დღე: ივლისი 28, 2023

პატიმრობაში მყოფი საქართველოს მესამე პრეზიდენტი სოციალურ ქსელში განცხადებას ავრცელებს და წერს, რომ ტერმინალის მშენებლობა შეაჩერეს ბათუმში, რომელსაც ამერიკელი ტურისტები უნდა შემოეყვანა. „აი, ასეთი ტერმინალის მშენებლობა შეაჩერეს ბათუმში 2012-ში. Royal Caribbean-ს ხმელთაშუა ზღვიდან ძირითადად ამერიკელი ტურისტები უნდა შემოეყვანა. ისინი დახარჯავდნენ ძალიან ბევრ ფულს და საქართველოს მთელს მსოფლიოში გაუთქვამდნენ სახელს. ამის ნაცვლად მივიღეთ ეს სიმახინჯე, რაც გუშინ ვიხილეთ. ეს უბედურება სასწრაფოდ უნდა დავასრულოთ!“, – წერს მიხეილ სააკაშვილი. შეგახსენებთ, რომ გუშინ სოჭიდან წამოსული საკრუიზო ლაინერი Astoria Grande ბათუმის პორტში შემოვიდა, მას პროტესტით დახვდნენ და ლაინერი იძულებული გახდა, ნავსადგური დაეტოვებინა.  

კრემლში აცხადებენ, რომ უკრაინასთან დიალოგისთვის მზად არიან, თუმცა, ზელენკსი წინააღმდეგია. როგორც რუსეთის პრეზიდენტის პრესსპიკერი დიმიტრი პესკოვი განმარტავს, უკრაინული მხარე დიალოგს არ თანხმდება. „რუსული მხარე ინარჩუნებს გახსნილობას, რასაც ვერ ვიტყვით უკრაინელებზე. უკრაინელები ინარჩუნებენ ურყევ პოზიციას, განსაკუთრებით ახლა, როდესაც საკმაოდ რთულ სიტუაციაში არიან, მაგრამ მაინც უარს ამბობენ დიალოგის ნებისმიერ შესაძლებლობაზე“, – განმარტავს დიმიტრი პესკოვი.

უკრაინის ომში მონაწილეობის გამო, რუსეთი ქართველ მებრძოლებს სისხლის სამართლის პასუხისმგებლობას აკისრებს. რუსეთის ე.წ. დამნაშავეთა სიაში „ქართული ეროვნული ლეიონის“  70-ზე მეტი წევრი მოხვდა. რუსული მედიის ინფორმაციით,  სს პასუისმგებლობა დაეკისრა მამუკა მამულაშვილს, რომელმაც აღნიშნული ლეგიონი შექმნა და უკრაინაში იბრძვის. „მამულაშვილმა 2014 წელს შექმნა ქართული ეროვნული ლეგიონი და საქართველოდან დაიქირავეს ხალხი ლუგანსკისა და დონეცკის სახალხო რესპუბლიკების ხელისუფლების წინააღმდეგ საომარ მოქმედებებში მონაწილეობის მისაღებად“, – აღნიშნულია რუსეთის საგამოძიებო კომიტეტის გზავნილში.  

ამერიკის შეერთებული შტატების ელჩი საქართველოში კელი დეგნანი მიხეილ სააკაშილის ლობირებასთან დაკავშირებით არსებულ ბრალდებებს კიდევ ერთხელ პასუხობს. როგორც ელჩი აცხადებს, ყოფილი პრეზიდენტის ლობირებაში სალეჩოდან არავინ ყოფილა ჩართული. „ჩვენ მკაფიოდ ვისაუბრეთ ამ საკითხზე. აქ არაფერია ორაზროვანი. თბილისში მდებარე აშშ-ის საელჩოდან არავინ ყოფილა ჩართული პრეზიდენტ სააკაშვილის ლობირებაში. საელჩო ნახსენები იყო დოკუმენტებში, რადგან ჩვენმა თანამშრომელმა უპასუხა ლობისტური კომპანიის ზარს. ტელეფონის ზარზე პასუხის გაცემა არ ნიშნავს რამის გაკეთებაზე თანხმობას. ეს ნიშნავს მხოლოდ სატელეფონო ზარზე პასუხს. ჩვენ ძალიან, ძალიან მკაფიოდ ვთქვით: არავინ თბილისში მდებარე საელჩოში არ ყოფილა ჩართული პრეზიდენტ სააკაშვილის ლობირებაში“, – განაცხადა ელჩმა დეგნანმა.  

სოჭიდან ბათუის ნავსადგურში შემოსულ გემზე, რომელსაც ბათუმი პროტესტით დაატოვებინეს, ამერიკის შეერთებუი შტატების ელჩი საქართველოში კომენტარს აკეთებს და აბობს, რომ ეს არავის უნდა გაკვირვებოდა. „ყველაზე მნიშვნელოვანი რეაქცია რუსი ტურისტების საკრუიზო გემის ვიზიტზე იყო საქართველოს მოქალაქეების რეაქცია. ვფიქრობ, მათ ძალიან გარკვევით განაცხადეს, როგორც ბათუმში, ისე სხვაგან, რომ არ მიესალმებიან ამას. ქართველები შესანიშნავი, სტუმართმოყვარე, თბილი მასპინძლები არიან, მაგრამ არ ვფიქრობ, რომ ვინმეს უნდა გაუკვირდეს, ვინმე უნდა ელოდოს, რომ სტუმართმოყვარეობით მიიღებ ვინმეს, ვისაც შენი ტერიტორია ოკუპირებული აქვს, ვინც შენს ქვეყანაში ოჯახებს ერთმანეთისგან აცალკევებს, ვინც შენს მოქალაქეებს აკავებს. არ მგონია, ვინმეს უნდა უკვირდეს, რომ ბევრი…

პოლიტიკოსი ზურაბ ჭიაბერაშვილი “ერთიან ნაციონალურ მოძრაობაში” დაბრუნდა. ამის შესახებ ბრიფინგზე პარტიის თავმჯდომარემ, ლევან ხაბეიშვილმა განაცხადა. მისი თქმით, ჭიაბერაშვილი პარტიას საგარეო მიმართულებით უხელმძღვანელებს. როგორც ჭიაბერაშვილმა განაცხადა, პარტია მთავარ ყურადღებას სამი მიმართულებით გაამახვილებს: “მადლობა ნაციონალურ მოძრაობას ამ შემოთავაზებისთვის, რომელიც ბუნებრივია მივიღე იმ გამოწვევების გათვალისწინებით, რაც დღეს ქვეყნის წინაშე დგას. დღეს პარტია ერთიანი ნაციონალური მოძრაობა ფოკუსირებულია 3 მნიშვნელოვან საკითხზე და ჩვენ გავაგრძელებთ ამ მიმართულებით მუშაობას. რა თქმა უნდა, ესაა ევროკავშირის წევრობის კანდიდატის სტატუსი ქვეყნისთვის, რომელსაც წინ ეღობება ქართული ოცნება, რუსული საოკუპაციო რეჟიმი საქართველოში და განსაკუთრებით ამ რეჟიმის მიერ წარმოებული პოლიტიკური მართლმსაჯულება და პოლიტიკური…

,,კობახიძემ კიდევ ერთხელ მოახდინა საკუთარი თავის ლუსტრაცია, როცა ღირსების და თავისუფლების დამცველ ადამიანებს უწოდა ქაჯები”. ასე ეხმიანება ბათუმში გამართულ საპროტესტო აქციაზე პარტია “ქართული ოცნების” თავმჯდომარის განცხადებას “სტრატეგია აღმაშენებლის” დეპუტატი პაატა მანჯგალაძე. მისი თქმით, სწორედ ასეთივე იყო ხელისუფლების დამოკიდებულება იმ ახალგაზრდების მიმართ, რომლებიც მანამდე აგენტების კანონს აპროტესტებდნენ. “ირაკლი კობახიძემ კიდევ ერთხელ მოახდინა საკუთარი თავის ლუსტრაცია, როცა ღირსების და საქართველოს თავისუფლების დამცველ ადამიანებს უწოდა ქაჯები, ისევე, როგორც მანამდე თავისუფლებისთვის მებრძოლ ახალგაზრდებს უწოდეს „სატანისტები“. რა ტურისტები ეგენი არიან, ჩვეულებრივი პროპაგანდისტები იყვნენ, პირდაპირ ვნახეთ მათი განცხადებები, რომლებმაც თქვეს: “თქვენ საბჭოეთში იყავით, მონებო და დიახაც,…

მოსკოვის მერის განცხადებით, უკრაინელმა სამხედროებმა მოსკოვზე დრონებით შეტევა განახორციელეს. როგორც სერგეი სობიანინი აღნიშნვს, მათ ყველა თავდასხმა მოიგერიეს. „წუზელ განხორციელლდა თავდასხმის მცდელობა მტრის უპილოტო საფრენი აპარატებით. ყველა აპარატი თავდაცვის სამინისტროს ძალებმა ჩამოაგდო“, – აღნიშნა სერგეი სობიანინმა.

ირაკლი კობახიძე სოჭიდან ბათუმში შემოსული საკრუიზო ლაინერის საკითხთან დაკავშირებით მომხდარ ფაქტს ქაჯობას უწოდებს. საუბარია ლაინერზე, რომელსაც ბათუმიდან უკან გაბრუნება მოუწია, რადგანაც მას პროტესტით დახვდნენ. პროტესტი კი ლაინერზე მყოფმა რუსულენოვანმა მოქალაქეებმა გამოიწვიეს, რომლებიც აცხადებდნენ, რო რუსეთი ოკუპანტი არ არის და რუსეთმა აფხაზეთი „ჩვენგან“ იხსნა. „რაც ვიხილეთ, არის, უბრალოდ, ქაჯობა. მინდა, შეგახსენოთ, რომ ამ ქაჯობამ ქვეყანას ძალიან მძიმე შედეგები მოუტანა სხვადასხვა დროს, ეს იყო 90-იანი წლების დასაწყისი, ეს იყო შედარებით გვიანდელი პერიოდი, ეს იყო 2004-2012 წლები, მათ შორის, 2008 წელი. „ქართული ოცნების“ ხელისუფლება არის ერთადერთი ხელისუფლება, რომლის დროსაც ქვეყანას ომი არ ჰქონია. რა…

„ქართული ოცნების“ თავმჯდომარე ირაკლი კოახძის განცხადებით, „ნაციონალური მოძრაობა“ ფულს იხდიდა იმაშ, რომ საქართველო დაესანქცირებინათ. როგორც კობახიძე გამარტავს, სწორედ ეს დაადასტურა  FARA-ს  დოკუმენტმა. „FARA-ს დოკუმენტები რამდენიმე თვალსაზრისით იყო მნიშვნელოვანი.  პირველ რიგში, ხაზი უნდა გაესვას, რომ „ნაცმოძრაობა“ პირდაპირ ფულს იხდიდა ქვეყნის დასანქცირებაში, საკუთარი ქვეყნის დასჯაში და ეს დადასტურდა FARA-ს დოკუმენტებით. ამაზე მეტი ლუსტრაცია რა შეიძლება იყოს.  ეს ხომ არის საკუთარი ქვეყნის ღალატის მორიგი ლუსტრაცია. პირდაპირ ითხოვდნენ საკუთარი ქვეყნის დასანქცირებას, დასჯას და არამარტო ითხოვდნენ, ამაში იხდიდნენ ფულს. ეს არის პირველი დასკვნა, რომელიც შეიძლება, გამოვიტანოთ FARA-ს დოკუმენტებიდან“, – განაცხადა ირაკლი კობახიძემ.