დღე: ნოემბერი 6, 2023

სოფელ კირბალთან მომხდარ ფაქტთან დაკავშირებით, საქართველოს ცენტრალური ხელისუფლების მოთხოვნით, ერგნეთში შეხვედრა ჩაინიშნა. ინფორმაციას სახელმწიფო უსაფრთხოების სამსახური ავრცელებს. „რუსეთის საოკუპაციო ძალების მიერ საქართველოს მოქალაქის მკვლელობის ფაქტთან დაკავშირებით, ცენტრალური ხელისუფლების წარმომადგენლებმა დაუყოვნებლივ მოითხოვეს ტექნიკური შეხვედრის გამართვა მიმდინარე წლის 6 ნოემბერს, სადაც მონაწილეობას მიიღებენ რუსეთის საოკუპაციო ძალების, ოკუპირებული ცხინვალის რეგიონის და ევროკავშირის სადამკვირვებლო მისიის წარმომადგენლები. აღნიშნული წარმოადგენს ოკუპაციის ფარგლებში, რუსეთის საოკუპაციო ძალების დანაშაულებრივი ქმედების კიდევ ერთ საგანგაშო გამოვლინებას, რაზეც სრული პასუხისმგებლობა საოკუპაციო ძალას ეკისრება. საქართველოს ცენტრალური ხელისუფლება საქართველოს მოქალაქის სიცოცხლის ხელყოფასთან დაკავშირებული ყველა დამნაშავე პირის დასჯას, ასევე უკანონო პატიმრობაში მყოფი საქართველოს მოქალაქის დაუყოვნებლივ…

მეტი...

,,ლომისის ტაძარზე სცადეს შესვლა და სანთლის დანთება, ამის შემდეგ მოხდა რაც მოხდა”. ამის შესახებ სოფელ კირბალის გამგებელმა განაცხადა და რუსი ოკუპანტების მიერ საქართველოს მოქალაქის მკვლელობას გამოეხმაურა. ,,სასაფლაოზე იმყოფებოდნენ. სასაფლაოს ზემოთ არის ლომისის ტაძარი, სადაც სცადეს, რომ შესულიყვნენ, სანთელი დაენთოთ. ამის შემდეგ მოხდა რაც მოხდა, კონკრეტული დეტალები ნამდვილად არ ვიცი”, – თქვა მან.

მეტი...

,,რუსეთი მტერი, ოკუპანტი და მკვლელია”. ასე ეხმაურება ,,ნაციონალური მოძრაობის” თავმჯდომარე ლევან ხაბეიშვილი სოციალურ ქსელში რუსების მიერ საქართველოს მოქალაქის, თამაზ გინტურის მკვლელობას. ,,რუსულმა ოცნებამ გაავრცელა განცხადება, რომ გარდაიცვალა ერთი მოქალაქე და ერთიც დააკავეს – რეალურად მოკლეს და გაიტაცეს. საქართველოს კიდევ ერთი მოქალაქე, მოკლეს რუსმა ოკუპანტებმა. ასევე, გატაცებულია ერთი ადამიანი საოკუპაციო რეჟიმის მიერ. რუსეთი მტერია, ოკუპანტი და მკვლელია”, – წერს ხაბეიშვილი.

მეტი...

,,არა სისხლიან ოკუპაციას!” – ამ სახელწოდებით დღეს, 6 ნოემბერს, 21:30 საათზე პარლამენტთან აქცია ჩაინიშნა. აქცია მას შემდეგ დაიგეგმა, რაც ცნობილი გახდა, რომ რუსმა ოკუპანტებმა საქართველოს ერთი მოქალაქე მოკლეს, მეორე კი გაიტაცეს. ,,არა სისხლიან ოკუპაციას! დღეს რამოდენიმე ხნის წინ, სოფელ კირბალთან რუსმა ოკუპანტებმა მოკლეს საქართველოს მოქალაქე, შესაბამისად ჩვენი ხელისუფლება ნულოვლად რეაგირებს… ჩვენი, ყველა ქართველის ვალია დავიცვათ საქართველო სისხლიანი რუსეთისგან!”, – წერენ აქციის ორგანიზატორები.

მეტი...

შინაგან საქმეთა სამინისტროს შიდა ქართლის პოლიციის დეპარტამენტის თანამშრომლებმა, გორის მუნიციპალიტეტის სოფელ კირბალთან, რუსეთის საოკუპაციო ძალის წარმომადგენლის მიერ ცეცხლსასროლი იარაღიდან გასროლის შედეგად საქართველოს მოქალაქის მკვლელობის და ერთი პირის გატაცების ფაქტებთან დაკავშირებით გამოძიება სისხლის სამართლის კოდექსის 109-ე და 143-ე მუხლებით დაიწყო, რაც განზრახ მკვლელობას და თავისუფლების უკანონო აღკვეთას გულისხმობს. სამართალდამცველები ფაქტთან დაკავშირებით საგამოძიებო მოქმედებებს ატარებენ.

მეტი...

ვუსამძიმრებ გარდაცვლილის ოჯახის წევრებსა და ახლობლებს ამ უმძიმეს ტრაგედიას. სახელმწიფო მათ გვერდით დგას ამ მძიმე წუთებში, ამის შესახებ საქართველოს პრემიერ-მინისტრი ირაკლი ღარიბაშვილი “ფეისბუქზე”, სოფელ კირბალთან მომხდართან დაკავშირებით წერს. მთავრობის მეთაური უსამძიმრებს გარდაცვლილის ოჯახის წევრებსა და ახლობლებს. “გორის მუნიციპალიტეტის სოფელ კირბალთან რუსეთის მიერ ოკუპირებულ ტერიტორიაზე უმძიმესი ფაქტი მოხდა – უკანონოდ დაკავების მცდელობისას რუსეთის საოკუპაციო ძალის წარმომადგენლის მიერ ცეცხლსასროლი იარაღით სროლის შედეგად მოკლულ იქნა საქართველოს მოქალაქე. მომხდარი კიდევ ერთხელ ადასტურებს ადგილზე არსებულ რთულ უსაფრთხოების გარემოს და მეტყველებს ოკუპაციის მძიმე შედეგებზე, რომელთანაც გამკლავება საქართველოს ხელისუფლებასთან ერთად, სამწუხაროდ, მშვიდობიან მოქალაქეებსაც უწევთ. ვუსამძიმრებ გარდაცვლილის ოჯახის…

მეტი...

ლაგოდეხში კაცს ქალის ტანსაცმლის ჩაცმა აიძულეს და სოფლის ქუჩებში გაატარეს. დაკავებულია 3 პირი. საგამოძიებო უწყებამ მომხდარი დამამცირებელი მოპყრობის ფაქტზე სამ პირს ბრალდება წარუდგინა. უწყების ინფორმაციით, შინაგან საქმეთა სამინისტროს მიერ ჩატარებული გამოძიებით დადგინდა, რომ 30 ოქტომბერს, ლაგოდეხის მუნიციპალიტეტში ბრალდებულებმა იმ მოტივით, რომ დაზარალებულმა მათი შეფასებით სამარცხვინო საქციელი ჩაიდინა, მისთვის დამამცირებელი ქმედების განხორციელება, ქალის ტანსაცმლის ჩაცმა მოსთხოვეს, წინააღმდეგ შემთხვევაში კი სიცოცხლის მოსპობით დაემუქრნენ. პროკურატურის ცნობითვე, ფსიქიკური იძულების შედეგად, დაზარალებულმა მათი მოთხოვნა შეასრულა, რის შემდგომაც ბრალდებულებმა ის სოფლის ქუჩებში გაატარეს, რითაც პატივისა და ღირსების შემლახავ მდგომარეობაში ჩააყენეს. “სამართალდამცველებმა ბრალდებულები 1 ნოემბერს დააკავეს. მათ…

მეტი...

საქართველოს პროკურატურამ, თექვსმეტი წლის ასაკს მიუღწეველთან სქესობრივი კავშირის დამყარების ფაქტზე ერთ პირს ბრალდება წარუდგინა. უწყების ცნობით, შინაგან საქმეთა სამინისტროს მიერ ჩატარებული გამოძიებით დადგინდა, რომ 4 ნოემბერს, ბრალდებულმა ცოლად შერთვის მიზნით სახლში 12 წლის არასრულწლოვანი მიიყვანა, რომელთანაც სქესობრივი კავშირი დაამყარა. ,,სამართალდამცველებმა ბრალდებული 5 ნოემბერს დააკავეს. მას ბრალდება საქართველოს სისხლის სამართლის კოდექსის 140-ე მუხლის პირველი ნაწილით (სრულწლოვნის მიერ სქესობრივი კავშირის დამყარება წინასწარი შეცნობით თექვსმეტი წლის ასაკს მიუღწეველთან) წარედგინა. პროკურატურა ბრალდებულისთვის აღკვეთის ღონისძიების სახით პატიმრობის შეფარდების შუამდგომლობით, სასამართლოს კანონით დადგენილ ვადაში მიმართავს. შინაგან საქმეთა სამინისტროში გამოძიება გრძელდება,”- ნათქვამია პროკურატურის მიერ გავრცელებულ ინფორმაციაში.  

მეტი...

თბილისის საქალაქო სასამართლომ გაიზიარა პროკურატურის მიერ წარდგენილი მტკიცებულებები და მარიტა მეფარიშვილის გარდაცვალების საქმეზე ბრალდებული პირები – მერიის გარემოს დაცვის საქალაქო სამსახურის ყოფილი უფროსი, ,,ექსპერტიზა, მშენებლობა, დიზაინის“ სპეციალისტი და იურიდიული პირები – “გრინსერვის +”, “ექსპერტიზა, მშენებლობა, დიზაინი“ და  ,,მშენექსპერტი“ დამნაშავედ ცნო. ,,სასამართლოში გამოკვლეული მტკიცებულებებით დადასტურდა, რომ 2021 წლის 22 ოქტომბერს, ქალაქ თბილისის მუნიციპალიტეტის მერიის გარემოს დაცვის საქალაქო სამსახურსა  და შპს ,,გრინსერვისი +“-ს  შორის თბილისში, ვაკის პარკის ტერიტორიაზე არსებული შადრევნებისა და კასკადის სარეაბილიტაციო სამუშაოების თაობაზე სახელმწიფო შესყიდვების შესახებ ხელშეკრულებები გაფორმდა, რომლის თანახმად, მიმწოდებელი ვალდებული იყო მიღება-ჩაბარების აქტის გაფორმებამდე წარედგინა ექსპერტიზის ეროვნული ბიუროს…

მეტი...

მეშვიდე კლასის მოსწავლე, რომელიც 22 წლის  კაცმა ცოლად მოყვანის მიზნით მოიტაცა პოლიციამ თავშესაფარში გადაიყვანა. შემთხვევა ქარელის მუნიციპალიტეტის ერთ-ერთ სოფელში მოხდა. მეზობლებისა და ოჯახის წევრების თქმით, არასრულწლოვანი “გაცილებით უფროსი”, 15 წლის ეგონათ. 22 წლის კაცი, პოლიციამ უკვე დააკავა. ფაქტთან დაკავშირებით შინაგან საქმეთა სამინისტრომ გამოძიება სისხლის სამართლის კოდექსის 140-ე მუხლით აქვს დაწყებული, რაც 16 წლის ასაკს მიუღწეველ სხეულში სექსუალური ხასიათის შეღწევას გულისხმობს.

მეტი...

თბილისში, ვაზისუბანში ხანძარი იყო. გავრცელებული ინფორმაციით, ცეცხლი მე-10 კორპუსის მესამე სართულზე, ერთ-ერთ ბინაში გაჩნდა. ამ დროისთვის ხანძარი ლიკვიდირებულია. ხანძრის შედეგად არავი დაშავებულა. რამ გამოიწვია ცეცხლი, ამ ეტაპზე უცნობია.

მეტი...

ქარელის მუნიციპალიტეტის ერთ-ერთი სოფლიდან არასრულწლოვანი გოგო მოიტაცეს და სექსუალურად იძალადეს. ამის შესახებ ინფორმაციას ”მთავარი არხი” ავრცელებს. გავრცელებული ინფორმაციით, ბავშვი 2011 წელსაა დაბადებული და სტუმრად იმყოფებოდა ბებიასთან. დაკავებულია 22 წლის ბიჭი.

მეტი...

გაქცეული პატიმრების საქმეზე კიდევ ერთი ბადრაგი დააკავეს. დაკავებული მამაკაცი დუმილის უფლებით სარგებლობს. დაკავებული ბადრაგის მიმართ აღკვეთის ღონისძიების შეფარდებაზე სასამართლო დღეს იმსჯელებს. ამ ეტაპზე უცნობია, თუ რას ედავება საგამოძიებო უწყება საბადრაგო სამსახურის წარმომადგენელს. შეგახსენებთ, 1-ელ ნოემბერს თბილისში, ვაჟა-ფშაველას ქუჩაზე „ავერსის“ კლინიკაში გამოკვლევებზე მიყვანილი სამი პატიმარი გაიქცა. წყარო:პრაიმტაიმი

მეტი...