დღე: იანვარი 11, 2024

დანიის ელჩმა, ანე ტოფტ სორენსენმა საგარეო საქმეთა სამინისტრო უკვე დატოვა. დიპლომატი უწყებაში დაახლოებით 20 წუთის განმავლობაში იმყოფებოდა და მას საგარეო საქმეთა მინისტრის მოადგილე, თეიმურაზ ჯანჯალია შეხვდა. ელჩს ჟურნალისტებთან კომენტარი არ გაუკეთებია. ცნობისთვის, დანიის ელჩმა ბიძინა ივანიშვილს ოლიგარქი უწოდა. მისი თქმით, ბიძინა ივანიშვილმა ქონება 90-იან წლებში რუსეთში დააგროვა.

„ქართული ოცნების“ ინტერესია, მაღალი საარჩევნო ბარიერი შეინარჩუნონ, რათა დამატებითი წინაღობა შეუქმნან ნებისმიერ კოალიციას, – ამის შესახებ ოპოზიციონერმა დეპუტატმა, ხატია დეკანოიძემ განაცხადა. მისი თქმით, ბუნებრივი საარჩევნო ბარიერის მომხრეა. „ბუნებრივი საარჩევნო ბარიერის მომხრე ვარ, რადგან ჩვენი მოქალაქეების ინტერესის ასახვა ძალიან მნიშვნელოვანია. მოქალაქეებს ბუნებრივი ბარიერი საშუალებას მისცემდა, პოლარიზებულ გარემოში პარლამენტში საკუთარი წარმომადგენლობა ჰყავდეთ, თუმცა ვხედავთ, რომ დღეს „ქართული ოცნების“ ინტერესია, მაღალი ბარიერი შეინარჩუნონ, რათა დამატებითი წინაღობა შეუქმნან ნებისმიერ კოალიციას, რომელიც 2024 წელს, საპარლამენტო არჩევნების შემდეგ აუცილებლად იქნება“, – განაცხადა ხატია დეკანოიძემ.

„რელიგიური შუღლის გაღვივება, შეურაცხყოფა კატეგორიულად მიუღებელია, რაც ჩვენ ვნახეთ რამდენიმე დღის წინ, მაგრამ ხომ ვიცით, თუ რას ემსახურება ამ ადამიანების ქმედებები“, – ამის შესახებ თბილისის მერმა კახა კალაძემ შესაბამისი კითხვის საპასუხოდ განაცხადა. კახა კალაძე დადებითად აფასებს მმართველი გუნდის ინიციატივას, რელიგიური ნაგებობებისა და ნივთების შეურაცხყოფისთვის სისხლისსამართლებრივი პასუხისმგებლობის გამკაცრებასთან დაკავშირებით. „ვფიქრობ, ეს დროული, სწორი და მნიშვნელოვანია, რადგან ხარვეზი იყო ამ მიმართულებით. ზოგადად, რელიგიური შუღლის გაღვივება, შეურაცხყოფა კატეგორიულად მიუღებელია, რაც ჩვენ ვნახეთ რამდენიმე დღის წინ, მაგრამ ეს არახალია. ხომ ვიცით, თუ რას ემსახურება ამ ადამიანების ქმედებები. მათ პირდაპირ გაცხადებული აქვთ, რომ ებრძვიან ჩვენს…

​დედაქალაქის მერმა, კახა კალაძემ მედიასთან საუბრისას კულტურული მემკვიდრეობის დაცვის ზონაში უკანონო მშენებლობისთვის ჯარიმების გაათმაგების საკითხზე კომენტარი გააკეთა. როგორც კახა კალაძემ აღნიშნა, ამ მიმართულებით ჯარიმების გაზრდა კულტურული მემკვიდრეობის ძეგლების დაცვის ინტერესით არის ნაკარნახები. „2017 წლიდან მოყოლებული ვიბრძვით ამ მიმართულებით, ეს იყო ჯარიმების, რეგულაციების შემოღება, დარჩენილი იყო კულტურული მემკვიდრეობის ძეგლებთან დაკავშირებით მიდგომები. საკანონმდებლო ცვლილებები უკვე განხორციელებულია და ვფიქრობთ, ეს იქნება გარკვეული პრევენციული ღონისძიებები იმისთვის, რომ პრობლემები, რომლებიც გვქონდა ცალკეულ შემთხვევებში, აღარ განმეორდეს და აღარ იყოს, ამიტომ არის ამხელა ჯარიმები. არავის დაჯარიმება არ მიხარია, მაგრამ ძალიან დიდი იმედი მაქვს, რომ ყველა გაითვალისწინებს აღნიშნულ მიდგომას და არც…

საქართველოს საპატრიარქოს განცხადებას  წმინდა მატრონას ხატთან დაკავშირებით, სოციალურ ქსელში ირმა ინაშვილი ეხმაურება. მისი თქმით, საპატრიარქოს პოზიცია მისაღებია. „სრულიად მისაღებია საპატრიარქოს პოზიცია. ჯერ კიდევ ორი დღის წინ ვწერდი: თუ ეკლესია გადაწყვეტს, ვთხოვოთ ხატმწერს და ეს ფრაგმენტი სხვა შინაარსის ფრაგმენტით შეცვალოს, ვინაიდან საპატრიარქო მოგვიწოდებს, უნდა დავემორჩილოთ, მაგრამ ეს არ ნიშნავს, რომ ხატის შეურაცხყოფა უნდა ვაპატიოთ ვინმეს!“ – წერს ინაშვილი. მივმართავთ ხატის შემომწირველებს, სტალინთან დაკავშირებული ეპიზოდის გამო თავად შეიტანონ ხატში სათანადო ცვლილებები ან ამას ჩვენ გავაკეთებთ – საპატრიარქო

მიმდინარე წლის ოქტომბერში საქართველოში საპარლამენტო არჩევნები ჩატარდება დემოკრატიულად და ყველა პარტიას საარჩევნო კამპანიის თანაბარ პირობებში წარმოების შესაძლებლობა ექნება – ამის შესახებ თბილისის მერმა კახა კალაძემ „სტრატეგია აღმაშენებლისა“ და „ნაციონალური მოძრაობის“ ინიციატივასთან დაკავშირებით განაცხადა, რომელთა წარმომადგენლები საქართველოში საერთაშორისო დამკვირვებლების ჩამოყვანას ითხოვენ. „ჩვეულებრივი სპეკულაციებია. კიდევ ერთხელ ვიმეორებ, გრძელვადიანი დამკვირვებლებიც ჩამოვლენ და არჩევნებიც ძალიან მაღალ დონეზე ჩატარდება. ეს პირველ რიგში, ჩვენს ინტერესში შედის, რომ არავის მიეცეს იმის შესაძლებლობა, რასაც კადრულობდნენ 2020 წელს – გახსოვთ ყველას, როგორ გააყალბა „სამართლიანი არჩევნებისა და დემოკრატიის საერთაშორისო საზოგადოებამ“ (ISFED) პარალელური დათვლის შედეგები იმისთვის, რომ ქვეყანაში რევოლუცია და გადატრიალება…

საქართველოში დანიის ელჩი ქვეყნის შიდა საკითხებში ზედმეტად ერევა, რაც მისი საქმე არ არის, – ამის შესახებ საპარლამენტო უმრავლესობის წევრმა, ბექა დავითულიანმა განაცხადა. უმრავლესობის წევრს, კითხვა დაუსვეს საქართველოში დანიის ელჩის, ანე ტოფტ სორენსენის განცხადებაზე, რომ „ბიძინა ივანიშვილი ოლიგარქია და ქონება რუსეთში დააგროვა“. „ისინი ცდილობენ ხოლმე შიდა პოლიტიკურ პროცესებში თავიანთი უფლებამოსილების მიღმა ზედმეტად ჩარევას და ზედმეტი პოლიტიკური შეფასებების გაკეთებას, რაც მათი საქმე ცალსახად არ არის. დანიის ელჩის განცხადება სწორედ ამ მიმართულებით გადადგმული ნაბიჯია იმ ფონზე, როცა ევროკავშირი მოგვიწოდებს, რომ პოლარიზაცია შევამციროთ და დეზინფორმაციის გავრცელებას ვებრძოლოთ. ამ დროს კი თავად ელჩი დეზინფორმაციის საფუძველს…

ოპოზიციონერი, რომელიც ამბობს, რომ დავსხდეთ და ღია სივრცეში ვიდებატოთ, ცდილობს ბიძინა ივანიშვილთან დებატის ხარჯზე საკუთარი წონის განმტკიცებას, – ამის შესახებ საპარლამენტო უმრავლესობის წევრმა, ბექა დავითულიანმა განაცხადა. ბექა დავითულიანს კითხვა დაუსვეს გიორგი გახარიას განცხადებაზე, რომელმაც ბიძინა ივანიშვილს საჯარო დებატები შესთავაზა. დავითულიანის თქმით, ივანიშვილს ეს არაფერში სჭირდება. „ყველაფერი ძალიან მარტივად არის. ამ ქვეყანაში, სხვა პოლიტიკოსებთან შედარებით, ბიძინა ივანიშვილს აქვს განუზომლად მეტი წონა. შესაბამისად, ოპოზიციონერი, რომელიც ამბობს, რომ დავსხდეთ და ღია სივრცეში ვიდებატოთ, ცდილობს ბიძინა ივანიშვილთან დებატის ხარჯზე საკუთარი წონის განმტკიცებას. ეს არის მხოლოდ, მეტი არაფერი. რა თქმა უნდა, ბიძინა ივანიშვილს ეს არაფერში სჭირდება. რატომ…