დღე: ივლისი 3, 2023

პატიმრობაში მყოფი მიხეილ სააკაშვილი განცხადებას ავრცელებს და ოპოზიციას მმართველი გუნდის განულებისკენ მოუწოდებს. „ჩემი ფიზიკური მდგომარეობა იმიტომ კი არ ვაჩვენე, რომ ვინმეს თავი შევაცოდო, არამედ, რათა პუტინისტების ტყუილი ვამხილო. მინდა ოლიგარქის ერთ-ერთ მოლაპარაკე თავს ვუპასუხო: სიკვდილს არასდროს ვაპირებდი, თუმცა მისი არც მეშინია. ვაპირებ ვიცოცხლო საქართველოსთვის, უკრაინისთვის! ვუყურო და მონაწილეობა მივიღო რუსეთის იმპერიის საბოლოოდ დანგრევაში და უკრაინისა და საქართველოს აყვავებაში. სჯობს მოისმინოთ ის რაც გითხარით, დავიწყოთ მოლაპარაკებები, ოღონდ არა კულუარული, არამედ ღია, გამჭვირვალე, ხალხის მონაწილეობით, როგორიც იყო მრგვალი მაგიდა პოლონეთში. ეს უნდა მოხდეს თუნდაც იმიტომ, რომ თქვენ მომავალში ისე არავინ მოგექცეთ, როგორც…

პატიმრობაში მყოფი მიხეილ სააკაშვილის გათავისუფლების საკითხს უკრაიული მხარე ისევ აყენებს და აცხადებს, რომ ის უკანონო პატიმარია. „მიხეილ სააკაშვილი უკანონო პატიმრობიდან უნდა გათავისუფლდეს. ის არის სიმართლისთვის, სამართლიანობისა და დემოკრატიისთვის ბრძოლის სიმბოლო. მისი დაკავება და ციხეში ყოფნა ადამიანის უფლებების დარღვევად მიმაჩნია“, – აცხადებს პრეზიდენტ ზელენსკის ადმინისტრაციის ხელმძღვანელი ანდრეი ერმაკი.  

„ნაციონალური მოძრაობის“ ყოფილი თავმჯდომარე ნიკა მელია სოციალურ ქსელში წერილს აქვეყნებს და პარტიის ამჟამინდელი მენეჯმენტისგან პასუხს ითხოვს. მთავარი კითხვა კი შემდეგია – რას აკეთებთ და გეგმავთ მიშას გამოყვანისა და უწყვეტი აქციების დაპირებით მოსულები? „თუ ახლა არის რამის დრო, არის პირველ რიგში გულწრფელობის დრო, სიმართლის თქმისა და სიყალბის დასრულების დრო, ისე არ იქნება არც ერთობა და არც გამარჯვება. ყველა ნორმალური ადამიანი, დღეს შეშფოთებულია მიხეილ სააკაშვილის მდგომარეობით. ფაქტია, პოლიტიკოსის ფუნქცია კი ამ შეშფოთების მიღმა ქმედების პროცესში ასახვაა, არა პროცესში პროცესისთვის, აქციაში აქციისათვის, არამედ შედეგისათვის. ვამბობდი და ვამბობ, რომ მიხეილ სააკაშვილის გათავისუფლების ერთადერთი გზა…

პარლამენტმა „საარჩევნო კოდექსში“ შეტანილ ცვლილებებთან დაკავშირებით, პრეზიდენტის ვეტო დაძლია. გადაწყვეტილებას მხარი 78-მა დეპუტატმა დაუჭირა, წინააღმდეგი იყო 14. ცვლილებების თანახმად, ცესკო-ს თავმჯდომარისა და წევრების შესარჩევ კონკურსს გამოაცხადებს და საკონკურსო კომისიას შექმნის პარლამენტის თავმჯდომარე. კომისიის შემადგენლობაში იქნება ცხრა წევრი და ის დაკომპლექტებული იქნება პრეზიდენტის ერთი წარმომადგენლის, სამოქალაქო სექტორისა და აკადემიური წრეების რვა წარმომადგენლისგან. ცვლილებების მიხედვით, ცესკო-ს თავმჯდომარისა და ცესკო-ს წევრების კანდიდატურებს პარლამენტს წარუდგენს საქართველოს პარლამენტის თავმჯდომარე. ცესკოს თავმჯდომარისა და ცესკოს წევრები აირჩევიან 5 წლის ვადით პარლამენტის სრული შემადგენლობის უმრავლესობით.

,,მომეცით პოლიტიკურ პროცესებში ღიად მონაწილეობის საშუალება. უნდა შევძლოთ საერთო ენის გამონახვა“,- ამის შესახებ საქართველოს ყოფილმა პრეზიდენტმა, მიხეილ სააკაშვილმა სასამართლო სხდომაზე განაცხადა, სადაც  კლინიკა „ვივამედიდან“ დისტანციურად ჩაერთო. სააკაშვილი ღია დებატებს ითხოვს. ,,ძლიერად ვარ, უკრაინის ამაყი მოქალაქე ვარ, ვამაყობ ზელენსკით, იმ ქართველებით, ვინც იცავენ უკრაინას. მადლობა ზელენსკის მხარდაჭერისთვის. რატომ გეშინიათ, სააკაშვილთან ღიად შეხვიდეთ დებატებში, ჩვენი გზა იყო სწორი, თუ თქვენი გზა. გადაწყვიტოს ეს ქართველმა ხალხმა. ღია დებატებში, კამათში შევიდეთ. საჭიროა, მომცეთ საშუალება, არა სამ თვეში ერთხელ გამოვჩნდე, არამედ მქონდეს ღია დებატების საშუალება. გამოდით ხალხო, ბევრი მომხრე მყავს. ხალხს ჰგონია, ცოტანი არიან. ის…

მიხეილ სააკაშვილის განცხადებით, დამნაშვე არ არის. როგორც ექსპრეზიდენტმა სასამართლო პროცესზე აღნიშნა, საქართველოს დამნაშავე პრეზიდენტი არ ჰყოლია. ,,სრულიად უდანაშაულო ადამიანს რატომ მამყოფებენ ამ ვითარებაში, არაფერი ისეთი მე არ გამიკეთებია, დანაშაული არ ჩამიდენია, საქართველოს არ ჰყოლია დამნაშავე პრეზიდენტი, ჩემს სულს ვერაფერს დააკლებთ,”- განაცხადა სააკაშვილმა. მისივე თქმით, ბრალდება თითიდან გამოწოვილია. ,,ამ მდგომარეობამდე მიმიყვანეს. საქართველოში ძალადობა აღარ იქნება და საქართველო იქნება წარმატებული ქვეყანა. რაც შეეხება პროცესს, ბრალდება თითიდან გამოწოვილია. არაფერი არ წამიღია საქართველოდან. მთელი ჩემი ცხოვრება ეძღვნებოდა საქართველოს. მჯერა, რომ ჩვენს ქვეყანას აქვს ძალიან დიდი პერსპექტივა“, – განაცხადა სააკაშვილმა.

„ჩანს, რომ ეს არის საბაბი, პრეზიდენტი მოქმედებს დაკვეთით და ხელოვნურად  ცდილობს შექმნას ინსტიტუციური კრიზისი ცესკო-ში,  რაც არასწორია და ჩვენ ამას ვერ დავუშვებთ“,-ამის შესახებ საპარლამენტო უმრავლესობის ლიდერმა, ირაკლი კობახიძემ პარლამენტის რიგგარეშე სესიის პლენარულ სხდომაზე განაცხადა, სადაც „საარჩევნო კოდექსში“ ცვლილებების შეტანის შესახებ საქართველოს ორგანულ კანონზე პრეზიდენტის მოტივირებულ შენიშვნებს განიხილავენ.  მისი თქმით, პრეზიდენტის გადაწყვეტილების საბაბი არის ის, რომ ოპოზიცია მხარს არ უჭერს ცესკო-ს მოქმედ თავმჯდომარეს და წევრებს, რომელთაც ადგილობრივი თვითმმართველობის და რამდენიმე შუალედური არჩევნები კრიტიკული შენიშვნების გარეშე ჩაატარეს.  ,,ორ წელზე მეტია ჩვენ ცესკო-ში არ გვყავს სრულფასოვნად არჩეული თავმჯდომარე და ორი წევრი. არის გიორგი კალანდარიშვილი მოქმედი…

მიხეილ სააკაშვილის განცხადებით, მის წინააღმდეგ საქმეები, ვლადიმერ პუტინის დავალებით, ბიძინა ივანიშვილმა აღძრა. აღნიშნულის შესახებ ექსპრეზიდენტმა სასამართლო პროცესზე განაცხადა, რომელზეც დისტანციურად ჩაერთო. ,,როდესაც ვიყავი ოდესის გუბერნატორი, ივანიშვილმა აღძრა ეს საქმეები პუტინის დავალებით… მე ივანიშვილმა გამიკეთა ეს უბედურება… ეს არის ივანიშვილის პუტინის დავალების შესრულება, მაგრამ მალე არც პუტინი იქნება და შესაბამისად, ვერც მისი დამქაშები ვერ იჯეჯილებენ საქართველოში და ვერ გააგრძელებენ ასეთ უსამართლობას, ამაში მე ვარ დარწმუნებული“, – აცახადებს სააკაშვილი.

„უნდა დასანქცირდეს ყველაზე მკაცრი სანქციებით ყველა, ვინც საქართველოში უკრაინის წინააღმდეგ მოქმედებს,“ – ამის შესახებ საქართველოს მესამე პრეზიდენტმა, მიხელ სააკაშვილმა განაცხადა. მიხეილ სააკაშვილი დღევანდელ სასამართლო პროცესს დისტანციურად ესწრება. ,,მე მინდა ვთქვა, რომ ამ სასამართლოს პირობებშიც კი, ჩვენი მთავარი მოტივაცია უნდა იყოს, რომ არ უნდა შეგვეშინდეს, მე არ შემეშინდა ვარდების რევოლუციის დროს, არ შემეშინდა 2008 წელს, როცა ყველა მეუბნებოდა, რომ გავსულიყავი საქართველოდან, იმიტომ, რომ დავრჩი თბილისში გადავარჩინე საქართველოს სახელმწიფოებრივობა. მე არ შემეშინდა 2021 წელს, როცა დავბრუნდი ამ სასამართლოს პირობებშიც კი,“ – განაცხადა მიხეილ სააკაშვილმა.  

საქართველოს მესამე პრეზიდენტი, მიხეილ სააკაშვილი დღევანდელ სასამართლო პროცესს დისტანციურად ჩაერთო.  პროცესზე სააკაშვილმა შალვა პაპუაშვილმა მიმართა და განაცხადა, რომ ბოდიში მას უნდა მოუხადონ. ,,თურმე ევროპამ ბოდიში უნდა მოიხადოს, ევროპარლამენტმა, რომ ითხოვენ ჩემ გათავისუფლებას. მინდა ვუთხრა ე.წ. პარლამენტის თავმჯდომარეს, თქვენ უნდა მოიხადოთ ბოდიში, რომ აი ამ მდგომარეობამდე მომიყვანეთ. აი ამ მდგომარეობამდე მომიყვანეთ, ბოდიში უნდა მოიხადოთ თქვენ ევროპარლამენტარების წინაშე, ჩემ წინაშე, ჩემი ოჯახის წინაშე, უკრაინის სახელმწიფოს წინაშე, რომ მისი მოქალაქე ამ მდგომარეობაში არის, ყველა ქართველის წინაშე, რომ ქართული სახელმწიფოს დამფუძნებელი არის ამ მდგომარეობაში ჩაყენებული”, – განაცხადა მიხეილ სააკაშვილმა.

”ქართული ოცნების” თავმჯდომარის, ირაკლი კობახიძის განცხადებით, მიხეილ სააკაშვილმა 2008 წლის ომი  ორ-დღე-ნახევარში წააგო. მისი თქმით, საქართველოს თავდაცვის უნარიანობა 2012 წლის შემდეგ ფუნდამენტურად გაუმჯობესებულია. ,,ჩვენი ქვეყნის თავდაცვის უნარიანობა 2012 წლის შემდეგ ფუნდამენტურად გაუმჯობესებულია. თქვენ გახსოვთ, 2008 წელს ორ-დღე-ნახევარში წააგო სააკაშვილმა ომი, მიუხედავად იმისა, რომ მაშინაც ჩვენ გვყავდა საუკეთესოდ გაწვრთნილი ჯარისკაცები და ძალიან დიდი შემართების ჯარისკაცები, წარმოიდგინეთ, გიგი უგულავა იყო იმ ომის არაფორმალური სარდალი და მიუხედავად იმისა, რომ გვყავდა საუკეთესოდ გაწვრთნილი ჯარისკაცები ორ-დღე-ნახევარში წააგეს ომი. რეალურად 8 აგვისტოს გამთენიისას დაიწყო, 7 აგვისტოს ღამე იყო, როგორც ევროსაბჭოს რეზოლუციაში წერია, როცა დაიწყო ომი და…