დღე: მაისი 29, 2023

ფრაქცია „ქართული ოცნების“ თავმჯდომარის, მამუკა მდინარაძის განცხადებით, საქართველოს პრეზიდენტი დაპირისპირებისთვის ყველაფერს აკეთებს.  „პრეზიდენტი დაპირისპირების საფუძველს გვაძლევს,  მაგრამ ჩვენ ამას არ ვაპირებთ“, – განაცხადა მან მედიასთან. „დიასპორის დღეზე საქართველოს პრეზიდენტმა პროტოკოლზე ბევრი ისაუბრა. თუ პროტოკოლზე ვსაუბრობთ, ადმინისტრაციის უფროსი პარტიის პოლიტსაბჭოს განცხადებას არ უნდა პასუხობდეს. ჩვენ პრეზიდენტთან პოლემიკაში შესვლას არ ვაპირებთ. შეიძლება ვიღაცების მიზანი იყოს ის, რომ ჩვენ პრეზიდენტთან აქტიური დაპირისპირება გვქონდეს. სიტყვა „ვიღაცებს“ შემთხვევით არ ვამბობ, არც პრეზიდენტზე ვსაუბრობ. პრეზიდენტი დაპირისპირების საფუძველს გვაძლევს, თავის გამოსვლაში მსგავსი საკითხები უხვად დაარიგა, მაგრამ ჩვენ ამას არ ვაპირებთ. ამის უკან გარკვეული გეგმები იკითხება, რომელთა აღსრულებაში…

ფრაქცია „ქართული ოცნების“ თავმჯდომარე მამუკა მდინარაძე კიდევ ერთხელ განმარტავს, რომ საქართველოს მთავრობა არ გეგმავს რუსეთს გარკვეული სანქციები დაუწესოს. „ასეთი საკითხები როცა არის ხელისგულზე, არ ვართ მოწოდებული, საყვედურები მივიღოთ მსგავს საკითხებზე. თუ რომელიმე განცხადება ჩვენი მეგობრების მხრიდან ემსგავსება მოთხოვნას სანქციების დაწესების შესახებ, ჩვენი პასუხია პრინციპული, ჩვენ სანქციების დაწესებით – არც დე ფაქტო, არც სხვა, რეალური სანქციების დაწესებით – არ ვაპირებთ ჩვენი მოქალაქეების და ქვეყნის დაზიანებას“, – განაცხადა მდინარაძემ მედიასთან. შგახსენებთ, რომ  ევროკავშირის ქვეყნების ელჩები ვიცე-პრემიერს შეხვდნენ და რუსეთთან პირდაპირი ფრენების აღდგენის გამო დემარში გადასცეს.  

ევროკავშირის ელჩისა და წვერი ქვეყნების მხრიდან საქართველოს მთავრობისთვის გადაცემულ დემარშთან დაკავშირებით მედიასთან განცხადება ფრაქცია „ქართული ოცნების“ თავმჯდომარე მამუკა მდინარაძემ გააკეთა. მისი შეფასებით, ელჩის განცხადებები უზუსტობებს შეიცავდა და საქართველო არ აპირებს, საკუთარი მოქალაქეები დააზარალოს. შეგახსენებთ, რომ ევროკავშირის ელჩმა დემარში საქართველოს მთავრობას რუსეთთან პირდაპირი ფრენების გამო გადასცა.  მამუკა მდინარაძე აცხადებს, რომ ამ გადაწყვეტილების მიღებას საქართველოს  მთავრობის თანხმობა არც სჭირდებოდა. „მადლობა ევროკავშირის ელჩს, რომ მან ხაზგასმით თქვა, ფრენების აღდგენა იყო ცალმხრივი გადაწყვეტილება, თუმცა, აქვე ობიექტურობისთვის უნდა დავძინოთ, მისი განცხადების მეორე ნაწილი შეიცავდა ფაქტობრივ უზუსტობას იმასთან დაკავშირებით, თითქოს საქართველოს მთავრობის თანხმობა სჭირდებოდა ამ გადაწყვეტილების აღსრულებას.…

პატიმრობაში მყოფი საქართველოს მესამე პრეზიდენტი განცხადებას ავრცელებს და ქართველი ხალხისგან მისი პატიმრობიდან გათავისუფლებას ელოდება. „იმ ხალხის გასაგონად ვისაც ჩემთვის სიტყვა “თავისუფლება” არ ემეტება და მხოლოდ “ადეკვატური მკურნალობით” იფარგლება. მეგობრებო, მე აქ სამკურნალოდ არ ჩამოვსულვარ. თავი გავწირე ქვეყნის გადასარჩენად. თქვენც ხომ კარგად იცით, რომ სრულიად ყალბი ბრალდებებით ვარ “გასამართლებული” და თავიდან ბოლომდე პოლიტიკური პატიმარი ვარ. მე დარწმუნებული ვარ, რომ ქართველი ხალხი მაინც გამათავისუფლებს და თქვენგანაც ველი მეტ გამბედაობას. ბოლოსდაბოლოს ევროპარლამენტი, პოლონეთის და ლიტვის სეიმები, საფრანგეთის და უკრაინის პრეზიდენტები ითხოვენ ჩემს გათავისუფლებას. მე ერთი წუთით არ ვეგუები ამ უსამართლო, პუტინის პირად პატიმრობას!…

საქართველოს მთავრობამ ევროკავშირისგან დემარში მიიღო. როგორც ევროკაშირის ელჩმა მედიასთან განაცხადა, არ ფლობს ინფორმაციას, იმოქმედებს თუ არა აღნიშნული კანდიდატის სტატუსზე და დაუწესებენ თუ არა საქართველოს სანქციებს. „ვიცე-პრემიერმა გადმოგვცა არგუმენტები, რაც ჩვენ უკვე მოსმენილი გვქონდა საქართველოს მთავრობისგან, უზრუნველყოფენ, რომ არც ერთი სანქცირებული ავიახაზები და არც დასავლეთში წარმოებული თვითმფრინავი გამოყენებული არ იქნება, თუმცა, სამწუხაროდ, აქ პოლიტიკურად უფრო მნიშვნელოვანი მომენტი გვეკარგება“ – აღნიშნა ევროკავშირის ელჩმა ვიცე-პრემიერ ლევან დავითაშვილთან შეხვედრის შემდეგ. რაც შეეხება კითხვას, ემუქრება თუ არა საქართველოს სანქციები რუსეთთან პირდაპირი ფრენების გამო, ელჩმა ასე უპასუხა: „მინდა, შეგახსენოთ, რომ ევროკავშირმა კოლექტიურად გადაწყვიტა, აეკრძალა ყველანაირი ფრენები…

ოკუპირებული ცხინვალის დე ფაქტო პრეზიდენტის, ალან გაგლოევის განცხადებით, დესტრუქციული ძალები აიძულებენ საქართველოს „მეორე ფრონტის“ გახსნას. „სპეციალური ოპერაციის ფონზე გააქტიურდნენ საქართველოს რესპუბლიკის დესტრუქციული ძალები, რომლებიც უბიძგებდნენ მას „მეორე ფრონტის“ გახსნისკენ სამხრეთ ოსეთისა და აფხაზეთის წინააღმდეგ. ამ კუთხით ჩვენ მივიღეთ ზომები ქვეყნის თავდაცვისუნარიანობის გასაძლიერებლად და სამხედრო სფეროში რუსულ მხარესთან ურთიერთობების გასაძლიერებლად“, – განაცხადა გაგლოევმა. გაგლოევი რუსეთს „მთავარ მოკავშირეს“ უწოდებს და მხარდაჭერას უცხადებს უკრაინაში რუსეთის აგრესიას. ,,ჩვენი სამხედროები და მოხალისეები გვერდში იდგნენ რუს ჯარისკაცთან საერთო ინტერესების დასაცავად უკრაინულ ნეო-ნაციზმთან ბრძოლაში, რომელიც კოლექტიური დასავლეთის ხელში მარიონეტად იქცა”, – განაცხადა გაგლოევმა.

”ნაციონალური მოძრაობის“ თავმჯდომარის, ლევან ხაბეიშვილის განცხადებით, პარტია მუშაობის განსაკუთრებულ რეჟიმზე. როგორც ხაბეიშვილმა, პარტიის პოლიტსაბჭოს სხდომის დასრულების შემდეგ აღნიშნა, „ნაციონალური მოძრაობა“ არ აპირებს ზაფხულში დასვენებას. „ნაციონალური მოძრაობა“ გადადის მუშაობის განსაკუთრებულ რეჟიმზე. ჩვენ ვაპირებთ ყველა ქალაქსა და რაიონში მოსახლეობასთან შეხვედრას, მათ შორის იქნება რეგიონული კონფერენციები, სადაც ასევე დაყენებული იქნება პრეზიდენტ სააკაშვილის გათავისუფლების საკითხი. მნიშვნელოვანია, რომ მთელი საქართველოს მასშტაბით იქნება ეს ღონისძიებები, მათ შორის საპროტესტო აქციები. „ნაციონალური მოძრაობა“ არ აპირებს ზაფხულში დასვენებას, არ აპირებს, მოსვენება მისცეს რუსულ რეჟიმს, აპირებს განსაკუთრებული რეჟიმით მუშაობას. პოლიტსაბჭომ მიიღო გადაწყვეტილება, რომ „ნაციონალური მოძრაობის“ ყველა სტრუქტურულმა ერთეულმა, იმ კონკრეტულმა…

რუსეთთან პირდაპირი ფრენების აღდგენის გამო დემარშის მიზნით, ევროკავშირის ელჩი პაველ ჰერჩინსკი, ევროკავშირის ყველა ელჩთან ერთად, ვიცე-პრემიერს/ეკონომიკის მინისტრს ლევან დავითაშვილს შეხვდება. საქართველოში ევროკავშირის წარმომადგენლობის ინფორმაციით, შეხვედრა დღეს, 29 მაისს, 5 საათზე გაიმართება. დემარში ევროკავშირის 27 ქვეყნის სახელით ხორციელდება.

ოკუპირებული ცხინვალის რეგიონის დე ფაქტო პრეზიდენტი, ალან გაგლოევი იმედოვნებს, რომ ე.წ. „რესპუბლიკა“ უხლოეს მომავალში რუსეთის შემადგენლობაში შევა. ალან გაგლოევმა თავის გამოსვლაში რუსეთს ”სამხრეთ ოსეთის” მთავარი მოკავშირე  უწოდა. „სამხრეთ ოსეთის რესპუბლიკამ ასევე სრულად დაუჭირა მხარი დონეცკის და ლუგანსკის სახალხო რესპუბლიკების, ზაპოროჟიესა და ხერსონის ოლქების რუსეთის ფედერაციაში შესვლას. მოხარული ვართ ჩვენი მეგობრებისთვის, რომ დადგა ისტორიული მომენტი, როდესაც ხალხის სურვილი რუსეთთან გაერთიანების შესახებ დაემთხვა ამ ნაბიჯის განხორციელების გეოპოლიტიკურ შესაძლებლობას. იმედი მაქვს, შორს არ არის ის დღე, როდესაც სამხრეთ ოსეთის რიგი დადგება“, – განაცხადა გაგლოევმა.

ოკუპირებული აფხაზეთის დე ფაქტო პრეზიდენტმა ასლან ბჟანია რუსეთსა და საქართველოს შორის პირდაპირი ავიამიმოსვლის აღდგენას ეხმაურება. მისი განცხადებით, მნიშვნელოვანია, რომ მათსა და რუსეთს შორისაც იყოს ავიამიმოსვლა. „რაც შეეხება საჰაერო კომუნიკაციებს, ჩვენც ამ კუთხით ვმუშაობთ რუსეთთან. უნდა გაფორმდეს დოკუმენტი, მთავრობათაშორისი შეთანხმება აფხაზეთსა და რუსეთის ფედერაციას შორის საჰაერო კომუნიკაციის შესახებ. სანამ ამას ვაკეთებდით, საქართველოსთან საჰაერო კომუნიკაცია აღდგა. ეს ჩვენზე არანაირად არ მოქმედებს, ეს მხარეების საქმეა. ჩვენთვის მნიშვნელოვანია, რომ ავიამიმოსვლა იყოს ჩვენსა და რუსეთს შორის. ეს ძალიან მნიშვნელოვანია. ვფიქრობ, ამ საკითხს მოვაგვარებთ. არის სირთულეები, არის დაბრკოლებები, მაგრამ, მიუხედავად ამისა, სამუშაოები მიმდინარეობს“, – განაცხადა ბჟანიამ.

თბილისის მერის, კახა კალაძის განცხადებით, სალომე ზურაბიშვილის განცხადებებთან დაკავშირებით პოლემიკაში შესვლა არ სურს. კახა კალაძემ კომენტარი გააკეთა „ქართული ოცნების“ პოლიტიკური საბჭოს განცხადებასთან დაკავშირებით. ,,არ ვაპირებ შევიდე პრეზიდენტთან პოლემიკაში. მნიშვნელოვანია ჩვენი ქვეყნის ინტერესები და რა თქმა უნდა, ვუფრთხილდები პრეზიდენტის ინსტიტუტს. ნებისმიერი პოლიტიკოსი, ნებისმიერი პოლიტიკური პარტია უნდა ატარებდეს საკუთარი ქვეყნის ინტერესს, ამ ქვეყნის განვითარებისთვის დგამდეს შესაბამის ნაბიჯებს და ამიტომ, მნიშვნელოვანია, რომ ეს ყველა პოლიტიკოსს და პოლიტიკურ პარტიას ჰქონდეს გათვითცნობიერებული. რა შუაშია დაშინება?! სად ნახეთ თქვენ, რომ „ქართული ოცნება“ ვინმეს აშინებდეს. ჩვენი მხრიდან ეს განცხადება ნიშნავს იმას, რომ ჩვენ არ გვინდა პრეზიდენტთან შევიდეთ…

„ჩვენ არ გვყავს პოლიტიკური პატიმრები, გვყავს დამნაშავეები. პოლიტიკური პატიმრების საკითხი ჩვენ 2012 წელს დავასრულეთ“, – ასე გამოეხმაურა დედაქალაქის მერი კახა კალაძე ევროპარლამენტში პოლიტიკური ორგანიზაცია „ალდეს“ მიერ საქართველოს ევროკავშირსა და ნატო-ში ინტეგრაციის შესახებ მიღებულ რეზოლუციას, რომელშიც საუბარია საქართველოში პოლიტიკური პატიმრების გათავისუფლების აუცილებლობაზე. თბილისის მერის თქმით, საქართველოში პოლიტიკური პატიმრების არსებობის პრაქტიკა 2012 წელს დასრულდა. „არაერთხელ გაგვიკეთებია განცხადება იმასთან დაკავშირებით, რომ ჩვენ, ხელისუფლება ვატარებთ ამ ქვეყნის ინტერესს, რაც სჭირდება ჩვენს სამშობლოს, ქვეყნის მომავალს. ჩვენთვის ძალიან მნიშვნელოვანია ევროპული მომავალი, ევროინტეგრაცია, თუმცა ეს არ ნიშნავს, რომ უარი ვთქვათ ჩვენს საკუთარ ქვეყანაზე, ჩვენი ქვეყნის განვითარებაზე, წინსვლაზე,…

პრეზიდენტის საპარლამენტო მდივანი  ,,ქართული ოცნების“ პოლიტიკური საბჭოს განცხადებას ეხმიანება. გიორგი მსხილაძის განცხადებით, მმართველმა გუნდა, პრეზიდენტი სავარაუდოდ ვერ გაიცნო. ,,ალბათ ვერ გაიცნეს საქართველოს პრეზიდენტი  კიდევ. არ მგონია, რომ ეს როგორც გაფრთხილება, ისე ყოფილიყო. შემიძლია მეტი გითხრათ, ეს ალბათ უფრო იყო იმის გადაფარვის მცდელობა, რაც მათ 26 მაისს ჩაიდინეს და გაოიჩინეს, უპატივცემლობა პრეზიდენტის მიმართ. მე არ მგონია, რომ ეს შეძლონ. დარწმუნებული ვარ, რომ საქართველოს პრეზიდენტი ყველაფერს გააკეთებს იმისთვის, რომ ქვეყანა გაიყვანოს სამშვიდობოზე. უბრალოდ, „ქართულ ოცნება“ ვერ იღებს პრეზიდენტის კრიტიკას. პრეზიდენტი რასაც და როგორც ჩათვლის საჭიროდ, გააკეთებს იმას ქვეყნის საკეთილდღეოდ. განცხადებაში იყო, რომ…