დღე: ივლისი 22, 2023

ბათუმში, დენის დარტყმის შედეგად, კაცი გარდაიცვალა. ამის შესახებ ინფორმაციას TV25 ავრცელებს. მათივე ცნობით, შემთხვევა შამილაძის ქუჩაზე მოხდა. არსებული ინფორმაციით,  კაცი სამსახურებრივი მოვალეობის შესრულების დროს დაიღუპა. კაცი ელექტროენერგიის დაზიანებული ხაზის შეკეთებას ცდილობდა. ადგილზე მობილიზებულია პოლიცია.

თბილისში ბავშვს ეძებენ. ინფორმაციას მცირეწლოვანის ახლობლები სოციალურ ქსელში ავრცელებენ და დახმარებას ითხოვენ. ,,ხალხნო დაგვეხმარეთ, ბავშვი დაიკარგა ჩემი დისშვილი. წურწუმიაზე შენიშნეს შრამიან კაცთან ერთად. დედას ტელეფონი წაიღო მაგ კაცმა და რომ დავრეკეთ გათიშა. რამდენიმე საათია ლევანიკოს უშედეგოდ ვეძებთ. იქნებ მოკრათ თვალი სადმე. კაცი არის ტატუებიანი, სახეზე შრამი აქვს. გადააზიარეთ, რომ დაგვეხმაროთ პოვნაში”, – წერს ახლობელი.

კინორეჟისორები გაბრაზებულები არიან. ხელოვანები კულტურის მინისტრის კონსპირაციულ შეხვედრებს აპროტესტებენ. ფავორიტ რეჟისორებთან გამართული შეხვედრის შემდეგ, წულუკიანის თანამოაზრეებმა უკვე დაანონსეს, რომ კინოცენტრში რეორგანიზაცია გაგრძელდება. ,,ვიხილეთ კიდევ ერთი, აბსოლუტურად დახურული და გაუმჭვირვალე შეხვედრა კინემატოგრაფისტებთან. გაუგებარია, რატომ არ გვხვდება ჩვენ, რომ მოისმინოს ჩვენი ხედვებიც. არ სურს, რომ ეს პროცესი გახადოს გამჭვირვალე, ამაში ჩართოს ყველა კინემატოგრაფისტი და არ დაუპირისპიროს კინემატოგრაფისტები ერთმანეთს “, – ამბობს კინოხელოვანი.

სამედიცინო ასოციაციის ყრილობაზე, სადაც მედიცინის სფეროს წარმომადგენლები დღეს შეიკრიბნენ, ჯანდაცვის მინისტრის მოადგილე არ მივიდა. ჯანდაცვის სამინისტროს კიდევ ერთი რეგულაცია, რომელიც მცირე ზომის კლინიკებს დახურვის საფრთხის წინაშე აყენებს – სანებართვო პირობების შესახებ კანონი 1-ელ სექტემბერს ამოქმედდება. არსებული ინფორმაციით, ახალი წესები კლინიკებს უმაღლესი სტანდარტების დანერგვას მოსთხოვს, რის შესასრულებლადაც დრო საკმარისი არ არის. შეხვედრაზე ჯანდაცვის სამინისტროდანაც იყვნენ მიწვეული, თუმცა აზარაშვილის მოადგილე ყრილობაზე არ მივიდა, რის გამოც მედიკოსები სამინისტროს მათთან კომუნიკაციის არ ქონაში ადანაშაულებენ.

საქართველოს თავდაცვის ძალებში მკლავჭიდში ტურნირი დასრულდა. თავდაცვის სამინისტროს ინფორმაციით, ჩემპიონატში ერთმანეთს თავდაცვის ძალების სხვადასხვა ქვედანაყოფის სამხედრო მოსამსახურეები შეეჯიბრნენ. მკლავჭიდის ტურნირი სპორტული ღონისძიებების დარბაზში გაიმართა და გამარჯვებულები 60, 70, 80, 90, 100, 100-ზე მეტ კილოგრამ წონით კატეგორიებში გამოვლინდნენ. გამარჯვებულები თითოეულ წონით კატეგორიაში სამ საპრიზო ადგილზე გადანაწილდნენ. გამარჯვებულებს საპრიზო მედლები, ხოლო მე-5 საარტილერიო ბრიგადის სამხედროებს გუნდური თასი გადაეცათ. თავდაცვის ძალებში სპორტული ტურნირები ხელს უწყობს სამხედრო მოსამსახურეების ფიზიკური შესაძლებლობების გაუმჯობესებასა და ჯანსაღი ცხოვრების წესის დამკვიდრებას. საქართველოს თავდაცვის ძალებში მკლავჭიდში ტურნირი ყოველწლიურად იმართება.

საქართველოს გენერალურ პროკურატურაში ნაფიც მსაჯულთა სასამართლოს საკითხებზე ახალგაზრდა ადვოკატებთან შეხვედრა გაიმართა. შეხვედრას 30-მდე ადვოკატი ესწრებოდა. შეხვედრის მიზანი დაინტერესებული ადვოკატებისათვის ნაფიც მსაჯულთა სასამართლოსთან დაკავშირებით პროკურორების გამოცდილებისა და ხედვების გაზიარება იყო. შეხვედრის მონაწილეებს საქართველოს გენერალური პროკურორის მოადგილემ, ნათია მერებაშვილმა მიმართა, რომელმაც ნაფიც მსაჯულთა ინსტიტუტის განვითარების პროცესში პროკურატურის როლზე ისაუბრა. გენერალური პროკურორის მოადგილემ ასევე მიმოიხილა ის უწყებრივი ცვლილებები, რომლებმაც პროკურორთა კვალიფიკაციის ამაღლებასა და ბრალდების ხარისხის მნიშვნელოვან გაუმჯობესებას შეუწყო ხელი. შეხვედრის ფარგლებში, პრეზენტაცია წარმოადგინეს ნაფიც მსაჯულთა სასამართლოს განსახილველ საქმეებზე ზედამხედველობისა და სახელმწიფო ბრალდების ეფექტიანი მხარდაჭერის დეპარტამენტის პროკურორებმა, მარიკა გოგოხიამ და ნათია გურულმა. პროკურორებმა მსაჯულთა…

ვარკეთილის მეტროსთან ახალგაზრდა კაცი დაჭრეს. შემთხვევა 22 ივლისს გამთენიისას მოხდა. ახალგაზრდები, სავარაუდოდ, არაფხიზელ მდგომარეობაში იმყოფებოდნენ. ფიზიკურ დაპირისპირებას წინ უძღოდა ურთიერთშელაპარაკება. ახალგაზრდა კაცმა მეგობარს მრავლობითი ჭრილობა ცივი იარაღით მიაყენა. დაჭრილი კლინიკაშია გადაყვანილი. ამ ეტაპზე მის სიცოცხლეს საფრთხე არ ემუქრება. მომხდარზე გამოძიება 117-ე მუხლით დაიწყო, რაც სხეულის განზრახ მძიმე დაზიანებს გულისხმობს. პოლიციას ჯერჯერობით არავინ დაუკავებია.

გარემოს დაცვისა და სოფლის მეურნეობის მინისტრის მოადგილე თენგიზ ნასარიძე, სოფლის განვითარების სააგენტოს დირექტორ დავით წითლიძესთან და სამეგრელო-ზემო სვანეთის რწმუნებულ გიორგი გუგუჩიასთან ერთად, ლურჯი მოცვის მწარმოებელ ფერმერებს შეხვდა. შეხვედრაზე, რომელსაც მოცვის მწარმოებელი ფერმერები გურიის, სამეგრელოსა და იმერეთის რეგიონებიდან ესწრებოდნენ, დარგში არსებულ საჭიროებებსა და გამოწვევებზე იმსჯელეს. მინისტრის მოადგილის განცხადებით, მოცვის მოსავლიანობის თვალსაზრისით, 2023 წელი გამორჩეული იყო. „სახელმწიფო არაერთი პროგრამის, უპირველეს ყოვლისა კი, „დანერგე მომავლის“ ფარგლებში, ფერმერებს აქტიურად ეხმარება მოცვის ბაღების გაშენებაში. წინასაწარი პროგნოზით, მოცვის მოსავლიანობა შემდგომ წლებში კიდევ უფრო გაიზრდება, რაც, ერთი მხრივ, ეკონომიკურ საქმიანობას გააფართოებს, მეორე მხრივ, კი აჩენს აუცილებლობას, რომ…

საოკუპაციო ხაზთან სოფლებში ბაგა-ბაღების მშენებლობაში ₾5.2 მლნ დაიხარჯა, თუმცა ბაღები არ ფუნქციონირებს. ამის შესახებ ინფორმაციას ,,ფლანგვის დეტექტორი” ავრცელებს. როგორც ორგანიზაცია წერს, მეჯვრისხევის ბაღის დასრულების ვადამ 5 თვით გადაიწია, თუმცა სასწავლო პროცესი 2022 წლის სექტემბერიდან მაინც ვერ დაიწყო. “შპს “პროდიუს ინვესტმენტსთან” ხელშეკრულებები 2020 წლის 1 დეკემბერს დაიდო, სამუშაოები კი 1 წლის ვადაში უნდა დასრულებულიყო. მეჯვრისხევის ბაღის დასრულების ვადამ 5 თვით გადაიწია, თუმცა სასწავლო პროცესი 2022 წლის სექტემბერიდან მაინც ვერ დაიწყო. არ ფუნქციონირებს არც მეღვრეკისის ბაღი, რომელიც 2021 წლის ბოლოს უნდა დასრულებულიყო და ორი სოფლის მოსახლეობას მომსახურებოდა. შპს “პროდიუს ინვესტმენტს” 5 მილიონზე…