დღე: იანვარი 5, 2024

,,ფემიციდის შემთხვევაში სასჯელი სიკვდილით დასჯა უნდა იყოს”. ამის შესახებ თურქეთის უზენაესი სააპელაციო სასამართლოს მთავარმა პროკურორმა, ბექირ საჰინმა, განაცხადა. მისივე თქმით, დამამძიმებელ გარემოებებთან ერთად, სამუდამო პატიმრობა ზოგ შემთხვევებში არასაკმარისია. თურქეთის მთავარი პროკურორი ამბობს, რომ ქალის მკვლელობისთვის უვადო თავისუფლების აღკვეთა არ აბრკოლებს სხვებს იგივე დანაშაული ჩაიდინონ. თურქეთში სიკვდილით დასჯა პრაქტიკულად არ გამოიყენება 1984 წლიდან. ქვეყანამ ის ოფიციალურად აკრძალა 2004 წელს ევროკავშირში შესვლის ხელშემწყობი რეფორმების ფარგლებში.

მეტი...

ალბანეთში საქართველოს ორი მოქალაქე დააკავეს. 32 და 36 წლის კაცები დიდი ოდენობით მოპარული ძვირფასეულობის ალბანეთიდან საბერძნეთში გადატანას ცდილობდნენ. სავარაუდო დამნაშავეებს სამკაულები მანქანაში ჰქონდათ დამალული. ალბანეთის პოლიციაში განმარტავენ, რომ დაკავებულებს თან ჰქონდათ 6 000 ევრო ნაღდი ფული, ასევე, ქურდობისთვის სხვადასხვა ხელსაწყოები და მოწყობილობები. დაკავებულების მანქანიდან ამოღებულია 190 სახეობის ოქროსა და ვერცხლის ბეჭდები, სამაჯურები, ყელსაბამები, ოქროს მონეტები, “როლექსის” საათი და მარგალიტის ყელსაბამი.

მეტი...

აშშ-ში, დუბლინის შტატის ქალაქ პერის საჯარო სკოლაში მომხდარ სროლას ერთი ადამიანი ემსხვერპლა. დაშავებულია 5 ადამიანი. ინფორმაციას NBC News ავრცელებს. არსებული ინფორმაციით, ცეცხლი ამავე სკოლის 17 წლის მოსწავლემ გახსნა. შემთხვევა დილით, სწავლის დაწყებამდე მოხდა. შემდეგ კი თავდამსხმელმა, სავარაუდოდ, თავი მოიკლა. დანაშაულის მოტივი უცნობია. მომხდარზე გამოძიება მიმდინარეობს.

მეტი...

ინგლისში, წყალდიდობის გამო, ასობით სახლი დაიტბორა. ქვეყნის აღმოსავლეთ და სამხრეთ ნაწილში მცხოვრებლები იძულებულები გახდნენ, რომ საკუთარი სახლები დაეტოვებინათ. ადგილობრივი მედიის ინფორმაციით, წყალდიდობის გამო დაიტბორა გზები და სარკინიგზო ლიანდაგებიც, გადაადგილება უჭირთ მოგზაურებს. ნოტინგემშირის საოლქო საბჭო არ გამორიცხავს, რომ დატბორილი სახლების რაოდებობა კიდევ გაიზარდოს.

მეტი...

ნიუ-იორკის მეტროში, 96-ე ქუჩის სადგურთან, ერთმანეთს 2 მატარებელი შეეჯახა. ერთ მატარებელში 300-მდე მგზავრი იმყოფებოდა, მეორე კი მეტროპოლიტენის სატრანსპორტო სამსახურის უმოქმედო მატარებელია, რომელშიც ოთხი მუშა იყო. შემთხვევის შედეგად, სულ მცირე 26 მგზავრი დაშავდა. უცხოური მედიის ცნობით, რელსებიდან გადასული მატარებლიდან 300-მდე ადამიანის ევაკუაცია განხორციელდა. ევაკუაცია დასჭირდათ მესამე მატარებლის მგზავრებსაც, რომელსაც შემთხვევის გამო გვირაბში გაჩერება მოუწია.

მეტი...

ირანში, ქალაქ ქერმანში მომხდარ თავდასხმაში ეჭვმიტანილები დააკავეს. მედიის ცნობით, ისინი ქვეყნის ხუთ პროვინციაში ჩატარებული საპოლიციო ღონისძიებებისას აიყვანეს. მინისტრი ამ დროისთვის დამატებით დეტალებზე არ საუბრობს.

მეტი...

ჩეჩნეთის ლიდერი, რამზან კადიროვი, მზადაა, უკრაინის სამხედრო ძალების მებრძოლი ტყვეები გაათავისუფლოს, თუ თავის ოჯახის წევრებსა და ცხენებზე სანქციები მოიხსნება. ამის შესახებ კადიროვმა ამერიკელ დაზვერვის ოფიცერ სკოტ რიტერთან განაცხადა. „ჩვენ გვყავს ტყვეები, რომლებიც დონეცკში, ლუგანსკის რაიონებში დავიჭირეთ. მე გადავცემ ჩვენს სტუმარს [სამხედრო ტყვეთა სიას] თუ გააუქმებენ სანქციებს დედაჩემზე, ჩემს ქალიშვილებზე, უდანაშაულო ადამიანებზე, ცხენებზე… მაშინ ამ ადამიანებს გავათავისუფლებთ,“ – თქვა კადიროვმა. მისივე თქმით, იგი მზადაა 20 უკრაინელი ჯარისკაცი გაათავისუფლოს, თუმცა მას დაუკონკრეტებია, კონკრეტულად ვინ უნდა მოხსნას შეზღუდვები ტყვეების გათავისუფლებისთვის.

მეტი...