დღე: აპრილი 17, 2023

,,რუსმა ტერორისტებმა ბახმუტსა და სოლედარში უკრაინელი ბავშვების მკვლელობები აღიარეს,”- ამის შესახებ უკრაინის პრეზიდენტის ადმინისტრაციის უფროსი, ანდრეი ერმაკი საკუთარ Telegram არხზე წერს. მისი თქმით, რუსებმა ათასობით უკრაინელი ბავშვი გაიტაცეს და ჯერჯერობით უცნობია, რამდენი მათგანი გადარჩა. ,,რუსმა ტერორისტებმა ბახმუტსა და სოლედარში უკრაინელი ბავშვების მკვლელობები აღიარეს. დაჯგუფება “ვაგნერის” ეს ქმედებები ნათელს ფენს რუსული არმიის დანაშაულებს უკრაინაში, ისინი ჩვენს შვილებს იპარავენ და კლავენ. კიდევ რამდენი ასეთი დანაშაულია ჩადენილი? ერთი აღიარება საკმარისი არ არის. მონსტრებისა და მკვლელების ნაცია, მსოფლიოს ბიოლოგიური ნაგავი. მხოლოდ აღიარება არაფერს ნიშნავს, მას სასტიკი და სამართლიანი სასჯელიც უნდა მოჰყვეს. სასჯელი კი აუცილებლად…

ლატვიის საგარეო საქმეთა მინისტრის, ედგარს რინკევიჩის განცხადებით,  10 რუს ჩინოვნიკს, რომლებიც ვლადიმერ კარა-მურზას მიმართ განაჩენის გამოტანაში მონაწილეობდნენ, ლატვიაში შესვლა ეკრძალებათ. ,,ვგმობ რუსეთის სასამართლოს მიერ დღეს გამოტანილ უსამართლო და მკაცრ განაჩენს ცნობილი რუსი ოპოზიციონერი პოლიტიკოსის, ვლადიმერ კარა-მურზას წინააღმდეგ.  გადავწყვიტე ავეყანაში შესვლა აეკრძალოს 10 რუს პირს, რომლებიც მონაწილეობენ ამ საქმეში.  მოვუწოდებ ევროკავშირს, სანქციების დაწესებისკენ“, – დაწერა რინკევიჩმა ტვიტერზე. რუს ოპოზიციონერს ვლადიმირ კარა-მურზას 25 წლით თავისუფლების აღკვეთა მიუსაჯეს

ევროკავშირი რუსი ოპოზიციონერის, ვლადიმერ კარა-მურზას მიმართ გამოტანილ განაჩენს ეხმიანებიან. ევროკავშირი რუსეთს მოუწოდებს დაუყოვნებლივ და უპირობოდ გაათავისუფლოს ყველა, ვინც პოლიტიკურად მოტივირებული ბრალდებებით არის დაკავებული. ,,დღევანდელი სასამართლოს აღმაშფოთებელი გადაწყვეტილება კიდევ ერთხელ ცხადყოფს სასამართლო ხელისუფლების პოლიტიკური მიზნით ბოროტად გამოყენებას აქტივისტებზე, უფლებადამცველებსა და ნებისმიერ იმ პირზე ზეწოლის განხორციელების მიზნით, რომელიც ეწინააღმდეგება რუსეთის უკანონო აგრესიულ ომს უკრაინის წინააღმდეგ. მოვუწოდებთ რუსეთს, დაუყოვნებლივ და უპირობოდ გაათავისუფლოს ყველა, ვინც პოლიტიკურად მოტივირებული ბრალდებებით არის დაკავებული“, – ნათქვამია ევროკავშირის განცხადებაში. რუს ოპოზიციონერს ვლადიმირ კარა-მურზას 25 წლით თავისუფლების აღკვეთა მიუსაჯეს

ბოლო 9 თვის განმავლობაში ომბუდსმენის ოფისმა, რუსი ჯარისკაცების მიერ უკრაინელი სამხედროების საჯარო სიკვდილით დასჯის ამსახველი ათობით ვიდეო მიიღო – ამის შესახებ უკრაინის სახალხო დამცვერმა დმიტრო ლუბინეციმ განაცხადა. ომბუდსმენის თქმით, რუსეთი რამდენიმე მიზეზის გამო საჯაროდ ავრცელებს უკრაინელი სამხედროების სიკვდილით დასჯის ვიდეოებს. ,,ეს არის თავის მოკვეთა, სასქესო ორგანოების მოჭრა, ხელებზე ყურების, ცხვირის, კიდურების, ფალანგების მოჭრა,”- განაცხადა ლუბინეცმა.  

სლოვაკეთმა დროებით შეაჩერა მარცვლეულის იმპორტი უკრაინიდან. ამის შესახებ  მთავრობის სპიკერმა CNN-ს განუცხადა. გადაწყვეტილება მას შემდეგ მიიღეს, რაც პოლონეთმა და უნგრეთმა აკრძალეს მარცვლეულისა და სხვა საკვები პროდუქტების იმპორტი აკრძალეს უკრაინიდან. “დღეს სამუშაო ჯგუფი შეიკრიბება ამ თემაზე განსახილველად. შეხვედრის შედეგები მოგვიანებით გახდება ცნობილი”, – დასძინა პრესსპიკერმა. პოლონეთმა აკრძალვის შესახებ შაბათს გამოაცხადა. აკრძალვის მიზანია “დაიცვან პოლონეთის სოფლის მეურნეობის ბაზრის დესტაბილიზაცია”, – ნათქვამია პოლონეთის პრემიერ მინისტრის ოფისის განცხადებაში. უნგრეთის სოფლის მეურნეობის მინისტრმა ისტვან ნაგიმ კვირას განაცხადა, რომ ბუდაპეშტი დროებით აკრძალავს უკრაინიდან მარცვლეულის, ზეთის თესლისა და სხვა სასოფლო-სამეურნეო პროდუქტების იმპორტს.    

„დიდი შვიდეული“ რუსეთის წინააღმდეგ დაწესებული სანქციების შესრულებაზე კონტროლს გაამკაცრებს, – ამის შესახებ განცხადება „დიდ შვიდეულის“ წევრი ქვეყნების საგარეო საქმეთა მინისტრებმა იაპონიაში, ქალაქ კარუიზავაში მიმდინარე შეხვედრის დროს განაცხადეს. საგარეო საქმეთა მინისტრებმა დაადასტურეს, რომ ისინი რჩებიან რუსეთის წინააღმდეგ სანქციების გააქტიურების, სრულად კოორდინაციისა და აღსრულების ერთგულებაზე, ისევე როგორც უკრაინისადმი ძლიერი მხარდაჭერის გაგრძელებისკენ. როგორც „დიდი შვიდეულის“ თავმჯდომარის, იაპონიის საგარეო საქმეთა სამინისტროს მიერ გამოქვეყნებულ განცხადებაში აღნიშნული, მათ ხაზგასმით აღნიშნეს, რომ რუსეთმა დაუყოვნებლივ და უპირობოდ უნდა გაიყვანოს უკრაინიდან ყველა ძალა და ტექნიკა. გარდა იმისა, რომ დაგმეს პრეზიდენტ პუტინის განცხადება ბელორუსში ტაქტიკური ბირთვული იარაღის განლაგების შესახებ, ”დიდი შვიდეულის” …

საქართველოს საგარეო საქმეთა სამინისტროს ინფორმაციით, თურქეთში საქართველოს საელჩო კონტაქტზეა როგორც სუდანში მყოფ საქართველოს მოქალაქეებთან, ასევე მათი ოჯახის წევრებთან. „თურქეთში საქართველოს საელჩო ინფორმირებულია აღნიშნული ფაქტის შესახებ და კონტაქტზეა როგორც სუდანში მყოფ საქართველოს მოქალქეებთან, ასევე მათი ოჯახის წევრებთან. საელჩო  მუშაობს ყველა მიმართულებით“, – აცხადებენ საქართველოს საგარეო უწყებაში. ცნობისთვის,  სუდანში, არმიასა და გასამხედროებულ დაჯგუფება “სწრაფი მხარდაჭერის ძალებს” შორის დაპირისპირება გრძელდება. ბოლო ინფორმაციით, შეტაკებების შედეგად 100-მდე ადამიანი დაიღუპა, დაშავებულთა რაოდენობა კი 1 100-ს აღწევს. წყარო: პირველი არხი.  

დიდი ბრიტანეთის თავდაცვის სამინისტროს ყოველდღიური დაზვერვის ანგარიშის თანახმად, ომის დაწყების შემდეგ უკრაინაში 750-ზე მეტი ადამიანი ნაღმზე აფეთქების შედეგად დაიღუპა. უწყების ცნობით, ყველაზე მეტად დაზარალდა ტერიტორიები, რომლებიც რუსეთის ძალებს ოკუპირებული ჰქონდა, კერძოდ – ხერსონი და ხარკოვი. ,,შეჭრის დაწყების შემდეგ დაფიქსირდა 750-ზე მეტი ნაღმების აფეთქების შედეგად მშვიდობიანი მოქალაქეების მსხვერპლი – ყოველ რვა ადამიანში ერთი, ბავშვი იყო. უკრაინის ნაღმებისგან გაწმენდას, სავარაუდოდ, მინიმუმ ათი წელი დასჭირდება”, – აცხადებენ უწყებაში.    

სლოვაკეთმა უკრაინას ცამეტი MiG-29 საბრძოლო თვითმფრინავი გადასცა. ამის შესახებ განცხადება ორშაბათს სლოვაკეთის თავდაცვის სამინისტრომ გააკეთა. ცნობისთვის, 17 მარტს სლოვაკეთის მთავრობამ დაამტკიცა კიევში 13 MiG-29 გამანადგურებლის გაგზავნა. პირველი ოთხი თვითმფრინავი სლოვაკეთმა მარტში გადასცა.

უკრაინის შეიარაღებული ძალების გენერალური შტაბის ინფორმაციით, გასული დღე-ღამის განმავლობაში ლიმანის, ბახმუტის, ავდიივკასა და მარინკას მიმართულებებით მტრის 60 თავდასხმა მოიგერიეს. უწყების ცნობით, რუსულმა ძალებმა S-300 საჰაერო თავდაცვის სისტემიდან 25 სარაკეტო დარტყმა განახორციელეს მშვიდობიან ქალაქებზე ზაპოროჟიესა და კამიშევახაზე, ზაპოროჟიეს ოლქში და სნიგურივკაზე მიკოლაივის ოლქში. ამასთან, რუსეთის ძალებმა 42 ავიადარტყმა განახორციელა და მრავალჯერადი სარაკეტო სისტემებიდან უკრაინის შეიარაღებული ძალების პოზიციებსა და დასახლებების ინფრასტრუქტურას ცეცხლი 46-ჯერ გაუხსნა. “არიან დაღუპულები და დაჭრილები მშვიდობიან მოსახლეობაში. დანგრეული და დაზიანებულია მრავალსართულიანი და კერძო საცხოვრებელი სახლები, საგანმანათლებლო დაწესებულებები, საავადმყოფოები, ეკლესიები”, – აცხადებენ გენშტაბში.    

რუსეთ-უკრაინის ომის დასასრულებლად აუცილებელია, „პოლიტიკური დიდი ოცეული“ შეიქმნას, – ამის შესახებ ბრაზილიის პრეზიდენტმა, ლუის ინასიო ლულა და სილვამ ჩინეთსა და არაბეთში ვიზიტის შემდეგ განაცხადა. ბრაზილიის პრეზიდენტმა აღნიშნა, რომ ომი სავარაუდოდ გამოწვეული იყო „ორი ქვეყნის მიერ მიღებული გადაწყვეტილებით“. ,,პრეზიდენტი პუტინი არ იჩენს არანაირ ინიციატივას ომის შესაჩერებლად. ზელენსკი უკრაინიდან არ აკეთებს არანაირ ინიციატივას ომის შესაჩერებლად… ევროპა და შეერთებული შტატები განაგრძობენ თავიანთი როლის შესრულებას ომის გაგრძელებაში. ამიტომ, მათ უნდა დაჯექი მოლაპარაკების მაგიდასთან და უთხარი: „კმარა“,- განაცხადა პუტინმა. მისივე თქმით, ინიციატივა უკვე განიხილა აშშ-ს პრეზიდენტ ჯო ბაიდენთან, გერმანიის კანცლერ ოლაფ შოლცთან, საფრანგეთის პრეზიდენტ ემანუელ მაკრონთან და სამხრეთ…

რუსეთსა და ჩინეთს შორის სამხედრო თანამშრომლობა ერთ-ერთი მნიშვნელოვანი სფეროა, რომელიც ძალიან კარგად ვითარდება  – ამის შესახებ რუსეთის პრეზიდენტმა, ვლადიმერ პუტინმა ჩინეთის თავდაცვის მინისტრთან, ლი შანფუსთან შეხვედრისას განაცხადა. „ჩვენ ისევე აქტიურად ვმუშაობთ სამხედრო სფეროში, რეგულარულად ვცვლით ჩვენთვის სასარგებლო ინფორმაციას, ვთანამშრომლობთ სამხედრო-ტექნიკური თანამშრომლობის სფეროში, ვატარებთ ერთობლივ წვრთნებს,“, – განაცხადა პუტინმა. ჩინეთის თავდაცვის სამინისტროს ხელმძღვანელმა ხაზგასმით აღნიშნა, რომ მან თავის თანამდებობაზე პირველი ვიზიტისთვის რუსეთი სპეციალურად აირჩია. “ჩინეთის სახალხო რესპუბლიკის თავდაცვის მინისტრის პოსტზე დაკავების შემდეგ, ეს ჩემი პირველი საგარეო ვიზიტია. ამისთვის სპეციალურად ავირჩიე რუსეთი, რათა ხაზი გავუსვა ჩვენი ორმხრივი ურთიერთობების განსაკუთრებულ ბუნებას და სტრატეგიულ მნიშვნელობას”, – განაცხადა…