13 წლიანი პაუზის შემდეგ, საქართველოს პრეზიდენტი ევროპარლამენტს პირველად მიმართავს. სალომე ზურაბიშვილი ბრიუსელში უკვე გაფრინდა.
„საქართველოს პრეზიდენტი პირისპირ შეხვედრებს გამართავს ევროკავშირის უმაღლესი თანამდებობების პირებთან: ევროპული საბჭოს პრეზიდენტ შარლ მიშელთან, ევროკომისიის პრეზიდენტ ურსულა ფონ დერ ლაიენთან და ევროპარლამენტის პრეზიდენტ რობერტა მეცოლასთან.
31 მაისს კი, საქართველოს პრეზიდენტი ევროპარლამენტს სიტყვით მიმართავს. დაგეგმილია საქართველოს პრეზიდენტის ინტერვიუები საერთაშორისო მედიასთან”, – აღნიშნულია პრეზიდენტის ადმინისტრაციის ინფორმაციაში.
