დღე: ნოემბერი 11, 2023

უფლებადამცველი ბაია პატარაია, ნინოწმინდაში გოგოს მოტაცების ფაქტს ეხმაურება და სოციალურ ქსელში პოსტს აქვეყნებს. „გუშინ რომ პოსტი გავაზიარე: ჩვენ ოქრო გოგოს ნინოწმინდაში ვიღაც ძონძი კაცი ჰყავდა გადაკიდებული, მოტაცებითაც ემუქრებოდა. ხოდა დღეს ელექტრონული სამაჯური შეაბეს. იაროს ახლა ძროხასავით ეჟვანით.გამოძიებაც დაწყებულია, ცხადია.გოგოებო, ნუ შეშინდებით და ნუ მოითმენთ ნურც ადევნებას და ნურც მოტაცების მუქარას. აუცილებლად მიმართეთ პოლიციას და აუცილებლად მოგვმართეთ ჩვენ. მაგ მხარეში საერთოდ პირველად გამოიყენეს ელექტრონული სამაჯური, იმიტომ რომ პირველად მოითხოვა გოგომ. ხოდა, მოითხოვეთ თქვენც – ძალიან ეფექტურია. თუ ხედავთ, რომ მოტაცების რისკი არსებობს – იმოქმედეთ, გაგვაგებინეთ და დანარჩენი უკვე ჩვენზეა და პოლიციაზე“,…

,,მთავარია, სახელმწიფომ გააკეთოს ყველაფერი, რომ ეს აღარ განმეორდეს”. ამის შესახებ ოკუპანტების მიერ მოკლული თამაზ გინტურის სამოქალაქო პანაშვიდზე ჩასულმა სახალხო დამცველმა, ლევან იოსელიანმა განაცხადა. ,,მთავარი რაც არის, არის ის, რომ დღეს ქართულმა სახელმწიფომ გააკეთოს ყველაფერი იმისთვის, რომ ანალოგიური შემთხვევები აღარ განმეორდეს”, – აღნიშნა სახალხო დამცველმა.

,,ჩემი ძმის მიერ ეკლესიის გაღებულ კარს აღარ ავაჭედინებ”. ამის შესახებ ოკუპანტების მიერ მოკლული თამაზ გინტურის ძმამ განაცხადა. ,,პირობას ვდებ, ჩემი ძმის ეკლესიის გაღებულ კარებს აღარ ავაჭედინებ. ეს ეკლესია გაიღება სოფლის მოთხოვნით, ჩემი თანდახლებით და სოფლის ეკლესია დარჩება სოფელს”, – აღნიშნა ნიკოლოზ გინდურმა.

„სტუდია-99“ საქართველოში სრულმეტრაჟიან მხატვრულ ფილმს იღებს. ქართულ-უცხოური პროექტი პროგრამის – „აწარმოე საქართველოში“, საქართველოს, ბულგარეთის, გერმანიის კინოცეტრებისა და საფრანგეთის „ევრიმაჟის“ ხელშეწყობით, საქართველოს ეროვნულ კინოცენტრთან დადებული ხელშეკრულების საფუძველზე ხორციელდება. დაგეგმილი გადაღებების გამო, 12, 19 და 26 ნოემბერს დავით აღმაშენებლის გამზირის ნაწილსა და ია კარგარეთელის ქუჩაზე ტრანსპორტის მოძრაობა დროებით შეიზღუდება. კერძოდ, 12 ნოემბერს, 07:00-დან 14:00 საათამდე ავტოსატრანსპორტო საშუალებები გადაადგილებას მიხეილ წინამძღვრიშვილის, გიორგი ტოვსტონოგოვისა და ზურაბ ჭავჭავაძის ქუჩების გამოყენებით შეძლებენ. 19 ნოემბერს, 07:00-დან 12:00 საათამდე შეზღუდვა აღმაშენებლის გამზირისა და კარგარეთელის ქუჩის კვეთიდან აღმაშენებლის გამზირისა და ტოვსტონოგოვის ქუჩის კვეთამდე არსებულ საგზაო მონაკვეთს შეეხება. აღნიშნულ პერიოდში…

თამაზ გინტურის დაკრძალვის შემდეგ, სამოქალაქო აქტივისტებმა კირბალში, სასაფლაოს ტერიტორიაზე მდებარე ძველი ეკლესიის თავზე საქართველოს დროშა აღმართეს. რუსი ოკუპანტების მიერ მოკლული თამაზ გინტური უკანასკნელ გზაზე ოჯახის წევრებმა, მოქალაქეებმა, სამოქალაქო აქტივისტებმა და პოლიტიკოსებმა გააცილეს. სავარაუდოდ, ამ ყველაფერს თვალს ადევნებდნენ რუსი ოკუპანტებიც, რომელთა გადაადგილების შესახებ ანტისაოკუპაციო მოძრაობის ლიდერმა, დავით ქაცარავამ განაცხადა. ქაცარავას თქმით, ოკუპანტების მობილიზება შეინიშნებოდა და გინტურის დაკრძალვის პროცესს თვალს ადევნებდნენ. ,,ყველა ჩვენგანს ახსენდება ეხლა თამაზ გინტურის სიტყვები – “ლომისა, შენს ძალას ვენაცვალე, შენი ჩამჭედის დედას შევე*ი.” ოკუპანტმა უნდა გააცნობიეროს, რომ ჩვენ არასოდეს უკან არ დავიხევთ და არასოდეს უარს არ ვიტყვით ჩვენი…

რუსი ოკუპანტების მიერ მოკლული თამაზ გინტური კირბალში, სოფლის სასაფლაოზე, მშობლების გვერდით, სამხედრო პატივით დაკრძალეს. უკანასკნელ გზაზე ის ოჯახის წევრებმა, მოქალაქეებმა, სამოქალაქო აქტივისტებმა და პოლიტიკოსებმა გააცილეს. სამოქალაქო პანაშვიდები დღეს გორის საკათედრო ტაძარში მიმდინარეობდა. არსებული ინფორმაციით, კირბალის სასაფლაოს ტერიტორიას, რომლის ნაწილიც ოკუპირებულია, სპეცდანიშნულების რაზმი იცავს. სოფელში განსაკუთრებული უსაფრთხოების ზომებია მიღებული.

ბათუმში, ჯავახიშვილის ქუჩაზე ერთმანეთს ორი მსუბუქი ავტომობილი შეეჯახა. ადგილობრივი მედიის ინფორმაციით, ავარიის შედეგად მსუბუქად დაშავდა 3 ადამიანი, რომლებიც კლინიკაში გადაიყვანეს. მომხდარზე შინაგან საქმეთა სამინისტრომ გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.

წალენჯიხაში, ჭანტურიას ქუჩაზე მსუბუქი ავტომობილი ეზოში შევარდა და საცხოვრებელი სახლის კიბეს შეეჯახა. არსებული ინფორმაციით, მანქანას არასრულწლოვანი მართავდა. შემთხვევის შედეგად დაზიანებები მიიღეს მძღოლმა და მგზავრებმა. მომხდარის სავარაუდო მიზეზი სიჩქარის გადაჭარბებაა. ადგილზე მობილიზებულია პოლიცია. სხვა დამატებითი დეტალები ჯერჯერობით უცნობია.

არასრულწლოვანზე სექსუალურ ძალადობაში გურიის ერთ-ერთი სკოლის სპორტის მასწავლებელია ბრალდებული. პოლიციამ 57 წლის კაცი უკვე დააკავა. არასრულწლოვანის დედა ამბობს, რომ ოჯახს აღნიშნული ფაქტის შესახებ ინფორმაცია არ ჰქონდა და მხოლოდ მას შემდეგ გაიგეს, რაც მოსწავლემ თანაკლასელებს მოუყვა. შემდეგ კი სკოლის დირექტორმა შესაბამის უწყებას მიმართა. არსებული ინფორმაციით, პედაგოგმა ჯერ სექსუალურად შეავიწროვა გოგონა, შემდეგ კი ემუქრებოდა, რომ მომხდარის შესახებ არავისთვის ეთქვა. ,,მე არც ვიცოდი, ბავშვმა განაცხადა ბავშვებთან სკოლაში, მეგობრებთან, სახლში არ თქვა. დაემუქრა და შეშინებული იყო. ბავშვებთან თქვა და სკოლის დირექტორს უთხრა. სკოლის დირექტორმა დამირეკა და მივედი, დაიჭირეს იმ დღესვე”, – ამბობს არასრულწლოვანის დედა.…

ხობში, მეორე დღეა, 40 წლამადე კაცს ეძებენ. დაკარგული დავით ტყებუჩავა ბოლოს გუშინ, ე.წ კოლხეთის დასახლების მიმდებარედ, დილის საათებში ნახეს. ოჯახის თქმით, სამძებრო ღონისძიებებში ჩართულია პოლიციაც. გავრცელებული ინფორმაციით, კაცს ჯანმრთელობის პრობლემები აქვს.

ქუთაისში ტაქსის მძღოლები გაიფიცნენ. კომპანია Bolt-ის 200-მდე მძღოლი მე-6 დღეა მგზავრთა მომსახურებაზე უარს აცხადებს. აქციის მონაწილეები მგზავრობის ტარიფის 20%-ით გაზრდას მოითხოვენ და ამბობენ, რომ შეუძლებელია, მოქმედი ტარიფით მათ მუშაობა განაახლონ. Bolt-ის გაფიცულ თანამშრომლებს სხვადასხვა ტაქსის კომპანიის მძღოლები სოლიდარობის ნიშნად შეუერთდნენ.

რუსი ოკუპანტების მიერ მოკლული თამაზ გინტური ძმა, ნიკოლოზ გინტური, დამნაშავეების დასჯას ითხოვს. ,,მოვითხოვთ დამნაშავის დასჯას. თუ ვინმე მოგვაქცევს ყურადღებას და დამნაშავეებს გადმოსცემენ საქართველოს, დიდი მადლობელი ვიქნები”, – ამბობს ნიკოლოზ გინტური. თამაზ გინტურს დღეს, 11 ნოემბერს, კირბალის იმ სასაფლაოზე დაკრძალავენ, რომლის ნაწილიც ახლა საოკუპაციო ხაზს მიღმაა. გინტური დღეს დილით კირბალიდან გორში, ღვთისმშობლის შობის სახელობის საკათედრო ტაძარში გადაასვენეს. იქ მისი ოჯახის წევრები, თანასოფლელები, მოქალაქეები და ახლობლები იმყოფებიან.

ბოლნისის პოლიციის სამმართველოსთან, არასრულწლოვანი გოგონას მშობლები შვილის გატაცებას აპროტესტებენ. მშობლების მტკიცებით, მათი 16 წლის შვილი 20 წლის ბიჭმა, ქორწინების მიზნით, სოფლიდან გაიტაცა. ოჯახი გოგონას დაბრუნებას ითხოვს. 16 წლის გოგონას ოჯახმა შინაგან საქმეთა სამინისტროს ცხელ ხაზზე დარეკა და მიაწოდა ინფორმაცია, რომ არასრულწლოვანი გოგონა გატაცებული იყო. შეტყობინების საფუძველზე, შსს-მ გამოძიება სისხლის სამართლის კოდექსის 143-ე მუხლით დაიწყო, რაც თავისუფლების უკანონო აღკვეთას გულისხმობს. თუმცა, გამოძიების მიმდინარეობისას გაირკვა, რომ არასრულწლოვანი გოგონა საკუთარი ნებით გაჰყვა 20 წლის ბიჭს და მისი ოჯახიდან წამოსვლა არ ისურვა. პოლიციელებმა ის ადგილზე დატოვეს.

11-13 ნოემბერს უმეტესად უნალექო ამინდია მოსალოდნელი. ქ. თბილისში 12-13 ნოემბერს ტემპერატურა  +20, +22 გრადუსამდე მოიმატებს. სანაპირო რაიონებში (ბათუმი, ქობულეთი, ანაკლია, ფოთი) 14 ნოემბრამდე თბილი და უნალექო ამინდი იქნება. ჰაერის ტემპერატურა დღისით +22, +24 გრადუსია მოსალოდნელი. დასავლეთ საქართველოს დაბლობ რაიონებში (ქუთაისი, ზესტაფონი, ზუგდიდი, მარტვილი, ოზურგეთი): უნალექო ამინდი იქნება. ჰაერის ტემპერატურა დღისით +23, +25 გრადუსი დაფიქსირდება. დასავლეთ საქართველოს მთიან რეგიონებში (ამბროლაური, ონი, ცაგერი, შოვი, ჭიათურა, საჩხერე, ხულო): უმეტესად უნალექო ამინდი იქნება. ჰაერის ტემპერატურა დღისით +18, +20 გრადუსი დაფიქსირდება. დასავლეთ საქართველოს მაღალმთიან რეგიონებში (მესტია, ბახმარო): უმეტესად უნალექო ამინდი იქნება. ჰაერის ტემპერატურა დღისით  +13,…

სახელმწიფო უსაფრთხოების სამსახურმა, სახელმწიფო საზღვარზე მიგრანტის უკანონოდ გადაყვანის და მისთვის საქართველოში ყოფნისათვის შესაბამისი პირობების შექმნის მომზადების ფაქტზე მიმდინარე გამოძიების ფარგლებში, უცხო ქვეყნის 2 მოქალაქე დააკავა. როგორც სუს-ი ამბობს, საგამოძიებო მოქმედებების შედეგად ამოღებულია სხვადასხვა სახის ელექტრონული ინფორმაციის მატარებელი მოწყობილობები, სამხედრო აღჭურვილობა, სახის ნიღბები, ელექტრო შოკები, უცხო ქვეყნის ყალბი პირადი დოკუმენტები, ფეთქებადი ნივთიერებები, კუსტარულად დამზადებული ასაფეთქებელი მოწყობილობები და დროშა, ტერორისტული ორგანიზაცია “ისლამური სახელმწიფოს” სიმბოლიკით. ,,სახელმწიფო უსაფრთხოების სამსახურის კონტრტერორისტული ცენტრი გამოძიებას სისხლის სამართლის კოდექსის 344 პირველი პრიმა და 236-ე მუხლებით აწარმოებს. კონტრტერორისტული ცენტრის მიერ, აქტიურად გრძელდება საგამოძიებო და ოპერატიული მოქმედებები, როგორც დაკავებული პირების…