დღე: ივლისი 23, 2023

სააკაშვილი და მისი ოჯახის წევრები დებენ მილიონებს, უდიდეს თანხებს იხდიან იმაში, რომ კონგრესს დაასანქცირებინონ საქართველო. ამის შესახებ პარლამენტის ფრაქცია „ქართული ოცნების“ თავმჯდომარის მოადგილემ, გია ცაგარეიშვილმა განაცხადა. „ის იყო საქართველოს პრეზიდენტი. მისი თავგადაკლული ფანები მას დღესაც პრეზიდენტად და მხედართმთავრად მოიხსენიებენ და ამ ქვეყნის გაშავებასა და განადგურებაში, ამ ქვეყნისთვის ევროპერსპექტივის დასამარებაში ისა და მისი ოჯახის წევრები დებენ მილიონებს. უდიდეს თანხებს იხდიან იმაში, რომ კონგრესს დაასანქცირებინონ საქართველო, აქ „ქართულ ოცნებაზე“ კი არ არის საუბარი, ქვეყანაზე, მის სამშობლოზე, ყოველ შემთხვევაში ყოფილ სამშობლოზე“, – განაცხადა ცაგარეიშვილმა.

ბელარუსის პრეზიდენტი პუტინს შეხვდა. ორი დიქტატორის შეხვედრის მთავარი საკითხები უსაფრთხოებას, ეკონომიკურ თანამშრომლობასა და სანქციებს შეეხო. “რუსეთისა და ბელარუსის ყველა გეგმა ხორციელდება იმაზე უკეთესი ტემპით, ვიდრე მოსალოდნელი იყო”, – განაცხადა პუტინმა. მან უკრაინაში მიმდინარე ე.წ. სპეციალურ სამხედრო ოპერაციაზეც ისაუბრა და აღნიშნა, რომ უკრაინის შეიარაღებული ძალების პირადი შემადგენლობის დანაკარგმა 26 000-ს გადააჭარბა.

საგარეო საქმეთა და უსაფრთხოების პოლიტიკის საკითხებში ევროკავშირის უმაღლესი წარმომადგენელი, ჯოზეფ ბორელი, რუსეთის მიერ ოდესაზე განხორციელებულ თავდასხმას გამოეხმაურა. “იუნესკოს დაცვის სტატუსის მქონე ქალაქის, ოდესის მუდმივი სარაკეტო ტერორი ომის მორიგი დანაშაულია. ასევე განადგურდა ქალაქის მთავარი მართლმადიდებლური ტაძარი, მსოფლიო კულტურული მემკვიდრეობის ძეგლი”, – დაწერა ბორელმა სოციალურ ქსელში. მისივე თქმით, უკრაინის ასობით სხვა ისტორიული ძეგლიც დაზარალდა რუსეთის თავდასხმების შედეგად.

ოდესის ცენტრში, რუსებმა ღამით მიტანილი სარაკეტო იერიშით, 25 არქიტექტურული ძეგლი დააზიანეს. მათ შორისაა მე-19 და მე-20 საუკუნეების ნაგებობები. “რუსებმა მიზანმიმართულად დაუმიზნეს რაკეტები ოდესის ისტორიულ ცენტრს, რომელიც დაცულია იუნესკოს მიერ! ყველაფერს, რაც დიდმა არქიტექტორებმა დიდი შრომით შექმნეს, ახლა არაადამიანები ცინიკურად ანადგურებენ”, – წერს ოდესის ოლქის სამხედრო ადმინისტრაცია.

რუსეთის თავდაცვის სამინისტრო ირწმუნება, რომ რუსმა სამხედროებმა უკრაინის ქალაქ ოდესაში იერიში მხოლოდ იმ ობიექტებზე მიიტანეს, სადაც “რუსეთის ფედერაციის წინააღმდეგ ტერორისტული აქტები მზადდებოდა”. უწყების ცნობით, ოდესის ოლქში რუსეთის წინააღმდეგ ტერორისტული აქტები უპილოტო კატერების გამოყენებით მზადდებოდა და ობიექტზე უცხოელი დაქირავებული მებრძოლები იმყოფებოდნენ.

საქართველოს პრეზიდენტი სალომე ზურაბიშვილი, რუსეთის მხრიდან უკრაინის ქალაქ ოდესაზე თავდასხმას ეხმაურება. ,,რუსეთის მიერ უკრაინაში ჩადენილი მორიგი ომის დანაშაული! უმკაცრესად ვგმობ თავდასხმებს UNESCO-ს მსოფლიო მემკვიდრეობის ძეგლზე, ოდესასა და მის მშვიდობიან მოქალაქეებზე, საერთაშორისო სამართლის ყველა ნორმის უხეშ დარღვევას”, – განაცხადა პრეზიდენტმა.

საქართველოს პრემიერ-მინისტრი ირაკლი ღარიბაშვილი ოფიციალური ვიზიტით ხორვატიის რესპუბლიკაში გაემგზავრა. ვიზიტის ფარგლებში პრემიერ-მინისტრი მაღალი დონის ორმხრივ შეხვედრებს გამართავს. ასევე, ირაკლი ღარიბაშვილი ხორვატიის რესპუბლიკაში საქართველოს საელჩოს გახსნის ღონისძიებას დაესწრება. მთავრობის მეთაური ხორვატიის რესპუბლიკის დედაქალაქ ზაგრებში დელეგაციასთან ერთად გაემგზავრა.

უკრაინის პრეზიდენტის ადმინისტრაციის უფროსის მრჩეველი მიხაილო პოდოლიაკი ოდესაზე რუსეთის თავდასხმას ეხმაურება და საერთაშორისო საზოგადოებას თავდაცვის სისტემების მიწოდების დაჩქარებისა და მარცვლეულის დერეფნების დაცვისკენ მოუწოდებს. “რუსეთის განახლებული ტერორისტული ტაქტიკა: განზრახ თავდასხმა სამხრეთის ქალაქების ისტორიულ ცენტრებზე, ოდესის დემონსტრაციული განადგურება, პორტის ინფრასტრუქტურის განადგურება, მშვიდობიანი მოსახლეობის მკვლელობის ფართომასშტაბიანი მცდელობები. ამ გზით რუსეთს სურს: საბოლოოდ “გაანადგუროს” მარცვლეულის შეთანხმება; უკრაინას დაუხუროს ნებისმიერი წვდომა შავ ზღვაზე. (განსაკუთრებით საკუთარი შავი ზღვის ფლოტის შიშის გამო); გლობალური საინფორმაციო დღის წესრიგის შეცვლა, რათა ნაკლებად იყოს საუბარი დასუსტებულ რუსეთის ფედერაციის შიდა პრობლემებზე და მეტი ისაუბრონ ომის შესაძლო ესკალაციაზე; კვლავ დააშინოს საზოგადოება აშკარა ტერორიზმით…

ოდესაზე რუსების სარაკეტო თავდასხმას უკრაინის პრეზიდენტი, ვოლოდიმირ ზელენსკი Twitter-ზე ეხმაურება და წერს, რომ “რუს ტერორისტებს სამაგიერო მიეზღვებათ”. “რეკეტები მშვიდობიანი ქალაქების წინააღმდეგ, საცხოვრებელი შენობების წინააღმდეგ, ტაძარი… რუსულ ბოროტებას გამართლება ვერ ექნება. როგორც ყოველთვის, ბოროტება დამარცხდება. რუს ტერორისტებს ოდესის გამო სამაგიერო აუცილებლად მიეზღვებათ, ისინი იგრძნობენ შურისძიებას. ყველას, ვინც ამ ბოლო ტერაქტის შედეგად დაზარალდა, დახმარებას უწევენ. მადლობელი ვარ ყველასი ვინც ხალხს ეხმარება და ვინც, ფიქრებით და ემოციებით ოდესასთანაა. ჩვენ ამას გადავლახავთ, აღვადგენთ მშვიდობას. ამისთვის კი რუსული ბოროტება უნდა დავამარცხოთ”, – წერს ზელენსკი. შეგახსნებეთ, რომ 22 ივლისის ღამეს რუსმა სამხედროებმა უკრაინის ქალაქ ოდესაზე სარაკეტო…

უკრაინის საგარეო საქმეთა მინისტრი, დმიტრო კულება ოდესაზე მომხდარ თავდასხმას გამოეხმაურა. ,,რუსული რაკეტები კლავს ხალხს და ანგრევს UNESCO-ს მიერ დაცულ საკულტო ადგილებს ოდესაში. ყველაზე მასშტაბური თავდასხმა მთავარ პორტზე, რომელიც სასიცოცხლოდ მნიშვნელოვანია მსოფლიოს სასურსათო უსაფრთხოებისთვის, არის თავდასხმა მთელ გლობალურ საზოგადოებაზე. მოვუწოდებ ყველა სახელმწიფოს და ორგანიზაციას, დაგმოს ეს ბარბაროსული ომის დანაშაული”, – განაცხადა მინისტრმა.

22 ივლისის ღამეს რუსმა სამხედროებმა უკრაინის ქალაქ ოდესაზე სარაკეტო იერიში მიიტანეს. თავდასხმის შედეგად ერთი ადამიანი დაიღუპა, 22 დაშავდა. დაშავებულებიდან 14, მათ შორის 3 ბავშვი, კლინიკაშია გადაყვანილი. ადგილობრივი საკრებულოს ინფორმაციით, თავდასხმის შედეგად დაზიანდა ფერისცვალების ისტორიული ტაძარი, დაინგრა ინფრასტრუქტურა და დაზიანდა საცხოვრებელი სახლები.

უკრაინის გენერალური პროკურატურის ცნობით, რუსული აგრესიის შედეგად უკრაინაში უკვე 496 ბავშვი დაიღუპა, ჯამში, დაზარალდა 1 068 -ზე მეტი არასრულწლოვანი. უწყების ცნობით, ყველაზე მეტი ბავშვი დაშავდა: დონეცკის რეგიონში – 474, ხარკოვის ოლქში – 297, კიევის ოლქში – 129, ჩერნიგოვის ოლქში – 71, ლუგანსკის ოლქში – 67, ნიკოლაევის ოლქში – 89, ხერსონის ოლქში – 116, ზაპოროჟიეს ოლქში – 91, დნეპროპეტროვსკის ოლქი – 83. აღნიშნული მონაცემები საბოლოო არ არის, რადგან აქტიური საომარი მოქმედებების გამო, დაღუპულთა და დაშავებულთა ზუსტი რაოდენობის დადგენა გართულებულია.

პოლონეთის სასაზღვრო სამსახურმა რუსი ჩოგბურთელი ვირა ზვონარევა ქვეყანაში არ შეუშვა, რადგან ის იმ პირთა სიაშია, რომელთა ყოფნაც პოლონეთის ტერიტორიაზე სახელმწიფო უსაფრთხოებისა და საზოგადოებრივი წესრიგის დაცვის მიზნით არასასურველია. ამის შესახებ ინფორმაციას, უკრაინული მედია პოლონეთის შინაგან საქმეთა სამინისტროზე დაყრდნობით ავრცელებს. არსებული ინფორმაციით, რუსმა სპორტსმენმა და პუტინის რეჟიმის მხარდამჭერმა ბელგრადიდან თვითმფრინავით პოლონეთში ჩასვლა სცადა. “21 ივლისს, სასაზღვრო სამსახურმა რუსი ჩოგბურთელი პოლონეთში არ შეუშვა. ვერა ზვონარევა ჩვენს ქვეყანაში შემოსვლას, საფრანგეთის მიერ გაცემული ვიზით, ბელგრადი-ვარშავის რეისით ცდილობდა. სერბეთიდან ჩამოსვლის შემდეგ ჩოგბურთელი ვარშავის შოპენის აეროპორტის სატრანზიტო ზონაში დარჩა, დღეს კი 12:00 საათის შემდეგ პოდგორიცაში გაფრინდა”, –…

უკრაინის პრეზიდენტი ნატოს გენერალურ მდივანს, შავ ზღვაში რუსეთის აგრესიული ქმედებების გამო, უკრაინა-ნატოს საბჭოს სხდომის დაუყოვნებლივ მოწვევას სთხოვს. ამის შესახებ ვოლოდიმირ ზელენსკიმ საღამოს ვიდეომიმართვისას განაცხადა. “მე მივმართე იენსს წინადადებით, სასწრაფოდ მოიწვიოს საბჭო ასეთი კრიზისული კონსულტაციებისთვის. შეხვედრა რამდენიმე დღეში გაიმართება. ჩვენ შეგვიძლია დავძლიოთ უსაფრთხოების კრიზისი შავ ზღვაში”, – განაცხადა სახელმწიფოს მეთაურმა. არსებული ინფორმაციით, ზელენსკიმ და სტოლტენბერგმა შავ ზღვაში არსებულ ვითარებასა და იმ რისკებზე ისაუბრეს, რომელიც გლობალურ სასურსათო უსაფრთხოებას ემუქრება მარცვლეულის დერეფნის შეთანხმებიდან, რუსეთის გასვლის შემდეგ. შეგახსენებთ, რომ უკრაინა-NATO-ს საბჭო ვილნიუსის სამიტზე შეიქმნა და პირველი სხდომაც 12 ივლისს გაიმართა.