დღე: იანვარი 19, 2024

ევროპა ზედმეტად ბევრს საუბრობს დონალდ ტრამპზე იმის ნაცვლად, რომ მოემზადოს აშშ-ის პრეზიდენტის თანამდებობაზე მისი შესაძლო მეორე ვადისთვის, – ამის შესახებ გერმანიის ფინანსთა მინისტრმა, კრისტიან ლინდნერმა  განაცხადა. მისი თქმით, შეშფოთებულია  იმით, რომ ევროკავშირში ზოგიერთი პოლიტიკოსი მიდრეკილია მიბაძოს აშშ-ს, თითქმის ყველაფრის სუბსიდირებაში. „მე ვფიქრობ, რომ ევროპაში ზედმეტად ბევრს ვსაუბრობთ დონალდ ტრამპზე და ჩვენ უნდა მოვემზადოთ დონალდ ტრამპის შესაძლო მეორე ვადისთვის ევროპის კონკურენტუნარიანობის გაძლიერებით. ჩვენი საშინაო სამუშაოს შესრულება არის საუკეთესო მომზადება დონალდ ტრამპის შესაძლო მეორე ვადისთვის. ეს მოიცავს ჩვენ თავდაცვით შესაძლებლობებს. ეკონომიკურ, ნატო-ს ფარგლებში ტვირთის თანაბარი განაწილების თვალსაზრისით მიმზიდველ თანასწორ პარტნიორად ყოფნა არის…

უკრაინის პრეზიდენტი, ვოლოდიმირ ზელენსკი საფრანგეთის პრეზიდენტს,, ემანუელ მაკრონს ტელეფონით ესაუბრა. ზელენსკის თქმით, სატელეფონო საუბრისას, უკრაინის ბრძოლის ველზე არსებული ვითარება, დეტალები და პერსპექტივები განიხილეს. “განვიხილეთ უკრაინის ბრძოლის ველზე არსებული ვითარება, დეტალები და პერსპექტივები. შესაბამისად, განვიხილეთ, თუ რა უნდა შევიდეს თავდაცვის ახალ პაკეტში, რომელსაც ამჟამად საფრანგეთი ამზადებს. ჩვენ ვაგრძელებთ კომუნიკაციას პარტნიორებთან რუსეთის წინააღმდეგ ეფექტური სანქციების საკითხზე. ყველა ჩვენმა დიპლომატიურმა წარმომადგენელმა უნდა გააძლიეროს ძალისხმევა, რათა ჩვენმა პარტნიორებმა უფრო აქტიურად უპასუხონ რუსეთის მიერ სანქციების გვერდის ავლის ყველა შემთხვევას. საკითხი მოიცავს იმას, თუ როგორ აწარმოებს ტერორისტული სახელმწიფო იარაღის, მათ შორის რაკეტებს. რუსეთის მიერ სანქციების გვერდის…

ხერსონის რეგიონული სამხედრო ადმინისტრაციის ინფორმაციით, რუსეთმა ხერსონის ოლქი დაბომბა. დაბომბვის შედეგად, ერთი ადამიანი დაშავდა. ,,57 წლის ადგილობრივი საცხოვრებელ კორპუსში პირდაპირი დარტყმის შედეგად დაშავდა. მას ჭრილობა მკლავისა და ზურგის არეში აქვს მიყენებული”, – ნათქვამია განცხადებაში.

რუსეთის პრეზიდენტმა ვლადიმერ პუტინმა ხელი მოაწერა განკარგულებას საზღვარგარეთ რუსეთის უძრავი ქონების მოძიებისა და სამართლებრივი დაცვისთვის თანხების გამოყოფის შესახებ. განკარგულება ვრცელდება რუსეთის ყოფილი იმპერიისა და საბჭოთაკავშირის ქონებაზე. დოკუმენტის ტექსტში ნათქვამია, საზღვარგარეთ ქონების მართვის სახელმწიფო კომპანია მიიღებს ფინანსურ უზრუნველყოფას ხარჯებისთვის, რომლებიც დაკავშირებულია რუსეთის უძრავი ქონების მოძიებასთან და სამართლებრივ დაცვასთან დაკავშირებით. უძრავი ქონების ძიების გარდა, კომპანიას დაევალება რუსული ქონების სამართლებრივი დაცვა, ნათქვამია პრეზიდენტის ბრძანებულებაში. 11 იანვარს ლატვიის სეიმმა დაამტკიცა კანონპროექტი, რომელიც ითვალისწინებს რიგის „მოსკოვის სახლის“ სახელმწიფო საკუთრებაში გადაცემას. ჩამორთმეული ქონების გაყიდვიდან მიღებული თანხის გადაცემას ლატვიის მთავრობა უკრაინისთვის გეგმავს. იმავე დღეს რუსეთის საელჩომ სეიმის…

რუსეთის ბრიანსკის ოლქის გუბერნატორის ინფორმაციით, კიდევ ორი დრონი ჩამოაგდეს. მისი თქმით, “ორი უკრაინული უპილოტო საფრენი აპარატი პოგარსკის და უნეჩსკის რაიონებში” გაანადგურეს. გუბერნატორის ცნობით, თავდასხმას მსხვერპლი და ნგრევა არ მოჰყოლია. ცნობისთვის, ბრიანსკის ოლქში ნავთობის საცავი იწვის. რუსეთში ნავთობის ბაზა იწვის

ღაზის სექტორში ისრაელის სამხედრო ოპერაციას მსხვერპლი მოჰყვა. ღაზის სექტორის ჯანდაცვის სამსახურის ინფორმაციით, ქალაქ ღაზაში ალ-შიფას ჰოსპიტალთან საცხოვრებელი კორპუსის დაბომბვას 15 ადამიანი ემსხვერპლა. 10 ადამიანი დაიღუპა საცხოვრებელი სახლის დაბომბვისას ქალაქ ხან იუნისში. გასული დღის განმავლობაში ღაზის სექტორში საერთო ჯამში 40-ზე მეტი ადამიანი დაიღუპა. პალესტინის ადმინისტრაციაში აცხადებენ, რომ მშვიდობა რეგიონში მხოლოდ პალესტინის სახელმწიფოს შექმნის შემდეგ შეიძლება დამყარდეს. ისრაელის ოპოზიციის ლიდერის, იაირ ლაპიდის განცხადებით, თუ პალესტინის ადმინისტრაცია სერიოზულ რეფორმებს გაატარებს, მას შეუძლია შეასრულოს როლი ღაზის მომავლის განსაზღვრაში ომის დასრულების შემდეგ.

ჟურნალისტთა დაცვის კომიტეტის (CPJ) მონაცემების თანახმად, ისრაელი-“ჰამასის” ომის შედეგად, სულ მცირე, 83 ჟურნალისტი დაიღუპა. მათგან 76 პალესტინელი, 4 ისრაელელი და 3 ლიბანელი იყო. გავრცელებული ინფორმაციით, დაშავებულია 16 ჟურნალისტი, 3 დაკარგულად მიიჩნევა, 25 კი დაკავებულად. კომიტეტი იძიებს მედიის წარმომადგენელთა დაკავებისა და მუქარის შემთხვევებსაც.

ისრაელის პრემიერ-მინისტრის, ბენიამინ ნეთანიაჰუს განცხადებით, ომი ყველა ფრონტზე გაგრძელდება, სანამ ყველა მიზანს არ მიაღწევენ. მისი თქმით, გამარჯვებას კიდევ ბევრი თვე დასჭირდება. ,,ჰამასთან ომი ყველა ფრონტზე გრძელდება, და ომი ყველა ფრონტზე გაგრძელდება, სანამ ჩვენ ყველა მიზანს არ მივაღწევთ. გამარჯვებას კიდევ ბევრი თვე დასჭირდება, მაგრამ ჩვენ გადაწყვეტილი გვაქვს ამის მიღწევა… ჩვენ გავაგრძელებთ ბრძოლას მთელი ძალით, სანამ არ მივაღწევთ ყველა ჩვენს მიზანს – ყველა ჩვენი მძევლის დაბრუნებას; კიდევ ერთხელ ვიტყვი, რომ მხოლოდ სამხედრო ზეწოლა გამოიწვევს მათ გათავისუფლებას; ჰამასის ლიკვიდაციას. დარწმუნებული ვარ, რომ ღაზა ვეღარასდროს იქნება საფრთხე ისრაელისთვის. არ იარსებებს პარტია, რომელიც ასწავლის ტერორს,…

ჩრდილოეთ კორეა აცხადებს, რომ აშშ-ის, სამხრეთ კორეისა და იაპონიის ერთობლივი წვრთნების პროტესტის ნიშნად წყალქვეშა ატომური იარაღი გამოცადა. ინფორმაციას სახელმწიფო გამოცემა ავრცელებს. Haeil-5-23-ის სისტემები, რომლებსაც ატომური იარაღის გადატანა შეუძლიათ, აღმოსავლეთ სანაპიროებთან გამოცადეს. კონკრეტული თარიღი ცნობილი არაა. ჩრდილოეთ კორეის თავდაცვის სამინისტროს წარმომადგენელმა, რომლის ვინაობაც არ დასახელდა, აშშ, სამხრეთ კორეა და იაპონია წვრთნების გამო “კატასტროფული შედეგების შესახებ” გააფრთხილა. ფხენიანის ბირთვულ და სარაკეტო საფრთხეებზე რეაგირების გაუმჯობესების ძალისხმევის ფარგლებში სამი ქვეყნის საზღვაო ძალებმა, ამერიკულ ავიამზიდ Carl Vinson-თან ერთად, სამდღიანი წვრთნები ჩაატარეს. უპილოტო საფრენი აპარატების ახალი სისტემა, რომელსაც Haeil დაარქვეს და “ცუნამის” ნიშნავს, პირველად 2023 წლის…

რუსეთის საგარეო საქმეთა მინისტრმა, სერგეი ლავროვმა შემაჯამებელ პრესკონფერენციაზე 3+3 ფორმატზე ისაუბრა და აღნიშნა, რომ ამ ფორმატს, რომელშიც მოსკოვს საქართველოს ჩართვის მოლოდინიც აქვს, დიდი პერსპექტივები აქვს. მისი თქმით, დასავლელი მეგობრების რჩევები სამხრეთ კავკასიასთან დაკავშირებით ყოველთვის მიმართულია დასაველთის გეოპოლიტიკური მიზნების ხელშეწყობისკენ. ,,ჩვენ შევთავაზეთ უფრო აქტიურად განვითარდეს თანამშრომლობის მექანიზმი სამხრეთ კავკასიის სამ ქვეყანას შორის – სომხეთი, აზერბაიჯანი და საქართველო და მათი სამი უახლოესი მეზობელი – რუსეთი, თურქეთი და ირანი. ვფიქრობ, დროთა განმავლობაში ეს ფორმატი გახდება პერსპექტიული, მით უმეტეს, რომ ის არ იქნება დამოკიდებული გლობალურ გეოპოლიტიკურ კონიუნქტურაზე, ის თავისუფალია ჰეგემონიის შესანარჩუნებელი გეოპოლიტიკური თამაშებისგან, რომელსაც…

უკრაინული მედიის ინფორმაციით, რუსეთის მიერ 18 იანვარს განხორციელებული თავდასხმის შედეგად, ხერსონის ოლქში 3 მშვიდობიანი მოქალაქე დაშავდა. ხერსონის რეგიონული სამხედრო ადმინისტრაციის განცხადებით, რუსეთმა ოლქს 67 ჭურვი ესროლა. ჭურვების სამიზნეს საცხოვრებელი კვარტლები და კრიტიკულ ინფრასტრუქტურული ობიექტები წარმოადგენდა.