დღე: აგვისტო 21, 2023

რუსული მედიის ინფორმაციით, უკრაინელი ბავშვების გატაცების ერთ-ერთი თანამონაწილე, რამდენიმე რუსული საქველმოქმედო ორგანიზაციის ხელმძღვანელი და რუსეთის ფედერაციის საგანგებო სიტუაციების მინისტრის, ალექსანდრე კურენკოვის მეუღლე, ელენა მილსკაია შეიძლება იყოს. „კურენკოვი, რომელიც რუსეთის პრეზიდენტის, ვლადიმერ პუტინის ადიუტანტი იყო, მინისტრის თანამდებობაზე 2022 წლის მაისში დაინიშნა. ორი თვის შემდეგ მინისტრმა მეუღლის კუთვნილ „დაკარგული და დაზარებული ბავშვებისთვის დახმარების ეროვნულ სამონიტორინგო ცენტრთან“ შეთანხმება გააფორმა, რომლის შედეგად აღნიშნულმა ორგანიზაციამ პირდაპირი საბიუჯეტო დაფინანსება მიიღო 600 მლნ. რუბლის ოდენობით“, – ნათქვამია განცხადებაში. განცხადებაში ასევე აღნიშნულია, რომ ელენა მილსკაია და მისი ცენტრის „მოხალისეები“ ხერსონის ოლქიდან ოკუპირებულ ყირიმში და კრასნოდარის მხარეში უკრაინელი ბავშვების…

უკრაინის პრეზიდენტი, ვოლოდიმირ ზელენსკი საბერძნეთში ჩავიდა. „ვაგრძელებთ საბერძნეთში ვიზიტით. საბერძნეთის პრეზიდენტთან, კატარინა საკელაროპულოსთან, პრემიერ-მინისტრთან, კირაიკოს მიცოტაკისთან და ბერძნული დელეგაციის სხვა წევრებთან გველის შეხვედრა”, – განაცხადა ზელენსკიმ. მისივე თქმით, დღის წესრიგშია ყველაფერი ის, რაც ევროპულ საერთო სახლში ადამიანის სიცოცხლისა და თავისუფლების დაცვისთვის შეიძლება გაკეთდეს. ასევე ვიზიტის ფარგლებში უკრაინა-ბალკანეთის სამიტი ჩატარდება, კერძოდ საერთო შეხვედრა ბალკანეთის ქვეყნების ლიდერებთან, სადაც ევროპული და ევროატლანტიკური ინტეგრაციის, თავდაცვითი თანამშრომლობისა და უსაფრთხოების საკითხები იქნება განხილული. ასევე, ზელენსკი ევროკომისიის პრეზიდენტს ურსულა ფონ დერ ლაიენს შეხვდება.

თურქეთისა და რუსეთის პრეზიდენტების, რეჯეფ თაიფ ერდოღანისა და ვლადიმერ პუტინის შეხვედრა გაურკვეველი დროით, სულ მცირე სექტემბრამდე გადაიდო. ერდოღანი იმედოვნებს, რომ სექტემბერში პუტინთან შეხვედრას მოახერხებს და გეგმავს, რომ სხვა საკითხებთან ერთად, მასთან შავი ზღვის მარცვლეულის ინიციატივის მომავალზეც ისაუბროს. “სექტემბერში გაიმართება G20-ის შეხვედრა ინდოეთში და გაეროს გენერალური ასამბლეის შეხვედრა შეერთებულ შტატებში. თუ ასეთ დატვირთულ გრაფიკში მოვახერხეთ შეხვედრა, მე და პუტინი პირადად შევხვდებით”, – განაცხადა უნგრეთიდან თურქეთში დაბრუნებულმა ერდოღანმა მედიასთან. არსებული ინფორმაციით, შეხვედრის პოტენციური ადგილი მან არ დააკონკრეტა.  

რუსეთის თავდაცვის სამინისტროს ინფორმაციით, მოსკოვის რეგიონში ორი უპილოტო საფრენი აპარატი ჩამოაგდეს. უწყების ცნობით, ერთ დრონი  რუზსკის რაიონის პოკროვსკოეს დასახლებასთან, მეორე კი ისტრას რაიონის ტერიტორიაზე ჩამოვარდა. ერთ-ერთი დრონი კრემლის პროპაგანდისტის, მარგარიტა სიმონიანის სახლთან ჩამოვარდა. ,,ისტრას რაიონში ჩამოგდებული დრონი ჩვენს გვერდით ქუჩაზე დაეცა. ჩვენი საჰაერო თავდაცვის წყალობით, მსხვერპლისა და ნგრევის გარეშე”, – წერს სიმონიანი ტელეგრამზე. დრონებით თავდასხმა მოსკოვის მახლობლად