დღე: აპრილი 2, 2023

„ჩვენი პოზიცია ჯერ კიდევ ერთი წლის წინ, აპრილის დასკვნაში დავწერეთ, ჩვენს პირობებში მისი გამოჯანმრთელება შეუძლებელია. ის რამაც გამოიწვია ეს დაავადება, სტრესი ადამიანს არ ეხსნება. იმ გარემოში იმყოფება, რომელ გარემოშიც დაავადდა, არანაირი აზრი არ აქვს ერთი კლინიკიდან მეორე კლინიკაში გადაყვანას“ – ეს განცხადება ექიმ გიორგი გრიგოლიას ეკუთვნის, რომელმაც მიხეილ სააკაშვილთან კონსილიუმის სხვა წევრებთან ერთად იმყოფებოდა. როგორც სახალხო დამცველის ეგიდით შექმნილი კონსილიუმის წევრი ექიმები აცხადებენ, ვითარება დამძიმებულია „კლინიკა “ვივამედმა” ოფიციალური წერილი გამოაქვეყნა, სადაც ითხოვენ სხვა დაწესებულებაში გადაიყვანონ. იქ არ არის ნათქვამი, რომელ დაწესებულებაში უნდა გადაიყვანონ. ძალიან კარგად მესმის ამ კლინიკის თანამშრომლების და…

პატიმრობაში მყოფი მიხეილ სააკაშვილის დედის, გიული ალასანიას განცხადებით, მისი შვილი 61 კილოა. როგორც ალასანია ამბობს, მიხეილ სააკაშვილი საერთოდ ვერ მოძრაობს. „რაც ვიცი, გუშინ აწონეს.  მისი წონა 61 კილოა. არის ძალიან სუსტად, რადგან ადამიანი 24 საათი არ დგება, ფაქტობრივად, არ მოძრაობს. ეს არის ადამიანი, რომელსაც ერთ ადგილზე ვერ დააბამდი, ახლა ასეთ მდგომარეობაშია.  არ ვიცი, რამ უნდა აიძულოს, რომელმა თამაშმა და მსახიობობამ“, – განაცხადა ალასანიამ კლინიკასთან. პატიმრობაში მყოფ მესამე პრეზიდენტთან სახალხო დამცველის ეგიდით შექმნილი კონსილიუმის წევრი ექიმები იმყოფებიან.

ექიმები, ექთნები და რესპუბლიკის საავადმყოფოს სხვა თანამშრომლები ისე საპროტესტოდ შეიკრიბნენ. “რესპუბლიკური ჩვენი სახლია”-  ეს არის სლოგანი, რომელიც კლინიკის ეზოში გამოფინეს. სამედიცინო პერსონალი საავადმყოფოდან თანამშრომლებიც გათავისუფლებას და საავადმყოფოს ნგრევას აპროტესტებენ. ისინი მოითხოვენ, ჯერ ახალი კლინიკა აშენდეს და შემდეგ დაინგრეს არსებული, თუ ის დასანგრევია. თანამშრომლებს არც მინისტრის დაპირების სჯერათ, რომელიც აცხადებს, რომ თანამშრომლებს სხვაგან გადაანაწილებენ და სამსახურის გარეშე არ დატოვებენ. კლინიკაში პროტესტს „ვოლტ“-ის კურიერებიც შეუერთდნენ, რომლებიც დემონსტრაციულად შევიდნენ კლინიკის ეზოში და მედპერსონალის გვერდით დადგნენ. შეგახსენებთ, რომ მინისტრის გადაწყვეტილებით, რესპუბლიკური საავადმყოფო თანამედროვე სტანდარტებს ვერ აკმაყოფილებს და მის ადგილას ახალი კლინიკა უნდა აშენდეს.

ჯანდაცვის მინისტრის განცხადებით, რესპუბლიკური საავადმყოფოს პერსონალი არ დარჩება სამსახურისა და ღირსეული ანაზღაურების გარეშე. „ჩვენ ვიღებთ სრულ პასუხისმგებლობას მათ დასაქმებაზე და იმ ანაზღაურების გადახდაზე, რომელიც ჩვენ დავაწესეთ. იმ შემთხვევაში,კი თუ მათ ვერ დავასაქმებთ, ჩვენ მათ ხელფასს მაინც გადავუხდით. ჩვენ ამას ყველანაირი ხელშეკრულებებით გავამყარებთ“, – განაცხადა ზურაბ აზარაშვილმა რესპუბლიკური საავადმყოფოს თანამშრომლებთან დაკავშირებით. „დაველოდოთ საბოლოო გადაწყვეტილებას“ – მინისტრი რესპუბლიკურ საავადმყოფოზე  

„ვთხოვდი ყველას, რომ დაველოდოთ საბოლოო დასკვნას, ვინაიდან გადაწყვეტილებაც ამ დასკვნის საფუძველზე უნდა მივიღოთ“, – აცხადებს ჯანდაცვის მინისტრი ზურაბ აზარაშვილი რესპუბლიკურ საავადმყოფოსთან დაკავშირებით. ჯანდაცვის მინისტრის განცხადებით, ახალი რესპუბლიკური საავადმყოფოს შესახებ დეტალურ ინფორმაციას, უწყება, მომდევნო კვირაში წარადგენს. „მინდა ერთი რამ აღვნიშნო, ყველა სპეციალისტს აქვს თავისი ფუნქცია, მე ვერ გავაკეთებ შეფასებას ვერც მზიდი კონსტრუქციის, ვერც საძირკვლის, ან წყლების არიდების შესახებ. დიდ პატივს ვცემ რესპუბლიკურ საავადმყოფოში დასაქმებულ პერსონალს, თუმცა მშრალად, დათვალიერებითა და რამდენიმე წლის წინანდელი დასკვნებით, ვერ მივიღებთ გადაწყვეტილებას. ის რაც მე ვთქვი, ეს იყო წინასწარი და არა საბოლოო დასკვნა. ახლაც მიდის პროცესი სამხარაულში.…