კატეგორია: ვიდეოარქივი

სალომე ზურაბიშვილი ელისეის სასახლეში საფრანგეთის პრეზიდენს ემანუელ მაკრონს ხვდება. სასახლიდან ვიდეოს სოციალურ ქსელში საქართველოს პრეზიდენტი ავრცელებს. მანამდე პრეზიდენტი, ვოლოდიმირ ზელენსკის და დონალდ ტრამპს შეხვდა. აშშ-ის არჩეულ პრეზიდენტთან შეხვედრის შემდეგ, განაცხადა რომ სიღრმისეული განხილვა ჰქონდა. „ვამხილე მოპარული არჩევნები და უკიდურესად საგანგაშო რეპრესიები ქართველი ხალხის წინააღმდეგ“- აღნიშნა ზურაბიშვილმა.

აქციის მონაწილეები კვლავ შეიკრიბნენ. ამ წუთებში მოძრაობა შეჩერებულია ჭავჭავაძისა და მელიქიშვილის გამზირზე. როგორც ოპოზიციური პარტიის წარმომადგენლები აცხადებენ, ბრძოლა გრძელდება და ისინი მთელი ღამე ადგილზე დარჩებიან. “ვაგრძელებთ ბრძოლას. მთელი ღამე დავრჩებით აქ და ვიქნებით იმდენი ხანი, რამდენიც საჭიროა გამარჯვებამდე, ყველანაირი ორგანიზაციული საკითხი იქნება მოგვარებული, დავიცავთ ყველა მოქალაქეს და მოვუფრთხილდებით, არ დავიხევთ არცერთი ნაბიჯით უკან. ჩვენ გამოვაცხდეთ წინაღმდეგობის მოძრაობა და ეს მოძრაობა წავა წინ “- განაცხადა ხოშტარიამ. ცოტა ხანში, პოლიტიკური ლიდერები აქციის მონაწილეებს სიტყვით მიმართავენ და შემდგომი გეგმების შესახებ ისაუბრებენ.  

მელიქიშვილისა და ჭავჭავაძის გამზირი ისევ გადაკეტილია. დედაქალაქში  კვლავ აქცია მიმდინარეობს. ცოტა ხანში  ოპოზიციური  პარტიების ლიდერები შეკრებილებს სამოქმედო გეგმას გააცნობენ. საპოლიციო ძალებმა  საპროტესტო აქცია დღეს, დილით დაშალა და თბილისის სახელმწიფო უნივერსიტეტის პირველი კორპუსის მიმდებარე ტერიტორია მომიტინგეებისგან გაათავისუფლა.

ხმაური იყო ბათუმის სახელმწიფო უნივერსიტეტში, სადაც სტუდენტებმა პროტესტის ნიშნად ღამე გაათენეს. როგორც ერთ-ერთი ახალგაზრდა ამბობს, მათ შენობაში სხვა სტუდენტების შემოშვება სურდათ, რაზეც დაცვის თანმაშრომლებმა მათ წინააღმდეგობა გაუწია. „დაკეტილი აქვთ უნივერსიტეტის კარები. ცოცხალი ჯაჭვი გავაკეთეთ, რომ სტუდენტები შემოგვეშვა და ნახეთ რას აკეთებს დაცვა“- ამბობს ერთ-ერთი სტუდენტი და სოციალურ ქსელში ვიდეოს აქვეყნებს.

ცენტრალურ საარჩევნო კომისიის  შესასვლელთან აქცია გრძელდება. ადგილზე იმყოფებიან ოპოზიციური პარტიის ლიდერებიც. პროტესტის ნიშნად ცენტრალურ საარჩევნო კომისიასთან სტუდენტები მივიდნენ. აქციის მონაწილეები მიიჩნევენ, რომ საპარლამენტო არჩევნები გაყალბებულია. „დღეს ცესკო აფორმებს იმ რუსულ სპეცოპერაციას, რაც ”ქართულმა ოცნებამ” ჩაატარა 26 ოქტომბერს. აუცილებელია,რომ  ვიაქტიუროთ დღეს და გაგრძელდეს პროტესტი. მოვუწოდებ ჩვენს მეგობრებს, შემოგვიერთდნენ აუცილებლად”- ამბობს ერთ-ერთი სტუდენტი.

ცესკოს თავმჯდომარეს გიორგი კალანდარიშვილსა და ცესკოში „ერთიანობა – ნაციონალური მოძრაობის“ წარმომადგენელს, დავით კირთაძეს შორის სიტყვიერი დაპირისპირება მოხდა. მას შემდეგ, რაც კირთაძეს სხდომაზე სიტყვა არ გააგრძელებინა, მან გიორგი კალანდარიშვილს, სავარაუდოდ, შავი საღებავი შეასხა. „რეგლამენტით გათვალისწინებული ორი წუთი ამოგეწურათ, სად არის ეგრე, რომ დაგასრულებინოთ? თქვენი ეს გამოსვლა და პოლიტიკური არ უკავშირდება შემაჯამებელ ოქმს. რას იჭიმები აქ, ქუჩაში ხომ არ გგონია შენი თავი? არ გასრულებინებ! მიბრძანდით, კარგად ბრძანდებოდეთ!“ – განაცხადა კალანდარიშვილმა. „რეგლამენტის დაცვა თუ გინდოდა, სხვა რამეში დაგეცვა. შენ ხარ სირცხვილი, ჩვენი ქვეყნის სირცხვილი, ჩვენი ქვეყნის შავი ლაქა. შენი რეალური სახე რა არის გითხრა,…