უნგრეთში ოფიციალური ვიზიტით მყოფმა სი ძინპინმა და უნგრეთის პრემიერმა ჩინეთ-უნგრეთის ურთიერთობის 21 პუნქტიანი შეთანხმება გააფორმეს. შეთანხმება „ახალ ეპოქაში“ გადასასვლელ ყოვლისმომცველ სტრატეგიულ პარტნიორობას ეხება. ვიქტორ ორბანსა და სი ძინპინს შორის მოლაპარაკებები ბუდაპეშტში, პრემიერ-მინისტრის ოფისში გაიმართა.
„ჩინეთი და უნგრეთი ერთმანეთს უყურებენ, როგორც პრიორიტეტულ პარტნიორს, ყოველთვის პატივს სცემენ და ეპყრობიან ერთმანეთს და აძლევენ კარგ მაგალითს ურთიერთსასარგებლო პრაგმატული თანამშრომლობისა. მხარეები შეთანხმდნენ, რომ შეინარჩუნონ მაღალი დონის გაცვლები, გააძლიერონ პოლიტიკური ურთიერთნდობა და გააღრმავონ თანამშრომლობა ორმხრივი სარგებლისთვის, რათა შენარჩუნდეს ორმხრივი ურთიერთობა მაღალ დონეზე და მეტი სარგებელი მოუტანოს ორ ხალხს“ – აღნიშნეს მხარეებმა.
რაც შეეხება გაფორმენულ 21 პუნქტს, ის მოიცავს შემდეგ საკითხებს:
- ორი მხარე მტკიცედ უჭერს მხარს ერთმანეთს ეროვნული სუვერენიტეტის, უსაფრთხოებისა და ტერიტორიული მთლიანობის დაცვაში.
- ჩინეთი პატივს სცემს უნგრეთის დამოუკიდებელ არჩევანს განვითარების გზაზე და მის ეროვნულ პირობებთან შესაბამის საშინაო და საგარეო პოლიტიკას და მხარს უჭერს უნგრული მხარის ძალისხმევას ეროვნული სტაბილურობის შესანარჩუნებლად და ეკონომიკური განვითარების ხელშეწყობისთვის.
- უნგრეთის მთავრობა მტკიცედ რჩება ერთი ჩინეთის პრინციპის დაცვაში და კიდევ ერთხელ ადასტურებს, რომ მსოფლიოში მხოლოდ ერთი ჩინეთია, რომ ჩინეთის სახალხო რესპუბლიკის მთავრობა არის ერთადერთი კანონიერი მთავრობა, რომელიც წარმოადგენს ჩინეთს. უნგრეთი ეწინააღმდეგება ყველა სახის სეპარატისტულ საქმიანობას ჩინეთის ერთიანობის დარღვევის მიზნით.
- მხარეები შეთანხმდნენ, რომ თანამშრომლობამ „ქამარი და გზის ინიციატოვის“ ფარგლებში ნაყოფიერი შედეგი გამოიღო და რომ BRI-მა დადებითი როლი ითამაშა ორივე ქვეყანაში ეკონომიკური განვითარების ხელშეწყობასა და ხალხის საარსებო წყაროს გაუმჯობესებაში.
- მხარეები კიდევ უფრო გააძლიერებენ გაცვლას და თანამშრომლობას ეკონომიკური განვითარების პოლიტიკის საკითხებში და ხელს შეუწყობს საუკეთესო პრაქტიკისა და გამოცდილების გაზიარებას ძირითად სფეროებში.
- უნგრული მხარე მიესალმება უფრო მეტ ჩინურ საწარმოს ინვესტირებას და ბიზნესის კეთებას უნგრეთში და მზად არის ხელი შეუწყოს მათთვის ხელსაყრელ საინვესტიციო და ბიზნეს გარემოს.
- ორივე მხარე აღიარებს, რომ უნგრეთს აქვს ხელსაყრელი შესაძლებლობები აღმოსავლეთისა და დასავლეთის ეკონომიკებისა და ტექნოლოგიების შეხვედრის ადგილის უზრუნველსაყოფად.
- ჩინური მხარე გააგრძელებს ქმედუნარიან ჩინურ საწარმოებს უნგრეთში ინვესტიციებისკენ წახალისებას.
- მხარეები ხელს შეუწყობენ მოწესრიგებულ თანამშრომლობას განვითარებად სფეროებში, მათ შორის სუფთა ენერგია, ხელოვნური ინტელექტი, მობილური კომუნიკაციის ტექნოლოგია და ბირთვული ენერგია და ტექნოლოგია.
- უნგრეთი-სერბეთის რკინიგზა არის საეტაპო პროექტი „ქამარი და გზის“ თანამშრომლობის ფარგლებში და ასევე ფლაგმანი პროექტი თანამშრომლობის ჩინეთსა და ცენტრალურ და აღმოსავლეთ ევროპის ქვეყნებს შორის (ჩინეთი-CEEC თანამშრომლობა).
21 პუნქტიანი შეთანხმება თამამშრომლობის თითქმის ყველა სფეროს მოიცავს.
