შოვის ტრაგედიის გამო უდედოდ დარჩენილ 4 წლის ლუსის ნიკო კვარაცხელიას ფონდი დაეხმარება. ამის შესახებ სოციალურ ქსელში ფერმერთა ასოციაციის თავმჯდომარე, ნიკოს ოჯახის ახლობელმა ნინო კვარაცხელიამ დაწერა.
“აგერ ნიკოს დაბადების დღეც დგება, მის გარეშე მეორედ აღვნიშნავთ ამ დღეს ბრჭყვიალა სიცოცხლით სავსე ბიჭის უსიცოცხლო დაბადების დღეს! არაფერი დარჩენია ოჯახს და ჩვენ, ოჯახის ახლობლებს მისი სახელით გავაკეთოთ ის, რასაც იგი აკეთებდა და გეგმავდა, რომ გაეკეთებინა. ნიკოს ფონდი ეხმარება ბათუმის ტრაგედიის, მამების ამარა დარჩენილი ბავშვებს.
ახლა შოვის ტრაგედიით უდედოდ დარჩენილ ლუსის დაეხმარება, თუმცა არც ახალგაზრდები, რომლებსაც თანამედროვე ტექნოლოგიების კუთხით უნდათ განვითარება, არ იქნებიან უყურადღებოდ. მათთვის Hack Days Georgia 2023 გაიმართება. ეს არასრული სიაა იმისა, რასაც ნიკო აკეთებს. გილოცავ დაბადების, დღეს ჩემო ბიჭო, სადაც ხარ!”, – წერს ოჯახის ახლობელი.
შეგახსენებთ, რომ შოვში სტიიქიის შემდეგ 23 წლის მარტოხელა დედას, სოფო ბაკურაძეს ეძებენ. ის შოვში კოტეჯებში მუშაობდა და მეწყრის დროსაც სწორედ იქ იმყოფებოდა.
