დღე: ნოემბერი 23, 2023

”ბიბისის” ინფორმაციით, ჰამასმა საომარი მოქმედებების შეწყვეტისა და 50 მძევლის გათავისუფლების სანაცვლოდ, დამატებიტი პირობები წამოაყენა. რას ითხოვს ”ჰამასი” ამ ეტაპზე  უცნობია. ისრაელის მთავრობიდან წყაროზე დაყრდნობით, მედია იუწყება, რომ ცეცხლის შეწყვეტის შესახებ, დადებული შეთანხმება შეფერხებულია. შეთანხმება თავდაპირველად ოთხდღიან ცეცხლის შეწყვეტასა და  50 მძევლის ისრაელის პატიმრობაში მყოფ 150 პალესტინელში გაცვლას ითვალისწინებდა.  

კანადა უკრაინას 1,3 მილიარდი კანადური დოლარის (869 მილიონი ევროს) ღირებულების სამხედრო დახმარებას გამოუყოფს. კანადის მთავრობის ვებგვერდზე გამოქვეყნებული მოხსენების თანახმად, უკრაინას დახმარება 2023 – 2026 წლის შუალედში გადაუნაწილდება. 2023 – 2024 წლის განმავლობაში უკრაინა 816 მილიონ კანადურ დოლარს მიიღებს, 2024 წლიდან 2025 წლამდე კი 318 მილიონ კანადურ დოლარს. 197 მილიონ დოლარს კი უკრაინა 2025 – 2026 წლის შუალედში მიიღებს.  

უნგრეთის პრემიერ-მინისტრი ვიქტორ ორბანი უკრაინისთვის ევროკავშირის დახმარების, ასევე ქვეყნის ევროკავშირში გაწევრიანების პროცესის დაბლოკვით იმუქრება, თუ ევროკავშირის ლიდერები არ დათანხმდებიან კიევის მხარდაჭერასთან დაკავშირებით მთლიანი სტრატეგიის გადახედვას. ამის შესახებ ინფორმაციას „პოლიტიკო“ ავრცელებს. წერილში, რომელიც მიმართულია ევროსაბჭოს ხელმძღვანელის ჩარლზ მიშელისადმი, უნგრეთის ლიდერი ამბობს, რომ  ამ საკითხზე სტრატეგიული დისკუსიის გამართვამდე, უკრაინის ფინანსურ დახმარებაზე, მასთან ევროკავშირის წევრობის შესახებ მოლაპარაკებების დაწყებაზე და რუსეთის წინააღმდეგ დამატებით სანქციებზე გადაწყვეტილება არ იქნება. „ევროპულმა საბჭომ უნდა შეაფასოს უკრაინის მიმართ ჩვენი ამჟამინდელი პოლიტიკის, მათ შორის დახმარების სხვადასხვა პროგრამის განხორციელება და ეფექტიანობა“, – წერს ორბანი წერილში. ამასთან ორბანი წერს, რომ ევროპულმა საბჭომ…

რუსეთის პრეზიდენტი ვლადიმერ პუტინი მინსკში ჩავიდა. პუტინი მინსკში  ОДКБ-ის  სამიტს დაესწრება. რუსეთის პრეზიდენტის გარდა სამიტს ОДКБ-ის წევრი ქვეყნების ლიდერები დაესწრებიან. რუსული მედიის ინფორმაციით, ОДКБ-ის ქვეყნების ლიდერები კოლექტიური უსაფრთხოების პრობლემებს განიხილავენ. სამიტზე ასევე განხილული იქნება რეგიონული და საერთაშორისო პრობლემები. შეხვედრაზე სომხეთი წარმოდგენილი არ იქნება.  

უკრაინა აწარმოებს ინდივიდუალურ მოლაპარაკებებს ქვეყნებთან, რომელთა უმცირესობები ცხოვრობენ მის ტერიტორიაზე, რათა დააკმაყოფილოს ევროკომისიის კრიტერიუმი ევროკავშირთან გაწევრიანების მოლაპარაკებების დასაწყებად, მაგრამ არ დაუშვებს “განსაკუთრებულ გამონაკლისს” არცერთი უმცირესობისთვის – – ამის შესახებ „უკრაინსკაია პრავდასთან“ ინტერვიუში ევროპული და ევროატლანტიკური ინტეგრაციის საკითხებში ვიცე-პრემიერმა, ოლგა სტეფანიშინამ განაცხადა. სტეფანიშინას თქმით, ის ფაქტი, რომ ბუდაპეშტი „ყველაზე ხმამაღლა ყვირის“ უკრაინაში უნგრეთის ეროვნულ უმცირესობაზე „სულაც არ ნიშნავს, რომ უკრაინაში უნგრულ უმცირესობას რაიმე განსაკუთრებული პრობლემა აქვს“. „ჩვენ ერთ დიალოგში ვართ, მაგალითად, რუმინულ მხარესთან. რუმინული უმცირესობა უკრაინაში ერთ-ერთი ყველაზე დიდი უმცირესობაა. მოლდოვამ ასევე აღიარა რუმინული ეროვნულ ენად, ახლა უკრაინაში რუმინულენოვანი მოსახლეობა კიდევ უფრო გაიზრდება.…

ლიბანიდან ისრაელის მიმართულებით ომის დაწყების შემდეგ ყველაზე მასშტაბური სარაკეტო შეტევა განხორციელდა. სარაკეტო შეტევის სამიზნე ისრაელის ზემო გალილეის რეგიონი გახდა. როგორც ისრაელი მედია იტყობინება, ლიბანიდან 50-მდე რაკეტა ისროლეს. ისრაელის საჰაერო თავდაცვის სისტემა, „რკინის გუმბათმა“ რაკეტების ნაწილი გაანეიტრალა. მსხვერპლის და დაშავებულების შესახებ ინფორმაცია არ ვრცელდება.

ღაზის ჯანდაცვის სამინისტროს ინფორმაციით, ისრაელმა ღაზის უმსხვილესი საავადმყოფოს, ალ-შიფას დირექტორი, მუჰამედ აბუ სალმია დააკავა. სამინისტროს სპიკერის თქმით, დაკავებულები არიან სხვა ექიმებიც. გავრცელებული ინფორმაციით, მუჰამედ აბუ სალმია დააკავეს ჯანდაცვის მსოფლიო ორგანიზაციის კოლონასთან ერთად ევაკუაციისას.

დიდი ბრიტანეთის საგარეო საქმეთა მინისტრი დევიდ ქემერონი ისრაელში ჩავიდა. დევიდ ქემერონი როგორც ისრაელის, ასევე პალესტინის ლიდერებს შეხვდება, რათა  მძევლების გათავისუფლების შეთანხმებისა და ღაზაში მეტი ჰუმანიტარული დახმარების შეტანის საკითხები განიხილონ. ამასთან, დევიდ ქემერონი ეწვია ადგილსაც, რომელიც ღაზის სექტორიდან სამი მილის დაშორებით მდებარეობს.

გერმანიის შინაგან საქმეთა სამინისტროს ინფორმაციით, პოლიციამ „ჰამასის“ მხარდამჭერების სახლებში რეიდი ჩაატარა. ჩხრეკა ოთხ ფედერალურ შტატში, მათ შორის ბერლინშიც ჩატარდა. „ჩვენ განვაგრძობთ თანმიმდევრულ მოქმედებას რადიკალური ისლამისტების წინააღმდეგ. გერმანიაში „ჰამასისა“ და საერთაშორისო პროპალესტინის ქსელის აკრძალვით, ჩვენ გავგზავნეთ მკაფიო სიგნალი, რომ არ მოვითმენთ „ჰამასის“ ბარბაროსული ტერორის არანაირ მხარდაჭერას ისრაელის წინააღმდეგ“, – განაცხადა გერმანიის შინაგან საქმეთა მინისტრმა, ნენსი ფეზერმა.  

ისრაელის არმიის სპიკერის, დანიელ ჰაგარის განცხადებით, ჯერჯერობით უცნობია, როდის დაიწყება ცეცხლის შეწყვეტის პროცესი. „ჩვენ მზად ვიქნებით, გავაკეთოთ ყველაფერი, რაც საჭიროა. ამ მომენტში ფოკუსირებული ვართ ომზე. დღეს აღმოვაჩინეთ „ჰამასის“ გვირაბები და გავანადგურეთ ისინი. ეს არის ის, რასაც ჩვენ ვაპირებთ უახლოეს საათებში“, – განაცხადა დანიელ ჰაგარმა. ცეცხლის შეწყვეტის დროებითი შეთანხმების თანახმად, ისრაელი და „ჰამასი“ შეთანხმდნენ ოთხდღიან პაუზაზე, რათა  ღაზაში მყოფი 50 მძევალი ისრაელში დაპატიმრებული 150 პალესტინელის სანაცვლოდ, გაათავისუფლონ.  

მოვუწოდებთ ევროპულ საბჭოს, საქართველოს ხელისუფლებასთან კონსულტაციების საფუძველზე მოამზადოს იმ ადამიანების სია, ვინც პასუხისმგებელია ადამიანის უფლებების დარღვევაზე და დააწესოს მათ წინააღმდეგ სანქციები, – ამის შესახებ  სტრასბურგში, ევროპარლამენტის სესიაზე დებატებისას ევროპარლამენტარმა სვენ მიქსერმა განაცხადა. მისი თქმით, ევროკავშირი ყოველთვის მხარს უჭერდა და მხარს დაუჭერს საქართველოს სუვერენიტეტსა და ტერიტორიულ მთლიანობას.   „კანდიდატის სტატუსის მიღების წინ საქართველოს მოქალაქე თამაზ გინტური რუსმა საოკუპაციო ძალებმა საქართველოსა და რუსეთის მიერ ოკუპირებულ ცხინვალის რეგიონის ადმინისტრაციულ საზღვარზე მოკლეს. მკვლელობა ოკუპანტების მიერ ჩადენილი განსაკუთრებით სასტიკი და ძალადობრივი დანაშაულია, მაგრამ ეს არ არის განცალკევებული შემთხვევა. მას შემდეგ, რაც რუსეთმა დაიწყო აგრესია საქართველოს წინააღმდეგ…