დღე: აგვისტო 1, 2023

უკრაინის პრეზიდენტის ადმინისტრაციის მრჩეველის, მიხაილო პოდოლიაკის განცხადებით, ომი სულ მალე გადაინაცვლებს ავტორთა ტერიტორიაზე. ,,მოსკოვი სწრაფად ეჩვევა სრულმასშტაბიან ომს და ეს ომი სულ მალე გადაინაცვლებს ავტორთა ტერიტორიაზე. ყველაფერი, რაც მოხდება რუსეთში, არის ობიექტური ისტორიული პროცესი. მეტი ამოუცნობი დრონი, მეტი კოლაფსი, მეტი სამოქალაქო კონფლიქტი, მეტი ომი,”- წერს პოდოლიაკი.  

უკრაინის პრეზიდენტი, ვოლოდიმირ ზელენსკი ყოველდღიური ვიდეომიმართვისას, რუსეთის მიერ, უკრაინის ქალაქ კრივოი როგზე თავდასხმას გამოეხმაურა. მისი თქმით, მიუხედავად იმისა, რომ რუსეთი ცდილობს დააშანტაჟოს მთელი მსოფლიო, ყველა ადამიანის კოლექტიური სიძლიერე საკმარისია ბოროტების დასაძლევად. ,,ეს იყო ისკანდერის ორი რაკეტა, ბალისტიკური რაკეტები საცხოვრებელი კორპუსების წინააღმდეგ. სამხედრო ცნობით, ისინი კრივი რიჰის მიმართულებით, დროებით ოკუპირებული ყირიმიდან, ჯანკოეს რაიონიდან გაუშვეს. ეს კიდევ ერთხელ ადასტურებს, რომ ჩვენი ქალაქების უსაფრთხოებისთვის, უკრაინელებისთვის, ჩვენი ბავშვების ნორმალური ცხოვრების დაცვისთვის საჭიროა, ჩვენს სამხედროებს შორს მოქმედი იარაღი და საკმარისი საშუალებები ჰქონდეთ ტერორისტების გასანადგურებლად. მიუხედავად იმისა, რომ რუსეთი ცდილობს დააშანტაჟოს მთელი მსოფლიო, ყველა ადამიანის კოლექტიური…

მოსკოვზე დრონებით თავდასხმის საფრთხე აშკარაა, მიიღება ზომები, – ამის შესახებ კრემლის პრესმდივანმა, დიმიტრი პესკოვმა განაცხადა. პესკოვი მოსკოვზე უპილოტო საფრენი აპარატებით განხორციელებული ბოლო იერიშს გამოეხმაურა. ჟურნალისტებმა მას ჰკითხეს, რა დასკვნებს აკეთებს კრემლი დრონების თავდასხმებისგან დედაქალაქის უსაფრთხოებაზე და რა შემთხვევაში იქნება საჭირო უსაფრთხოების ზომების გაძლიერება. „გუშინ ვთქვი, რომ, ექსპერტული თვალსაზრისით, ამაზე კომენტარის გაკეთება შეუძლიათ და უნდა გააკეთონ მხოლოდ სამხედროებმა. საფრთხე ნამდვილად არსებობს, ის აშკარაა, ზომები მიიღება“, – განაცხადა პესკოვმა. დრონებით თავდასხმა მოსკოვზე – დრონი ერთ-ერთ ცათამბრჯენს დაეჯახა

რუსეთის ძალებმა ხერსონის ცენტრი დაბომბეს. იერიშის შედეგად დაზიანდა სამედიცინო დაწესებულება, ასევე დაიღუპა ექიმი, ექთანი კი დაშავდა. „დარტყმა განხორციელდა ერთ-ერთ სამედიცინო დაწესებულებაზე, რის შედეგადაც დაიღუპა ახალგაზრდა ექიმი, რომელიც სულ რამდენიმე დღე მუშაობდა თანამდებობაზე, დაშავებულია მედდა, რომლის სიცოცხლისთვისაც ჩვენი მედიკოსები იბრძვიან“, – განაცხადა  სამხედრო საქალაქო ადმინისტრაციის უფროსი რომან მროჩკომ.  

აშშ-მა უნგრეთს უვიზო რეჟიმის წესები გაუმკაცრა.  შეერთებულმა შტატებმა განაცხადა, რომ შეზღუდავს უნგრელებს წვდომას უვიზო რეჟიმის გაუქმების პროგრამაზე, იმის გამო, რომ უცხო ქვეყნის მოქალაქეებმა გამოიყენეს თაღლითურად მოპოვებული პასპორტები ქვეყანაში შესასვლელად. უნგრეთში აშშ-ის საელჩოს ცნობით, უნგრელები შეძლებენ ქვეყანაში შესვლას მხოლოდ ერთხელ, ერთი წლის განმავლობაში ონლაინ სკრინინგის პროცესის შემდეგ, რომელიც უვიზო მიმოსვლის საშუალებას იძლევა. ,,ეს არის სამწუხარო გადაწყვეტილება უნგრეთის მთავრობის უმოქმედობის საპასუხოდ, რომ უპასუხოს უსაფრთხოების სერიოზულ შეშფოთებას, რომელსაც ჩვენ მრავალი წლის განმავლობაში და მრავალ ადმინისტრაციაზე ვიყენებდით,” – განაცხადა აშშ-ის ელჩმა უნგრეთში დევიდ პრესმანმა. აშშ-ის საშინაო უსაფრთხოების დეპარტამენტის 2018 წლის ანგარიშით, დაახლოებით 700-მა არაუნგრელმა თაღლითური გზით…

ბელარუსში „ვაგნერის“ მებრძოლების ყოფნა ქმნის უსაფრთხოების რისკებს, რისთვისაც ლიეტუვა მზად უნდა იყოს, – ამის შესახებ ლიეტუვის საგარეო საქმეთა მინისტრმა, გაბრიელიუს ლანდსბერგისმა განაცხადა. მისი  თქმით, „ვაგნერის“ გადაადგილება აჩვენებს, რომ მოვლენები მოულოდნელად იცვლება. ,,ეს ორი არასტაბილური სახელმწიფოა და ძნელი სათქმელია, რამდენად აკონტროლებენ ამ კერძო ჯარებს და რისი გაკეთება შეუძლიათ მათ. პირველი გზავნილი ძალიან მკაფიოდ უნდა ჩამოვაყალიბოთ: ეს არის დაუცველობის ფაქტორი და მეორე – ამისთვის მზად უნდა ვიყოთ. ბელარუსში „ვაგნერის“ დაქირავებული ჯარისკაცების განლაგების გამო შიში კი არ არის საჭირო, არამედ შესაძლო საფრთხეებისთვის მომზადება და სამხედრო შესაძლებლობების გაძლიერება“, – განაცხადა ლანდსბერგისმა.

”ბიბისის” ინფორმაციით, წაყენებული ბრალდებების მიუხედავად, დონალდ ტრამპის რეიტინგი გაიზარდა. მათივე ცნობით, 31 ივლისის სოციოლოგიური კვლევის საშუალო შედეგები აჩვენებს, რომ ტრამპი 37% -ით უსწრებს თავის მთავარ მეტოქეს რესპუბლიკური პარტიიდან, რონ დესანტისს.  ყოფილ პრეზიდენტს მხარს გამოკითხულთა 54% უჭერს, მის მთავარ მოწინააღმდეგეს, რონ დესანტისს კი – 17%. რესპუბლიკური პარტიის პრეზიდენტობის სხვა კანდიდატებიდან, არც ერთს აქვს 6%-ზე მაღალი მხარდაჭერა. „ბიბისის” განმარტებით, თებერვლის შუა რიცხვებში დონალდ ტრამპის რონ დესანტისს 2%-ით უსწრებდა (41% და 39%). რესპუბლიკელთა შიდაპარტიული არჩევნები 2024 წლის იანვარშია დაგეგმილი.