დღე: იანვარი 15, 2024

ჩინეთმა და შვეიცარიამ ხელი მოაწერეს ერთობლივ დეკლარაციას პარტნიორობის გაღრმავების მიზნით. ინფორმაციას Reuters ავრცელებს. არსებული ინფორმაციით, ხელმოწერილი დეკლარაცია მოიცავს ერთობლივი კვლევის დასრულებას ორ ქვეყანას შორის არსებული თავისუფალი ვაჭრობის შეთანხმების შესამუშავებლად. ჩინეთი შვეიცარიის მესამე უმსხვილესი სავაჭრო პარტნიორია შეერთებული შტატებისა და ევროკავშირის შემდეგ. ორმა ქვეყანამ თავისუფალი ვაჭრობის შეთანხმებას 2013 წელს მოაწერა ხელი. თუმცა, მისი განახლების მცდელობები შეფერხდა ჩინეთში ადამიანის უფლებების შესახებ შემაშფოთებელი ცნობების ფონზე. შვეიცარიისა და ჩინეთის საგარეო საქმეთა სამინისტროებს შორის დიალოგი მიმდინარე წელს განახლდება და ადამიანის უფლებებსაც მოიცავს.

მეტი...

აღმოსავლეთ ევროპის ქვეყნები ევროკავშირისგან უკრაინის მარცვლეულზე იმპორტის გადასახადების დაწესებას ითხოვენ. უნგრეთის სოფლის მეურნეობის სამინისტროში აღნიშნეს, რომ ბულგარეთის, პოლონეთის, უნგრეთის, რუმინეთისა და სლოვაკეთის სოფლის მეურნეობის მინისტრებმა გაუგზავნეს წერილი ევროკომისიას ზომების მიღების მოთხოვნით, რომელშიც ნათქვამია, რომ უკრაინიდან სოფლის მეურნეობის იაფი პროდუქტები მათ საექსპორტო ბაზრებზე ხვდება. მინისტრები აღნიშნავენ, რომ ბრიუსელმა უნდა შემოიღოს ზომები, რომელიც დაიცავს უკრაინის მოსაზღვრე ევროკავშირის წევრი ქვეყნების ბაზრებს და დაეხმარება მათ გამოიყენონ საექსპორტო პოტენციალი. მინისტრები ასევე მოუწოდებენ ევროკომისიას, შეამოწმოს, შეესაბამება თუ არა უკრაინის წარმოების გაიდლაინები ევროკავშირის სტანდარტებს.

მეტი...

,,ევროკავშირი უნდა მოემზადოს გაფართოებისთვის, სწრაფად უნდა წავიდეთ წინ”. ამის შესახებ ავსტრიის პარლამენტის ევროპულ საქმეთა კომიტეტის თავმჯდომარემ, კრისრიან ბუჩმანმა განაცხადა. „გაფართოება ყველაზე დიდი გამოწვევაა, ამიტომ ჩვენ გვჭირდება ევროკავშირის მხრიდან გადაწყვეტილებები, მაგრამ ამავე დროს ქმედებები წევრი სახელმწიფოებიდან. სწრაფად უნდა წავიდეთ წინ. უამრავი ნაბიჯია ამ პროცესში, ეს იციან ევროკავშირის წევრი ქვეყნების მოქალაქეებმაც და აპლიკანტმა სახელმწიფოებმაც. ცხადია, რომ ევროკავშირი უნდა მოემზადოს გაფართოებისთვის. თუ ყველა ერთად გაფართოების მიმართულებით წავალთ, მაშინ სტაბილურობას მოვუტანთ იმ ქვეყნებსაც, რომლებსაც გაწევრიანება სურთ. წინააღმდეგ შემთხვევაში იქნება არასტაბილურობა“, – აღნიშნა კრისრიან ბუჩმანმა.

მეტი...

ფინეთი რუსეთის მოქალაქეებს უძრავი ქონების ტრანზაქციებს აუკრძალავს. ინფორმაციას ფინეთის თავდაცვის მინისტრი, ანტი ჰაკანენი ავრცელებს. მისი თქმით, ქვეყანამ, რუსული ფესვების მქონე უძრავი ქონების მფლობელებისთვის რეგულაციების გამკაცრება ზაფხულში დაიწყო. მოგვიანებით კი ხელისუფლებამ უძრავი ქონების რუსი მფლობელებისთვის ქვეყანაში შესვლის შესახებ შეზღუდვები გაამკაცრა, სექტემბერში კი რუსეთში რეგისტრირებულ მანქანებს ქვეყანაში შესვლა აუკრძალა.

მეტი...

გაერომ უკრაინაში 2024 წლის ჰუმანიტარული რეაგირების გეგმა წარმოადგინა. გაეროს გეგმა მიზნად ისახავს უკრაინის 8,5 მილიონი მოქალაქის დახმარებას, რაც მოითხოვს 3,1 მილიარდი დოლარის ოდენობის დაფინანსებას. რეინტეგრაციის სამინისტროს ცნობით, ზოგადად, გაეროს გეგმა ითვალისწინებს დაახლოებით 10,8 მილიონ უკრაინელს უკრაინასა და ევროპის რეგიონში, რომლებსაც ყველაზე მეტად ესაჭიროებათ დახმარება. ,,ასობით ათასი ბავშვი ცხოვრობს ფრონტის ხაზთან ახლოს მდებარე თემებში, ტრავმირებული და მოკლებულია ძირითადი საჭიროებების დაკმაყოფილების უნარს. მხოლოდ ამის გათვალისწინებით, ჩვენ ყველაფერი უნდა გავაკეთოთ იმისათვის, რომ უკრაინას მეტი ჰუმანიტარული დახმარება მივაწოდოთ”, – განაცხადა გაეროს გენერალური მდივნის მოადგილემ ჰუმანიტარულ საკითხებში და გაეროს გადაუდებელი დახმარების კოორდინატორმა მარტინ გრიფიტსმა. დროებით…

მეტი...

აზერბაიჯანის დედაქალაქ ბაქოში, ბინაგადის რაიონში აფეთქება მოხდა. ადგილობრივი მედიის ინფორმაციით, აფეთქების შედეგად ტერიტორიაზე გავრცელებული ხანძარი ამ დროისთვის ლოკალიზებულია და სალიკვიდაციო სამუშაოები მიმდინარეობს. გავრცელებული ინფორმაციით, ავეჯის მაღაზიაში აფეთქების შედეგად 3 ადამიანი დაიღუპა, 24 კი დაშავდა. წინასწარი მონაცემების თანახმად, ნანგრევებში 3 ადამიანის ცხედარი იპოვეს. ინციდენტის შედეგად 24-მა ადამიანმა მიიღო სხვადასხვა ხარისხის დაზიანებები. დაშავებულებიდან ექვსი პირველადი სამედიცინო დახმარების გაწევის შემდეგ სახლში გაწერეს, დანარჩენების მკურნალობა კი საავადმყოფოში გრძელდება. მათ ჩაუტარდათ საჭირო სამედიცინო მომსახურება და მათი მდგომარეობა სტაბილურია. რა გახდა აფეთქების მიზეზი, ჯერჯერობით უცნობია.  

მეტი...