დღე: აგვისტო 27, 2023

გეოლოგიურმა სამსახურმა სამუშაოები დაასრულა. შესაბამისად, ველოდებით მათ დასკვნას და ვიმოქმედებთ შემდგომ. ამის შესახებ მცხეთა-მთიანეთის მხარეში სახელმწიფო რწმუნებულის მოადგილემ, გოჩა ქავთარაძემ განაცხადა. მისივე თქმით, კვლავ ძალაშია შეზღუდვა შიომღვიმის ტერიტორიაზე მომლოცველთა და ტურისტთა შესვლაზე. „გეოლოგიურმა სამსახურმა სამუშაოები დაასრულა. შესაბამისად, ველოდებით მათ დასკვნას და ვიმოქმედებთ შემდგომ. წინამძღვართან კოორდინირებული მუშაობით გავატარეთ შესაბამისი სამუშაოები. შეიზღუდა მომლოცველთა და ტურისტთა შემოსვლა. გეოლოგებმა იმუშავეს და რეკომენდაციების მიხედვით ვიმოქმედებთ, შეზღუდვა იქნება, აკრძალვა, თუ რა რეაგირება იყოს შემდგომ“, – განაცხადა გოჩა ქავთარაძემ.

მეტი...

გარემოს ეროვნული სააგენტო შიომღვიმის მონასტრის მიმდებარედ მთის მასის ჩამოშლასთან დაკავშირებით განცხადებას ავრცელებს. „პირველადი შეფასებით, შიო მღვიმის მონასტრის ჩრდილოეთით, ციცაბოდ დახრილ ფერდობზე ადგილი ჰქონდა სხვადასხვა შემადგენლობის მასის (ქვიშა-ქვები, კონგლომერატები) მყისიერ ჩამოშლას. ჩამოშლილი მასა განიტვირთა მიმდებარედ არსებულ ხევში. ამ ეტაპზე საფრთხე მინიმალურია. ადგილზე იმყოფება ყველა შესაბამისი სამსახური. უმოკლეს პერიოდში, აღნიშნულ ლოკაციაზე განხორციელდება დამატებითი გეოლოგიური კვლევები“, – აცხადებენ სააგენტოში.

მეტი...

შოვის სტიქიის დროს დაკარგულ პატარა გიორგის ამ დრომდე ეძებენ. გიორგის დედა, მანანა ჯაჭვაძე და ბებია, მარინე ხორბალაძე მაშველებმა გარდაცვლილი იპოვეს. 24 აგვისტოს გიორგი ხორბალაძეს ხუთი წელი შეუსრულდა. მამა, გივი ბერიანიძე სოციალურ ქსელში ემოციურ პოსტს აქვეყნებს. „მალე მოვალ შენთან… ნეტა რას მიპასუხებ, რომ შეგეკითხები, ჩვენს გიოს რატომ გაუშვი ხელი…“, – წერს მამა სოციალურ ქსელში.

მეტი...

,,ეს ჭარბი ნალექიანობის შედეგად შლაა. ნალექი ამძიმებს ქანს და მიდრეკილს ხდის მეწყრული პროცესებისკენ”. ამის შესახებ სეისმური მონიტორინგის ეროვნული ცენტრის დირექტორმა, გეოლოგმა თეა გოდოლაძემ განაცხადა. ,,ეს არის ჭარბი ნალექიანობის შედეგად კონგლომერატის შლა. ვაფრთხილებდით და ვიცოდით, ისეთი გაზაფხული, ზამთარი იყო და ისეთი ზაფხულია, რომ ნალექი ამძიმებს ქანს და მიდრეკილს ხდის მეწყრული პროცესებისკენ. ერთი შეხედვით, ეს არის, რასაც ვუყურებ. მე დასკვნას ვერ გამოვიტან ნამდვილად, სანამ იქ არ მივალ და თვითონ არ ვნახავ, რა ხდება. გეომეტრიულად უცნაურად მეჩვენება და ამიტომ საინტერესოა, სანახავია”, – განაცხადა თეა გოდოლაძემ.

მეტი...

შიომღვიმეში, სადაც ცოტა ხნის წინ, მონასტრის მიმდებარედ კლდე ჩამოიშალა, გეოლოგები მუშაობენ. ადგილზე იმყოფებიან სასულიერო პირები და მოქალაქეებიც, რომლების ევაკუაციაც შემთხვევის შემდეგ განხორციელდა. შეგახსენებთ, რომ ცოტა ხნის წინ შიომღვიმის მონსატერთან მთა ჩამოიშალა. ფაქტის ამსახველი ვიდეოკადრები სოცაილურ ქსელში გავრცელდა. წინასწარი ინფრომაციით, შემთხვევის შედეგად არავინ დაშავებულა და არც მონასტრის შენობა-ნაგებობა დაზიანებულა.

მეტი...

,,ინციდენტი შიომღვიმის მონასტრისგან მოშორებით მოხდა. შემთხვევის შედეგად არავინ დაშავებულა”. ამის შესახებ ინფორმაციას, საპატრიარქოს საზოგადოებასთან ურთიერთობის სამსახურის ხელმძღვანელი, დეკანოზი ანდრია ჯაღმაიძე ავრცელებს. „ინციდენტი შიომღვიმის მონასტრისგან მოშორებით მოხდა. მონასტრის წინამძღოლმა როგორც მითხრა, ყოველ წელს ხდება მცირე ზომის ჩამოშლა, კლდე არის გამოფიტული, წელს იყო ცოტა დიდი ზომის. შემთხვევის შედეგად არავინ დაშავებულა”, – აღნიშნა ჯაღმაიძემ.

მეტი...

მარნეულში, რუსთაველის ქუჩაზე მდებარე ,,ლიბერთი ბანკის” ფილიალში ავტომობილი შევარდა. არსებული ინფორმაციით, შემთხვევა ცოტა ხნის წინ მოხდა. მანქანის მძღოლი მსუბუქად დაშავდა. ის კლინიკაშია გადაყვანილი. შემთხვევის ადგილას საპატრულო პოლიციის თანამშრომლები არიან მობილიზებული. პოლიციის თანამშრომლებმა ავტომობილი საჯარიმო სადგომზე გადაიყვანეს.

მეტი...

2023 წლის 1-ლი სექტემბრიდან ბუნებრივი აირის საფასური მცირდება. თბილისში, კომერციული მომხმარებლისთვის გაზის ღირებულება 11 თეთრით, რეგიონებში კი 13 თეთრით დაკორექტირდება. შესაბამისი ცვლილება რეგიონების შემთხვევაში „სოკარ ჯორჯია გაზის“, დედაქალაქში კი “თბილისი ენერჯის” მომხმარებელს შეეხება. აღნიშნული გადაწყვეტილების შესახებ ინფორმაცია გაზგამანაწილებელმა კომპანიებმა გაავრცელეს. “თბილისი ენერჯის” მომხმარებლებისთვის კომერციული ტარიფი 1,35 თეთრის ნაცვლად, 1,24 თეთრით განისაზღვრება, “სოკარ ჯორჯია გაზის” შემთხვევაში კი ახალი ტარიფი სექტემბრიდან 1,38 თეთრის ნაცვლად 1,25 თეთრი იქნება. “მიმდინარე წლის 1 სექტემბრიდან შპს „სოკარ ჯორჯია გაზისა“ და სს „საქორგგაზის“ არასაყოფაცხოვრებო (კომერციული) მომხმარებლებისთვის ბუნებრივი გაზის საფასური შემცირდება 2023 წლის 1 სექტემბრიდან შპს „სოკარ ჯორჯია…

მეტი...

შიომღვიმის მონასტერთან მთა ჩამოიშალა. ინფორმაციას ამის შესახებ, მოქალაქე ნიკა ჩერქეზიშვილი სოციალურ ქსელში ავრცელებს. მისი თქმით, შემთხვევის შედეგად არავინ დაშავებულა. ,,შიომღვიმის მონასტერთან ჩამოიშალა მთა. საბედნიეროდ, არავინ დაშავებულა. ყოველშემთხვევაში, ამ წუთისთვის ასეთი ინფორმაციაა და იმედია, არც არაფერი შეიცვლება” , – წერს ნიკა ჩერქეზიშვილი.

მეტი...

სოციალურ ქსელში ვრცელდება ვიდეო და ფოტომასალა, რომ შიმომღვიმეში მეწყერი ჩამოწვა. ეს მოხდა სამონასტრო კომპლექსამდე. ადგილზე იმყოფება 112ის ეკიპაჟი. მომლოცველები ადგილიდან გარბიან.

მეტი...

თბილისში, ლისის ტბის გარშემო, უკრაინის საელჩოს ორგანიზებით და ვეტერანების საქმეთა სახელმწიფო სამსახურის მხარდაჭერით, უკრაინაში, საბრძოლო მოქმედებებში დაღუპული ჯარისკაცების პატივსაცემად მარათონი – ,,მე პატივს ვცემ ჯარისკაცებს, მივრბივარ უკრაინის გმირებისთვის” გაიმართა. მარათონში 50 ადამიანმა მიიღო მონაწილეობა, მათ შორის, საქართველოს ტერიტორიული მთლიანობისთვის წარმოებული ბრძოლების მონაწილე, ომისა და თავდაცვის ვეტერანებმა, ასევე ვეტერანების საქმეთა სახელმწიფო სამსახურის თანამშრომლებმა. გამარჯვებულებს ვეტერანების საქმეთა სახელმწიფო სამსახურის მიერ დაწესებული მედლები, თასები და სიმბოლური საჩუქრები გადაეცათ. აღსანიშნავია, რომ მეორე საპრიზო ადგილი, 2008 წლის აგვისტოს ომის ვეტერანმა, ვეტერანების საქმეთა სახელმწიფო სამსახურის თანამშრომელმა, ჯიმი ინატაშვილმა დაიკავა. მარათონი საფუძველს უყრის დაღუპული ჯარისკაცების ყოველწლიური ხსენების…

მეტი...

ქუთაისში, ნიკეას ქუჩაზე მაღაზიათა ქსელ ,,ჯიბეს” საწყობში ხანძარი გაჩნდა. ადგილზე იყო აფეთქების ხმაც. არსებული ინფორმაციით, პერიმეტრზე ამ დროისთვის ძლიერი დაკვამლიანებაა, ადგილზე კი სახანძრო-სამაშველო სამსახურები მუშაობენ. ,,აფეთქების ხმა მოგვესმა, არ ვიცი რამდენად უკავშირდება ხანძარს. გარეთ, რომ გავიხედეთ, ძლიერი კვამლი იყო, როგორც ვხედავ ცეცხლი ,,ჯიბეს” საწყობშია”, – განაცხადა ერთ-ერთმა თვითმხილველმა. ხანძრის გამომწვევი მიზეზი ჯერჯერობით უცნობია.

მეტი...

რაჭის ტრაგედიის ადგილას ორ ადამიანს ისევ ეძებენ. როგორც ონის მუნიციპალიტეტის მერის მოადგილე ლევან შერაზადიშვილი ამბობს, მათი პოვნა ამ დრომდე ვერ მოხერხდა. მთლიანობაში, სტიქიის ზონაში ნაპოვნია 31 ცხედარი, ყველა მათგანი ამოცნობილია, გარდა ორისა. „მდგომარეობა უცვლელია. ნაპოვნია 31 გარდაცვლილის ცხედარი, ორ გარდაცვლილზე მიმდინარეობს დნმ-ის კვლევა. სამუშაოები აქტიურ რეჟიმში მიმდინარეობს, როგორც სტიქიის ზონაში, ასევე, მდინარე ჭანჭახისა და რიონის კალაპოტებში. ადამიანების ძებნა გაგრძელდება მანამდე, ვიდრე იარსებებს სულ მცირე მოსაზრება იმისა, რომ შესაძლებელია ისინი ინახოს“, – აღნიშნა შერაზადიშვილმა მედიასთან.  

მეტი...