დღე: აგვისტო 28, 2023

საბურთალოს რაიონში გაზის მილზე ხანძრის შედეგად დაიწვა მაღალი ძაბვის კაბელები, რის გამოც 26 000-ზე მეტ მომხმარებელს ელექტროენერგია არ მიეწოდება. ამის შესახებ ინფორმაციას „თელასი“ ავრცელებს. არსებული ინფორმაციით, აღდგენითი სამუშაოები სავარაუდოდ 00:00 საათისთვის დასრულდება. „თბილისში, ოდიშელიძის ქუჩის 47 ნომრის მიმდებარედ არსებულ გაზის მილზე ხანძრის გამო დაიწვა „თელასის“ მაღალი ძაბვის 35 კვტ სიმძლავრის კაბელები, რომლიდანაც ელექტროენერგია მიეწოდება საბურთალოს რაიონის 26 000 მეტ მომხმარებელს. ამჟამად მათ ელექტროენერგიის მიწოდება შეწყვეტილი აქვთ. გაზის კომპანიის მიერ გადაიკეტა გაზი. ხანძარი ამ დროისთვის ლიკვიდირებულია. „თელასის“ საავარიო სამსახურები ადგილზე იმყოფებიან და მიმდინარეობს აღდგენითი სამუშაოები, რომელიც სავარაუდოდ 00:00 საათისთვის დასრულდება“, – აღნიშნულია…

დღეს დილიდან ოკუპანტებმა ენგურის ხიდი ჩაკეტეს. საზღვარზე მხოლოდ იმ პირებს უშვებენ, ვისაც რუსული მხარის მიერ დამოწმებული სპეციალური საშვები აქვთ. არსებული ინფორმაციით, მოქალაქეები მარიამობის დღესასწაულზე წირვა-ლოცვაზე დასწრებას ვერ ახერხებენ. დროებით ოკუპირებულ აფხაზეთში კი ქართულ ენაზე წირვა-ლოცვა არცერთ ტაძარში არ ტარდება. წელს პირველად სოფლებში ყველა ტაძარი დაკეტილია. სადღესასწაულო წირვა-ლოცვა მხოლოდ ოჩამჩირეში, ილორის წმ გიორგის ტაძარში აღევლინება, თუმცა რუსულ ენაზე. ,,საერთოდ აფხაზეთის მცხოვრებლებს არ აქვთ უფლება ქართულად რომ ემსახურონ ეკლესიას. მამაოები არიან ყველა რუსები. ქართველებს უნდათ, რომ გადმოვიდნენ ზუგდიდში, აგერ ნოკოლოზის ტაძარში ილოცონ. დღეს არ უშვებენ არცერთს, არავის, ვისაც “ფეესბეს” საშვი არ აქვს.…

გარემოს დაცვის ეროვნული სააგენტოს გეოლოგების ინფორმაციით, შიომღვიმის მონასტერი ღია იქნება მომლოცველებისა და ტურისტებისთვის, ასევე, არ მოხდება ბერებისა და მონაზვნების ევაკუაცია. სპეციალისტების რეკომენდაციით, მონასტრის მარჯვენა მხარეს, იმ ხევის მიმდებარე ტერიტორიაზე, სადაც ნაშალი მასალა გროვდება, სასულიერო პირებისა და ვიზიტორების გადაადგილება შეიზღუდება. ,,გაიცა რეკომენდაცია, რომ მონასტრის მარჯვენა მხარეს, ანუ კლდის მხარეზე მდებარე ტერიტორიაზე ნაწილობრივი შეზღუდვა იქნება დაწესებული. შეიზღუდება მომლოცველების, ტურისტების და ბერ-მონაზვნების გადაადგილება. რეკომენდაციის საფუძველზე, უახლოეს საათებში და უახლოეს პერიოდში დაიწყება მონასტრის მარჯვენა მხარეს ჩამოშლილი მასის გატანის სამუშაოები”, – განაცხადა მცხეთა-მთიანეთის რწმუნებულის მოადგილე, გოჩა ქავთარაძემ. არსებული ინფორმაციით, სპეციალისტების დასკვნა უახლოეს დღეებში გახდება ცნობილი.

ბოდბელმა მთავარეპისკოპოსმა მრევლს მარიამობის დღესასწაული მიულოცა. მეუფე იაკობმა ქადაგებისას, რუსეთ-უკრაინის ომზეც ისაუბრა. „მოვა დრო და უკრაინის ომი დამთავრდება. პირდაპირ გეტყვით, ამას კაცობრიობის განადგურება არ მოჰყვება, მაგრამ ამ ომში გამარჯვებული ევროპის მხრიდან არ მგონია, რომ ვინმე იყოს. რუსეთის დამარცხება, რომ უნდოდეთ, ალბათ სხვა ძალისხმევას დაატანდნენ და არც გაუჭირდებოდათ. აქ დამარცხებაზე არ არის საუბარი, აქ საუბარია ერთმანეთის გამოფიტვაზე. ნუთუ ვინმე ფიქრობს, რომ ეს დამთავრდება და მორჩება. უფრო დიდი მიზანი ხომ არ არის და უფრო სხვაგან ხომ არ შეიძლება მერე კიდევ ველოდოთ რაღაცას. იმედია, ეს ომი დამთავრდება, როცა ამას ამერიკა და რუსეთი გადაწყვეტენ“, – განაცხადა…

ხაშურში მამაკაცს, რომელიც ფეხით გადადგილდებოდა, ავტომანქანა დაეჯახა. დაშავებული სასწრაფო სამედიცინო დახმარების ჯგუფმა ხაშურის ერთ-ერთ კლინიკაში გადაიყვანა. არსებული ინფორმაციით, მას ოპერაცია ჩაუტარდა და ამ ეტაპზე მისი მდგომარეობა სტაბილურია.  

სრულიად საქართველოს კათოლიკოს- პატრიარქმა, ილია მეორემ მრევლს მარიამობის დღესასწაული მიულოცა. პატრიარქმა სადღესასწაულო ლიტურგია სიონის საკათედრო ტაძარში აღავლინა. „გილოცავთ მარიამობას. ყოვლადწმინდა ღვთისმშობელმა გადაგაფაროთ თავისი კალთა თქვენ და საქართველოს. ჩვენთან არს ღმერთი“, – აღნიშნა პატრიარქმა. შეგახსენებთ, რომ დღეს, 28 აგვისტოს საქართველოს მართლმადიდებელი ეკლესია ღვთისმშობლის მიძინებას აღნიშნავს. დღესასწაულთან დაკავშირებით, ყველა მოქმედ ეკლესია-მონასტერში საზეიმო ღვთისმსახურება აღესრულება.

,,შოვში, ამ დროისთვის 2 მცირეწლოვანის ძიება გრძელდება. საძიებო სამუშაოები გაგრძელდება იქამდე, სანამ მცირედი შანსიც კი იქნება”. ამის შესახებ ონის მუნიციპალიტეტის მერმა სერგი ხიდეშელმა განაცხადა. როგორც მან განაცხადა, საძიებო სამუშაოების შეწყვეტის ან ლოკაციების გაფართოების შესახებ გადაწყვეტილებას თავად სამაშველო სამსახური მიიღებს. „აქტიურ რეჟიმში გრძელდება კვლავ სამუშაოები სტიქიის ზონაში. ლოკაციებია, როგორც უშუალო სტიქიის ზონაში, ასევე ჭანჭახისა და რიონის კალაპოტებში. ამ დროისთვის არსებული მონაცემებით, 31 მოქალაქეა ნაპოვნი, 29 არის იდენტიფიცირებული. საძიებო სამუშაოები გაგრძელდება იქამდე, სანამ მცირედი შანსიც კი იქნება. რაც შეეხება საძიებო სამუშაოების შეწყვეტას, ლოკაციების გაფართოებას და ა.შ. ამაზე სამაშველო სამსახური მიიღებს გადაწყვეტილებას. ჩვენი…

დევნილი ოჯახების განსახლების მიზნით, 5 ქალაქში – თბილისში, ქუთაისში, ზუგდიდში, რუსთავსა და ბორჯომში თანამედროვე სტანდარტების შესაბამისი, საცხოვრებელი კომპლექსები შენდება. დევნილთა, ეკომიგრანტთა და საარსებო წყაროებით უზრუნველყოფის სააგენტოს დირექტორი ზურაბ უტიაშვილი თბილისსა და ქუთაისში მიმდინარე მასშტაბურ სამშენებლო სამუშაოებს ადგილზე გაეცნო. თბილისში, თვალჭრელიძის ქუჩაზე, იძულებით გადაადგილებული 2400 ოჯახისთვის განკუთვნილი 11 კორპუსი შენდება. მშენებლობა მაისში დაიწყო და 2 კორპუსის კარკასი უკვე დასრულებულია. 720 ოჯახი განახლდება ქუთაისში – ნიკეას ქუჩაზე, 3 კორპუსის სამშენებლო სამუშაოები ივნისიდან მიმდინარეობს და უკვე დასრულებულია ერთი კორპუსის კარკასის მშენებლობა. სამუშაო პროცესები აქტიურ რეჟიმში, სტანდარტების სრული დაცვით ხორციელდება და დათქმულ ვადებში დასრულდება.…

ეს არის კლდეზვავითი პროცესი, გამოფიტული მასალის ჩამოქცევა, დანარჩენი დასაზუსტებელია. წვიმა რომ ყოფილიყო, ღვარცოფად გადაიქცეოდა. ამის შესახებ გარემოს ეროვნული სააგენტოს გეოლოგმა, შოთა ლობჟანიძემ განაცხადა. „საქმე გვაქვს გამოფიტული მასალის ჩამოქცევასთან. ძალიან დიდი ენერგეტიკული პოტენციალი აქვს ამ ფერდს. სხვა მხრივ საშიშროება არ არსებობს, ანალიზის სფეროს განეკუთვნება. ეს არის კლდეზვავითი პროცესი, გამოფიტული მასალის ჩამოქცევა, დანარჩენი დასაზუსტებელია. წვიმა რომ ყოფილიყო, ღვარცოფად გადაიქცეოდა. მუდმივად არის საჭირო დაკვირვება. ალბათ, დასკვნა რამდენიმე დღეში იქნება“, – განაცხადა შოთა ლობჟანიძემ.

დღეს, 28 აგვისტოს საქართველოს მართლმადიდებელი ეკლესია ღვთისმშობლის მიძინებას, მარიამობას აღნიშნავს. დღესასწაულთან დაკავშირებით, ყველა მოქმედ ეკლესია-მონასტერში საზეიმო ღვთისმსახურება აღესრულება. ქრისტიანულ სამყაროში ყოვლადწმიდა სამების შემდეგ ღვთისმშობელი მარიამი იდიდება. უდიდეს თორმეტ დღესასწაულთაგან სამი – ღვთისმშობლის შობა, მიძინება და ყოვლადწმიდა მარიამის ტაძრად მიყვანება უშუალოდ ღვთისმშობლისადმია მიძღვნილი. მარიამობის დღესასწაულს წინ მარიამობის ორკვირიანი მარხვა უძღოდა, რომელიც 14 აგვისტოს დაიწყო და 28 აგვისტოს დასრულდება.

მცხეთის მუნიციპალიტეტში, შიომღვიმის მონასტრთან გუშინ მთა ჩამოიშალა. თავდაპირველად ტერიტორიაზე ქვათაცვენა დაიწყო, რამდენიმე წამში კი კლდეს მთის მასა მოწყდა. შემთხვევის დროს ადგილზე ათეულობით ადამიანი იმყოფებოდა, საბედნიეროდ არავინ დაშავებულა. მთის მასა ჩამოიშალა რაჭაშიც, სადაც მიწა სწორედ იმ ტერიტორიაზე მოწყდა, სადაც გზის სამშენებლო სამუშაოები მიმდინარეობს. გეოლოგები და ექსპერტები ამბობენ, რომ მილიონობით ლარის ღირებულების პროექტები ხშირ შემთხვევაში ისე ხორციელდება, რომ მშენებლობის დაწყებამდე შესაბამისი კვლევევი ხან არ ტარდება, ხან კი დამკვეთები ექპერტების რჩევებს უგულებელყოფენ.

ლარსის საზღვარზე 10-დღიანი ლოდინის შემდეგ, რუსეთიდან გამოძევებული უკრაინელები საქართველოში შემოუშვეს. ინფორმაციას ამის შესახებ საგარეო საქმეთა სამინისტრო ავრცელებს. უწყება წერს, რომ ეს გადაწყვეტილება მას შემდეგ მიიღეს, რაც საზღვარზე მყოფებიდან ერთ-ერთის ჯანმრთელობის მდგომარეობა გართულდა. ,,როგორც ცნობილია, საქართველოს საზღვართან მყოფი უკრაინის მოქალაქეებთან დაკავშირებით ქართულმა მხარემ დაუყოვნებლივ შეატყობინა საქართველოში უკრაინის მისიას, რომელმაც განმარტა, რომ უკრაინის მხრიდან საკითხის გადასაჭრელად საჭირო არის შესაბამისი ხანგრძლივი პროცედურები. ქართული მხარე ამ ხნის განმალობაში ელოდებოდა უკრაინის მხრიდან შესაბამის გადაწყვეტილებას. იმის გათვალისწინებით, რომ საზღვართან მყოფი უკრაინის მოქალაქეებიდან ერთ-ერთის ჯანმრთელობის მდგომარეობა გართულდა, ქართულმა მხარემ მიიღო გადაწყვეყილება მათი საქართველოს ტერიტორიაზე შემოშვების შესახებ, რომლებიც…

გეოლოგებმა შიომშიმეს მონასტრის მიმდებარედ მეწყერსაშიში ზონაში კვლევები დაასრუოლეს. როგორც მცხეთა-მთიანეთის მხარის სახელმწიფო რწმუნებულის მოადგილე გოჩა ქავთარაძე აცხადებს, ამ ეტაპისთვის, შეზღუდვები ძალაში რჩება. „გეოლოგიურმა სამსახურმა ადგილზე სამუშაოები დაასრულა. ველოდებით მათ დასკვნას. აქედან გამომდინარე ვიმოქმედებთ შემდგომ. წინამძღვართან კოორდინირებული მუშაობით გავატარეთ შესაბამისი სამუშაოები, რომ შეიზღუდა მომლოცველთა და ტურისტთა შემოსვლა, ამ რეჟიმში ვართ ახლაც. გეოლოგებმა იმუშავეს და რეკომენდაციების მიხედვით ვიმოქმედებთ, შეზღუდვა იქნება, აკრძალვა, თუ რა რეაგირება იყოს შემდგომ“,- განაცხადა ქავთარაძემ მედიასთან.