დღე: იანვარი 3, 2024

ავდეევკაზე რუსული სარაკეტო თავდასხმის შედეგად, ერთი ადამიანი დაიღუპა, ერთი კი დაშავდა. დონეცკის ოლქის რეგიონული ადმინისტრაციის ხელმძღვანელის, ვადიმ ფილაშკინის ცნობით, დაახლოებით 11 საათზე რუსებმა ქალაქს 4 რაკეტა ესროლეს. ოკუპანტებმა იერიში საცხოვრებელ კორპუსზე მიიტანეს, რის შედეგადაც 51 წლის კაცი ადგილზე გარდაიცვალა, 50 წლის ქალი კი დაზიანებებით საავადმყოფოში გადაიყვანეს.

რუსეთის ტყვეობიდან 230 მებრძოლი და მშვიდობიანი მოქალაქე გათავისუფლდა. უკრაინის პრეზიდენტის ინფორმაციით, მათგან 213 ჯარისკაცი, 11 ოფიცერი და 6 უბრალო მოქალაქეა. ,,ჩვენი ხალხი სახლშია. დღეს ჩვენ დავიბრუნეთ 200-ზე მეტი მეომარი და მშვიდობიანი მოქალაქე რუსეთის ტყვეობიდან. ჯარისკაცები, სერჟანტები და ოფიცრები შეიარაღებული ძალებიდან, ეროვნული გვარდიიდან, საზღვაო ძალებიდან და მესაზღვრეები. ზოგიერთი დამცველი მარიუპოლსა და აზოვსტალში იბრძოდა. მადლობას ვუხდი ყველას, ვინც, მიუხედავად ყველა სირთულისა, ჩვენს ხალხს სახლში აბრუნებს. მადლობელი ვარ ჩვენი მცველების. ჩვენ ყველანაირად ვცდილობთ დავიბრუნოთ ყველა ადამიანი, რომელიც ჯერ კიდევ რუსეთის ტყვეობაში იმყოფება”, – წერს ზელენსკი.

კიევში ყოფილი უკრაინელი მაღალჩინოსანი დააკავეს, რომელიც რუსეთის სასარგებლოდ მუშაობასა და რუსული FSB-ს აგენტობაშია ეჭვმიტანილი. დაკავებულის ვინაობა არ სახელდება, თუმცა აღნიშნულია, რომ ის წინა წლებში ენერგეტიკის სამინისტროში მუშაობდა და მხარს უჭერდა უკრაინის აღმოსავლეთ რეგიონების რუსეთის როსტოვის ოლქთან შეერთებას. ასევე ეწეოდა საინფორმაციო დივერსიას საკუთარი ქვეყნის წინააღმდეგ. ,,2014 წელს, საჯარო სამსახურიდან გათავისუფლების შემდეგ, მან დაიწყო საკუთარი თავის პოზიციონირება, როგორც „პოლიტიკურმა ექსპერტმა“ და პუბლიკაციების ავტორმა, სადაც ადიდებდა კრემლის აგრესიულ პოლიტიკას უკრაინის მიმართ. ამ დროიდან იგი უშუალო კავშირში იყო FSB-ის მე-5 სამმართველოს ერთ-ერთ ხელმძღვანელთან, რომელიც კოორდინაციას უწევდა მის საინფორმაციო და დივერსიულ საქმიანობას უკრაინის წინააღმდეგ. რუსი…

ირანის ქალაქ კერმანში ორმაგი აფეთქების შედეგად მინიმუმ 73 ადამიანი დაიღუპა, 170 დაშავდა. თავდასხმა, სავარაუდოდ, ტერორიზმს უკავშირდება. ამის შესახებ ინფორმაციას სახელმწიფო მედია ავრცელებს. თავდასხმა ქალაქ კერმანში 2020 წელს მოკლული სამხედრო მეთაურის ყასემ სოლეიმანის საფლავთან მოხდა, სადაც მომლოცველები შეიკრიბნენ. პირველი აფეთქება საფლავიდან 700 მეტრში მოხდა, ხოლო მეორე კილომეტრით იყო დაშორებული. ირანის „ჩრდილოვანი მეთაურის“ სახელით ცნობილი სოლეიმანი, რომელიც 1998 წლიდან ხელმძღვანელობდა ყუდსის ძალებს, ოთხი წლის წინ, ბაღდადის საერთაშორისო აეროპორტში მოკლეს.ის იყო ირანის სამხედრო ოპერაციების განმახორციელებელი ერაყსა და სირიაში.

შვედეთში, ბოლო 25 წლის განმავლობაში ყველაზე დაბალი ტემპერატურა -43.6 გრადუსი დაფიქსირდა. ინფორმაციას შვედეთის მეტეოროლოგიური და ჰიდროლოგიური ინსტიტუტი (SMHI) ავრცელებს. SMHI-მა გამოსცა ყვითელი და ნარინჯისფერი გაფრთხილებები ქარისა და თოვლის შესახებ სამხრეთ შვედეთისა და სტოკჰოლმის რაიონებში. ძლიერი ქარისა და თოვლის გამო, გამკაცრდა უსაფრთხოების ზომები. შეფერხებულია მატარებლებისა და ავტობუსების მოძრაობა. სამხრეთ და ცენტრალურ შვედეთში, უამინდობამ ოთხშაბათს დილით რამდენიმე ავარია გამოიწვია. ბოლო დღეებში ქარიშხალმა დააზარალა დანია და ნორვეგიაც, ჩაიკეტა გზები და გაუქმდა სარკინიგზო რეისები.

იაპონიაში საქართველოს ელჩის, თეიმურაზ ლეჟავას ინფორმაციით, იაპონიაში ძლიერი მიწისძვრის შედეგად საქართველოს არცერთი მოქალაქე არ დაშავებულა. ელჩი მიწისძვრის დროს ოჯახთან ერთად მატარებლით გადაადგილდებოდა იმ ზონაში, სადაც სეისმური ბიძგები იყო. მგზავრებს ღამის გატარება ვაგონებში მოუწიათ. ,,რაც შეეხება საქართველოს მოქალაქეებს, იმ რეგიონში ქართველი არავინ ცხოვრობს, თუმცა, მაგალითად, როგორც მე მივემგზავრებოდი, საკმაოდ მდიდარი რეგიონია და არ გამოვრიცხავდი, რომ იქ ყოფილიყვნენ ქართველები სამოგზაუროდ. ჩვენ შევძელით, რომ გადაგვემოწმებინა საქართველოს მოქალაქეების მდგომარეობა ჩვენი ყველა არხის მეშვეობით და, ჩვენი ინფორმაციით, იქ არავინ არის ჯერჯერობით. გავიდა ორი დღე. საბედნიეროდ, მსხვერპლი არ გვაქვს. რა თქმა უნდა, ცხელი ხაზი გახსნილი გვაქვს და…

,,რუსეთი პასუხს აგებს სამხედრო დანაშაულებზე”. ამის შესახებ ევროკავშირის უმაღლესი წარმომადგენელი, ჯოზეფ ბორელი წერს. ,,რუსეთმა ახალი წელი დაიწყო კიევში, ხარკოვსა და სხვა ქალაქებში ასზე მეტი რაკეტისა და უპილოტო საფრენი აპარატის გასროლით, მშვიდობიანი მოსახლეობის დამიზნებით, საცხოვრებელი უბნების განადგურებითა და სასიცოცხლო ინფრასტრუქტურის განადგურებით.  რუსეთი პასუხს აგებს თავის სამხედრო დანაშაულებზე. ჩვენ უკრაინის გვერდით ვართ”, – წერს ბორელი.

იაპონიის დამანგრეველი მიწისძვრის შედეგები მძიმეა. ამ ეტაპისთვის არსებული მონაცემებით, დაღუპულია 62 ადამიანი. ეს არ არის საბოლოო  ციფრები, რადგანაც არიან დაკარგულებიც. იშიკავას  მთავრობის ინფორმაციით, მიწისძვრის შედეგად 300-ზე მეტი ადამიანია დაშავებული, რომლებიც კლინკაში იმყოფებიან. ნაწილის მდგომარეოა კი საკმაოდ მძიმეა. მიწისძვრის შედეგად დანგრეულია სახლები, დაზიანებლია ინფრასტრუქტურა. უსახკაროდ დარცა  31 000-ზე მეტი ადამიანი.