საქართველოს პრემიერ-მინისტრი ირაკლი კობახიძე და “ქართული ოცნების” პროპაგანდისტები ამტკიცებენ, რომ გერმანიის კანცლერ ოლაფ შოლცთან ერთად გამართულ ბრიფინგზე მასპინძელი ქვეყნის ლიდერის განცხადებას „ქართული რადიკალური ოპოზიციის სახე თარგმნიდა“. პრემიერი ამტკიცებს, რომ გერმანიის კანცლერის თარჯიმანმა თარგმანი გააყალბა. ირაკლი კობახიძემ თქვა, რომ სიტყვები “აგენტების” კანონი შოლცს საერთოდ არ წარმოუთქვამს. აღსანიშნავია, რომ მმართველი პარტიის ლიდერებს პრეტენზია არ გამოუთქვამთ თარგმნილ სხვა ეპიზოდებთან, მათ შორის, კრიტიკულ ნაწილთან…