დღე: იანვარი 30, 2024

უნგრეთის პრემიერ-მინისტრის, ვიქტორ ორბანის განცხადებით, მშვიდობას აქვს სახელი და მას დონალდ ტრამპი ჰქვია. მისი თქმით, დონალდ ტრამპი საერთაშორისო არენაზე ყველაზე წარმატებული პოლიტიკოსია. „დღეს მე ვერ ვხედავ სხვა ლიდერს ევროპაში ან ამერიკაში, რომელიც საკმარისად ძლიერია ომის შესაჩერებლად. მშვიდობას აქვს სახელი და მას დონალდ ტრამპი ჰქვია“, –  განაცხადა ვიქტორ ორბანმა.

არ შეგვიძლია დავუშვათ, რომ პუტინმა გაიმარჯვოს – ამის შესახებ ევროკავშირის უმაღლესმა წარმომადგენელმა საგარეო საქმეთა და უსაფრთხოების პოლიტიკის საკითხებში, ჯოზეფ ბორელმა განაცხადა. მისი თქმით, თუ პუტინის სტრატეგია წარმატებული აღმოჩნდა, ეს გაამხნევებს რუსეთს და სხვა ავტოკრატიებს, განახორციელონ თავიანთი იმპერიალისტური მიზნები. „ნამდვილად არ შეგვიძლია დავუშვათ, რომ მან გაიმარჯვოს. ჩვენი უსაფრთხოება სასწორზე დგას. თუ პუტინის სტრატეგია წარმატებული აღმოჩნდა, ეს გაამხნევებს რუსეთს და სხვა ავტოკრატიებს, განახორციელონ თავიანთი იმპერიალისტური მიზნები. ჩვენ ნებისმიერ ფასად უნდა ავიცილოთ თავიდან ისეთი მსოფლიოს შექმნა, სადაც ძლიერი ქვეყნები ცვლიან საზღვრებს ისე, როგორც მათ სურთ და სუსტებს ძლიერები ჩაგრავენ. რუსეთის აგრესიის წინაშე უკრაინის გამარჯვება…

რუსეთის პრეზიდენტის პრესსპიკერის, დიმიტრი პესკოვის განცხადებით, ვითარება ახლო აღმოსავლეთში დაძაბულია და საჭიროა ნაბიჯების გადადგმა დეესკალაციისთვის. „საერთოდ, დაძაბულობის დონე ახლა მაღალია და ჩვენ გვჭირდება ნაბიჯების გადადგმა დეესკალაციისთვის. ეს არის ერთადერთი რამ, რაც დაგვეხმარება კონფლიქტის შეჩერებაში. ჩვენთვის ძალიან მნიშვნელოვანია ახლა ახლო აღმოსავლეთში კონფლიქტის გავრცელების თავიდან არიდება და დეესკალაციის მიღწევა“, – განაცხადა  პესკოვმა.

დონეცკის საოლქო პროკურატურის ინფორმაციი, რუსეთმა სარაკეტო იერიში მიიტანა ქალაქ მირნოგრადზე. თავდასხმის შედეგად ერთი ადამიანი დაიღუპა. ,,გამოძიების თანახმად, 2024 წლის 29 იანვარს, დაახლოებით 23:00 საათზე, რუსეთის არმიამ მირნოგრადზე მორიგი სარაკეტო შეტევა განახორციელა. წინასწარი მონაცემებით, ოკუპანტებმა დასახლებულ პუნქტზე თავდასხმისას S-300 ტიპის სარაკეტო სისტემა გამოიყენეს. 38 წლის კაცი, რომელიც სამსახურიდან სახლში ველოსიპედით მიდიოდა, მტრის თავდასხმის შედეგად დაიღუპა. დაშავდა 50 წლის ქალიც. იგი სისხლჩაქცევებით საავადმყოფოში გადაიყვანეს სამკურნალოდ,” – იტყობინება პროკურატურა.

საფრანგეთის პრეზიდენტი ემანუელ მაკრონი შვედეთის პრემიერ-მინისტრს, ულფ კრისტერსონს პასუხობს და აცხადებს, რომ  შევედეთში კარგად მომზადებული ჩავა. „ძვიფასო ულფ, მადლობა ინფორმაციისთვის. კარგად მომზადებული და თბილად ჩაცმული ჩამოვალ. ერთი სული მაქვს თქვენთან ერთად ფიკა მივირთვა“, – წერს მაკრონი. ცნობისთვის, შვედეთის პრემიერ-მინისტრმა ემანუელ მაკრონს ქვეყანაში მოგზაურობამდე რამდენიმე რჩევა მისცა.

რუსეთის საგარეო საქმეთა მინისტრის, სერგეი ლავროვის განცხადებით, დასავლეთს ესმის, რომ პროექტმა „უკრაინამ“ ჩავარდნა დაიწყო. მისი თქმით, დასავლეთი ვერ წყვეტს უკრაინის მხარდაჭერას, მათ შორის, ეკონომიკური სარგებლის თვალსაზრისით. „უკრაინისთვის აღმოჩენილი ფინანსური მხარდაჭერის მაჩვენებლები ბევრს მეტყველებს იმაზე, თუ რამდენად მნიშვნელოვანია დასავლეთისთვის მათი პროექტი „უკრაინის“ ჩაშლის თავიდან აცილება. უფრო მეტიც, მათ უკვე ესმით, რომ ჩაშლა დაიწყო, მაგრამ მაინც ვერ შეაჩერებენ და არა მხოლოდ პრესტიჟის გამო, არამედ ეკონომიკური სარგებლის თვალსაზრისითაც. შევდივართ კონტაქტებში შესაბამის ქვეყნებთან, რომლებსაც დასავლეთი არწმუნებს, უკრაინას სწრაფად გადასცეს იარაღი ისე, რომ არაფერი გვითხრას ჩვენ, როგორც იარაღის ამა თუ იმ პარტიის მიმწოდებლებს. ჩვენ გავაგრძელებთ…

აშშ-ის დახმარების გარეშე უკრაინის მიერ მიღწეული ყველა წარმატება რისკის ქვეშ აღმოჩნდება, – ამის შესახებ აშშ-ის სახელმწიფო მდივანმა, ენტონი ბლინკენმა განაცხადა. მისი თქმით, კონგრესის მიერ დახმარების დამტკიცება სასიცოცხლოდ მნიშვნელოვანია. „დამატებითი ბიუჯეტის გარეშე ჩვენს მოწინააღმდეგეებს არასწორ სიგნალს გავუზავნით, რომ ჩვენ არასწორად ვეკიდებით თავისუფლებისა და დემოკრატიის დაცვას. ეს კი გააძლიერებს ვლადიმერ პუტინის რწმენას, რომ შეუძლია, დაძლიოს უკრაინა და გაგვიმკლავდეს ჩვენ. ჩვენ უნდა დავრწმუნდეთ, რომ ეს ასე არ არის“, – განაცხადა ბლინკენმა.

NATO-ს გენერალური მდივნის, იენს სტოლტენბერგის განცხადებით, უკრაინისთვის იარაღის მიწოდება არის გზა მშვიდობისკენ. მისი თქმით, რუსეთის გამარჯვება ირანს, ჩრდილოეთ კორეას და ჩინეთს წაახალისებს. “ის, თუ რა მოხდება მოლაპარაკებების მაგიდის გარშემო, განუყოფლად არის დაკავშირებული ბრძოლის ველზე არსებულ ვითარებასთან. ასე რომ, თუ გვინდა, გრძელვადიანი, სამართლიანი მშვიდობა, უკრაინას მეტი იარაღი და საბრძოლო მასალა უნდა მივაწოდოთ. უკრაინისთვის იარაღის მიწოდება არის გზა მშვიდობისკენ”, – განაცხადა სტოლტენბერგმა.