დღე: აგვისტო 19, 2023

შოვში სტიქიის შედეგად დაღუპული 27 პირიდან 25 უკვე იდენტიფიცირებულია. მაშველები, ჯარი და პოლიცია ერთობლივი ძალებით და მძიმე ტექნიკით, უკვე მე-17 დღეა სტიქიის ეპიცენტრში მუშაობენ. სამძებრო სამუშაოები მიმდინარეობს როგორც უკვე გადამოწმებულ ტერიტორიაზე, ასევე მდინარეების კალაპოტებში, ეპიცენტრიდან დაახლოებით 60 კილომეტრზე. არსებობს ვარაუდი, რომ დაკარგულებს შესაძლოა შლამში ან მდინარეების კალაპოტებში მიაკვლიონ.

51 წლის ასაკში, ტრაგიკულად დაიღუპა გარემოსდაცვითი არასამთავრობო ორგანიზაციების ქსელის (CENN) აღმასრულებელი დირექტორი, ნანა ჯანაშია. ოჯახის ახლობელი მედიას ეუბნება, რომ ჯანაშია მეხის ჩამოვარდნის გამო დაიღუპა. ის ოჯახთან ერთად დომინიკელთა რესპუბლიკაში, ლას გალერასში ისვენებდა. “ნანა და მისი ოჯახი შვებულებას ლას გალერასში, მეგობრის ოჯახთან ერთად ატარებდა. 17 აგვისტოს საღამოს ის მეხის ჩამოვარდნის გამო ადგილზე გარდაიცვალა, როცა მისი ქმარ-შვილისგან მოშორებით, სულ რამდენიმე მეტრში იმყოფებოდა. ჩვენ დავკარგეთ დედა, ცოლი და ქალი, რომელიც უკეთეს მსოფლიოზე ოცნებობდა”, – ეუბნება “რადიო თავისუფლებას” ოჯახის ახლობელი. ცნობისთვის, ნანა ჯანაშიამ კავკასიის გარემოსდაცვითი არასამთავრობო ორგანიზაციების ქსელი (CENN) 1998 წელს დააფუძნა.

წალენჯიხის მუნიციპალიტეტის სოფელ მიქავაში ავტოსაგზაო შემთხვევას ერთი ადამიანი ემსხვერპლა. მოპედის მძღოლი საკუთარი სავალი გზიდან საპირისპირო მხარეს გადავიდა, რა დროსაც მსუბუქ მანქანას შეეჯახა. 55 წლის კაცი ადგილზე დაიღუპა. შსს-ს ინფორმაციით, მომხდარზე გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.

“ზაზა მესხის ერთ-ერთი შვილის დაღუპვა დადასტურდა”. ინფორმაციას ამის შესახებ მესხის ყოფილი ცოლი სოციალურ ქსელში ავრცელებს და წერს, რომ ცხედარი დნმ-ის ანალიზის საფუძველზე ამოიცნეს. “დნმ-ანალიზით დადასტურდა ჩემი და ზაზა მესხის შვილის ცხედარი. ტანსაცმლის, სიმაღლის და კბილების მიხედვით პოლიციასთან ერთად დავასკვენით, რომ ეს უნდა იყოს ჩემი ორი დაკარგული ბიჭებისგან უფროსი. მშვიდობით განისვენოს. და მინდა გავიმეორო ჩემთვის მნიშვნელოვანი თხოვნა: გთხოვთ, არ გააზიაროთ ბავშვების სახელები სოციალურ ქსელებში”, – წერს დედა შეგახსენებთ, რომ ზაზა მესხი შოვში ოჯახთან ერთად ისვენებდა. მისი მეუღლის,  ალინა პოლიკოვსკას ცხედარი მაშველებმა 5 აგვისტოს იპოვეს. ამ დრომდე ეძებენ ზაზა მესხს, მის არასრულწლოვან შვილსა და…

თბილისში კუკიის სასაფლაოს მიმდებარედ ხანძარია. ცეცხლი სასაფლაოს მიმდებარედ ფერდზე გაჩნდა. არსებული ინფორმაციით, ხანძარი ჯერ ტყის საფარზე არ გავრცელებულა. დამატებითი დეტალები ჯერჯერობით უცნობია.

რუსთავში, ჰაერის დაბინძურების გამო, მოქალაქეებმა გარემოს დაცვის სამინისტროს სასამართლოში უჩივლეს. რუსთავის მცხოვრებლები უწყების არაეფექტური მუშაობის შედეგად ჯანმრთელობაზე მიყენებული ზიანის კომპენსაციას ითხოვენ. საქმის წარმოება უკვე არსებითი განხილვის ეტაპზეა გადასული. ადგილობრივების ინფორმაციით, საკანონმდებლო მოთხოვნის მიუხედავად, საწარმოები ფილტრებს არ აყენებენ, ხოლო სამინისტროს მონიტორინგი მხოლოდ ფორმალური ხასიათისაა. დაბინძურებული ჰაერი ზიანს მოქალაქეების ფიზიკურ და მენტალურ ჯანმრთელობას აყენებს. “სარჩელი ძირითადად წაყვანილია მენტალური ჯანმრთელობის კუთხით, რაც ძალიან მნიშვნელოვანია. აქ მცხოვრები ადამიანები მუდმივად ვნერვიულობთ, რომ ჩვენს ძვირფას ადამიანებს, ჩვენს ჯანმრთელობას ადგება ზიანი. მათ შორის, სიმსივნეების კუთხით, შეიძლება იყოს ალერგიები და სხვადასხვა დაავადება, რომელსაც იწვევს ჰაერის დაბინძურება”, – აცხადებს…

ქუთაისში სამოქალაქო აქტივისტები აღმაშენებლის ქუჩაზე არსებული მწვანე სექტორის განადგურებას აპროტესტებენ. არსებული ინფორმაციით, ბალახვანში, 100-საფეხურიან კიბესთან მდებარე ფერდზე, სადაც კედრის ჯიშის ხეები იყო გაშენებული, გაჩეხილია. არასამთავრობა ორგანიზაცია “ევროპა ჩვენი სახლიას” წარმომადგენლები მწვანე სექტორის განადგურებას ვანდალიზმად მიიჩნევენ და პასუხისმგებელი პირების დასჯას მოითხოვენ. ასევე, ამბობენ, რომ გაჩეხის შემდეგ ეროზიის რისკების გათვალისწინებით, ფერდის მდგრადობა კითხვის ნიშნის ქვეშ დგას.

გორში გურამიშვილის ქუჩაზე გარემოვაჭრეებს ვაჭრობა აუკრძალეს, რასაც დაპირისპირება მოჰყვა. მათ დახლების გაშლის უფლებას მუნიციპალური ინსპექციის თანამშრომლები არ აძლევდნენ. არსებული ინფორმაციით, რამდენიმე ადამიანს სასწრაფო დახმარება დასჭირდა. თვითდასაქმებულების პროტესტის გამო, ადგილზე პოლიციის გამოძახებაც გახდა საჭირო. “რომ მოვედი არ გამაშლევინეს ტავარი, აიკრძალა სულ ყველაფერი, დღეიდან ვერ ივაჭრებთო. მუნიციპალიტეტის თანამშრომლები იდგნენ. ერთი 50 კაცი დამხვდა, არ გამომატანინეს. ჩემმა მოვაჭრეებმა გამოიტანეს კიდე სეტკები და არ დანებდნენ. მოიყვანეს მანქანა და მთელი სეტკები და მაგიდები შეაყარეს. თუ გაშლით, ტავარსაც წაგართმევთო”, – აცხადებს ერთ-ერთი გარემოვაჭრე.

ელენე ნავერიანის ფილმმა “შაშვი, შაშვი, მაყვალი”, სარაევოს 29-ე საერთაშორისო კინოფესტივალზე საუკეთესო სრულმეტრაჟიანი მხატვრული ფილმის კატეგორიაში გაიმარჯვა. ფილმი თამთა მელაშვილის რომანის მიხედვით არის გადაღებული. ფილმის მთავარი როლის შემსრულებელმა ეკა ჩავლეიშვილმა კი ქალის მთავარი როლის საუკეთესო შესრულებისთვის მიიღო ჯილდო. ფესტივალს ფილმის გადამღები ჯგუფის ოთხი წევრი ელენე ნავერიანი, ეკა ჩავლეიშვილი, ქეთი დანელია და შვეიცარიელი პროდიუსერი ესწრებოდა. ცნობისთვის, სარაევოს საერთაშორისო კინოფესტივალი 1995 წელს დაფუძნდა და სამხრეთ ევროპის ერთ-ერთი ყველაზე გავლენიანი ფესტივალია.

შინაგან საქმეთა სამინისტრომ ნარკოდანაშაულისთვის უცხო ქვეყნის 3 მოქალაქე დააკავა. განსაკუთრებით დიდი ოდენობით ნარკოტიკული საშუალების უკანონო შეძენა-შენახვისა და საქართველოში უკანონოდ შემოტანის ბრალდებით, დაკავებულები არიან ,უცხო ქვეყნის მოქალაქეები: 1993 წელს დაბადებული ა.მ., 1985 წელს დაბადებული ს.ტ. და 1987 წელს დაბადებული, მ.ლ. დანაშაული 20 წლამდე ან უვადო თავისუფლების აღკვეთას ითვალისწინებს. პოლიციამ დაკავებულების პირადი ჩხრეკის შედეგად, სხვადასხვა სახის ნარკოტიკული საშუალებები ნივთმტკიცებად ამოიღეს. სამართალდამცველებმა ა.მ. თბილისის საერთაშორისო აეროპორტში დააკავეს. მისი პირადი ჩხრეკის შედეგად, 125 შეკვრად დაფასოებული – 1 კილო და 352 გრამი ნარკოტიკული საშუალება „კოკაინი“-ს შემცველი ნივთიერება ნივთმტკიცებადაა ამოღებული. ს.ტ.-სგან კი 50 გრამამდე ოდენობის ნარკოტიკული…