დღე: აპრილი 11, 2023

აზერბაიჯანის თავდაცვის უწყების ინფორმაციით, აზერბაიჯან-სომხეთს შორის შეტაკება მოხდა, არიან დაჭრილები და დაღუპულები.  აზერბაიჯანი სომხეთს ადანაშაულებს, რომ მათ ცეცხლი გახსნეს, აზერბაიჯანი კი იძულებული გახდა, საპასუხო ცეცხლი გაეხსნა. „11 აპრილს, სომხეთის შეიარაღებული ძალების ქვედანაყოფებმა გორუსის რეგიონის დიღის დასახლების მიმართულებით მდებარე პოზიციებიდან  ინტენსიური ცეცხლი გაუხსნეს ლაჩინის რეგიონის მიმართულებით მდებარე აზერბაიჯანის არმიის პოზიციებს. აზერბაიჯანის შეიარაღებულმა ძალებმა კი შესაბამისი საპასუხო ზომები მიიღეს“ – აცხადებს აზერბაიჯანის მხარე და დასძენს, რომ აზერბაიჯანულ მხარეს ჰყავს დაჭრილებიც და გარდაცვლილებიც.

საქართველოს ყოფილი პრეზიდენტის, მიხეილ სააკაშვილის ადვოკატის, შალვა ხაჭაპურიძის განცხადებით, სააკაშვილის საქმესთან დაკავშირებით სტრასბურგის სასამართლოში სარჩელი გაიგზავნა. „სააკაშვილის საქმე წავიდა სტრასბურგში“, – წერს შალვა ხაჭაპურიძე სოციალურ ქსელ ”ფეისბუქში”.

ბიძინა ივანიშვილის ადვოკატი, ლაშა კალანდაძე Credit Swiss საქმეებთან დაკავშირებით განცხადებას ავრცელებს. ადვოკატის თქმით, მიუხედავად იმისა, რომ სასამართლოს გადაწყვეტილება გამოცხადებული აქვს, ბიძინა ივანიშვილი 2023 წლის 20 მარტიდან დღემდე ვერ ახერხებს აქტივებზე წვდომას. ,,საზოგადოების ყურადღებას გავამახვილებთ უკანონო, მათ შორის, დანაშაულებრივ ქმედებებს გადარჩენილი ფულადი სახსრებისა და აქტივების განკარგვასთან დაკავშირებით შექმნილი ხელოვნური დაბრკოლებების თაობაზე. როგორც საზოგადოებისთვის ცნობილი არის, ბიძინა ივანიშვილმა დანაშაულს გადარჩენილი თანხების დიდი ნაწილი გადაიტანა სხვა შვეიცარიულ ბანკში. Credit Suisse-ს აღნიშნული თანხებთან მიმართებით რაიმე ინტერესი ვეღარ ექნებოდა, რადგან თანხები, როგორც ითქვა, აღარ ირიცხებოდა Credit Suisse-ში, ის გადატანილი/განთავსებული იყო სხვა ბანკში. სხვა ბანკში გადატანილი…

,,მგონია, რომ არც მეტი არც ნაკლები სააკაშვილს აშარჟებენ თვითონ ამ ჯილდოს გადამცემი ავტორები,”- ამის შესახებ საპარლამენტო უმრავლესობის წევრმა ალუდა ღუდუშაურმა განაცხადა. ,,მე მგონია, რომ არც მეტი არც ნაკლები სააკაშვილს აშარჟებენ თვითონ ამ ჯილდოს გადამცემი ავტორები. სხვა სიტყვებით რომ ვთქვათ, უბრალოდ საცინად და მასხრად იგდებენ ამ ადამიანს ან წარმოუდგენელია, მათ არ ესმოდეთ ის ამბავი, რომ სააკაშვილთან დაკავშირებით რაიმე ჯილდოს გადაცემა უბრალოდ ამორალურია, სხვას რომ ყველაფერს თავი დავანებოთ,”- განაცხადა ალუდა ღუდუშაურმა. მიხეილ სააკაშვილს თავისუფლებისთვის ბრძოლაში შეტანილი წვლილისთვის “პრომეთეს ჯილდო” გადაეცემა

,,ცდილობენ ჩემი შვილი შეურაცხყონ და დაამცირონ ყველანაირად,”- ასე პასუხობს მიხეილ სააკაშვილის დედა, გიული ალასანია “ხალხის ძალის” წევრის, ეკა სეფაშვილის განცხადებას. მისი თქმით, ეს არის პოლონეთის შეურაცხყოფა. ,,ეს ლამაზი ქალბატონი აკეთებს განცხადებას, რომ ჩვენ ვიყიდეთ ეს ჯილდო, რომელსაც ჩემ შვილს გადასცემენ, ახლა 12-ში, პოლონეთში. მართალი გითხრათ, უკვე აღარაფერი აღარ მიკვირს თითქოს, მაგრამ მაინც გამიკვირდა, ნუთუ ვერ აცნობიერებს ადამიანი, რომელიც ამ განცხადებას აკეთებს, რომ ეს არის შეურაცხყოფა პოლონეთის, ეს იგი გამოდის, რომ მანამდე ჩვენ ალბათ ნორვეგია ვიყიდეთ და ასე დავდივართ და დაგვაქვს ტომრით ფული და ყველას ვიყიდულობთ. ცდილობენ ჩემი შვილი შეურაცხყონ და…

საქართველოს მესამე პრეზიდენტის, მიხეილ სააკაშვილის საქმეზე სტრასბურგის სასამართლოში საჩივარი გაიგზავნა. ,,დროებითი გადავადება, არის ასეთი სურვილი მისი ჯანმრთელობის მდგომარეობის გამო, რომ მიეცეს ადამიანს შესაძლებლობა, რომ აღიდგინოს ჯანმრთელობა. თუკი დარჩა მას ეს შანსი” – განაცხადა გიული ალასანიამ. საჩივრის დეტალების შესახებ დამატებითი ინფორმაცია ამ ეტაპზე უცნობია. წყარო: ”მთავარი არხი”

,,თქვენ ხომ არ ფიქრობთ ოლიგარქად გახდომას?”- ასე მიმართა უმრავლესობის წევრმა ალუდა ღუდუშაურმა  „ნაციონალური მოძრაობის“ წევრ ლევან ბეჟაშვილს, რომელიც  ადამიანის უფლებათა კომიტეტის სხდომაზე დეოლიგარქიზაციის კანონს წარადგენს. „სათაურს უწუნებთ ბატონო ლევან?! იცით რა,  მე შთაბეჭდილება დამრჩა, რომ ამ პროექტით მოოლოგარქო, ბოდიში საზოგადოებასთან, ტიპს ეფარებით. თქვენ ხომ არ ფიქრობთ ოლიგარქად გახდომას, იმიტომ, რომ იმდენად ჩახლართული კანონპროექტი წარმოადგინეთ, სურვილი გაქვთ ხომ? არ არის გამორიცხული, ეხლა თქვენს გუნდში ბევრს უნდა ეგ. როგორც ჩანს ამ თქვენს მიერ წარმოდგენილ პროექტში ეშმაკი მოიტეხავს ფეხს. კითხვა გვაქვს და პასუხი უნდა გასცეთ თუ გინდათ ნუ გასცემთ, არც თქვენი პრეზენტაცია და არც თქვენი…

,,მოიკლავს თავს ამერიკა მაჭარაშვილისთვის მტკიცებულებების წარდგენით, მეტი საქმე არ აქვთ,” – ამის შესახებ „გირჩი – მეტი თავისუფლების“ ლიდერმა, ზურაბ ჯაფარიძემ განაცხადა. მისი თქმით, . ნებისმიერ ქვეყანას აქვს უფლება, ნებისმიერი სხვა ქვეყნის მოქალაქე არ შეუშვას თავის ქვეყანაში. „მოიკლავს თავს ამერიკა მაჭარაშვილისთვის მტკიცებულებების წარდგენით, მეტი საქმე არ აქვთ. ნებისმიერ ქვეყანას აქვს უფლება, ნებისმიერი სხვა ქვეყნის მოქალაქე არ შეუშვას თავის ქვეყანაში. საქართველოს საზღვრიდან ატრიალებენ უამრავ ადამიანს, ყოველგვარი ახსნა-განმარტების გარეშე. არავინ არის ვალდებული, ვინმეს მტკიცებულებები წარუდგინოს, მით უმეტეს, ვინ არის გურამ მაჭარაშვილი, რუსთავის „ქართუს“ ფილიალის იურისტი იყო და უცებ დასვეს პარლამენტში. ახლა პრეტენზიები აქვს…

,,მინდა, მკაცრად და პრინციპულად დავგმო მოსამართლეების შესახებ აშშ-ის გადაწყვეტილება, ეს იყო მიუღებელი, მით უმეტეს, რომ ამას ჰქონდა სიურპრიზის ფორმა,”– ამის შესახებ საქართველოს ვიცე-პრემიერმა, კულტურის, სპორტისა და ახალგაზრდობის მინისტრმა, თეა წულუკიანმა განაცხადა. მისი თქმით, , პარტნიორები, მეგობრები ასე ალბათ არ იქცევიან. „მინდა, როგორც იუსტიციის ყოფილმა მინისტრმა და ადამიანის უფლებათა ევროპული სასამართლოს იურისტმა, რაც გულისხმობს, დაახლოებით 20-წლიან გამოცდილებას, მკაცრად, ხმამაღლა და პრინციპულად დავგმო ჩვენი მეგობრის, აშშ-ის ეს გადაწყვეტილება. ეს იყო მიუღებელი, მით უმეტეს, რომ ამას ჰქონდა, როგორც ირკვევა, სიურპრიზის ფორმა. პარტნიორები, მეგობრები ასე ალბათ არ იქცევიან, თუმცა მეგობრობაშიც, პარტნიორობაშიც ხდება ხოლმე, როდესაც…

„შემიძლია, ვისაუბრო რეკომენდაციებზე, პრობლემებზე, რაც სასამართლოსთან დაკავშირებით წლების განმავლობაში სახალხო დამცველს და მეც, როგორც თავის დროზე პარლამენტის წევრს, გაგვაჩნდა,”- ამის შესახებ სახალხო დამცველმა, ლევან იოსელიანმა განაცხადა. იოსელიანის თქმით, მოსამართლეების სანქცირებასთან დაკავშირებით კომენტარი მისი მანდატის ფარგლებს ცდება. ,,ჩემი აზრით, კანდიდატის სტატუსის მიღების თვალსაზრისით, დასანქცირებული მოსამართლეებით პროცესი კიდევ უფრო გართულდება, ამიტომ მნიშვნელოვანია, სასამართლოში გადაიდგას კონკრეტული ნაბიჯები, რათა სრულყოფილად შესრულდეს რეკომენდაცია, რომელიც სასამართლოსთან დაკავშირებით არის გაცემული და ამ რეკომენდაციის შესრულება კითხვის ნიშნებს არ ტოვებდეს. სახალხო დამცველი სწავლობს, მათ შორის, სასამართლოს მიერ გამოტანილი გადაწყვეტილების მიმართებას სამართლიანი სასამართლოს უფლების ნაწილში და ამ მიმართულებით სახალხო დამცველს…