დღე: ივლისი 2, 2023

საფრანგეთში მომიტინგეებმა პარიზის ერთ-ერთი გარეუბნის მერის სახლი დაარბიეს, მანქანას ცეცხლი წაუკიდეს, თავს დაესხნენ მის ცოლსა და მცირეწლოვან შვილებს, როდესაც ისინი გაქცევას ცდილობდნენ. ამის შესახებ „როიტერი“ წერს. მედიის ცნობით, პარიზის გარეუბნის მერი, ვინსენტ ჟანბრუნი შემთხვევის დროს სახლში არ იმყოფებოდა, ხოლო მის ცოლსა და შვილებს სახლში ეძინათ. „მათი გადარჩენის მცდელობისას და თავდამსხმელებისგან გაქცევისას, ჩემი მეუღლე და ჩემი ერთ-ერთი შვილი დაზარალდნენ“, – განაცხადა მერმა. ადგილობრივმა პროკურორმა ჟურნალისტებს განუცხადა, რომ გამოძიება მკვლელობის მცდელობის ფაქტზე დაიწყო. ეჭვმიტანილი ამ დრომდე არ არის დაკავებული. საფრანგეთში საპროტესტო გამოსვლები მას შემდეგ დაიწყო, რაც ცნობილი გახდა, რომ 27 ივნისს პარიზის გარეუბან…

მეტი...

უკრაინის პრეზიდენტი ვოლოდიმირ ზელენსკი საზღვაო ძალების დღეს ოდესაში ჩავიდა. როგორც უკრაინული მედია წერს, ზელენსკიმ უკრაინის შეიარაღებული ძალების საზღვაო ძალების მეთაურისგან შავ ზღვაში ოპერატიული ვითარების, ასევე საზღვაო ძალების თავდაცვის შესაძლებლობების შესახებ ინფორმაცია მოისმინა. მათ ასევე განიხილეს საზღვაო თვითმფრინავების პროგრამისა და სარაკეტო პროგრამის განვითარების შუალედური შედეგები და პერსპექტივები. პრეზიდენტმა ასევე მიულოცა სამხედრო-საზღვაო ძალების სამხედრო მოსამსახურეებს პროფესიული დღესასწაული. “რუსეთში ბევრს ეგონა, რომ შავი ზღვა მათი ძალაუფლების აკვატორია. მტერი იმედოვნებდა, რომ ჩვენი საზღვაო ძალები ვერ გაუძლებდნენ რუსეთის დარტყმებს. ჩვენი ჯარისკაცების გამბედაობამ და ოსტატობამ გაანადგურა მტრის ყველა იმედი”, – თქვა ზელენსკიმ.

მეტი...

ინდოეთში, ავტოსაგზაო შემთხვევის შედეგად, ავტობუსში ხანძარი გაჩნდა, დაიღუპა 25 და დაშავდა რვა ადამიანი. მედიის ინფორმაციით, შემთხვევა ინდოეთის დასავლეთ შტატ მაჰარაშტრაში, ჩქაროსნულ გზაზე მოხდა. პოლიციის წარმომადგენლების განცხადებით, მძღოლმა საჭეზე კონტროლი საბურავების მწყობრიდან გამოსვლის გამო დაკარგა, რის შემდეგაც ავტობუსი გზის გამყოფ ნაწილს შეეჯახა. შეჯახების შედეგად ავტობუსი ამოტრიალდა და ცეცხლი გაუჩნდა. პოლიციის თქმით, ავარიის მიზეზი სიჩქარის გადაჭარბება არ ყოფილა. „ავტობუსს, წინასწარი დასკვნის მიხედვით, პრობლემა არ ჰქონდა. თუმცა, როგორ მოხდა ავარია და ვისი დაუდევრობა იყო ეს, პოლიციის გამოძიების ნაწილია“, – აღნიშნა პოლიციის ოფიცერმა მედიასთან საუბრისას.

მეტი...

უკრაინის თავდაცვის ძალებმა ბახმუტის მიმართულებით უკრაინის ტერიტორიის რუსული ოკუპაციისგან გათავისუფლების კუთხით კვლავ წინსვლას მიაღწიეს, – ამის შესახებ უკრაინის შეიარაღებული ძალების აღმოსავლეთ სარდლობის პრესსპიკერმა, სერჰი ჩერევატიმ განაცხადა. „ბახმუტის მიმართულებით წინსვლა გვაქვს. ფლანგებზე მიმდინარეობს საბრძოლო სამუშაოები, მტერზე ზეწოლა ხორციელდება“, – განაცხადა ჩერევატიმ. მისი თქმით, გასული დღე-ღამის განმავლობაში ბახმუტის მიმართულებით 23 შეტაკება მოხდა, რა დროსაც უკრაინელმა დამცველებმა 116 რუსი სამხედრო გაანადგურეს, დაშავებულთა რაოდენობამ კი 199-ს მიაღწია.

მეტი...

გვიან ღამით უკრაინაში, ხერსონის ოლქზე რუსეთის თავდასხმის შედეგად 13 წლის ბავშვი დაშავდა. ინფორმაციას ოლქის სამხედრო ადმინისტრაციის პრესსსამსახურის უფროსი, ალექსანდრ ტოლოკონიკოვი, ავრცელებს. ტოლოკონიკოვის თქმით, ბავშვი საავადმყოფოში გადაიყვანეს და მის სიცოცხლეს ამჟამად საფრთხე არ ემუქრება. როგორც პრესსამსახურის უფროსი ამბობს, გასულ ღამეს ხერსონში ბევრი აფეთქება მოხდა. რუსეთის შეიარაღებულმა ძალებმა ღამით ბერისლავის რაიონის სოფელ მილოვეს შეუტიეს. ცნობისთვის, 1 ივლისს რუსეთის შეიარაღებული ძალები თავს დაესხა ხერსონის საცხოვრებელ უბნებსაც. თავდასხმისას ერთ-ერთი ჭურვი სახლს მოხვდა, რის შედეგადაც ორი მცირეწლოვანი დაშავდა.

მეტი...

საფრანგეთში, პოლიციელის მიერ 17 წლის ახალგაზრდის მკვლელობის გამო სამშაბათს დაწყებული საპროტესტო აქციები გრძელდება, ქალაქ მარსელში პოლიციასა და დემონსტრანტებს შორის შეტაკება მოხდა. მედიის ინფორმაციით, პოლიციამ ცრემლსადენ გაზი გამოიყენა და სულ მცირე 56 ადამიანი დააკავა. საპროტესტო აქციები გაიმართა პარიზში, ლილიში, ლიონში, ნიცასა და სტრასბურგში, სადაც სამართალდამცავებსა და დემონსტრანტებს შორის შეტაკებები მოხდა და ასობით ადამიანი დააკავეს. სიტუაციის გასაკონტროლებლად შაბათს ქვეყნის მასშტაბით 45 000 პოლიციელი იყო მობილიზებული. საფრანგეთის შინაგან საქმეთა სამინისტროს ინფორმაციით, წუხელ 486 ადამიანი დააკავეს. 1300-ზე მეტი ადამიანი დააკავეს პარასკევს ღამით, ხუთშაბათს კი – 900-ზე მეტი.

მეტი...

უკრაინის საგარეო საქმეთა მინისტრი, დმიტრო კულებამ გერმანიის მთავრობას მოუწოდებს, არ გაიმეოროს ყოფილი კანცლერის, ანგელა მერკელის შეცდომები უკრაინის ნატო-ში გაწევრიანება არ შეაფერხოს. „არ გაიმეოროთ ის შეცდომა, რომელიც კანცლერმა მერკელმა დაუშვა ბუქარესტში 2008 წელს, როდესაც მან სასტიკი წინააღმდეგობა გაუწია უკრაინის ნატო-ში გაწევრიანების გზაზე ნებისმიერ პროგრესს“, – აღნიშნა კულებამ. მისი თქმით, ალიანსის მაშინდელმა გადაწყვეტილებამ „გააღო კარი პუტინის საქართველოში შეჭრისა და ყირიმის უკანონო ანექსიისთვის“. ამასთან, უკრაინის საგარეო საქმეთა მინისტრი განმარტავს, რომ კიევი ომის დროს ნატო-ში მიღებას არ ელის. „მაგრამ ომის შემდეგ უკრაინის არმიღება ევროპისთვის თვითმკვლელობა იქნება. ევროპისა და მთლიანად ევროატლანტიკური სივრცის წინააღმდეგ რუსული აგრესიის კარის…

მეტი...

უცხოური მედიის ინფორმაციით, რუსეთში, “ვაგნერის” დაჯგუფების ხელმძღვანელის, ევგენი პრიგოჟინის ამბოხის დღეს პუტინი მეგობრის იახტაზე ისვენებდა. Дождь-ის ყოფილ მთავარ რედაქტორზე დაყრდნობით მედია წერს, რომ პუტინი სანქტ-პეტერბურგში, კურდამთავრებულთა დღესასწაულს არასდროს ტოვებს. თუმცა, წელს ფესტივალს ბიზნესმენ კოვალჩუკის იახტიდან უყურა. მედიის ცნობითვე, პრიგოჟინმა ამბოხის დღესვე განაცხადა, რომ პუტინი ფესტივალზე დასწრებას არ აპირებდა. შეგახსენებთ, ვაგნერის დაჯგუფებამ 24 ივნისს სამხედრო აჯანყება მოაწყო. სამხედროებმა , პროგოჟინის მეთაურობით ქვეყნის მასშტაბით რამდენიმე სტრატეგიული ობიექტი დაიკავეს და მოსკოვის მისადგომებთანაც მივიდნენ. ბოლოს, სამხედრო დაჯგუფებასა და ხელისუფლებას შორის მოლაპარაკება შედგა, რის შემდეგაც დაჯგუფების ლიდერმა უსაფრთხოების გარანტიები მიიღო და უკან დაიხია.

მეტი...