დღე: აგვისტო 4, 2023

გარემოს დაცვის ეროვნული სააგენტოს ყოველწლიურ ანგარიშში გაწერილია სხვადასხვა რეგიონში არსებული გეოლოგიური ვითარება, რისკები და რეკომენდაციები. 2022 წლის დოკუმენტში წერია, რომ რაჭა და კონკრეტულად, შოვი სახიფათო ტერიტორიას წარმოადგენს და ღვარცოფული პროცესების ალბათობა უკიდურესად მაღალია. არსებული ინფორმაციით, ერთ-ერთი მთავარი პრობლემა უკონტროლო და აქტიური მშენებლობებია ღვარცოფული მდინარის პირას, როდესაც  ხშირ შემთხვევაში არ არის გათვალისწინებული გეოლოგიური დასკვნები.

სომხეთის პრემიერ-მინისტრი ნიკოლ ფაშინიანი უსამძიმრებს ქართველ ხალხს, რაჭაში მომხდარი სტიქიური უბედურების გამო, რომელსაც მსხვერპლი მოჰყვა. „შოკირებული ვარ სტიქიური უბედურებით, რომელმაც რაჭაში ადამიანთა სიცოცხლე იმსხვერპლა და ნგრევა გამოიწვია. სომეხი ხალხისა და სომხეთის მთავრობის სახელით, ასევე პირადად ჩემი სახელით თანაგრძნობას და თანადგომას გიცხადებთ თქვენ და მოძმე ქართველ ხალხს. გარდაცვლილთა ოჯახებსა და ახლობლებს ვუსურვებ მხნეობას და სულის სიმტკიცეს, დაშავებულებს კი – სწრაფ გამოჯანმრთელებას. ამ რთულ მომენტში ვიზიარებთ მოძმე ქართველი ხალხის ღრმა მწუხარებას“, – აღნიშნულია ნიკოლ ფაშინიანის სამძიმრის წერილში. შოვში მეწყერი 3 აგვისტოს ჩამოწვა. ამ დროისთვის არსებული ოფიციალური მონაცემებით, სტიქიის შედეგად 11 ადამიანია დაღუპული.

საგანგებო სიტუაციების მართვის სამსახურის უფროსის თქმით, დაკარგული ადამიანების ოჯახის წევრებს ვერტმფრენის სტიქიის ზონაში შეყვანა შესთავაზეს, რათა “თვითონ დარწმუნდნენ და ნახონ რამდენად რთულ პირობებში გვიწევს სამაშველო სამუშაოების ჩატარება”. ,,როგორც იცით დღეს, პრემიერ-მინისტრი იმყოფებოდა, ჩატარდა საგანგებო თათბირი, სადაც დამატებით განისაზღვრა ამოცანები, რაც ხვალიდან დამატებითი ძალების მობილიზებას გულისხმობს. დამატებით თავდაცვის სამინისტროს 200-მდე თანამშრომელი იქნება ჩართული. ემატება მძიმე ტექნიკაც. დღეს, დღის განმავლობაში მოხდა მდინარის მარჯვენა მხარეს ტექნიკის გადაყვანა და მიმდინარეობს გარკვეული სამუშაოები, რომ ახლოს მივიდეთ კონკრეტულ ლოკაციებამდე”, – განაცხადა თემურ მღებრიშვილმა. მისი თქმით, 11 გარდაცვლილი გადასვენებულია პროზექტურაში.

შოვში, სტიქიის ზონასთან, სასულიერო პირები ჩავიდნენ. ისინი დაკარგულების ოჯახის წევრებს ამხნევებენ. შეგახსენებთ, რომ ტრაგედია რაჭაში გუშინ დატრიალდა. შოვში ადიდებულმა მდინარემ სამანქანო ხიდი წაიღო, განადგურებულია ტყის მასივი. ოფიციალური ინფორმაციით, სტიქიას 11 ადამიანის სიცოცხლე ემსხვერპლა. სტიქიის ზონიდან, ჯამში 210 ადამიანია გამოყვანილი.

სტიქიის ზონაში ტეტანუსის აცრის მობილური პუნქტები განთავსდა. ამის შესახებ ინფორმაციას, საქართველოს წითელი ჯვარი ავრცელებს. „ყველა დაზარალებულმა ან მოხალისემ, რომელიც იმყოფება ან ასრულებს ფიზიკურ სამუშაოს სტიქიის უბნებში, ნებისმიერი, თუნდაც მცირე ზომის ჭრილობის ან მეწყრულ მასასთან შემხებლობის შემთხვევაშიც კი, უნდა მიმართოს დაავადებათა კონტროლის ტეტანუსის აცრის მობილურ პუნქტს. აცრის პუნქტი განთავსებულია შოვში, დამეწყრილი ზონიდან 100 მეტრის რადიუსში და იფუნქციონირებს 10:00-18:00 საათებში მანამ, სანამ მიმდინარეობს საძიებო სამუშაოები. დამატებითი დეტალებისთვის გთხოვთ, მოგვმართოთ წითელი ჯვრის ცხელ ხაზზე:  032 2 501 105ან დაუკავშირდით დაავადებათა კონტროლის ადგილობრივ წარმომადგენლებს:  599 93 11 92 – ნონა ბაკურაძე  599 17 14…

სტიქიის ზონაში სამ გოგოს ეძებენ. გვანცა ბუბაშვილი, სალომე ხეთაგური, ნინო კენჭაძე რაჭაში იმყოფებოდნენ. სტიქიის შემდეგ კი ვეღარ ეკონტაქტებიან. დაკარგული გოგონების ახლობელი სოციალურ ქსელში მიმართვას ავრცელებს. ,,გადამიზიარეთ გევედრებით! მეგობრებოოო, მეგობრებოო! შოვში დაიკარგნენ ბავშვებიი! სამი მეგობარი გოგონა! გვანცა ბუბაშვილი, სალომე ხეთაგური და ნინო კენჭაძე. ისინი მანქანით იყვნენ ჩასულები რაჭაში. იქნებ გაქვთ ვინმეს რაიმე ინფორმაცია! გთხოვთ მომწერეთ. გადამიზიარეთ პოსტი მეგობრებოოო!”, – წერს სოციალურ ქსელში ია მინდაძე ასათიანი.

შოვში, სტიქიის ზონაში, მეორე დღეა, ადამიანები, მეწყრისა და ღვარცოფის შემდეგ, მშობლებს, შვილებს, და-ძმებს, ნათესავებსა და მეგობრებს ეძებენ. რადიო თავისუფლება წერს, რომ 23 დაკარგული ადამიანის ვინაობა დაადგინა. დაკარგულთა შორის არიან თემურ ჩარკვიანი და ნიკა ჩალაძე. დეიდაშვილები სოფელ ლაგვანთიდან. ეს სოფელი შოვიდან მანქანით დაახლოებით ნახევარი საათის სავალზეა. ბოლოს მათ გუშინ დილით ელაპარაკნენ ტელეფონით. ოჯახი ეძებს ქეთევან ლობჟანიძეს, რომელიც, მისი ქმრის ბიძაშვილის ცნობით, “სანსეტ შოვის” ტერიტორიაზე იმყოფებოდა. ზაზა მესხი, მისი მეუღლე და სამი შვილი – ჯერაც ეძებენ ზაზა მესხსა და მის მეუღლეს 3 შვილთან ერთად. ოჯახი, რომელიც ჰოლანდიაში ცხოვრობს, ორშაბათიდან ისვენებდა უწერაში, – სოფელში, რომელიც შოვიდან დაახლოებით 25…

სტიქიის ზონაში ჯარის შეყვანა დაიწყო. სამხედროები სამძებრო-სამაშველო სამუშაოებში მიიღებენ მონაწილეობას. გადაწყვეტილება ამის თაობაზე დღეს, ონში ჩასულმა ხელისუფლების პირველმა პირებმა მიიღეს. შეგახსენებთ, რომ შოვში სამძებრო სამუშაოებში 400 მაშველი და მოხალისეები არიან ჩართული. ამ დროისათვის 25 ადამიანი ითვლება დაკარგულად, რომლებსაც ვერ უკავშირდებიან. მათ შორის, ბავშვებიც. დაღუპულია 11.

„ძალიან მძიმე ტრაგედია დატრიალდა რაჭაში, ვუსამძიმრებ დაღუპულთა ოჯახის წევრებს, სრულიად საქართველოს. უშუალოდ სტიქიის ეპიცენტრსა და ონში, მობილიზებულები არიან სამედიცინო ეკიპაჟები, სხვადასხვა კვალიფიკაციისა და მიმართულების ექიმები. ისინი სამედიცინო მომსახურებას უწევენ როგორც სტიქიის ზონიდან გამოყვანილ ადამიანებს, ისე – დაკარგულთა ოჯახის წევრებს“. ამის შესახებ ჯანდაცვის მინისტრმა, ზურაბ აზარაშვილმა განაცხადა, რომელიც სტიქიის ზონაში იმყოფება. მისი თქმით, ვერტმფრენის საშუალებით, დიდი სამაშველო სამუშაოები ჩატარდა და სტიქიის ზონიდან, უსაფრთხო ადგილზე, 210 ადამიანია გამოყვანილი. „არც ერთი მათგანის ჯანმრთელობას საფრთხე არ ემუქრება. მხოლოდ რამდენიმეს ჰქონდა ისეთი მცირე დაზიანებები, რომ სამედიცინო დაწესებულებაში გადაყვანა არ დასჭირდათ. სტიქიის ზონაში მობილიზებულ ჯგუფებს კიდევ…

ჯანდაცვის მინისტრის, ზურაბ აზარაშვილის განცხადებით, დაკარგულ მოქალაქეებს შორის ბავშვებიც არიან. მინისტრის ინფორმაციით, მიმდინარეობს 25 ადამიანის ძებნის პროცესი. ,,ამ ეტაპისთვის 11 გარდაცვლილია, 25 ადამიანს ეძებენ. ნაწილი ამოცნობილია, რა ინფორმაციაც მე მაქვს, მაგრამ ყველა არა. დაკარგულებში, სამწუხაროდ, ბავშვები არიან,“ – აცხადებს მინისტრი. შეგახსენებეთ, ბოლო მონაცემებით, რაჭაში, შოვში ჩამოწოლილ მეწყერის შედეგად 11 ადამიანია გარდაცვლილი.

სოციალურ ქსელში სტიქიის ზონიდან უმძიმესი კადრები ვრცელდება. როგორც გავრცელებული ვიდეოდან ირკვევა ერთ-ერთი მოქალაქე სავარაუდოდ, 112-ის თანამშრომელს ესაუბრება, რომელმაც ადგილობრივებთან და მაშველებთან ერთად მეწყრული ზონიდან ცხედრები ამოასვენა. ,,დილით 6 საათზე სამაშველოსთან ერთად ვიპოვეთ მიცვალებულები, ამოვასვენეთ და ვერტმფრენს ველოდებით. სამაშველოსთან ერთად ამოვასვენეთ, ვერტმფრენი უნდა მოსულიყო და გადაეყვანათ და ისევ აქ დაგვხვდნენ. მზის გულზე, მიცვალებულები პარკებში გახვეულები არიან დატოვებულები უპატრონოდ, არ უნდა გადაასვენოთ? ხალხი ელოდება, დილით 7 საათზე ამოვასვენეთ და ახლა სამი საათია, ამდენი ხანი უნდა ვერტმფრენის მოსვლას, რომ გადაასვენოს?“, – ამბობს ერთ-ერთი მოქალაქე.

ხობის მუნიციპალიტეტის სოფელ ჭალადიდში ავტოსაგზაო შემთხვევის  25 წლის ახალგაზრდა კაცი ემსხვერპა. ამის შესახებ ინფორმაციას ”პრაიმტაიმი” ავრცელებს. მათივე ცნობით, მამაკაცი მსუბუქი ავტომობილით გადაადგილდებოდა, რა დროსაც მას სავალ გზაზე ცხენი გადმოუხტა. შემთხვევა წუხელ გვიან ღამით მოხდა.

დაუდასტურებელი ინფორმაციით, შოვში ცოცხლად გადარჩენილი და-ძმა იპოვეს. ამის შესახებ ინფორმაციას “ბათუმელები” ავრცელებს. გამოცემის ინფორმაციით,  ჯერჯერობით მათი ვინაობა უცნობია. ცნობისთვის, რაჭაში, შოვში ჩამოწოლილ მეწყერის შედეგად გარდაცვლილთა რიცხვი 11-მდე გაიზარდა.

რაჭაში, შოვში ჩამოწოლილ მეწყერის შედეგად გარდაცვლილთა რიცხვი 11-მდე გაიზარდა. ამის შესახებ ინფორმაცია, რამდენიმე წუთის წინ, ჯანდაცვის მინისტრმა დაადასტურა. შეგახსენებთ, მეწყერი შოვში გუშინ, 3 აგვისტოს ჩამოწვა. ადგილზე სამაშველო სამუშაოები მეორე დღეა მიმდინარეობს.

შოვში, სტიქიის ზონაში დაკარგულ ოჯახს ეძებენ. გავრცელებული ინფორმაციით, სტიქიის დროს ოჯახის სამი წევრი დედა და და-ძმა, კოტეჯების ტერიტორიაზე იმყოფებოდნენ. ცნობისთვის, რაჭაში, შოვში ჩამოწოლილ მეწყერის შედეგად გარდაცვლილთა რიცხვი 7-მდე გაიზარდა. ამაშველო ოპერაცია ამ დრომდე გრძელდება.

შოვში განვითარებული მოვლენების გამო, საქართველოს პრემიერ-მინისტრის გადაწყვეტილებით, ორშაბათი, 7 აგვისტო გლოვის დღედ გამოცხადდა. „დღეს და შაბათ-კვირას აქტიურად გაგრძელდება მუშაობა და ჩვენი გადაწყვეტილებით, გლოვის დღედ გამოცხადდება ორშაბათი“, – განაცხადა პრემიერმა. ბოლო მონაცემებით, რაჭაში, შოვში ჩამოწოლილ მეწყერის შედეგად გარდაცვლილთა რიცხვი 7-მდე გაიზარდა.

სტიქიის ზონაში, ახალგაზრდა ქალის ცხედარი იპოვეს. ამის შესახებ ინფორმაციას ”მთის ამბები” ავრცელებს. სტიქიის შედეგად დაღუპული ახალგაზრდა ქალის ცხედარი მდინარე ჭანჭახის კალაპოტში ადგილობრივმა მცხოვრებლებმა იპოვეს. მაშველებმა ქალი სასაზღვრო პოლიციის ვერტმფრენის დახმარებით ამოიყვანეს.