დღე: აგვისტო 12, 2023

ჩინეთში უამინდობის შედეგად დაღუპულთა რაოდენობა გაიზარდა. ადგილობრივი მედიის ცნობით, ქვეყნის ზოგიერთ რაიონში გადაუღებელი წვიმებია, ზოგში კი გვალვაა, რომელიც მოსავალს ანადგურებს. „ჩინეთის დასავლეთ ნაწილში, სიანის პროვინციაში, მეწყრის შედეგად დაიღუპა 2 ადამიანი, 12 უგზო-უკვლოდ დაკარგულად ითვლება. აღმოსავლეთ პროვინციებში თვის დაწყებიდან უამინდობის მსხვერპლი 29 ადამიანი გახდა“, – ნათქვამია გავრცელებულ ინფორმაციაში. არსებული ინფორმაციით, დღეს, უამინდობის გამო, ჩინეთის ჩრდილო-აღმოსავლეთის უმსხვილეს ქალაქში შენიანში, რიგ მარშრუტებზე მატარებლების მოძრაობაც შეწყდა.

მეტი...

ბათუმში ურთიერთშელაპარაკების ნიადაგზე ახალგაზრდა მამაკაცს ფეხისა და ხელის არეში დაზიანება მიაყენეს. მის სიცოცხლეს საფრთხე არ ემუქრება. არსებული ინფორმაციით, ახალგაზრდებს შორის ურთიერთშელაპარაკება, გუშინ, გონიოს ტერიტორიაზე მოხდა. შინაგან საქმეთა სამინისტროს ინფორმაციით, ფაქტზე გამოძიება სისხლის სამართლის კოდექსის 120-ე მუხლით მიმდინარეობს, რაც ჯანმრთელობის განზრახ მსუბუქ დაზიანებას გულისხმობს.

მეტი...

ბორჯომის მუნიციპალიტეტის სოფელ დაბასთან, ტყეში ხანძარი იყო. ინფორმაციას ამის შესახებ, ადგილობრივი გამოცემა სამხრეთის კარიბჭე ავრცელებს.  არსებული ინფორმაციით, ცეცხლი მეხის ჩამოვარდნის შედეგად გაჩნდა. საგანგებო სიტუაციების მართვის სამსახურის ცნობით, ცეცხლი დიდ მონაკვეთზე არ გავრცელებულა და მეხანძრეებმა მისი ლიკვიდირება შეძლეს. შემთხვევის შედეგად არავინ დაშავებულა.

მეტი...

სოფელ ვაყაში, მდინარე ჭერათხეულას კალაპოტის ნაწილი ჩახერგილია, რის გამოც წყალი შეგუბდა. მეწყერმა წაიღო სამანქანო გზაც. ადგილობრივები ამბობენ, რომ თუ მეწყრული პროცესები გაგრძელდა, დატბორვის საფრთხის წინაშე იქნებიან. მოსახლეობამ დახმარების თხოვნით მუნიციპალიტეტის მერიას მიმართა. ადგილზე ხელისუფლების წარმომადგენლები იმყოფებოდნენ, თუმცა პრობლემა ამ დრომდე მოუგვარებელია. “შიში გვაქვს, საიდან სად მოწყდა ის გზა, თითისტოლა ბავშვები დარბიან, ახლოსაა მოსახლეობა, სახლები. ყველამ შეიტყო, ყველამ გულთან მიიტანა, ტყუილად ვერ ვიტყვი ცოდვას, მაგრამ ფაქტი ფაქტად რჩება”, – ამბობს ერთ-ერთი ადგილობრივი.

მეტი...

მარნეული-სადახლის მიმართულებით, სამგზავრო მიკროავტობუსის მძღოლი გულის შეტევით გარდაიცვალა. სოფელ ხოჯერნში მცხოვრებმა 60 წლის ნარიმან ხუდიევმა მართვის დროს კონტროლი დაკარგა და მანქანა ბოძს შეეჯახა. მიკროავტობუსში მყოფ მგზავრებს მძიმე დაზიანებები არ აღენიშნებათ. ადგილზე მობილიზებული იყო სასწრაფო სამედიცინო დახმარების ჯგუფი და პოლიცია. გარდაცვლილის ცხედარი ექსპერტიზაზეა გადასვენებული.

მეტი...

ქუთაისში ქმარმა ცოლს ცივი იარაღით რამდენიმე ჭრილობა მიაყენა. ახალგაზრდა ქალი კლინიკაშია გადაყვანილი. დაჭრილის ჯანმრთელობის მდგომარეობის შესახებ ინფორმაცია ჯერჯერობით უცნობია. შსს-ს ინფორმაციით, ცხელ კვალზე დაკავებულია ერთი ადამიანი. სისხლის სამართლის საქმე 11 პრიმა 19-109 მუხლით არის აღძრული, რაც ოჯახის წევრის მიმართ მკვლელობის მცდელობას გულისხმობს.

მეტი...

შოვში მომხდარი სტიქიური უბედურების შედეგად დაღუპული და-ძმა, მეგი და გიგი გუტაშვილები, დღეს დაკრძალეს. სამოქალაქო პანაშვიდი ონის მუნიციპალიტეტის ცენტრში, ღვთისმშობლის სახელობის ეკლესიაში, მიმდინარეობდა. გარდაცვლილების ხსოვნის პატივსაცემად მათი მეგობრები, ნათესავები და რიგითი ადამიანები დილიდან მივიდნენ და კიდევ ერთხელ იხსენებდნენ შემზარავ ტრაგედიას. ადგილზე იმყოფებოდნენ ხელისუფლებისა და ოპოზიციის წარმომადგენლებიც.

მეტი...

სოციალური ქსელის მომხმარებელი თამარ რატიანი, ერთ-ერთ საჯარო ჯგუფში წერს: ,,გაიცანით შოვიდან მაშველი ზურა კალანდაძე. სასტუმროს მეოთხე სართულიდან გადმოვარდა. სასწრაფოდ ჩამოიყვანეს თბილისში ვერტმფრენით და მოათავსეს საავადმყოფოში. 2 საათი იწვა ხეჩინაშვილის კლინიკაში, ჩაუტარეს სამედიცინო პროცედურები, შემდეგ კი პალატა დატოვა და შოვში დაბრუნდა. დაკარგულებს ვეძებთ და აქ ვერ გავჩერდებიო. წარმოუდგენელია, არა? ასეთ გმირებზე დგას სამყარო დღეს და მადლობა მას. ფოტო ჩუმად გადავუღე. ღმერთმა დაგლოცოს! პოსტის ავტორია არაჩვეულებრივი პედაგოგი და ჩემი მედობარი სვეტლანა სინა”, – წერს თამარ რატიანი.

მეტი...

შოვის ტრაგედიის გამო უდედოდ დარჩენილ 4 წლის ლუსის ნიკო კვარაცხელიას ფონდი დაეხმარება. ამის შე­სა­ხებ სო­ცი­ა­ლურ ქსელ­ში ფერ­მერ­თა ასო­ცი­ა­ცი­ის თავ­მჯდო­მა­რე, ნიკოს ოჯა­ხის ახ­ლო­ბე­ლმა ნინო კვა­რა­ცხე­ლიამ დაწერა. “აგერ ნი­კოს და­ბა­დე­ბის დღეც დგე­ბა, მის გა­რე­შე მე­ო­რედ აღ­ვნიშ­ნავთ ამ დღეს ბრჭყვი­ა­ლა სი­ცო­ცხლით სავ­სე ბი­ჭის უსი­ცო­ცხლო და­ბა­დე­ბის დღეს! არა­ფე­რი დარ­ჩე­ნია ოჯახს და ჩვენ, ოჯა­ხის ახ­ლობ­ლებს მისი სა­ხე­ლით გა­ვა­კე­თოთ ის, რა­საც იგი აკე­თებ­და და გეგ­მავ­და, რომ გა­ე­კე­თე­ბი­ნა. ნი­კოს ფონ­დი ეხ­მა­რე­ბა ბა­თუ­მის ტრა­გე­დი­ის, მა­მე­ბის ამა­რა დარ­ჩე­ნი­ლი ბავ­შვებს. ახლა შო­ვის ტრა­გე­დი­ით უდე­დოდ დარ­ჩე­ნილ ლუ­სის და­ეხ­მა­რე­ბა, თუმ­ცა არც ახალ­გაზ­რდე­ბი, რომ­ლებ­საც თა­ნა­მედ­რო­ვე ტექ­ნო­ლო­გი­ე­ბის კუ­თხით უნ­დათ გან­ვი­თა­რე­ბა, არ იქ­ნე­ბი­ან უყუ­რა­დღე­ბოდ. მათ­თვის…

მეტი...

გარემოს ეროვნული სააგენტო უახლოესი დღეების ამინდის პროგნოზს აქვეყნებს. „11 აგვისტოს დღის ბოლოდან 13 აგვისტოს დილამდე მაღალი ტემპერატურის ფონზე დასავლეთ საქართველოს უმეტეს და აღმოსავლეთ საქართველოს ზოგიერთ რაიონში მოსალოდნელია წვიმა. დასავლეთ საქართველოს და აღმოსავლეთ საქართველოს, უპირატესად დასავლეთ რაიონებში ზოგან შესაძლებელია ძლიერი, ელჭექი და სეტყვა. მოსალოდნელმა ძლიერმა წვიმებმა საქართველოს მდინარეებზე შესაძლებელია წყლის დონეების მნიშვნელოვანი მატება, პატარა მდინარეებზე წყალმოვარდნები, ხოლო ქვეყნის მთიან ზონებში მეწყრულ-ღვარცოფული პროცესების ჩასახვა – გააქტიურება გამოიწვიოს”,  – წერია სააგენტოს მიერ გავრცელებულ ინფორმაციაში.

მეტი...

,,თუ ეკიპირება და ტექნიკა არ არსებობს, მხოლოდ მაშველების თავდადებაზე ვერ ვიქნებით”. ამის შესახებ სამაშველო სამსახურის ყოფილმა უფროსმა თემურ გიორგაძემ განაცხადა. ,,ეკიპირება და აღჭურვილობა ყოველთვის უნდა იყოს. ყველაფერი უნდა შექმნან საგანგებო სიტუაციებისთვის, რომ დროული რეაგირება მოხდეს. ეკიპირება, აღჭურვილობა და ტექნიკა თუ არ არსებობს მხოლოდ მეხანძრე მაშველების თავდადებაზე ვერ ვიქნებით. დროულად თუ არ მოხდა რეაგირება და შესაბამისი აღჭურვილობა თუ არ იქნება, ასე ადამიანების სიცოცხლის გადარჩენა უფრო ნაკლებად ხდება”, – ამბობს თემურ გიორგაძე.

მეტი...

ხადას ხეობაში ადგილობრივები შველას ითხოვენ. უძველესი სოფლიდან გასახლებულებს სახლ-კარის გარეშე დარჩენა ემუქრებათ. ადგილობრივები ამბობენ, რომ საერთაშორისო მაგისტრალის მშენებლობის გამო, სოფლიდან გაასახლეს, ახლა კი კოტეჯებს მთაზე აშენებენ, თუმცა ამის უფლებასაც აღარ აძლებენ. ,,გადითო და სად წავიდეთ, სად გავიდეთ? ვის შევეხიზნოთ? არც კოტეჯის ჩადგმის საშუალებას არ გვაძლევენ. რაც მოგვცეს იმ ადგილში 50 დოლარი ღირს აკვადრატება. რითი ავაშენოთ? ბლოკი და ცემენტი გვინდა. დაგვაკმაყოფილონ ადგილით. 88 წლის კაცი ვარ, აი აქ დავბერდი მე”, – ამბობს ადგილობრივი.

მეტი...

რუსთავში, კაცმა ყოფილი ცოლი დაჭრა. შემთხვევა ლეონიძის ქუჩაზე, ერთ-ერთ საცხოვრებელ კორპუსში მოხდა. ამის შესახებ ინფორმაციას, “ინფო რუსთავი” ავრცელებს. არსებული ინფორმაციით , 50 წლამდე კაცსა და 40 წლამდე ქალს შორის კამათი ეჭვიანობის ნიადაგზე დაიწყო, რასაც ჩხუბი მოჰყვა. ყოფილმა ქმარმა ცივი იარაღით ქალს სხეულის სხვადასხვა ადგილზე მრავლობითი ჭრილობები მიაყენა. ადგილზე მობილიზებული იყო კრიმინალური პოლიციისა და სასწრაფო სამედიცინო დახმარების ეკიპაჟები. დაჭრილი ქალი “კლინიკა რუსთავში” გადაიყვანეს, მის სიცოცხლეს საფრთხე არ ემუქრება. შსს-ს ინფორმაციით, სამართალდამცავებმა ბრალდებული კაცი ადგილზე დააკავეს. მომხდარზე მიმდინარეობს გამოძიება.

მეტი...