დღე: ივლისი 29, 2023

,,სოხუმში რუსეთი სამხედრო აეროპორტს ხსნის, რომელსაც ნატო-სა და დასავლეთ ევროპის წინააღმდეგ გამოიყენებს”. ამის შესახებ, აფხაზეთის უმაღლესი საბჭოს თავმჯდომარემ, ჯემალ გამახარიამ ,,მედიაცენტრ მთავართან” განაცხადა. მისი თქმით, ამ თემაზე წლების განმავლობაში მიმდინარეობდა მოლაპარაკებები. 2023 წლის 16 ივნისს, პეტერბურგში ხელი მოეწერა შეთანხმებას აეროპორტის აღდგენის შესახებ. 26 ივლისს კი მოხდა ამ დოკუმენტის რატიფიკაციაც. დოკუმენტის ნახევარზე მეტი უკავია მუხლებს, რომელიც ეხება აფხაზური მხარის მიერ ვალდებულებების შეუსრულებების გამო კომპანიის ზარალის ანაზღაურებას. ისეთი ვალდებულებებია, რომელთა შესრულება აფხაზურ მხარეს ძალიან გაუჭირდება. ,,ზუსტად 4 წლის წინაც მიმდინარეობდა მოლაპარაკებები ამ თემაზე. აფხაზეთის დე ფაქტო მთავრობამ მიიღო დადგენილება, რომლის მიხედვითაც სოხუმის…

მეტი...

ევროკავშირის საბჭომ სანქციები დაუწესა რუსეთის 7 მოქალაქესა და 5 კომპანიას, რომლებიც უკრაინაში რუსეთის შეჭრის შესახებ დეზინფორმაციას ავრცელებდნენ. კამპანია მოიცავდა პრორუსული პროპაგანდის გავრცელებას ყალბი ვებგვერდებისა და სოციალური მედიის ანგარიშების მეშვეობით, ცნობილი ევროპული მედიისა და სამთავრობო პორტალების იმიტაციით.

მეტი...

აშშ-ის ყოფილმა პრეზიდენტმა, დონალდ ტრამპმა განაცხადა, რომ გასამართლების შემთხვევაშიც არ შეაჩერებს საპრეზიდენტო კამპანიას. კითხვაზე, შეაჩერებს თუ არა წინასაარჩევნო კამპანიას მას შემდეგ, რაც მას ბრალი წაუყენეს საიდუმლო დიკუმენტების უნებართვო შენახვაში, აშშ-ის ყოფილმა პრეზიდენტმა უპასუხა: ,,არავითარ შემთხვევაში. კონსტიტუციაში არაფერი წერია იმის შესახებ, რომ ეს შეიძლება მოხდეს. მე ეს არ შემაჩერებს”. შეგახსენებთ, რომ საიდუმლო დოკუმენტების შენახვასთან დაკავშირებით დონალდ ტრამპს დამატებითი ბრალი წარუდგინეს. პროკურორების მტკიცებით, ამერიკის შეერთებული შტატების ყოფილმა პრეზიდენტმა მარ-ა-ლაგოს რეზიდენციაში მომსახურე პერსონალს სათვალთვალო კამერების იმ ჩანაწერის განადგურება დაავალა, რომელიც დოკუმენტების შესანახ ოთახს იღებდა.

მეტი...

ბოლო 24 საათის განმავლობაში რუსეთში რამდენიმე აფეთქება მოხდა. სარაკეტო იერიშის შედეგად ტაგანროგის ცენტრში 12 ადამიანი დაშავდა. ასაფეთქებელი მოწყობილობა აფეთქდა „კუიბიშევის“ ნავთობგადამამუშავებელი ქარხნის ტერიტორიაზეც. არსებული ინფორმაციით, დაკავებულია 42 წლის უკრაინელი, რომელიც დივერსიის მოწყობაშია ეჭვმიტანილი. შინაგან საქმეთა სამინისტროს შენობაზე განხორციელდა იერიში ოკუპირებულ დონეცკშიც. სავარაუდოდ დაშავდა რამდენიმე ადამიანი.

მეტი...

,,დასავლეთის ბაზრები ჩინეთისთვის საგანგებოდ მნიშვნელოვანია და საგანგებოდ მნიშვნელოვანია საქართველო, როგორც სატრანზიტო დერეფანი”. ამის შესახებ პარლამენტის პირველმა ვიცე-სპიკერმა გია ვოლსკიმ პრემიერის ჩინეთში ვიზიტის შეფასებისას განაცხადა. „სატრანზიტო დერეფანი არის სწორედ ის სტრატეგიული მიმართულება, რომელზეც ჩვენ დიდი ხანია ვსაუბრობთ და რითაც საქართველო ფასდება, როგორც პარტნიორი, ეკონომიკურ დარგში“, – განაცხადა ვოლსკიმ. შეგახსენებთ, რომ საქართველოს პრემიერ-მინისტრის, ირაკლი ღარიბაშვილის ვიზიტი ჩინეთის სახალხო რესპუბლიკაში 27 ივლისს დაიწყო. 28 ივლისს ჩინეთის სახალხო რესპუბლიკის პრეზიდენტს სი ძინპინს შეხვდა. ირაკლი ღარიბაშვილმა და სი ძინპინმა საქართველო-ჩინეთის ურთიერთობების სტრატეგიული პარტნიორობის დონემდე ამაღლების შესახებ განაცხადეს.

მეტი...

თურქეთის საგარეო საქმეთა მინისტრი ჰაკან ფიდანი დანიის ხელისუფლებას მოუწოდებს ქვეყანაში ყურანის დაწვის მცდელობა აღკვეთოს. მისი თქმით, მუსლიმთა წმინდა წიგნის დაწვა ოფიციალური ანკარასთვის სრულიად მიუღებელი იქნება და ქვეყნებს შორის ურთიერთობას მნიშვნელოვნად დააზარალებს. ცნობისთვის, ცოტა ხნის წინ მედიაში გავრცელდა ინფორმაცია, რომ პროტესტის ნიშნად აქტივისტებმა შესაძლოა დანიაში ყურანი დაწვან.

მეტი...

ოდესაში იუნესკოს წარმომადგენლები ჩავიდნენ, რომლებიც კულტურულ და რელიგიურ დაწესებულებებზე 19-23 ივლისის ჩათვლით რუსული ძალების მიერ განხორციელებული ავიაიერიშების შედეგებს შეაფასებენ.ამის შესახებ ინფორმაციას „გარდიანი“ ავრცელებს. გამოცემის ცნობით, იუნესკოს მისია ოდესაში 4 დღის განმავლობაში იმუშავებს და რუსული თავდასხმების შედეგებს აღრიცხავს. „გარდიანის“ თანახმად, რუსეთის მიერ ოდესაზე მიტანილი იერიშის შედეგად, 28 არქიტექტურული მონუმენტი სერიოზულად დაზიანდა, მათ შორის ოდესის ფერისცვალების ტაძარი.

მეტი...

გრძელდება საქართველოს პრემიერ-მინისტრის ირაკლი ღარიბაშვილის ვიზიტი ჩინეთის სახალხო რესპუბლიკაში. მთავრობის მეთაური  პეკინში ჩავიდა. ვიზიტის ფარგლებში, პეკინში პრემიერ-მინისტრი ორმხრივი, მაღალი დონის შეხვედრებს გამართავს.

მეტი...

,,ვაშინგტონი ფიქრობს, რომ რუსეთის თავდაცვის მინისტრი ჩრდილოეთ კორეაში რუსეთისთვის იარაღის მიწოდების უზრუნველსაყოფად იმყოფებოდა”. ამის შესახებ, აშშ-ის სახელმწიფო მდივანმა, ენტონი ბლინკენმა განაცხადა. “მე ეჭვი მეპარება, რომ ის იქ დასასვენებლად ჩავიდა. ჩვენ ვხედავთ, რომ რუსეთი უიმედოდ ეძებს მხარდაჭერას, იარაღს, სადაც კი ეს შეუძლია, რათა გააგრძელოს თავისი აგრესია უკრაინის წინააღმდეგ. ჩვენ ამას ვხედავთ ჩრდილოეთ კორეაში, ირანში, რომელმაც რუსეთს მრავალი უპილოტო საფრენი აპარატი მიაწოდა, რომელსაც ის უკრაინაში სამოქალაქო ინფრასტრუქტურის განადგურებისა და მშვიდობიანი მოქალაქეების მოსაკლავად იყენებს”, – თქვა ბლინკენმა. ცნობისთვის, სერგეი შოიგუ ფხენიანში 26 ივლისს ჩავიდა. ის ქვეყნის ლიდერს კიმ ჩენ ინს შეხვდა. ადგილობრივი მედიის…

მეტი...

უკრაინის პრეზიდენტი, ვოლოდიმირ ზელენსკი, სპეციალური ოპერაციების ძალების პროფესიულ დღესთან დაკავშირებით, ბახმუტის რეგიონში ჩავიდა. მან ჯარისკაცების მოწინავე პოზიციები მოინახულა. “ბახმუტის მიმართულება, სპეციალური ოპერაციების ძალების მოწინავე პოზიციები. დღეს აქ ვარ, რომ მივულოცო ჩვენს ჯარისკაცებს პროფესიული დღე, პატივი მივაგო მათ ძალას. მოვისმინე მეთაურის ანგარიში, ვესაუბრე სამხედროებს”, – წერს ზელენსკიმ.

მეტი...

პარტია „საქართველოსთვის“ ერთ-ერთი ლიდერი, კახა ქემოკლიძე საქართველოსა და ჩინეთს შორის სტრატეგიული პარტნიორობის თემას გამოეხმაურა. მისი თქმით, ჩინეთთან ვაჭრობა აუცილებელია, მაგრამ სიფრთხილეა გამოსაჩენი. ჩინეთის დოქტრინული ინტერესი ერთია და მეორეა, სახელმწიფო და ეროვნული ინტერესი. „ჩინეთთან ეკონომიკური თანამშრომლობა ძალიან მნიშვნელოვანია. საქართველო ერთ-ერთი იშვიათი სახელმწიფოა, რომელსაც გააჩნია ჩინეთთან და ევროკავშირთან თავისუფალი ვაჭრობის ხელშეკრულება. შესაბამისად, ეს საქართველოს, როგორც გეოპოლიტიკური და ეკონომიკის განვითარების თვალსაზრისით შესაძლებლობის ფანჯრებს აოთხმაგებს. მაგრამ აქ საკითხავია ღარიბაშვილის ვიზიტი და საინტერესოა იმ კუთხით, რომ სტრატეგიული პარტნიორობა აღინიშნა. ამ მოცემულობაში ბევრი unknown unknowns (უცნობი-უცნობია). რას ნიშნავს ეს? ხელშეკრულების რა ჩარჩოებს ითვალისწინებს? ითვალისწინებს ეს სტრატეგიული…

მეტი...

ხერსონის რაიონში რუსული აგრესიის შედეგად 4 ადამიანი დაშავდა. ადგილობრივი მედიის ინფორმაციით, გასული დღის განმავლობაში რუსმა ოკუპანტებმა ხერსონის დეოკუპირებულ ტერიტორიას არაერთხელ შეუტიეს. რუსული ძალები თავს დაესხნენ პორტის ინფრასტრუქტურას. ​ხერსონის რეგიონული სამხედრო ადმინისტრაციის ხელმძღვანელი ალექსანდრ პროკუდინი Telegram-ზე წერს, რომ გასული დღის განმავლობაში მტერმა 29 შეტევა განახორციელა. ნაღმმტყორცნებიდან, არტილერიიდან, ტანკებიდან, თვითმფრინავებიდან და უპილოტო საფრენი აპარატებიდან კი 126 ჭურვი გაისროლა. “მტერმა 11 ჭურვი ესროლა ქალაქ ხერსონს. რუსი სამხედროების სამიზნე იყო რეგიონის მოსახლეობის საცხოვრებელი კვარტალი, ბერისლავის რაიონის მარცვლეულის ტერმინალის ტერიტორია. რუსული აგრესიის შედეგად დაშავდა 4 ადამიანი”, – განაცხადა მან.

მეტი...

უკრაინის პრეზიდენტის ინფორმაციით, დნიპროში, რუსეთის სარაკეტო იერიშის შედეგად, მრავალსართულიანი საცხოვრებელი კორპუსის გარდა, დაზიანდა უკრაინის უსაფრთხოების სამსახურის ადგილობრივი შენობაც. “ყველა საჭირო სამსახური ადგილზეა. ჩვენ სწრაფად ვპასუხობთ და ვეხმარებით ხალხს. სიტუაციას ვაკონტროლებთ. ჩვენ ყველაფერს გავაკეთებთ იმისათვის, რომ რუსეთი სრულად დაისაჯოს ჩვენი ხალხის წინააღმდეგ აგრესიისა და ტერორის გამო. ეს ნაძირლები პასუხს აგებენ. ყველაფერს გავაკეთებთ სამართლიანობისთვის”, – წერს ვოლოდიმირ ზელენსკი.

მეტი...

უკრაინის გენერალური შტაბი რუსი ოკუპანტების სამხედრო დანაკარგების შესახებ განახლებულ ინფორმაციას ავრცელებს. მონაცემები 2022 წლის 24 თებერვლიდან 29 ივლისამდე პერიოდს მოიცავს. რუსეთის შეიარაღებული ძალების საერთო დანაკარგები ასეთია: ჯარისკაცი – დაახლოებით 245 220; ​ტანკი – 4 191; ჯავშანტექნიკა – 8 167; საარტილერიო სისტემა – 4 786; სარაკეტო სისტემა – 698; საზენიტო საბრძოლო სისტემა – 458; თვითმფრინავები – 315; ვერტმფრენი – 311; ოპერატიულ-ტაქტიკური უპილოტო საფრენი აპარატი – 4 007; საკრუიზო რაკეტები – 1 347; საავტომობილო ტექნიკა და საწვავის ავზები – 7 247; გემი/ნავი/კატარღა – 18; ​სპეციალური აღჭურვილობა – 710.

მეტი...