გერმანიის თავდაცვის მინისტრის, ბორის პისტორიუსის განცხადებით, რუსეთი ნატო-ს წევრ ქვეყნებს შესაძლოა, რამდენიმე წელში დაესხას თავს. მისი თქმით, რუსეთის მხრიდან თითქმის ყოველდღიურად ისმის მუქარა, განსაკუთრებით, ბალტიისპირეთის ქვეყნების მიმართ.
„ჩვენ უნდა გავითვალისწინოთ, რომ ვლადიმერ პუტინი ერთხელაც შესაძლოა, ნატო-ს ქვეყნებსაც კი დაესხას თავს. ჩვენი ექსპერტები ელოდებიან, რომ ეს შესაძლოა, ხუთი-რვა წლის შემდეგ მოხდეს“, – აცხადებს პისტორიუსი.