დღე: აპრილი 14, 2023

კრემლი დასავლეთს ისევ ე.წ. მეორე ფრონტის გახსნის მცდელობაში ადანაშაულებს. როგორც  რუსეთის საგარეო საქმეთა მინისტრი სერგეი ლავროვი აცხადებს,  დასავლეთი აქტიურად ცდილობს საქართველოსა და მოლდოვაში „მეორე ფრონტი” გახსნას. როგორც რუსი დიპლომატი განმარტავს, დასავლეთის აქტიური მცდელობა სახეზეა. „ჩვენ ყველაფერს ვხედავთ და ვამჩნევთ. შესაბამისად ვმოქმედებთ. არც ვისვენებთ და ყველაფერს ვითვალისწინებთ დაგეგმარებაში, სამხედრო მიმართულებით, პოლიტიკური მიმართულებით, დიპლომატიური მიმართუlებით და ყველა მხრივ“ – განმარტავს ლავროვი. რუსი დიპლომატი საქართველოს ხელისუფლების ქმედებებს იწონებს და აცხადებს, რომ საქართველოს ხელისუფლება ყველაფერს მიხვდა და „მეორე ფრონტის“ გახსნის მცდელობის მიმართულებით პასუხისმგებლიანად მოიქცა.

უკრაინის პრემიერ-მინისტრის, დენის შმიგალის განცხადებით, საფრანგეთი მზად არის უკრაინას ორი მილიარდი ევროს ფინანსური დახმარება გაუწიოს. „საფრანგეთი მზად არის გრძელვადიანი პროგრამის ფარგლებში, უკრაინას ორი მილიარდი ევრო გამოუყოს. თანხის ნაწილი რესტავრაციას მოხმარდება“, – წერს შმიგალი.  

რუსეთის საგარეო საქმეთა მინისტრის, სერგეი ლავროვის განცხადებით, მოსკოვი საკუთარ სამხედრო-პოლიტიკურ და დიპლომატიურ გეგმებში ითვალისწინებს დასავლეთის მცდელობებს, ”მეორე ფრონტის” გახსნის შესახებ, საქართველოსა და მოლდოვაში. ,,ამ ფაქტორების ერთობლიობა არავის აძლევს მოდუნების საშუალებას, ჩვენ არ ვისვენებთ, ჩვენ ვხედავთ ამ ყველაფერს და ყველაფერს ვითვალისწინებთ ჩვენს დაგეგმვაში – როგორც სამხედრო-პოლიტიკური, ასევე დიპლომატიური და სხვა კუთხით”, – განუცხადა ლავროვმა ჟურნალისტებს. მისი თქმით, რუსეთის ფედერაციამ დაინახა საქართველოს ხელმძღვანელობის ჩართვის მცდელობები „მეორე ფრონტის“ შექმნაში, მაგრამ ქვეყნის ხელისუფლებამ გამოიჩინა პასუხისმგებლობა და უარი თქვა მსგავს ქმედებებზე. „როგორ ექცევა დასავლეთი ამა თუ იმ ხელმძღვანელობას, ნათლად გამოიკვეთა, როდესაც მოლდოვაში იყო პროდასავლურ ხაზთან…

აშშ-ის თავდაცვის სამინისტროდან გაჟონილი საიდუმლო ფაილებიდან ერთ-ერთ დოკუმენტში საუბარია რუსეთის ელიტაში განხეთქილებაზე. დოკუმენტის თანახმად ვლადიმერ პუტინს კიბო აქვს. DW-ის ინფორმაციით, რუსეთის ფედერაციის უშიშროების საბჭოს მდივანს ნიკოლაი პატრუშევს და გენერალური შტაბის უფროსს ვალერი გერასიმოვს საბოტაჟი სურდათ, რათა რაც შეიძლება მალე დასრულებულიყო ომი. გერასიმოვი და პატრუშევი გეგმავდნენ დივერსიას და უკრაინის წინააღმდეგ ომის დასრულებას. მედიის ცნობით, ამისათვის ისინი აპირებდნენ ჯარების სამხრეთში გადაყვანას. „X“-ის დღედ დანიშნეს 5 მარტი, როდესაც ვლადიმერ პუტინს ქიმიოთერაპიის კურსი უნდა დაეწყო და ის ვეღარ მოახდენდა გავლენას იმაზე, რაც ხდებოდა. ამგვარად, წყაროს ცნობით, პუტინი სიმსივნით არის დაავადებული. შემდგომში გერასიმოვმა მიატოვა თავისი გეგმები.…

რუსეთის უშიშროების საბჭოს თავმჯდომარის მოადგილე, დიმიტრი მედვედევი  უნგრეთის პრემიერ-მინისტრ ვიქტორ ორბანის განცხადებას ეხმაურება. დიმიტრი მედვედევის თქმით, ორბანის განცხადება პატივისცემას იმსახურებს და დასძენს, რომ დასავლური დაფინანსება როგორც კი დასრულდება, უკრაინა თავადაც დასრულდება. „ეს განცხადება პატივისცემას იმსახურებს. თამამი და სწორი პოზიციაა ევროპელი პოლიტიკოსისთვის. მხოლოდ ის შეიძლება დავამატო, რომ როგორც კი დასავლური დაფინანსება დასრულდება, უკრაინა თავადაც დასრულდება“, – განაცხადა მედვედევმა. ცნობისთვის, ორბანმა განაცხადა: ,,უკრაინა ფინანსურად არარსებული ქვეყანაა და დასავლელი პარტნიორების მხარდაჭერის გარეშე ომი დაუყოვნებლივ დასრულდება”.

პოლონეთის პრემიერ-მინისტრის, მატეუშ მორავიეცკის განცხადებით, უკრაინაში ომი შესაძლოა, რამდენიმე წელი გაგრძელდეს. ამის შესახებ მორავიეცკიმ  „ენბისისთან“ ინტერვიუში განაცხადა. „ჩვენ ვერ ვივარაუდებთ ზუსტ თარიღს, როდის დასრულდება ომი. ჩვენ ვაკვირდებით სიტუაციას ფრონტის ხაზზე და ამის შესაბამისად ვმუშაობთ უკრაინის მხარდასაჭერად დასავლეთ ევროპის ქვეყნების პარტნიორებთან ერთად“, – განაცხადა მორავიეცკიმ.  

რუსეთის წინააღმდეგ ომში უკრაინის დამარცხების შემთხვევაში დასავლეთისთვის შესაძლოა „ოქროს ხანის“ დასასრული დაიწყოს – ამის შესახებ პოლონეთის პრემიერ-მინისტრმა, მატეუშ მორავიეცკიმ აშშ-ში, ატლანტიკურ საბჭოში სიტყვით გამოსვლისას განაცხადა. მისი თქმით, უკრაინის გამარჯვება გარანტი იქნება არა მხოლოდ ეკონომიკური სიძლიერის აღდგენის, არამედ გაძლიერების. „ჩვენ უკრაინას თუ დავკარგავთ, მაშინ ათწლეულების განმავლობაში დავკარგავთ მშვიდობას. უკრაინის დამარცხება შეიძლება, გახდეს დასავლეთის „ოქროს ხანის“ დასასრულის დასაწყისი“, – აღნიშნა მორავიეცკიმ.

პენტაგონის დოკუმენტების გაჟონვის საქმეზე აშშ-ის გამოძიების ფედერალურმა ბიურომ (FBI) მასაჩუსეტსის ეროვნული საჰაერო გვარდიის წევრი დააკავა. ამის შესახებ გენერალურმა პროკურორმა მერიკ გარლანდმა განაცხადა. გარლანდის თქმით, ტეიშერი მასაჩუსეტში ინციდენტის გარეშე დააკავეს და ის ფედერალურ სასამართლოში წარსდგება. ,,ეს გამოძიება გრძელდება. დამატებით ინფორმაციას შესაბამის დროს გავაზიარებთ”, – განაცხადა გენერალურმა პროკურორმა. აშშ-ის პროკურატურის ცნობით, ტეშეირა პირველად სასამართლოში პარასკევს, ბოსტონში გამოცხადდება. ცნობისთვის, სოციალურ ქსელებში გაჟონა პენტაგონის საიდუმლო დოკუმენტებმა, რომლებიც მოიცავს დეტალურ სადაზვერვო შეფასებებს მოკავშირეებისა და მოწინააღმდეგეების შესახებ, მათ შორის უკრაინაში საომარი მდგომარეობისა და კიევისა და მოსკოვის წინაშე მდგარი გამოწვევების შესახებ.