რუსეთის ფოსტა საქართველოში საფოსტო გზავნილების პირდაპირი ავიარეისებით ტრანსპორტირების საკითხს განიხილავს. ამის შესახებ ინფორმაციას რუსული მედია ქვეყნის ფოსტის პრესსამსახურზე დაყრდნობით ავრცელებს.
,,რამდენიმე ავიაკომპანიიდან სტაბილური ფრენების დაწყების შემდეგ, ჩვენ ოპერატიულად განვიხილავთ საქართველოში გზავნილების პირდაპირი საჰაერო ტრანსპორტირების შესაძლებლობას”, – აცხადებენ რუსეთის ფოსტაში.
