დღე: ივლისი 26, 2023

იშვიათი დაავადებების საკითხებზე მომუშავე საკოორდინაციო საბჭომ აქონდროპლაზიის ეროვნული პროტოკოლი დაამტკიცა. აქონდროპლაზიის მქონე ბავშვების მშობლები სხდომაზე მიღებულ გადაწყვეტილებას მიესალმებიან და აცხადებენ, რომ კმაყოფილები არიან. “ჩვენ დღეს საბჭოდან მივდივართ დაიმედებულები, რადგან უფრო მეტი კონკრეტიკა გახდა ცნობილი. გვითხრეს, რომ აუცილებლად, 2023 წელს შემოდგომისთვის დაიწყებენ ბავშვები მკურნალობას. თავიდან რამდენიმე ბავშვი იქნება ჩართული მკურნალობაში, ვისაც მაღალი ზღვარი და ჯანმრთელობის მეტად გართულებული პროცესი აქვს. ჩემი შვილი 14 წლის ხდება, ანალიზებით ის მზად არის მედიკამენტი მიიღოს,” – აღნიშნა ერთ-ერთმა მშობელმა, ქეთი ბეგიაშვილმა.

ზოონოზური (ცხოველიდან ადამიანზე გადამდები) ინფექციური დაავადება ბრუცელოზი ასპინძის მუნიციპალიტეტის სამ სოფელში 34 ადამიანს დაუდასტურდა. ასპინძის საზოგადოებრივი ჯანდაცვის ცენტრის ხელმძღვანელის, მზია პაპაშვილის თქმით, ყველა მათგანი მკურნალობას სახლში გადის. საყუდაბელში, ზველსა და ორგორაში კვლევები ამ დრომდე მიმდინარეობს. ბრუცელოზი ქრონიკულად მიმდინარე ზოონოზური ინფექციური დაავადებაა, რომლითაც ავადდება მრავალი სახეობის ცხოველი, მათ შორის მსხვილფეხა და წვრილფეხა პირუტყვი. ადამიანზე გადადის ინფიცირებულ ცხოველთან კონტაქტით, ან მისგან მიღებული პროდუქტით. დაკლული პირუტყვის ხორცი საკვებად მხოლოდ თერმული დამუშავების შემდეგ არის შესაძლებელი. მოსახლეობისთვის საფრთხეს წარმოადგენს დაავადებული ცხოველის უმი (აუდუღარი) რძე და მისგან დამზადებული პროდუქტი. როგორ მივიტანოთ ეჭვი ბრუცელოზზე? ადამიანის ბრუცელოზი ხშირად…

კუნძულ სიცილიაზე ძლიერი ხანძრის გამო ტურისტების ევაკუაცია დაიწყო. ბუნებრივი კატასტროფა საფრთხეს კულტურული მემკვიდრეობის ძეგლებსაც უქმნის. ხანძრის გამო დროებით დაიხურა პალერმოს აეროპორტიც. „სიცხისა და დაკვამლიანების გამო, ადამიანებს სუნთქვა არ შეუძლიათ. ისინი იძულებულები არიან, გამოვიდნენ ქუჩაში, რადგან მათი სახლები იწვის“, – წერს ერთ-ერთი ადგილობრივი სოციალურ ქსელში. არსებული ინფორმაციით, ტყის ხანძრები მთელ კუნძულზე მძვინვარებს, მათ შორის პალერმოს, კატანიასა და მესინას გარშემო.

სოციალურ ქსელში სამწუხარო ინფორმაცია გავრცელდა. ახალგაზრდა მსახიობი, ლევან დობორჯგინიძე, 41 წლის ასაკში გარდაიცვალა. სიკვდილის ზუსტი მიზეზი ამ ეტაპზე უცნობია. დობორჯგინიძე მაყურებელმა გასეირნება ყარაბაღში შესრულებული მთავარი როლით გაიცნო. მსახიობმა ტრილოგიის მეორე და მესამე ნაწილებშიც ითამაშა. შესრულებული აქვს როლები ფილმებში სუბორდინაცია, მედიატორი. გარდაცვლილ მეგობარს სულისშემძვრელი პოსტით ემშვიდობებიან: ,,მეც დამბრიდე დოობ. ყველაზე გულკეთილი და უბოროტო კაცი იყავი, ვისაც ვიცნობდი და ვძმაკაცობდი. ძააან მაგრად მომენატრები, გული მომიკალი. ჯერ თენგო 1 კვირის წინ, ეხლა შენ. აწი სულერთია ყველაფერი“, – წერს მეგობარი.

პირი, რომელმაც ბიზნესმენი ტატო გურგენიძე დაჭრა, დავით გაბისკირიაა. გაბისკირია სამართალდამცველებმა წუხელ დააკავეს. როგორც იურიდიულ ფირმა “ჯიემჯიში” აცხადებენ, ბიზნეს შეხვედრა მართლაც იმართებოდა მათთან, თუმცა ტატო გურგენიძესა და დათო გაბისკირიას შორის დაპირისპირება ბიზნეს საქმიანობას არ უკავშირდებოდა. როგორც კომპანიის წარმომადგენელი გიორგი კვირიკაშვილი განმარტავს, კონფლიქტი სულ სხვა მიზეზის გამო დაიწყო. “დავა როგორც ასეთი ამ ადამიანებს შორის არ არის, არც სასამართლოში, არც სასამართლოს გარეშე. ერთი ჩვეულებრივი საქმიანი შეხვედრა იყო და ის კონფლიქტი, არ არის გამოწვეული საქმიდან გამომდინარე. საქმიანობიდან გამომდინარე მოხდა შეხვედრა, მაგრამ კონფლიქტი საქმიანობიდან გამომდინარე არ ყოფილა”, – ამბობს გიორგი კვირიკაშვილი. მომხდართან დაკავშირებით გამოძიება ორი,…

ზუგდიდში, ქუთაისის ქუჩის მცხოვრებლები საპროტესტო აქციას მართავენ. ისინი უკვე 2 საათზე მეტია ადგილობრივი მერიის წარმომადგენელთან შეხვედრას ითხოვენ. აქციის მონაწილეები ცენტრალური ქუჩის რეაბილიტაციას ითხოვენ, რომელიც სამ სხვადასხვა უბანს აკავშირებს ერთმანეთთან. ადგილობრივების ინფორმაციით, ზუგდიდის მერიას ქუჩის რეაბილიტაციის მოთხოვნით რამდენჯერმე მიმართეს, თუმცა, რეაგირება არ მოჰყოლია. არსებული ინფორმაციით, საპროტესტო აქციაზე იმყოფება “ნაციონალური მოძრაობის” მაჟორიტარი, ირაკლი სორდია. მისი თქმით, ამ უბანზე არჩევნებში “ნაციონალურმა მოძრაობამ” გაიმარჯვა და სწორედ ამიტომ არ კეთდება იქ ქუჩა.

თბილისის მერია საქართველოს პარლამენტს უახლოეს მომავალში ხმაურის ნორმების გადამეტებისთვის სანქციების გამკაცრების ინიციატივით მიმართავს. მერიამ ხმაურის ნორმების დარღვევისთვის ჯარიმების გაზრდის მიზნით შესაბამისი კანონპროექტი შეიმუშავა, რომელსაც უახლოეს მომავალში საქართველოს პარლამენტს წარუდგენს. ამის შესახებ დედაქალაქის მერმა კახა კალაძემ მუნიციპალიტეტის მთავრობის სხდომაზე განაცხადა. მისი თქმით, არსებული სანქციები პრაქტიკულად უშედეგოა და ვერ ქმნის კანონდარღვევის ასარიდებლად პრევენციულ ზომებს. „ტურისტული სეზონის გააქტიურებასთან ერთად, თქვენ იცით როგორ აქტუალური ხდება ხმაურის დონის გადამეტების პრობლემა კერძო თუ საზოგადოებრივ სივრცეებში. არსებული რეგულაციების მიხედვით, ზოგ ადგილებში და ზოგ ობიექტებზე დასაშვებია ხმაურის გარკვეული დონე დილის 08:00-დან ღამის 11:00 საათამდე, ხოლო ღამის 11:00-დან დილის…

,,თბილისის მეტროსადგურების განახლების ტექნიკურ-ეკონომიკური მიზანშეწონილობის კვლევა და დეტალური დიზაინის შემუშავება იგეგმება”. ამის შესახებ თბილისის მერმა, კახა კალაძე მუნიციპალიტეტის მთავრობის დღევანდელ სხდომაზე განაცხადა. მისი თქმით, კვლევისა და სამშენებლო სამუშაოების ჩათვლით, მეტროს განახლებისთვის, დაახლოებით, 20 მლნ აშშ დოლარია გამოყოფილი. „ADB-ის სტანდარტებით გამოცხადებულ კონკურსში გვყავს გამარჯვებული ავსტრიული კომპანია, რომელთანაც ამ დღეებში გაფორმდება ხელშეკრულება. საქართველოში ჩამოდის კომპანიის ხელმძღვანელი, დაგეგმილია სამუშაო შეხვედრები, მათ შორის, აზიის განვითარების ბანკთან. ზემოაღნიშნული კომპანია დაიწყებს კონტრაქტით გათვალისწინებული საკონსულტაციო მომსახურების გაწევას, რომლისთვისაც განსაზღვრულია 10-თვიანი ვადა. მომსახურების ფარგლებში, კომპანია შეისწავლის 12 მეტროსადგურის გამტარუნარიანობას, ასევე, შეზღუდული შესაძლებლობების მქონე პირების წვდომადობას, მისი გაუმჯობესების მიზნით…

ბათუმში, სელიმ ხიმშიაშვილისა და ჭავჭავაძის ქუჩების კვეთაზე ერთმანეთს ორი მსუბუქი ავტომანქანა შეეჯახა, რის შედეგადაც ერთ-ერთი ავტომანქანა ავტობუსის მოსაცდელში შევარდა. თვითმხილველების ინფორმაციით, მსუბუქად დაშავდა ერთი ადამიანი, რომელიც მოსაცდელში იჯდა. მას ნამსხვრევებმა ხელი დაუზიანა, თუმცა კლინიკაში გადაყვანა არ დასჭირდა. არსებული ინფორმაციით, ავარიაში მოყოლილი ერთ-ერთი მანქანა მონიტორინგისა და ზედამხედველობის სამსახურს ეკუთვნის.

კონტრტერორისტულმა ცენტრმა, გატარებული ოპერატიული და საგამოძიებო მოქმედებების შედეგად, ტერორისტულ დანაშაულზე მიმდინარე გამოძიების ფარგლებში, საქართველოს 2 მოქალაქე დააკავა. ამის შესახებ ინფორმაციას სახელმწიფო უსაფრთხოების სამსახური ავრცელებს. უწყების ცნობით, სპეციალური ოპერაცია საქართველოს ორ რეგიონში ოთხ ლოკაციაზე ერთდროულად ჩაატარა. “საგამოძიებო მოქმედებების შედეგად ამოღებულია დროშები ტერორისტული ორგანიზაცია „ისლამური სახელმწიფოს“ სიმბოლიკით და სხვადასხვა სახის ელექტრონული ინფორმაციის მატარებელი მოწყობილობა. ამასთან, დაკავებულების საცხოვრებელი სახლებიდან ამოღებულია საბრძოლო მასალა, ასაფეთქებელი მოწყობილობა და ფეთქებადი ნივთიერებები”, – წერია სუს-ის განცხადებაში. სახელმწიფო უსაფრთხოების სამსახურის კონტრტერორისტული ცენტრი გამოძიებას სისხლის სამართლის კოდექსის 327-ე და 236-ე მუხლებით აწარმოებს.