დღე: ივლისი 4, 2023

კლინიკა „ვივამედის“ გენერალური დირექტორი კლინიკაცთან „ნაციონალური მოძრაობის“ აქციას ეხმიანება და აცხადებს, რომ ეს ღრიალი არაფერში წერია. „რამდენად სწორია, კლინიკის წინ, სადაც უამრავი მძიმე პაციენტია, ჩაატარო პოლიტიკური მიტინგი და ბოლო ხმაზე ღრიალებდე, სად წერია და რაში წერია? ძლივს შემოდიან სასწრაფოს მანქანები. მერე ემპათიაზე ვერ დაასწრებ ლაპარაკს თან“, – აცხადებს ნინო ნადირაძე. შეგახსენებთ, რომ კლინიკასთან მიხეილ სააკაშვილის მხარდამჭერი აქცია მიმდინარეობს. „ვივამედთან” მიხეილ სააკაშვილის მხარდამჭერი აქცია მიმდინარეობს

საქართველოში ამერიკის შეერთებული შტატების ელჩის განცხადებით, საქართველოსა და უკრაინას ერთი მტერი ჰყავთ და ეს არის რუსეთი. როგორც კელი დეგნანმა მედიასთან განაცხადა, ორივე ქვეყანა ამ აგრესიული მოწინააღმდეგის წინაშე გაერთიანებული უნდა იყოს. „ჩემზე არ არის უკრაინასა და საქართველოს შორის ოფიციალური კომუნიკაციის კომენტირება დამოკიდებული. ნათელია, რომ ახლა ძალიან დაძაბული პერიოდია. რუსეთი უზარმაზარ ზეწოლას ახორციელებს უკრაინაზეც და საქართველოზეც. დასაწყისიდან ჩვენ რაც ბევრჯერ ვთქვით, არის ის, რომ ძალიან მნიშვნელოვანია საქართველოსთვის და უკრაინისთვის, რომ გაერთიანდნენ, ერთად შეიკრიბონ. ერთი მტერი ჰყავთ, ამ ძალიან აგრესიულ მოწინააღმდეგესთან გაერთიანებულები უნდა იყვნენ. და იმედი მაქვს, რომ დიპლომატიური დისკუსიების, პირადი საუბრების მეშვეობით ისინი…

„ნაციონალური მოძრაობის“ წარმომადგენლები და მიხეილ სააკაშვილის მხარდაჭერები ამ წუთებში კლინიკა „ვივამედთან“ აქციას მართავენ. „მიშა“… „მიშა“… სკანდირებენ აქციის მონაწილეები. ადგილზე მობილიზებულია პოლიცია. აქციის მონაწილეები მიხეილ სააკაშილის დროებით გათავისუფლებასა და სამკურნალოდ მის სხვა ქვეყანაში გადაყვანას ითხოვენ. მათი თქმით, დეპუტატებს მიხეილ სააკაშვილის მონახულება შეზღუდული არ უნდა ჰქონდეს. აქციის მონაწილეებმა კლინიკასთან საქართველოს, ევროკავშირის, აშშ-ისა და უკრაინის დროშები გაშალეს.  

იუსტიციის მინისტრის განცხადებით, პატიმრობაში მყოფი მიხეილ სააკაშვილი არ იღებს ექიმების რეკომენდაციას და არასრულფასოვნად იკვებება. მისი თქმით, ამ ქმედებებში მას ხელს რადიკალები უწყობენ. „სწორედ იმ რადიკალებს, რომლებიც ვერ ბედავენ, სიმართლეს თვალი გაუსწორონ და საკუთარი მოვალეობა შეასრულონ, თუნდაც საკუთარი ამომრჩევლის წინაშე და პრემიერის მოხსენების დროს გარბიან დარბაზიდან, შემდეგ საკუთარ სახელმწიფოს აყენებენ იმხელა შეურაცხყოფას, რომ საქართველოს ჰიმნის დროსაც არ იმყოფებიან დარბაზში, პასუხისმგებლობა უნდა მოჰკითხოთ მათ. ისინი მუდმივად მოუწოდებდნენ, დაეზიანებინა საკუთარი ჯანმრთელობა, რადგან მათ სურთ მხოლოდ ერთი რამ, ისარგებლონ მსჯავრდებულის პოლიტიკური წარსულით და დაიწერონ საკუთარი პოლიტიკური ქულები. ჯანმრთელობის მდგომარეობის შეფასება ხდება ექიმების მიერ გამოკვლევების შემდგომ…

„სამწუხაროა, რომ ეს ადამიანი არ ემორჩილება ექიმების რეკომენდაციებს და ეწევა თვითდაზიანებას“ – აცხადებს იუსტიციის მინისტრი რატი ბრეგაძე პატიმრობაში მყოფ საქართველოს მესამე პრეზიდენტთან დაკავშირებით. როგორც ბრეგაძე განმარტავს, მიხეილ სააკაშვილი საკუთარ თავს თავად აზიანებს. „ძალიან დიდი ხანია, თვალყურს ვადევნებ მიხეილ სააკაშვილის გარშემო არსებულ ვითარებას. კიდევ ერთხელ მინდა, მადლობა გადავუხადო ჩვენს თანამშრომლებს და ასევე ექიმებს, რომლებიც მცდელობას არ აკლებენ, ამ ადამიანმა სრულყოფილად იმკურნალოს და მიიღოს საკვები.  სიმართლე გითხრათ, სამწუხაროა, რომ ეს ადამიანი არ ემორჩილება ექიმების რეკომენდაციებს და ეწევა თვითდაზიანებას. თვითდაზიანებაში იგულისხმება შიმშილობის მრავალი ეპიზოდი, ექიმების რეკომენდაციებისადმი არდამორჩილება, მედიკამენტებისა და საკვების შერჩევით მიღება. საკვები…

„ბულინგი, ისევე, როგორც ძალადობის ნებისმიერი სხვა ფორმა, კატეგორიულად მიუღებელია, რომლის წინააღმდეგ საზოგადოება უნდა გაერთიანდეს“, – ამის შესახებ დედაქალაქის მერმა, კახა კალაძემ შესაბამისი შეკითხვის პასუხად განაცხადა. მისივე განმარტებით, ძალადობა მხოლოდ ფიზიკური არ არის, ის შეიძლება იყოს ფსიქოლოგიურიც, რასაც მოქალაქეები სოციალურ სივრცეში ხშირად აწყდებიან. „ბულინგი, რა თქმა უნდა, ძალიან ცუდია, რადგან ძალადობის ერთ-ერთი შემადგენელი ნაწილია. ძალადობა მხოლოდ ფიზიკური არ არის, ის შეიძლება იყოს ფსიქოლოგიური, რასაც ძალიან ხშირად ვაწყდებით, თუნდაც სოციალურ სივრცეში, სადაც განსხვავებულ აზრს ებრძვიან – მიმდინარეობს კონკრეტული ადამიანების დაშინება, შეურაცხყოფა. პირველ რიგში, ყველა უნდა გავერთიანდეთ ძალადობის წინააღმდეგ, რაც, რა თქმა უნდა,…

იუსტიციის მინისტრის განცხადებით, პატიმრობაში მყოფი მიხეილ სააკაშილი პენიტენციურ დაწესებულებაში აუცილებლად გადავა და ეს მაშინ მოხდება, როცა ექიმების თანხმობა ექნებათ. „რაც შეეხება მის პენიტენციურ დაწესებულებაში გადაყვანას, ადრეც ვთქვი და ახლაც ვიმეორებ, როდესაც იქნება ექიმებისგან რეკომენდაცია, რა თქმა უნდა, ის გადაყვანილი იქნება პენიტენციურ დაწესებულებაში. მსჯავრდებული პატიმარი სასჯელს იხდის პენიტენციურ დაწესებულებაში, თუმცა, ჯანმრთელობის მდგომარეობის გამო ის იმყოფება ამჟამად სამკურნალო დაწებულებაში“ – აცხადებს რატი ბრეგაძე.

იუსტიციის მინისტრის განცხადებით, მიხეილ სააკაშვილი თავად არის პასუხისმგებელი საკუთარი ჯანმრთელობის დაზიანებაზე. „საკუთარ ჯანმრთელობაზე პასუხისმგებელი თავად ეს ადამიანია. მას სახელმწიფო უკეთებს ყველაფერს, უქმნის ყველა პირობას რომ უმკურნალოს, მაგრამ თუ არ მკურნალობს, ეს არის მისი პირადი გადაწყვეტილება. კიდევ ერთხელ მოვუწოდებ, რომ მაქსიმალურად დაემორჩილოს ექიმების რეკომენდაციას. ის თავად არის პასუხისმეგებლი საკუთარი ჯანმრთელობის დაზიანებაზე. ჩვენ მას ვერც კვებას დავაძალებთ და ვერც მკურნალობას“ – აცხადებს მინისტრი რატი ბრეგაძე მიხეილ სააკაშვილთან დაკავშირებით.

  უკრაინის რადას ფრაქცია „ხალხის მსახურის“ ლიდერის, დავით არახამიას განცხადებით, ქართველებმა მომდევნო არჩევნზე ბრძნული გადაწყვეტილება უნდა მიიღონ. მისი თქმით, ”ქართული ოცნების” დარჩენა ხელისუფლებაში შექმნის პრობლემებს საქართველოს ევროკავშირში გაწევრიანების გზაზე. ​„მე მგონია, რომ ქართველებმა უნდა მიიღონ ბრძნული გადაწყვეტილება არჩევნებზე, რომელიც მოდის. აუცილებლად უნდა შეცვალონ ხელისუფლება და ეს უკვე რადიკალურად შეცვლის სიტუაციას, რადგან მთელი დემოკრატიული მსოფლიო, რომელიც უკრაინას უჭერს მხარს, თავისთავად ცხადია, რომ იძლევა გარკვეულ იმედს, მაგრამ ეს არ იქნება საკმარისი. წარმოდგენა არ მაქვს, ასეთ წინააღმდეგობას რატომ უწევს საქართველოს ხელისუფლება იმ მოთხოვნებს, რაც ჩვენი მხრიდან ისმის. ამიტომ, თავისთავად ცხადია, რომ მათი დარჩენა…

“ხალხის მსახურის” ლიდერის დავით არახამიას განცხადებით, საქართველო მიხეილ სააკაშვილთან დაკავშირებით უკრაინის მოთხოვნას თუ არ დააკმაყოფილებს, ერთადერთი ბერკეტი, საერთაშორისო სანქციები რჩება. „მგონი, საერთაშორისო სანქციები, ერთადერთი მეთოდი იქნება გამოყენებული საქართველოს პოლიტიკოსების წინააღმდეგ“, – განაცხადა არახამიამ. არახამია  გამოეხმაურა რუსეთის სანქციებზე მომუშავე საერთაშორისო ჯგუფის კოორდინატორის, მაიკლ მაკფოლის განცხადებასაც და აღნიშნა, რომ სანქციებმა უნდა აიძულოს საქართველოს ხელისუფლება, შეცვალოს დამოკიდებულება საკითხებისადმი. „სანქციები არის ქმედება, რომელიც დაკავშირებულია უკანონო ქმედებებთან, რომლებსაც აწარმოებს საქართველოს ხელისუფლება და თავისთავად ცხადია, ამ სანქციებმა უნდა აიძულოს, შეცვალონ მათი დამოკიდებულება საკითხებისადმი. საერთაშორისო ურთიერთობებთან არის ეს ყველაფერი დაკავშირებული“, – განაცხადა დავით არახამიამ ”მთავარი არხის” ეთერში.

ნიკა გვარამიამ მიხეილ სააკაშვილი კლინიკა ”ვივამედში” მოინახულა. მისი თქმით, მიხეილ სააკაშვილი უკრაინაში უნდა წავიდეს. „რაც უფრო სწრაფად და დადებითად იფიქრებს ბიძინა ივანიშვილი მიხეილ სააკაშვილის საკითხის გადაწყვეტაზე, მით უკეთესია არა მიხეილ სააკაშვილისთვის, არამედ ამ  ქვეყნისთვის და მისთვის. ვხედავთ, რაც ხდება უკრაინიდან, სხვანაირად უბრალოდ შეუძლებელია, მათ მოქალაქეს პირდაპირ ეთერში განლევა აქვს. არც ერთი თავმოყვარე სახელმწიფო საკუთარ მოქალაქის წინაშე ამას არ დაუშვებს. მინდა, მივმართო არა „ქართულ ოცნებას“, არამედ ადამიანებს, ვისთვისაც მნიშვნელოვანია უკრაინა, როგორც იდეა, როგორც დასავლეთი, როგორც ჩვენი მოკავშირე და მომავალში ლოკომოტივი  მთელი რეგიონის, მათ შორის ბიზნესმენებს, არ გამოვა მეგობრებო ასე. თუ საქართველო-უკრაინის…

საქართველოს საგარეო საქმეთა სამინისტრო გამოხატავს ღრმა შეშფოთებას უკრაინის ხელისუფლების გადაწყვეტილების გამო – დაატოვებინოს საქართველოს ელჩს ქვეყნის ტერიტორია კონსულტაციის მიზნით. საგარეო უწყების განცხადებით, ეს ქმედება წარმოადგენს დიპლომატიური ურთიერთობების გამწვავების უკიდურეს ფორმას და სამწუხაროა, რომ ოფიციალური კიევი მიმართავს ამ ნაბიჯს მეგობარი სახელმწიფოსა და ხალხის მიმართ. ,,აღნიშნულ გადაწყვეტილებას განსაკუთრებით გაუგებარს ხდის უკრაინის ხელისუფლების მიერ დასახელებული საფუძველი. მსჯავრდებულ მიხეილ სააკაშვილის ჯანმრთელობის მდგომარეობის ირგვლივ სპეკულაციებს წერტილი დაუსვა სტრასბურგის სასამართლოს გადაწყვეტილებამ, რომლითაც კიდევ ერთხელ დადასტურდა სახელმწიფოს მხრიდან მიხეილ სააკაშვილის უფლებების დაცვის უმაღლესი სტანდარტები. ასეთი განვითარების ფონზე, უკრაინის ხელისუფლების გადაწყვეტილება არსებით ზიანს აყენებს ორი ქვეყნის სტრატეგიულ ურთიერთობებს…

მიხეილ სააკაშვილი 600-ჯერ მოკვდა 600 დღეში და შემდეგ დაბრუნდა პოლიტიკაში. ეს მხოლოდ და მხოლოდ ირონიის საგანი შეიძლება იყოს, – ამის შესახებ პარტია „ქართული ოცნების“ თავმჯდომარე ირაკლი კობახიძემ განაცხადა. მისი თქმით, მიხეილ სააკაშვილი ღირსეულად უნდა შეხვდეს პატიმრობას. „ერთადერთი, რაც უნდა გაკეთდეს, ოჯახმა უნდა შეიტანოს სათანადო კალორაჟის საკვები. არ შეიძლება ხელოვნურად წონაში კლება, რათა გააგრძელო სპეკულირება. 600 დღე გვატყუებდნენ, რომ ეს კაცი თურმე ყოველდღიურად კვდებოდა. სტრასბურგის გადაწყვეტილება გამოცხადდა და აღმოჩნდა, რომ აღარ კვდება, პირიქით, პოლიტიკაში ბრუნდება. 600-ჯერ მოკვდა 600 დღეში და შემდეგ დაბრუნდა პოლიტიკაში. ეს მხოლოდ და მხოლოდ ირონიის საგანი შეიძლება იყოს.…

მეგობრობა, სიყვარული, ურთერთობები ორმხრივი არსებობს. ცალმხრივი არაფერი ვარგა. საქართველოსთან მიმართებით ზელენსკის გადაწყვეტილება გულდასაწყვეტია, – ასე ეხმაურება თბილისის მერი, კახა კალაძე უკრაინის პრეზიდენტის, ვოლოდიმირ ზელენსკის გადაწყვეტილებას. მისი თქმით, ქართველი და უკრაინელი ხალხი ყოველთვის მეგობრები იყვნენ და ამ ურთიერთობას ვერც ერთი პოლიტიკოსი ვერ შეცვლის. „ისტორიულად ქართველი და უკრაინელი ხალხი ყოველთვის მეგობრები იყვნენ, ერთმანეთის გვერდით იყვნენ და, რა თქმა უნდა, ამ ურთიერთობას ვერც ერთი პოლიტიკოსი ვერ შეცვლის. ჩვენ ყველაფერს გავაკეთებთ, რათა ეს ურთიერთობები არსებობდეს. ჩვენ გადაწყვეტილებებს ემოციებით არ ვიღებთ, რაც ჩანს იმ პოლიტიკაში, რასაც „ქართული ოცნება“ 2012 წლის შემდეგ აწარმოებს. დღეს პარტიის თავმჯდომარემაც…

„საქართველოს დემოკრატიული იმიჯის წინააღმდეგ წარმოებული მტრული კამპანია ბოლო წელიწად-ნახევარში ორ მთავარ ტყუილს ეყრდნობოდა: პირველი, სააკაშვილის ვითომ წამებას პატიმრობაში და, მეორე, დასავლეთის თანამეგობრობის მიერ რუსეთზე დაწესებული სანქციების დარღვევის მტკიცებას,”- ამის შესახებ საქართველოს პარლამენტის თავმჯომარე, შალვა პაპუაშვილი ტვიტერზე წერს. მისი თქმით,  ”საქართველოს ხელისუფლება მხოლოდ სიმართლის იმედად იყო, ხოლო ოპონენტებს მილიონობით დოლარის იმედი ჰქონდათ”. ,,ორივე მითი ახლა უკვე განადგურებულია, პირველი, ადამიანის უფლებათა ევროპული სასამართლოს გადაწყვეტილებით, რომელმაც დაადასტურა ხელისუფლების მიერ სააკაშვილის უფლებების დაცვა, მათ შორის სრული სამედიცინო მომსახურება და რომელმაც სააკაშვილი სასჯელის მოსახდელად კლინიკაში დატოვა. და მეორეც, აშშ-ის, დიდი ბრიტანეთის და ევროკავშირის სანქციების წარმომადგენლების…

,,ის რასაც სააკაშვილი ცდილობდა, აკეთებდა, ეს იყო ჩვეულებრივი პიარ კამპანია საქართველოს წინააღმდეგ,” – ამის შესახებ თბილისის მერმა, კახა კალაძემ განაცხადა. მისი თქმით, რეალურად არაფერი ხდება და მნიშვნელოვანია, რომ მიხეილ სააკაშვილმა მიიღოს შესაბამისი კალორიები და იკვებოს ჩვეულებრივად. ,,ვფიქრობ ეს თემა დახურულია, სასამართლოს გადაწყვეტილება მიღებული აქვს, მისჯილი აქვს კონკრეტულ დანაშაულებზე მიხეილ სააკაშვილს. თქვენ იცით, რომ მის მიერ მოხდა გასაჩივრება და საკითხის სტრასბურგში წაღება, ისიც კარგად ვიცით, სტრასბურგმა რა პასუხი მოიწერა აღნიშნულ საქმესთან დაკავშირებით. შესაბამისად ყველაზე კითხვაზე არსებობს პასუხი, ის რასაც სააკაშვილი ცდილობდა, აკეთებდა, ეს იყო ჩვეულებრივი პიარ კამპანია საქართველოს წინააღმდეგ, ეს იყო…

მიხეილ სააკაშვილი ვოლოდიმირ ზელენსკის გადაწყვეტილებას ეხმიანება. მისი თქმით, უკრაინის პრეზიდენტმა ადამიანურობის ეტალონი გამოიჩინა. ,,პრეზიდენტმა ზელენსკიმ გამოაჩინა ადამიანურობის ეტალონი და გაგანია ომის და ნატოს სამიტისთვის მზადების დროს მოიცალა ჩემთვის. როგორ შეიძლება თუნდაც ამის გამო არ გიყვარდეს უკრაინა და არ სცემდე პატივს მის პრეზიდენტს. მე ვრჩები უკრაინის პრეზიდენტთან არსებული რეფორმათა საბჭოს თავმჯდომარედ და რა თქმა უნდა გმირული ქვეყნის ამაყ მოქალაქედ. უახლოეს დღეებში ველოდები კარგ ამბებს ფრონტიდან. ასევე დიდი მადლობა Андрій Єрмак Михаил Подоляк Dmytro Kuleba”, – წერს მიხეილ სააკაშვილი.

უმრავლესობის წევრი, მიხეილ სარჯველაძე აცხადებს, რომ  „გირჩის“ წევრ ალექსანდრო რაქვიაშვილზე არ უძალადია. მისი თქმით, პატარა ჩოჩქოლი იყო და ამას მოჰყვა შედეგად ღილის შემოწყვეტა. ,,სამწუხაროდ, ადამიანები აძლევენ თავს უფლებას, რომ სხვადასხვა სივრცეში უცენზურო სიტყვები თქვან. როცა ადამიანი მომმართავს ისე, როგორც არ არის საკადრისი, რასაკვირველია, იქ მე ყოველთვის მენდომება ბოდიში მოვთხოვო ადამიანს, ვინც ეს იკადრა. იქ ეს აბსოლუტურად ნორმალური პროცესია. თუ ვინმეს უკვირს ასეთი რამ, რომ ადამიანთა წრეში, როცა ერთი ადამიანი უცენზურო სიტყვებს გამოიყენებს და ფიქრობს, რომ დასაშვები არ არის, რომ მას პასუხს მოსთხოვენ, არაძალადობრივი ფორმით, რასაკვირველია, ეს ასე არაა. მე ფიზიკურად…

უკრაინის პრეზიდენტის ოფისის ხელმძღვანელის ყოფილი მრჩეველი  ალექსეი არესტოვიჩი აცხადებს, რომ პუტინი საქართველოს ხელისუფლების ხელით კლავს მიხეილ სააკაშვილს. მისი თქმით, საქართველო რუსეთს ეხმარება. ,,პუტინი საქართველოს ხელისუფლების ხელით კლავს სააკაშვილს. ამაზე უფრო მკაცრი შეფასება შეუძლებელია, რა უნდა ვთქვა, საქართველოს პარლამენტმა ცვლილებები შეიტანა საარჩევნო კოდექსში, რითიც მმართველი პარტია მომავალ არჩევნებში გამარჯვებას ინაღდებს. გარდა ამისა, თბილისსა და მოსკოვს შორის ფრენების სიხშირე გაიზარდა, გაიზარდა იმპორტი, საქართველო ეხმარება რუსეთს, მათი ტერიტორიები ოკუპირებულია. მოკლედ, ყველაფერი ძალიან მოსკოვურია”, – განაცხადა არესტოვიჩმა.

უკრაინის საგარეო უწყება საქართველოს ელჩის დაბარებაზე ინფორმაციას ავრცელებს. უწყების ცნობით, უკრაინის პრეზიდენტის განკარგულებით, საგარეო საქმეთა სამინისტრომ გამოიძახა საქართველოს ელჩი უკრაინაში გიორგი ზაქარაშვილი, რათა გამოხატოს თავისი მწვავე პროტესტი ციხეში მყოფი უკრაინის მოქალაქის მიხეილ სააკაშვილის ჯანმრთელობის მდგომარეობის მნიშვნელოვნად გაუარესებასთან დაკავშირებით. ,,ქართველ დიპლომატს განემარტა, რომ მიხეილ სააკაშვილის მიმართ ასეთი დამოკიდებულება აბსოლუტურად მიუღებელია. საქართველოს ხელისუფლებამ უნდა შეწყვიტოს უკრაინის მოქალაქის მიმართ ძალადობა. ამასთან დაკავშირებით, უკრაინაში საქართველოს ელჩს გიორგი ზაქარაშვილს შესთავაზეს თბილისში დაბრუნებულიყო კონსულტაციებისთვის სიტუაციის მოგვარების გზების მოსაძებნად. უკრაინულმა მხარემ ხაზი გაუსვა მზადყოფნას სასწრაფოდ განიხილოს მიხეილ სააკაშვილის სამკურნალოდ და სამედიცინო დახმარების მიზნით უკრაინაში გადაყვანის საკითხი,”- ნათქვამია…