დღე: ივლისი 24, 2023

ესტონეთის ყოფილი პრეზიდენტი საქართველოს პრემიერ მინისტრის სოციალურ ქსელში გაკეთებულ განცხადებას ეხმიანება და ამბობს, რომ საქართველოს ევროპაში სერიოზულად არ აღიქვამენ. „რომელ ევროპულ ღირებულებებს იზიარებთ? კანონის უზენაესობას? ადამიანის უფლებების პატივისცემას? საქართველოს ევროპაში სერიოზულად აღარავინ აღიქვამს. სამწუხაროა. საკუთარი ინტერესებისთვის ზიანის მიყენებაა“, – წერს თომას ჰენდრიკ ილვესი ირაკლი ღარიბაშვილის საპასუხოდ. ინფორმაციისთვის, საქართველოს პრემიერ-მინისტრმა, ირაკლი ღარიბაშვილმა ხორვატიის პრემიერთან ანდრეი პლენკოვიჩთან შეხვედრის შემდეგ  დაწერა, რომ საქართველო და ხორვატია ისტორიულ, კულტურულ და ევროპულ ღირებულებებს იზიარებენ.  

უკრაინის ქალაქ რენიზე დრონებით განხორციელებულ თავდასხმასთან დაკავშირებით რუმინეთის პრეზიდენტი კლაუს იოჰანისი განცხადებას ავრცელებს. „მტკიცედ ვგმობ ბოლოდროინდელ რუსულ თავდასხმებს დუნაიზე, უკრაინის სამოქალაქო ინფრასტრუქტურაზე, ძალიან ახლოს რუმინეთთან. ეს ბოლოდროინდელი ესკალაცია ქმნის სერიოზულ რისკებს უსაფრთხოებისთვის შავ ზღვაში. ის ასევე გავლენას ახდენს უკრაინული მარცვლეულის შემდგომ ტრანზიტზე და გლობალურ სასურსათო უსაფრთხოებაზე“, – აცხადებს პრეზიდენტი. შეგახსენებთ, რომ რუსულმა მხარემ ოდესაში,  მდინარე დუნაის საპორტო ინფრასტრუქტურაზე შეტევა განახორციელა.  

,,საქართველო დიდად აფასებს ხორვატიის მხარდაჭერას ჩვენი სუვერენიტრტის, ტერიტორიული მთლინობისა და ევრო-ატლანტიკური ინტეგრაციისადმი”. ამის შესახებ საქართველოს პრემიერ-მინისტრი ირაკლი ღარიბაშვილი „ტვიტერზე“ წერს. როგორც მთავრობის მეთაური აღნიშნავს, საქართველო და ხორვატია იზიარებენ ისტორიულ, კულტურულ და ევროპულ ფასეულობებს. „მიხარია ხორვატიის რესპუბლიკის პრემიერ-მინისტრ ანრეი პლენკოვიჩთან შეხვედრა. ჩვენი ქვეყნები იზიარებენ ისტორიულ, კულტურულ და ევროპულ ფასეულობებს. საქართველო დიდად აფასებს ხორვატიის მხარდაჭერას ჩვენი სუვერენიტრტის, ტერიტორიული მთლინობისა და ევრო-ატლანტიკური ინტეგრაციისადმი”, – აღნიშნავს პრემიერი.

,,საქართველოს აქვს ამბიცია, გახდეს ევროკავშირისა და ნატოს წევრი და ჩვენ მხარს ვუჭერთ ამ მისწრაფებებს. იმედი მაქვს, რომ საქართველოსთან მიმართებაში ევროკავშირში გაწევრიანების გზაზე გვექნება წინსვლა”. ამის შესახებ ხორვატიის რესპუბლიკის პრემიერ-მინისტრმა ანდრეი პლენკოვიჩმა საქართველოს პრემიერ-მინისტრთან ირაკლი ღარიბაშვილთან ერთად გამართულ ბრიფინგზე განაცხადა. როგორც ხორვატიის რესპუბლიკის პრემიერ-მინისტრმა აღნიშნა, შეხვედრაზე, სხვა საკითხებთან ერთად ქვეყნებს შორის ურთიერთობების გაუმჯობესებაზე, საქართველოს ევროპულ პერსპექტივაზე და ნატოში ინტეგრაციის პროცესზე ისაუბრეს. „ნება მიბოძეთ, მივესალმო ჩემს მეგობარს ირაკლი ღარიბაშვილს, საქართველოს პრემიერ-მინისტრს. ეს არის მისი პირველი ოფიციალური ვიზიტი ხორვატიის რესპუბლიკაში, ბოლო 30 წლის განმავლობაში, მას შემდეგ, რაც ვაღიარეთ ერთმანეთის დამოუკიდებლობა. მადლობას ვუხდი ბატონ…

,,საქართველო ყოველთვის იყო ევროკავშირის ყველაზე სანდო პარტნიორი ჩვენს რეგიონში”. ამის შესახებ საქართველოს პრემიერ-მინისტრმა ირაკლი ღარიბაშვილმა, ზაგრებში, ხორვატიის პრემიერ-მინისტრთან ერთობლივ ბრიფინგზე განაცხადა. მთავრობის მეთაურის თქმით, უსაფრთხოების სფეროში მოკავშირის რანგში, საქართველო იმ ქვეყნების რიგებში იყო, რომლებსაც ყველაზე დიდი წვლილი შეჰქონდათ ევროკავშირის უსაფრთხოებაში. ,,საქართველო ყოველთვის იყო ევროკავშირის ყველაზე სანდო პარტნიორი ჩვენს რეგიონში. უსაფრთხოების სფეროში მოკავშირის რანგში, საქართველო სულადობრივად იმ ქვეყნების რიგებში იყო, რომლებსაც ყველაზე დიდი წვლილი შეჰქონდათ ევროკავშირის უსაფრთხოებაში, როდესაც ევროკავშირის საერთაშორისო მისიებში იღებდა მონაწილეობას. მათ შორისაა ნატოს მისიები ერაყსა და ავღანეთში. ჩვენ ერთგულნი ვართ ჩვენი ევრო-ატლანტიკური ინტეგრაციის პროცესისადმიც. ხაზგასმით აღვნიშნეთ, რომ ნატოს…

,,24 ივლისის ღამეს მოსკოვზე დრონებით თავდასხმა უკრაინის თავდაცვის სამინისტროს მთავარი სადაზვერვო სამმართველოს სპეცოპერაცია იყო”. ამის შესახებ ინფორმაციას, უკრაინული მედია Українська правда ავრცელებს. “მოხალისეებისა და სტრუქტურების თანამშრომლობა გვაძლევს კარგ შედეგს, გაგრძელება იქნება”, – თქვა წყარომ თავდაცვისა და უსაფრთხოების სექტორიდან. წყარო ამბობს, რომ მოსკოვში გაშვებული დრონებიდან ყველამ მიაღწია, თუმცა რაოდენობას არ აკონკრეტებს. არსებული ინფორმაციით, 24 ივლისს მოსკოვზე დრონებით შეტევა იყო. უპილოტო საფრენი აპარატით იერიშის შედეგად დაზიანდა თავდაცვის სამინისტროს მახლობლად მდებარე შენობა. კიდევ ერთი დრონი ჩამოვარდა ლიხაჩოვის პროსპექტზე ბიზნეს ცენტრის შენობაში. მოსკოვის მერმა განაცხადა, რომ მსხვერპლი და “სერიოზული ნგრევა” არ ყოფილა.

ოდესაზე განხორციელებული შტურმის გამო, ნატო-ს გენერალური მდივანი რუსეთს ფედერაციას მიმართავს. როგორც იენს სტოლტენბერგი განმარტავს, რუსეთის მორიგმა თავდასხმამ მშვიდობიანი მოსახლეობის დაღუპვა გამოიწვია, რაც დასაგმობია. „გენერალური მდივანი მკაცრად გმობს რუსეთის სარაკეტო თავდასხმას ოდესაზე, რამაც გამოიწვია მშვიდობიანი მოსახლეობის დაღუპვა, დააზიანა იუნესკო-ს მიერ დაცული ფერისცვალების ტაძარი და სხვა ისტორიული შენობები, რომელიც მსოფლიო მემკვიდრეობის ძეგლია. ეს არის მორიგი თავდასხმა მსოფლიო მემკვიდრეობის კონვენციით დაცულ ტერიტორიაზე, რაც არღვევს 1954 წლის ჰააგის კონვენციას შეიარაღებული კონფლიქტის დროს კულტურული ფასეულობების დაცვის შესახებ“, – აღნიშნულია სტოლტენბერგის განცხადებაში. გენერალური მდივანი მოუწოდებს რუსეთის ფედერაციას, დაუყოვნებლივ შეწყვიტოს თავდასხმები კულტურულ საკუთრებაზე. „გენერალური მდივანი ასევე მოუწოდებს…

​ვოლოდიმირ ზელენსკის განცხადებით, რუსული მხარის მხრიდან ოდესაზე მიტანილი იერიშის შედეგად საბერძნეთის საკონსულოს შენობა დაზიანდა. მისივე ინფორმაციით, ოდესაში სალიკვიდაციო სამუშაოს თითქმის მთელი დღე დასჭირდა „შეტევის შედეგად დაზიანდა საბერძნეთის საკონსულოს შენობა. ეს არის მეორე საკონსულო დაწესებულება ოდესაში, რომელიც რუსული ტერორის შედეგად დაზიანდა. სამი დღის უკან მომხდარმა თავდასხმამ  ჩინეთის საკონსულოს შენობა დააზიანა”, – განაცხადა პრეზიდენტმა ზელენსკიმ. პრეზიდენტმა დაზიანებულ ტაძარზეც ისაუბრა და აღნიშნა, რომ მას რაკეტა მოხვდა. „წმინდა ფერისცვალების საკათედრო ტაძარს რუსული X-22 ტიპის ხომალდსაწინააღმდეგო რაკეტა მოხვდა. ეს არის უკრაინის ერთ-ერთი ყველაზე ძვირფასი ტაძარი. 1936 წელს ის გაძარცვეს და გაანადგურეს ბოლშევიკებმა. უკვე დამოუკიდებელ უკრაინაში ტაძარი…