დღე: იანვარი 9, 2024

ჯერ კიდევ არ ჩანს ოპოზიციის სტრატეგიის კონტურები, როგორ წარდგებიან 2024 წლის გარდამტეხ არჩევნებზე. საუბარია არა პარტიულ პროგრამებზე, არამედ საერთო ხედვაზე, – ამის შესახებ ოპოზიციონერმა დეპუტატმა, თეონა აქუბარდიამ განაცხადა. მისი თქმით, ოპოზიციაში შინაარსის დეფიციტი არის და შინაარსი უნდა უკავშირდებოდეს მოსახლეობისთვის საჭირბოროტო საკითხებს. „ერთპარტიული სიით არავინ გადის და ეს სწორია. 5-პროცენტიანი ბარიერის არსებობა მნიშვნელოვანი გამოწვევაა და თუ გამსხვილება არ მოხდება, ეს „ქართულ ოცნებას“ შესაძლებლობას მისცემს, გადაუნაწილებელი მანდატები თავის ყულაბაში წაიღოს და უმრავლესობა შეინარჩუნოს. ამიტომ კონსულტაციები დროზეა დასაწყები, რათა არ იყოს შესაძლებლობა, პარტიები ხუთი პროცენტის მიღმა დარჩნენ და ეს ხელისუფლებისთვის სასარგებლო არ აღმოჩნდეს.…

რუსული რეჟიმის პირობებში, სერიოზული საფრთხე და არაერთი ფაქტი არსებობს, რაც მიუთითებს, რომ საქართველოს ტერიტორია შესაძლებელია, სანქციებისთვის თავის არიდების მიზნით იყოს გამოყენებული, – ამის შესახებ „ნაციონალური მოძრაობის“ წევრმა, თინა ბოკუჩავამ, განაცხადა. მისი თქმით, იმისათვის, რომ საქართველო იყოს შესაბამისობაში საერთაშორისო სანქციებთან, აუცილებელია რუსული რეჟიმის ცვლილება და პროდასავლური მთავრობის ფორმირება. „ის, რომ სერიოზული საფრთხე არსებობს სანქციებისთვის თავის ასარიდებლად საქართველოს ტერიტორიის გამოყენების კუთხით, ამაზე მეტყველებს მაღალი დონის ვიზიტები, რაც საქართველოში განხორციელდა ამერიკის შეერთებული შტატებისა და ევროკავშირის მხრიდან. ამაზე მიუთითებს არაერთი წყარო და ფაქტი, თუმცა მნიშვნელოვანია ის საერთაშორისო წნეხი, რასაც „ქართული ოცნება“ გრძნობს, რადგან კარგად…

გიორგი გახარიას პარტიის ინიციატივა მატრაკვეცობაა, რადგან როცა საკონსტიტუციო ცვლილებები განხორციელდა, გახარია ჩვენთან იყო და მაშინ არც წინააღმდეგი იყო, არც ხმა ამოუღია, – ასე ეხმაურება საპარლამენტო უმრავლესობის წევრი, ირაკლი ზარქუა პარტია „საქართველოსთვის“ ინიციატივას. მისი თქმით, არ აქვთ თემები, არ იციან, რაზე ილაპარაკონ. „ახლა რატომ გაახსენდა, რომ პრეზიდენტი, რომელსაც წარმომადგენლობითი ფუნქცია აქვს, ქვეყნის მასშტაბით უნდა ავირჩიოთ? ეს რა ლოგიკაა, მანამდე სად იყვნენ ან ახლა რა არგუმენტები აქვთ? უბრალოდ, არ აქვთ თემები, არ იციან, რაზე ილაპარაკონ. ისინი ვერ ისაუბრებენ ეკონომიკაზე, მშვიდობაზე, ევროინტეგრაციაზე, ამიტომ იგონებენ ამ სისულელეებს“, – აღნიშნა ირაკლი ზარქუამ.

მგონი, მიხეილ სააკაშვილი უნდა გამოფხიზლდეს, კარი გაუღოს ყველას და ვინც „ნაცმოძრაობის“ მოქმედი მენეჯმენტის მხრიდან განდევნილია, უკან დააბრუნოს, – ამის შესახებ „გირჩის“ ლიდერმა, იაგო ხვიჩიამ განაცხადა. „ჩვენ გეგმა საიტზეც გვიდევს და ყოველ დილით ამაზე ვსაუბრობთ. ყველამ უნდა გაარკვიოს, რა უნდა, როგორ ქვეყანაზე ოცნებობს და მის წვლილად რის გაკეთებას აპირებს. რაც შეეხება ე.წ. პრონაცურ ძალებს, ჩემი აზრით, ნიკა მელია იქნება, ნიკა გვარამია, ზურაბ ჯაფარიძე, ელენე ხოშტარია თუ სხვა ადამიანი, მგონი, მათ ძალიან გაუჭირდებათ არსებულ კონტექსტში პოზიციონირდნენ, როგორც არა „ნაცები“, რადგან შეუძლებელია, გვარამია დაინახოთ და გაგახსენდეთ რაიმე სხვა, გარდა „ნაცებისა“. ზუსტად ასევე, როცა…

პარტია „საქართველოსთვის“ საქართველოს პრემიერ-მინისტრს, ირაკლი ღარიბაშვილს მიმართავს. მიმართვაში ნათქვამია, რომ პარტია გამოთქვამს მზაობას, მონაწილეობა მიიღოს სამუშაო პროცესში, რომელსაც საქართველოს მთავრობა ევროკავშირის რეკომენდაციებისა და დათქმების შესასრულებლად წარმართავს. „ბატონო ირაკლი, საქართველოსთვის ევროკავშირის წევრობის კანდიდატის სტატუსის მიღებისა და შემდგომში ევროკავშირში სრულფასოვანი გაწევრიანებისთვის, ევროკომისიის 8 ნოემბრის შეფასებით გათვალისწინებულია, რომ ქვეყანამ უნდა გადადგას კონკრეტული ნაბიჯები, რისთვისაც დიდი სამუშაოა გასაწევი. შესაბამისად, ჩვენი საპარლამენტო გუნდი, პოლიტიკური ჯგუფი „საქართველოსთვის“ გამოვხატავთ მზაობას, მონაწილეობა მივიღოთ სამუშაო პროცესში, რომელსაც საქართველოს მთავრობა წარმართავს ევროკავშირის რეკომენდაციებისა და დათქმების შესასრულებლად. ასევე, მოგმართავთ, რომ სამუშაო პროცესი წარმართოთ ინკლუზიურად“, – ნათქვამია მიმართვაში.