დღე: ნოემბერი 10, 2023

მარიუპოლის მერის მრჩეველის, პეტრ ანდრიუშჩენკოს ინფორმაციით, ოკუპირებულ მარიუპოლში რუსი პოლიციელის მანქანა ააფეთქეს. ,,მარიუპოლში აფეთქება მოხდა. მეტალურგოვის გამზირზე ააფეთქეს საოკუპაციო კორპუსის ერთ-ერთი პოლიციელის მანქანა. დეტალები მოგვიანებით”, – განაცხადა ანდრიუშჩენკომ მისივე თქმით, მარიუპოლში პარტიზანებმა დილით განაცხადეს, რომ მათ “საჩუქრები გადასცეს რუსეთის ფედერაციაში პოლიციის დღის აღსანიშნავად”.

ისრაელის თავდაცვის ძალების სპიკერის, დანიელ ჰაგარის განცხადებით, ისრაელი მძევლების გასათავისუფლებლად ყველაფერს აკეთებს, თუმცა ამას დრო დასჭირდება. ,,როდესაც საქმე მძევლების დაბრუნებას ეხება, ისრაელის თავდაცვის ძალები უსაფრთხოების აპარატთან ერთად მუშაობს 24 საათის განმავლობაში, სადაზვერვო, ოპერატიულ, სამოქალაქო დონეზე. ჩვენ ხელიდან არ გაგვიშვია არც ერთი შესაძლებლობა და ყველა ღონეს ვხმარობთ, რომ პირველ რიგში, მძევლების დაბრუნება მოხდეს. ყველაფერი დანარჩენი არის ფსიქოლოგიური ტერორი, რომელიც ვიდეოჩანაწერების სახით ვრცელდება. როდესაც რეალური სადაზვერვო ინფორმაცია გვექნება, პირველ რიგში, მას მძევლების ოჯახებს მივაწვდით. უნდა გამოვიჩინოთ გამძლეობა და მოთმინება. ამას დრო დასჭირდება”, –  განაცხადა ისრაელის თავდაცვის ძალების სპიკერმა.

გერმანიის საგარეო საქმეთა მინისტრი ანალენა ბერბოკი ახლო აღმოსავლეთში გაემგზავრა. გავრცელებული ინფორმაციით, ანალენა ბერბოკი არაბთა გაერთიანებულ საამიროებში, საუდის არაბეთში, ისრაელსა და დასავლეთ სანაპიროზე ჩავა. გერმანიის საგარეო უწყების ცნობით, შეხვედრები “ჰამასის” მიერ დაკავებული გერმანელი მძევლების გათავისუფლებას, ღაზაში მძიმე ჰუმანიტარულ ვითარებასა და გერმანიის დიპლომატიურ ძალისხმევას შეეხება, რეგიონული დაპირისპირების თავიდან ასაცილებლად.

უკრაინის პრეზიდენტის ადმინისტრაციის ხელმძღვანელის, ანდრეი ერმაკის განცხადბეით, უკრაინა საპრეზიდენტო და საპარლამენტო არჩევნების ჩატარებას ჯერჯერობით არ გეგმავს. ერმაკი უარყოფს ინფორმაციას იმის შესახებ, რომ დასავლელი პარტნიორები უკრაინაზე ზეწოლას ახდენენ და ომის დროს არჩევნების ჩატარებას აიძულებენ. ,,უკრაინა საპრეზიდენტო და საპარლამენტო არჩევნების ჩატარებას ჯერჯერობით არ გეგმავს, რადგან ამას მთელი რიგი პრობლემები აფერხებს, რომლებიც პირდაპირ კავშირშია ომთან”, – აცხადებს ერმაკი.  

უნგრეთის პრემიერ-მინისტრის, ვიქტორ ორბანის განცხადებით, ევროკავშირმა არ უნდა დაიწყოს მოლაპარაკებები უკრაინასთან ბლოკში გაწევრიანებაზე მისი თქმით,  “კიევი შორს არის ევროკავშირისგან”. ,,მინდა ძალიან მკაფიოდ განვაცხადო, რომ უნგრეთის უარი უკრაინასთან მოლაპარაკებების დაწყებაზე ევროკავშირში გაწევრიანებაზე არ არის ბიზნეს შეთანხმების საგანი. ეს არ შეიძლება იყოს დაკავშირებული თანხების საკითხთან, რომელიც უნგრეთს აქვს უფლება მიიღოს”, – განაცხადა ზელენსკიმ.  

უკრაინის პრეზიდენტის, ვოლოდიმირ ზელენსკის განცხადებით, ამ კვირაში ღაზიდან 203 უკრაინელი მოქალაქის ევაკუაცია მოხდა. “ბოლო 24 საათის განმავლობაში, უკრაინამ ღაზიდან 160, მოლდოვიდან კი 9 მოქალაქის ევაკუაცია მოახერხა. ამ კვირაში 203 უკრაინელი მოქალაქე გადავარჩინეთ”, – წერს ზელენსკი.

უნგრეთის პრემიერ-მინისტრის, ვიქტორ ორბანის განცხადებით, ევროკავშირმა უკრაინასთან გაწევრიანების შესახებ მოლაპარაკებები არ უნდა დაიწყოს. „ეს არის უნგრეთის მკაფიო პოზიცია ამ საკითხთან დაკავშირებით“, – განაცხადა  ვიქტორ ორბანმა ევროკავშირის ქვეყნების ლიდერებმა დეკემბრის შუა რიცხვებში უნდა გადაწყვიტონ, მიიღონ თუ არა ევროკომისიის რეკომენდაცია და მიიწვიონ კიევი წევრობის მოლაპარაკებების დასაწყებად.  ასეთი გადაწყვეტილება ბლოკის 27 წევრის ერთსულოვან თანხმობას მოითხოვს.  

პენტაგონის განცხადებით, ბოლო სამი კვირის განმავლობაში, აშშ-სა და კოალიციის ჯარებს ერაყსა და სირიაში 46-ჯერ დაესხნენ თავს. მათივე ცნობით, თავდასხმების შედეგად 56 ადამიანი დაშავდა. ,,17 ოქტომბრის შემდეგ, აშშ-სა და კოალიციის ძალებს თავს დაესხნენ მინიმუმ 46-ჯერ. მათ შორის, 24-ჯერ ერაყში და 22-ჯერ სირიაში, უპილოტო საფრენი აპარატებისა და რაკეტების გამოყენებით”, – ნათქვამია განცხადებაში.