დღე: ივლისი 15, 2023

,,ითქვა, რომ სანამ უკრაინა არის ომში რუსეთთან, ვერ გახდება ნატოს წევრი, თქვეს რომ ჩვენ მესამე მსოფლიო ომს ვერ დავუშვებთო, ანუ ვერ შევა ნატო და მთელი დასავლეთი, მსოფლიო პირდაპირ კონფლიქტში, სამხედრო კონფრონტაციაში რუსეთთანო,”- ამის შესახებ საქართველოს პრემიერ-მინისტრმა, ირაკლი ღარიბაშვილმა განაცხადა. როგორც პრემიერმა აღნიშნა, კითხვა აქვს – თუ რუსეთი დაამარცხა უკრაინამ მაშინ ნატოს წევრობა რაღა საჭიროა? „მე ღიმილით ვუყურებდი იმ სიუჟეტებს, რომელიც ბოლო დღეების განმავლობაში ჩვენი გაუბედურებული ოპოზიციის ტელევიზიებში ისმოდა. თქვენ იცით, რომ ესეიგი თავიდან სურათი წარმოაჩინეს, რომ თითქოს რაღაც სასწაული მოხდა ნატოს სამიტზე და უკრაინამ დეოკუპაციაც მოახდინა უკვე, გაიმარჯვა, სასწაული მოხდა…

პოლონეთს ამჟამად აქვს საარჩევნო კამპანია, ამ საარჩევნო კამპანიაში როგორც ჩანს აქტიურად განიხილება სააკაშვილის პატიმრობის საკითხი და ამიტომ ეს წმინდა პოლიტიკური საკითხია მათთვის, შიდა პოლიტიკური საკითხია, როგორც ჩანს ამას ემსახურება ეს მათი ზედმეტი აქტიურობა – ამის შესახებ პრემიერმა ჟურნალისტებს განუცხადა. მისი თქმით, დასამალი არავისთვის არაფერი აქვთ. ,,აქვე მინდა ვთქვა, რომ პოლონეთს ამჟამად აქვს საარჩევნო კამპანია და გარკვეული ჯგუფები, რომლებიც დაკავშირებულნი არიან სააკაშვილთან და მის ჯგუფთან, გვარებს აღარ ჩამოვთვლი, კარგად მოგეხსენებათ ის ადამიანები, რომლებიც აქტიურობენ და ძალიან ბევრ დეზინფორმაციას ავრცელებენ, მათი აქტიურობით, ზედმეტი აქტიურობით პოლონეთში, ამ საარჩევნო კამპანიაში როგორც ჩანს აქტიურად განიხილება…

საქართველოს პრემიერ-მინისტრი ირაკლი ღარიბაშვილი რადას დეპუტატების მიმართვას გამოეხმაურა. მისი თქმით,  მათ აწყობდათ და აწყობთ, რომ ქვეყანაში არ იყოს მშვიდობა, დალაგებული მთავრობა, რომელიც  ქვეყნის ეროვნულ ინტერესებს იცავს. ,,რაც შეეხება რადას დეპუტატების მომართვას. ეს გასაგებია. ეს შემადგენელია ამ პროცესის და ამ პოლიტიკის. მათი მიზანი იყო ძალიან მარტივი. რა თქმა უნდა, მათ აწყობდათ და აწყობთ, რომ ამ ქვეყანაში არ იყოს მშვიდობა, დალაგებული მთავრობა, რომელიც ჩვენი ქვეყნის ეროვნულ ინტერესებს იცავს, ჩვენი ხალხის ინტერესებს იცავს, არამედ მათი ინტერესების გამტარებელი ხელისუფლება სჭირდებათ ქვეყანაში, რომ რამენაირად რუსეთის ყურადღება გადაერთოს სხვა მიმართულებით, სხვა ფლანგებზე, სხვა ფრონტებზე, მაგრამ ჩვენ…

“ქართული ოცნების” თავმჯდომარე, ირაკლი კობახიძე რადას რეზოლუციას ეხმაურება, რომლითაც უკრაინა სალომე ზურაბიშვლს მიხეილ სააკაშვილის შეწყალებისკენ მოუწოდებს. კობახიძის თქმით, იმ შემთხვევაში, თუ ზურაბიშვილი სააკაშვილს შეიწყალებს, კიდევ უფრო გააღრმავებს “იმ ნაპრალს, რომელიც მასსა და საზოგადოებას შორისაა”. “მე იმედი მაქვს, რომ სალომე ზურაბიშვილი ბოლომდე არ გაინადგურებს საკუთარ რეპუტაციას. რეალურად, გვარამიას შეწყალებით ზურაბიშვილი წავიდა იმ ამომრჩევლის წინააღმდეგ, რომელმაც მას 2018 წელს მხარი დაუჭირა. იმედია, კიდევ უფრო არ გააღრმავებს სალომე ზურაბიშვილი იმ ნაპრალს, რომელიც მასსა და საზოგადოებას შორისაა. ვერაფერს გეტყვით, იმედი მაქვს, ის ამ ნაბიჯს არ გადადგამს”, – თქვა კობახიძემ.

იუსტიციის მინისტრი, რატი ბრეგაძე პოლონელი ექიმების მიხეილ სააკაშვილთან ვიზიტს გამოეხმაურა და საგარეო საქმეთა მინისტრს მოუწოდა, აღნიშნულ ფაქტთან დაკავშირებით მოისმინოს პოლონეთის საელჩოს პოზიცია. „მოვუწოდებთ ყველას, თავი შეიკავონ პროვოკაციული და კანონმდებლობასთან შეუთავსებელი ქმედებებისგან. გამომდინარე იქიდან, რომ პოლონეთის საელჩო ჩართული იყო ექიმების ჩამოყვანის პროცესში და იყო მათი რეკომენდატორი, საგარეო საქმეთა მინისტრს მივმართავ თხოვნით, რომ მოისმინოს საელჩოს პოზიცია აღნიშნულ ინციდენტზე“, – განაცხადა რატი ბრეგაძემ. ცნობისთვის, მანამდე პენიტენციურმა სამსახურმა განცხადება გაავრცელა, რომლის თანახმად ერთ-ერთი პოლონელი ექიმისგან ადგილი ჰქონდა ,,გაუგებარ ინციდენტს”. კერძოდ, მიხეილ სააკაშვილისგან აღებული ნიმუში, პოლონელმა ექიმმა გადაახვია ქაღალდში და ფეხსაცმლის მეშვეობით ცდილობდა მის მალულად…