დღე: ნოემბერი 30, 2023

ეუთო, არსებითად, ნატო-ს და ევროკავშირის დანამატად ფორმირდება. ორგანიზაცია, მოდით, ღიად ვთქვათ, უფსკრულის პირას დგას, ჩნდება მარტივი კითხვა, აქვს თუ არა აზრი ენერგიის ჩადებას მის აღორძინებაში? – ამის შესახებ რუსეთის საგარეო საქმეთა მინისტრმა, სერგეი ლავროვმა ეუთო-ს მინისტერიალზე განაცხადა. მისივე თქმით, ეუთო სავალალო მდგომარეობაშია და მისი პერსპექტივები გაურკვეველია. „სულ რაღაც ერთ წელიწადში იქნება ჰელსინკის საბოლოო აქტის 50 წლის იუბილე. ამასთან დაკავშირებით, იძულებული ვარ, სინანულით აღვნიშნო, რომ ეუთო ამ წლისთავს სავალალო მდგომარეობაში უახლოვდება და მისი პერსპექტივები გაურკვეველი რჩება. ეუთო, არსებითად, ნატო-სა და ევროკავშირის დანამატად ფორმირდება. მოდით, ღიად ვთქვათ, ორგანიზაცია  უფსკრულის პირას დგას. ჩნდება…

იერუსალიმში სამოქალაქო პირებზე განხორციელებულ თავდასხმაზე პასუხისმგებლობა ტერორისტულმა ორგანიზაცია “ჰამასმა” აიღო. “ჰამასი” მიესალმება ტერორისტული აქტის მომწყობი ძმების, მურად და იბრაჰიმ ნიმერების მიერ განხორციელებულ თავდასხმას. “ჰამასის” განცხადებას ისრაელის ეროვნული უსაფრთხოების მინისტრი, იტამარ ბენ გვირი გამოეხმაურა და აღნიშნა, რომ ცეცხლის შეწყვეტის შეთანხმება დაირღვა. ,,ერთი ხელით “ჰამასი” ხელს აწერს ცეცხლის შეწყვეტას, მეორე ხელით კი ტერორისტებს აგზავნის, რათა იერუსალიმში ებრაელები დახოცოს. ეს არ არის ცეცხლის შეწყვეტის შეთანხმება, არამედ ეს არის გაგრძელება (ტერორისტული თავდასხმების) შეკავებისა და დათმობის კონცეფციისა, რომელმაც ადამიანების ხოცვა მოგვიტანა. ეს კი ეს სინვარს (ჰამასის ლიდერი იაჰია სინვარი) იმედს აძლევს, რომ ამ კონფლიქტიდან გამარჯვებული გამოვა. …

უკრაინის პრეზიდენტი, ვოლოდიმირ ზელენსკი კუპიანსკში ფრონტის ხაზზე ჩავიდა. ფრონტის ხაზზე ზელენსკი ჯარისკაცებს შეხვდა და მედლებით დააჯილდოვა. ,,კუპიანსკის მცველების ფრონტის ხაზის სამეთაურო პუნქტი. დიდი პატივია ჯარისკაცების მონახულება და მათთვის ჯილდოების გადაცემა. კუპიანსკის ფრონტზე მებრძოლები უკრაინელების, ხარკოვის ოლქში მცხოვრებლების მშვიდობიან ცხოვრებას იცავენ. მადლობას ვუხდი ჯარისკაცებს ამ სამსახურისთვის და ჩვენი ქვეყნის დაცვისთვის! გისურვებთ გამარჯვებასა და ძალას”, – მიმართა ზელენსკიმ ჯარისკაცებს.

მსურს, შევუერთდე კოლეგებს და ვთქვა, რაოდენ რთული წელი გვქონდა. რუსეთის მიერ უკრაინაში შეჭრა სრულად ეწინააღმდგება ცივილიზებულ სტანდარტებს და საერთაშორისო კანონმდებლობას, ასევე იმ პრინციპებს, რომლებსაც ეუთო ეფუძნება, – ამის შესახებ აშშ-ის სახელმწიფო მდივნის თანაშემწემ, ჯეიმს ო’ბრაიენმა ეუთო-ს მინისტერიალზე განაცხადა. მისი თქმით, საქართველოსა და მოლდოვაში კონფლიქტების გადაჭრა განახლებულ ვალდებულებას მოითხოვს. „კონფლიქტები გრძელდება საქართველოსა და მოლდოვაში, რაც მოითხოვს ჩვენს განახლებულ ვალდებულებას, რათა ისინი გადაიჭრას, რომ ეს საზოგადოებები სრულ შესაბამისობაში მოვიდნენ მათი ხალხის არჩევანთან – იყვნენ იმ ქვეყნების უფრო ფართო თანამეგობრობის ნაწილი, რომლებიც კანონის უზენაესობის ერთგული არიან“, – განაცხადა ჯეიმს ო’ბრაიენმა.

ევროკავშირის აღმოსავლეთ საზღვარზე აფრიკიდან და ახლო აღმოსავლეთიდან მიგრანტების რაოდენობის დრამატული ზრდა მოსკოვის მიერ ორკესტრირებული “უხეში ჰიბრიდული თავდასხმის” ნაწილია – ამის შესახებ ესტონეთის საგარეო საქმეთა მინისტრმა განაცადა. მისი თქმით, შესაძლოა ქვეყანამ რუსეთთან სახმელეთო საზღვარი ჩაკეტოს. მაგნუს ცაჰკნამ განაცხადა, რომ ერი “მზად არის რუსეთთან საზღვრის ჩაკეტვისთვის”, თუ სიტუაცია ასე გაგრძელდება. მზარდი კრიზისი, დასძინა მან, “კიდევ ერთი მტკიცებულებაა იმისა, რომ რუსეთი მხოლოდ უკრაინაში არ იბრძვის; არამედ საფრთხეს უქმნის სხვა ქვეყნებს”. ამავდროულად, ესტონეთის შინაგან საქმეთა მინისტრმა თქვა, რომ მთავრობა გეგმავს გაუმკლავდეს საზღვარზე მიგრანტების რაოდენობის პოტენციურ ზრდას მას შემდეგ, რაც ფინეთმა სამშაბათს დახურა რუსეთთან ყველა…

უკრაინის პრეზიდენტის, ვოლოდიმირ ზელენსკის განცხადებით, რუსეთის მიერ ანექსირებული ყირიმის დაბრუნება შეიძლება, უფრო იოლი იყოს, ვიდრე ოკუპირებული დონბასის. მისი თქმით, ყირიმში საბრძოლო მოქმედებები არ ყოფილა, ამიტომ ნახევარკუნძულის უკრაინის შემადგენლობაში დაბრუნება შესაძლოა, უფრო იოლი იყოს, ვიდრე დონბასის, რომელსაც 10 წელია, რუსეთის მართავს. „შეიძლება, ისე მოხდეს, რომ ჩვენ ტერიტორიები უფრო ადრე დავუბრუნოთ, ვიდრე იქ მცხოვრები ხალხი. ასე შეიძლება მოხდეს. მაგალითად, დონბასი, ხალხი იქ 10 წელია, ცხოვრობს, ცხოვრობს სხვა სივრცეში და ეს გრძელი პროცესია. შეიძლება, სხვადასხვანაირად მოხდეს. მე ვფიქრობ, უფრო რთული იქნება დონბასის საკითხი. მე პარტნიორები ოდესღაც მეუბნებოდნენ, რომ თითქმის შეუძლებელია, უკრაინამ დაუბრუნოს ყირიმი…

პოლონეთის საგარეო საქმეთა მინისტრის განცხადებით, რომ სკოპიეში ეუთო-ს მინისტერიალს არ დაესწრება შეხვედრაში სერგეი ლავროვის მონაწილეობის გამო. შიმონ შინკოვსკის თქმით,  ლავროვის მონაწილეობის გამო შეხვედრას ბოიკოტს უცხადებს. მისი განმარტებით, რუსეთი არის აგრესორი ქვეყანა, რომელიც პასუხისმგებელია სამხედრო დანაშაულებზე და მისთვის მიუღებელია, რომ ამ ქვეყნის საგარეო საქმეთა მინისტრი მონაწილეობს შეხვედრაში, რომლის მიზანია მშვიდობისა და უსაფრთხოების გაძლიერება. ორდღიანი მინისტერიალი ჩრდილოეთ მაკედონიის დედაქალაქში დღეს იწყება.

აშშ-ის სახელმწიფო მდივანმა, ენტონი ბლინკენმა ჩრდილოეთ მაკედონიის დედაქალაქი, სკოპიე ლავროვის ვიზიტამდე დატოვა და ისრაელში გაემგზავრა.  ამის შესახებ ინფორმაციას გამოცემა Associated Press ავრცელებს. ენტონი ბლინკენმა Twitter-ზე დაწერა, ქვეყნის დატოვებამდე იგი ჩრდილოეთ მაკედონიის საგარეო საქმეთა მინისტრს, ბუიარ ოსმანს შეხვდა. ,,პროდუქტიული საუბრები ჩემს კოლეგებთან სკოპიეში ეუთოს მინისტერიალზე დღეს. მიუხედავად რუსეთის ობსტრუქციონიზმისა, ჩვენ ვრჩებით ეუთოსა, მისი დამფუძნებელი პრინციპებისა და მიღწეული შედეგების ერთგულნი”, – წერს ბლინკენი.

რუსული მედიის ინფორმაციით, სერგეი ლავროვი ეუთოს მინისტერიალზე არა ბულგარეთის, არამედ საბერძნეთის გავლით ჩაფრინდა. ბულგარეთმა რუსეთის დელეგაციის თვითმფრინავის საჰაერო სივრცეში შეშვებაზე უარი უთხრა, რადგან ბორტზე  მარია ზახაროვა იმყოფებოდა. ბულგარეთის მთავრობის განცხადებით,  რუსული დელეგაციის ფრენაზე ნებართვა, არ ვრცელდება მარია ზახაროვაზე, რომლის წინააღმდეგაც ევროკავშირს სანქციებია დაწესებული და არც დელეგაციის სხვა წევრებზე, რომლებიც ბრიუსელს „შავ სიაში“ ჰყავს შეყვანილი. ლავროვი და რუსული დელეგაციის სხვა წევრები სკოპიეში თურქეთისა და საბერძნეთის საჰაერო სივრცის გავლით მოხვდნენ.